Jizzax viloyati G‘allaorol tumanida 24 fevral soat 16:12 da zilzila qayd etildi. Bu haqda Favqulodda vaziyatlar vazirligi Seysmoprognostik monitoring respublika markazi xabar berdi.

Zilzila koordinatalari: 39,97 gradus shimoliy kenglik; 67,74 gradus sharqiy uzunlik. Magnituda M=3,9. Chuqurlik 10 km. Zilzila episentri Toshkentdan 190 km janubiy-g‘arbda.

O‘zbekiston Respublikasi hududida sezilish kuchi:

  • Sharof Rashidov tumanida 2−3 ball, 13 km;
  • Jizzax shahrida 2−3 ball, 18 km;
  • Baxmal tumanida 2 ball, 27 km.

Eslatib o‘tamiz, 23 fevral kuni Tojikistondagi zilzila kuchi O‘zbekistonda ikki marta (1, 2) sezilgandi.

Avvalroq, «Gazeta.uz» nima uchun barcha zilzilalarni bashorat qilib bo‘lmasligi haqida olimlar bilan suhbatlashgandi.