«rossiya» tegli maqolalar
Yevrokomissiya rahbari: «Ukraina YeIga a’zo bo‘lishi kerak, biz uni Yevropa oilasida ko‘rishni istaymiz»
«Ukraina vaqt o‘tib, YeIga a’zo bo‘lishi kerak, bu mamlakat — bizlarning bittamiz, biz uni Yevropa oilasida ko‘rishni istaymiz», — dedi Yevropa komissiyasi rahbari Ursula fon der Lyayen. U Ukraina Yevropa qadriyatlarini tushunishini va tinch demokratik sharoitda yashashni istashini ta’kidladi. Germaniya kansleri Bundestag qarshisida chiqish qilar ekan, Ukrainaga amalga oshirilgan bosqin uchun butun boshli rus xalqi emas, balki Vladimir Putinning shaxsan o‘zi javobgarligini aytdi.
Ukraina va Rossiya muzokaralari boshlandi
Ukraina va Belarus chegarasida Ukraina va Rossiya delegatsiyalari o‘rtasida muzokaralar boshlandi. Ukraina delegatsiyasi muzokara uchun belgilangan hududga Gomel orqali to‘g‘ridan-to‘g‘ri yo‘l bilan emas, balki aylanma hudud — Polsha orqali kelgan. Muhokamalarning asosiy mavzusi — o‘t ochishni zudlik bilan to‘xtatish va Ukraina hududidan qo‘shinlarni olib chiqib ketish ekanligi aytilmoqda.
Putin yadro qurollarini o‘z ichiga olgan tiyib turuvchi kuchlarni shay holatga keltirishni buyurdi
Vladimir Putin Rossiya mudofaa vaziri va Bosh shtab boshlig‘iga armiyaning tiyib turuvchi kuchlarni «harbiy navbatchilikning maxsus rejimiga» o‘tkazishni buyurdi. Ushbu strategik kuchlar Rossiya armiyasining asosi bo‘lib, unda tajovuzkorlarga qarshi yadro qurolidan foydalanish mumkinligi ham nazarda tutilgan.
Ukraina Rossiya ustidan BMT Xalqaro sudiga shikoyat kiritdi
Vladimir Zelenskiy BMT Xalqaro sudiga Rossiya ustidan shikoyat kiritganini e’lon qildi. Ukraina rahbari Xalqaro suddan Rossiyaga harbiy harakatlarni to‘xtatishni buyurishni so‘rab, sud jarayonlari kelasi hafta boshlanishiga umid bildirgan.
Jahon yangiliklari dayjesti
Vladimir Putinning Ukraina harbiylariga hokimiyatni o‘z qo‘llariga olishni taklif qilgani, Rossiyaning Yevropa Kengashidagi a’zoligi to‘xtatilgani, Burkina-Fasoda oltin konidagi portlash oqibatida 60 kishining vafot etgani, Tayvan o‘z hududidagi havo hujumidan mudofaa zonasida Xitoy samolyotlari kirganini bildirgani va boshqa yangiliklar — «Gazeta.uz»ning jahon yangiliklari dayjestida.
Kreml: Shavkat Mirziyoyev Rossiyaning Ukrainada amalga oshirayotgan harakatlarini tushunishini bildirdi
O‘zbekiston va Rossiya rahbarlari telefonda muloqot qilib, «Ukrainadagi demilitarizatsiya va denatsifikatsiya» vaziyatini muhokama qilishdi.
Zelenskiy Putinga muzokara o‘tkazishni taklif etdi
Ukraina prezidenti Vladimir Zelenskiy RF prezidenti Vladimir Putinga muzokaralar stoli atrofida uchrashishni taklif etdi. Ukraina rahbari «odamlarning halok bo‘lishini to‘xtatish uchun muzokaralar stoliga o‘tirish kerakligini» ta’kidlagan. Putin muzokaralarga tayyorligini bildirgan.
Ukraina Rossiya bilan neytrallik maqomi haqida muzokara o‘tkazishga tayyorligini bildirdi
Vladimir Zelenskiyning ofisi Ukraina Rossiya bilan neytrallik maqomi haqida muzokaralarga tayyorligini e’lon qildi. Ukraina mamlakat xavfsizligi bo‘yicha kafolatlar berilishi kerakligini ham ta’kidlagan.
Rossiya milliarderlari Ukrainadagi voqealar fonida $39 mlrd yo‘qotdi
Bloomberg nashri Rossiyaning Ukrainaga bostirib kirishi oqibatida rossiyalik milliarderlar 39 mlrd yo‘qotganligini ma’lum qildi. «Lukoyl» prezidenti Vagit Alekperov 6,2 mlrd dollar yo‘qotgan bo‘lsa, Alisher Usmonovning boyliklari 1,2 mlrd dollarga kamaygan.
Zelenskiy 137 nafar harbiy halok bo‘lganini ma’lum qildi
Ukraina prezidenti Vladimir Zelenskiy Rossiya hujumlari natijasida 137 nafar harbiy halok bo‘lgani, 316 nafari jarohatlanganini ta’kidladi. U Kiyevda «xalqi bilan yakka o‘zi qolganini» ma’lum qilgan. «Biz vatanimiz himoyasi masalasida yolg‘iz qoldik, hech kim biz bilan birgalikda jang qilishni xohlamayapti», degan davlat rahbari.
UEFA Chempionlar Ligasi finalini Sankt-Peterburgda o‘tkazmaslikka qaror qildi
UEFA Ukrainadagi vaziyat tufayli Chempionlar ligasi finalini Rossiyada o‘tkazmaslikka qaror qildi. Bu 25 fevral kuni o‘tadigan UEFA Ijroiya qo‘mitasining navbatdan tashqari yig‘ilishida tasdiqlanadi.
Rossiyaning Ukrainaga qo‘shni viloyatlaridagi o‘zbekistonliklarning xavotirlanishiga hech qanday asos yo‘q — TIV
Tashqi ishlar vazirligi O‘zbekiston fuqarolari, shu jumladan, Rossiyaning Ukrainaga yaqin hududlarida joylashgan OTMlar talabalari uchun xavotirlanishga sabab va asoslar yo‘qligini ma’lum qildi. TIV agar fuqