Uzbekistan Airways xabar berishicha, talabalar 24-yanvargacha bo‘lgan aviaqatnovlarga 50% chegirma bilan xarid qilingan chiptalarni 23-fevralga qadar bepul boshqa muddatga almashtirib olishlari mumkin.
Kuchli qor va bo‘ron sharoitida Toshkentdan uchgan Uzbekistan Airways aviakompaniyasi samolyoti Minsk aeroportida uchish-qo‘nish yo‘lagidan chiqib ketdi. Dastlabki ma’lumotlarga ko‘ra, qurbonlar yo‘q.
AQShga kirish uchun yangi qoidalar e’lon qilindi. Unga ko‘ra, yo‘lovchilar parvozdan kamida 24 soat oldin PZR-test hamda kamida 15 kun oldin COVID-19ga qarshi to‘liq emlanganliklarini tasdiqlaydigan guvohnomaga ega bo‘lishlari kerak. Boshqa talablar ham bor.
Uzbekistan Airways kompaniyasi 8−13 yanvar kunlari Qozog‘iston shaharlariga uchishi rejalashtirilgan reyslarni bekor qildi.
«Uzbekistan Airways» 6 yanvarga mo‘ljallangan Nukusdan Aktobega va Toshkentdan Olmaotaga aviareyslarni bekor qildi. Parvozlar qachon tiklanishi hozircha ma’lum emas.
Uzbekistan Airways kompaniyasi talabalarga qulaylik yaratish uchun 7−9 yanvar kunlari Urganch, Buxoro, Namangan, Qarshi va Nukus shaharlaridan Toshkentga qo‘shimcha reyslar tashkillashtiradi.
«Uzbekistan Airways» kompaniyasi Oqtovga parvozlar bekor qilinganini ma’lum qildi. Bu Oqtov xalqaro aeroportining xalqaro parvozlarni qabul qilishni va amalga oshirishni yopganligi bilan bog‘liq.
Quyuq tuman sababli Urganch va Nukus aeroportlari yakshanba kunidan buyon parvozlarni qabul qilmayapti. Yo‘lovchilarga parvoz vaqtini aloqa markazidan yoki onlayn jadval orqali aniqlashtirish tavsiya etildi.
Turli hududlardan Toshkentda tahsil oluvchi talabalar Yangi yil ta’tilidan oldin uylariga samolyot, poyezd, avtobus va yengil mashinalarda yetib olishadi. «Gazeta.uz» Toshkentdan O‘zbekistonning olis hududlaridan bo‘lmish Nukus, Urganch, Qarshi, Termiz, Buxoro va Farg‘ona shaharlariga qaysi transport turlariga chiptalar qolganligi va taksilar narxi qanchagacha oshishi mumkinligini o‘rgandi.
Uzbekistan Airways kompaniyasi talabalarga 28 dekabrdan 10 yanvargacha ichki aviaqatnovlar uchun 50% chegirma taqdim etadi.
Uzbekistan Airways 24 dekabrdan Toshkent — Dehli — Toshkent yo‘nalishi bo‘yicha parvozlar haftasiga 2 marotaba amalga oshirilishini ma’lum qildi.
Humo Air aviakompaniyasi Farg‘ona — So‘x — Farg‘ona yo‘nalishida haftasiga ikki marotaba muntazam parvozlarni amalga oshirishni boshlaydi. Shuningdek, Samarqand aeroportidan aviaqatnovlar tiklanmoqda.
7 dekabr kuni tongda Urganch va Andijon aeroportlarida yomon ob-havo natijasida samolyotlar uchish va qo‘nishni amalga oshira olmadi. «Aeroflot» aviakompaniyasining Moskvadan uchgan reysi Nukusdagi zaxira aerodromga qo‘nishga majbur bo‘ldi.
2 noyabrdan boshlab Toshkent — Qarshi — Toshkent yo‘nalishi bo‘yicha aviaqatnovlar qayta tiklanadi. Parvozlar haftasiga 2 marotaba — seshanba va juma kunlari amalga oshiriladi.
“Samarqand” xalqaro aeroporti yangi aerodrom majmuasini ishga tushirishga tayyorgarlik ko‘rish munosabati bilan bir oyga yopildi. Barcha qatnovlar Navoiy, Buxoro, Qarshiga yo‘naltiriladi, bu yerdan yo‘lovchilar uchun Samarqandga yer usti transferi tashkil etiladi.
«Uzbekistan Airways» 26 sentabrdan Toshkent — Kiyev — Toshkent yo‘nalishi bo‘yicha aviaqatnovlarni tiklamoqda. Qatnovlar 6 yildan buyon amalga oshirilmayotgan edi.
Uzbekistan Airways Moskvaga birinchi gibrid aviatashuvini amalga oshirdi va Uzbekistan Express`da chiptalar narxlarini e’lon qildi. «Gazeta.uz» muxbiri «to‘liq ekonom» sharoitida bo‘lgan Airbus A320 samolyoti bilan tanishdi va asosiy hamda gibrid modellarning parvozlari o‘rtasida qanday farq borligini o‘rgandi.
Uzbekistan Airways aviakompaniyasi Uzbekistan Express gibrid modelga asoslangan avitashuvlarga o‘tmoqda. Ushbu modeldagi aviaqatnovlar Airbus A320 samolyotlarida «to‘liq ekonom» sharoitida bo‘ladi. Tariflar 20%ga arzonlashadi. Ushbu model asosidagi aviaqatnovlar Rossiya va Qozog‘iston shaharlariga uchadi.
«Uzbekistan Airways» Toshkent — Tbilisi — Toshkent yo‘nalishi bo‘yicha yakshanba kuni qo‘shimcha qatnovlarni yo‘lga qo‘yadi. Haftasiga umumiy hisobda uchta muntazam aviaqatnov: seshanba, juma va yakshanba kunlari bajariladi.
Senat so‘roviga muvofiq, Antimonopol qo‘mita «Uzbekistan Airways» chiptalari narxining qimmatligi sabablarini o‘rganib chiqdi. Unga ko‘ra, milliy aviatashuvchining chiptalari Rossiya, Qozog‘iston, Turkiya aviakompaniyalarining chiptalari narxidan 36 foizdan 148 foizgacha qimmatligi aniqlandi. Bunga, raqobat muhiti rivojlanmagani, kompaniya arzon aviachiptalarni sotuvga chiqarmagani, qolaversa, taklifni sun’iy kamaytirish orqali talabni oshirish va narxni qimmatligicha saqlab qolish sabab bo‘lgani aytilmoqda.
Qo‘shimcha imkoniyatlarga ega bulish uchun saytda ro‘yxatdan o‘ting