«shavkat mirziyoyev» tegli maqolalar
Prezident ichimlik suvi tannarxini pasaytirishni buyurdi
Prezident viloyat hokimlariga ichimlik suvi tannarxini pasaytirishni buyurdi. Endilikda suv ta’minoti bo‘yicha yangi loyihalar sharoitlar o‘rganilib, aholi rozili olinganidan so‘ng mahalliy kengashlarga ko‘rib chiqish uchun kiritiladi. Mablag‘, pudratchi va ishga tushirish sanalari ma’lumotlari e’lon qilib boriladi.
Prezident Qashqadaryoga jo‘nab ketdi
Seshanba kuni Shavkat Mirziyoyev hududlar rivoji, aholi turmushi bilan tanishish uchun Qashqadaryo viloyatiga jo‘nab ketdi.
“Davlat budjetining har bir satriga aniq mas’ullar biriktiriladi” — prezident
Prezident endilikda davlat budjetining har bir satri bo‘yicha aniq shaxslar javobgar bo‘lishini ma’lum qildi. U budjet intizomini kuchaytirish zarurligini, budjet mablag‘lari hisobidan to‘g‘ridan-to‘g‘ri shartnomalar tuzishga yo‘l qo‘ymaslik hamda ochiq-oshkora tanlov va tenderlar o‘tkazishni kengaytirishni ta’kidladi.
“Har bir so‘mni juda tejamkorlik, aql bilan ishlatish kerak” — O‘zbekiston prezidenti
Prezident Shavkat Mirziyoyev “har bir so‘mni juda tejamkorlik, aql bilan ishlatish” hamda budjet taqchilligi oshishiga yo‘l qo‘ymaslik zarurligini ta’kidladi, dedi iqtisodiyot va moliya vazirining birinchi o‘rinbosari Ilhom Norqulov. 2024-yildan boshlab kreditlar to‘liq infratuzilmaga ega tadbirkorlarga beriladi.
“Davlat tili taraqqiyotini boshqa millat vakillarining tili va madaniyatini rivojlantirish bilan bog‘liq holda ko‘ramiz” — prezident
Prezident Shavkat Mirziyoyev O‘zbekiston xalqini O‘zbek tili bayrami bilan tabrikladi. Davlat tilini rivojlantirish boshqa tillar va madaniyatlar rivoji bilan uyg‘unlikda ko‘rib chiqilishini ta’kidladi. Shuningdek, u lotinchadagi alifboni takomillashtirishda jamoatchilik fikrini inobatga olish zarurligini qayd etdi.
Prezident amaldor va deputatlarni yana yo‘llardagi o‘limga befarqlikda aybladi
“Yo‘llarda shuncha odam o‘lib ketyapti, ijtimoiy tarmoqlarga qarab bo‘lmaydi”, — dedi prezident yig‘ilishda. “Nega prezident tashvish qilib, hammani „yondirishi“ kerak? Nimaga deputatlar „yonmaydi“?” — so‘radi u. Qariyb bir yarim yil avval ham u amaldorlarni bunday “favqulodda holat”ga befarqlikda ayblagandi.
Qishloq xo‘jaligidagi suvning 36 foizi tuproqli kanal va ariqlarda yo‘qoladi — prezident
O‘zbekiston qishloq xo‘jaligida yil davomida 39 mlrd kub metr suv iste’mol qilingan. Shundan 36 foizi yoki 14 mlrd kub metri tuproq o‘zanli kanal va ariqlarda yo‘qolgan, dedi prezident. Yana 5−6 mlrd kub metr suv sug‘orishning eskirgan usullari tufayli yo‘qotilmoqda.
O‘zbekiston hukumati 2023-yilda YAIM o‘sishi kamida 5,6 foiz bo‘lishini kutmoqda
Yanvar-sentabr oylarida O‘zbekiston iqtisodiyoti 5,8 foizga o‘sdi. Prezident ishtirokidagi yig‘ilishda yil yakunlari bo‘yicha YAIM o‘sishi kamida 5,6 foiz bo‘lishi kutilayotgani aytildi. Shavkat Mirziyoyev 2024-yilga mo‘ljallangan iqtisodiy dasturni puxta ishlab chiqish bo‘yicha topshiriq berdi.
Shavkat Mirziyoyev xalqaro sa’y-harakatlarni “Yashil ipak yo‘li” doirasida bog‘lashni taklif qildi
O‘zbekiston prezidenti “Bir makon, bir yo‘l” forumida so‘zlagan nutqida Markaziy Osiyo va Ipak yo‘li mamlakatlari iqtisodiyot tarmoqlarini “yashil” taraqqiyot talablari asosida transformatsiya qilish, shuningdek, “Yashil moliyalashtirish” jamg‘armasini tashkil etishni taklif qildi.
Shavkat Mirziyoyev Si Szinpinni O‘zbekistonga kelishga taklif etdi
O‘zbekiston prezidenti XXR raisi Si Szinpin bilan muzokaralar o‘tkazdi. Unda Toshkentda Sinxua va Pekin universitetlari filiallarini ochish taklifi bildirildi. Muzokaralar yakunida Shavkat Mirziyoyev Si Szinpinni O‘zbekistonga kelishga taklif etdi.
Xitoyning Amer International kompaniyasi O‘zbekistonda mintaqaviy ofisini ochmoqchi
Xitoyning Amer International industrial-sanoat xoldingi O‘zbekistonda mintaqaviy ofisini ochishi mumkin. Shavkat Mirziyoyev kompaniya raisi bilan uchrashuvda misni qayta ishlash, elektrotexnika, elektromobillar uchun akkumulyator batareyalari va yarimo‘tkazgichlar ishlab chiqarish bo‘yicha hamkorlikni muhokama qildi.
O‘zbekiston prezidenti Global xavfsiz turizm kodeksini ishlab chiqishni taklif qildi
Dunyoning turli mintaqalaridagi nizo va beqaror vaziyatlar turizmga pandemiyadan ko‘ra ko‘proq ta’sir ko‘rsatmoqda, dedi O‘zbekiston prezidenti YUNVTO Bosh assambleyasining 25-sessiyasi ochilishida. U Global xavfsiz turizm kodeksini ishlab chiqish hamda sohani rivojlantirish bo‘yicha qator takliflarni ilgari surdi.
“Daraxtlarni nomiga emas, hayotimiz, ertangi kunimiz uchun ekish kerak” — Shavkat Mirziyoyev
“Yashil makon” loyihasi doirasidagi daraxtlarni nomiga emas, “hayotimiz uchun, o‘pkamizning tozaligi uchun ekish zarur, chunki bu o‘zimizga, jamiyatimizga, salomatligimizga kerak”, — dedi O‘zbekiston prezidenti.
Shavkat Mirziyoyev Xitoyga boradi
Prezident 17−18-oktabr kunlari amaliy tashrif bilan Xitoyda bo‘ladi. Davlat rahbari “Bir makon, bir yo‘l” uchinchi xalqaro forumi tadbirlarida ishtirok etishi, XXR raisi, shuningdek, Xitoy Xalq siyosiy maslahat kengashi raisi bilan uchrashishi kutilmoqda.
Prezident Tashkent City hududidagi opera teatri qurilishini ko‘zdan kechirdi
O‘zbekiston prezidenti Tashkent City hududida qurilishi 15 kun ichida yakunlanishi rejalashtirilgan opera teatri loyihasi bilan tanishdi. Dastlab opera teatri biznes markazi loyihalariga kiritilmagan, obyekt Milliy bog‘dagi quritilgan ko‘l o‘rnida qurilishi rejalashtirilgan edi.
Prezident Toshkentda qishda issiqlikni kafolatlash bo‘yicha topshiriq berib, energiyani tejash haqida eslatdi
O‘zbekiston prezidenti o‘tgan qishdan buyon “qanday xulosalar chiqarilganini ko‘rish” maqsadida Toshkentdagi qator yangi va yangilangan issiqlik ta’minoti obyektlarida bo‘ldi. Uylar va boshqa obyektlar issiq bo‘lishini ta’minlash bo‘yicha topshiriq berdi. “Energiyani tejash madaniyatini oshirishimiz ham kerak”, — dedi u.
Shavkat Mirziyoyev MDHning Faxriy nishoni bilan taqdirlandi
MDH davlatlari rahbarlari sammitida Qirg‘iziston prezidenti Sadir Japarov O‘zbekiston prezidenti Shavkat Mirziyoyevni MDH Faxriy nishoni bilan taqdirladi. Sadir Japarov Shavkat Mirziyoyevning do‘stlik va yaxshi qo‘shnichilik munosabatlarini mustahkamlashga qo‘shgan hissasini e’tirof etdi.
Mirziyoyev MDH sammitida savdo shartnomalari qoidalarini qayta ko‘rib chiqishni taklif qildi
Bishkekdagi MDH majlisida qatnashgan Shavkat Mirziyoyev hamdo‘stlik mamlakatlarida cheklovlarsiz erkin savdo hududini shakllantirish uchun shartnoma qoidalarini qayta ko‘rib chiqishni taklif etdi. Shuningdek, oziq-ovqat xavfsizligi, sanoat kooperatsiyasi va iqlim o‘zgarishi kabi yo‘nalishlarda ham taklif bildirdi.
O‘zbekiston prezidenti kuzgi daraxt ekish mavsumini e’lon qildi
O‘zbekistonda 25-oktabrdan 1-dekabrgacha kuzgi daraxt ekish mavsumi doirasida 85 mln tup ko‘chat ekish rejalashtirilmoqda. Prezident bu borada avval yo‘l qo‘yilgan xatolarni takrorlamaslik shart ekanini ta’kidladi. U obodonlashtirish bo‘limlarini xususiy sektorga o‘tkazish bo‘yicha tajriba o‘tkazishni ma’qulladi.
Yangi parvozlar, tozalik va tabassum. O‘zbekiston prezidenti sayyohlarni jalb etish bo‘yicha topshiriqlar berdi
Prezident O‘zbekistonga sayyohlarni ko‘paytirish masalalari bo‘yicha yig‘ilishda bu borada yaqin xorij va Xitoy katta salohiyatga egaligini ta’kidladi. Madaniy tadbirlarni ko‘paytirish, filmlar suratga olish, turizm obyektlarida tozalik, xushmuomalalikni targ‘ib qilish bo‘yicha ko‘rsatmalar berildi.
Eng ko‘p o‘qilgan xabarlar | So‘nggi yangiliklar
- Qisqa yomg‘irdan so‘ng Toshkent ko‘chalarini suv bosdi (video)
- Samarqandda xandaq qazilgani ortidan qo‘shni uy qulab tushdi (video)
- To‘qqizta hududda sel kelishi kutilmoqda
- O‘zbekistonda avtomobillar savdosi ketma-ket uchinchi oy pasaymoqda
- Nogironligi bo‘lgan shaxslar uchun davlat xizmatlaridan foydalanish qanchalik imkonli?
Qo‘shimcha imkoniyatlarga ega bulish uchun saytda ro‘yxatdan o‘ting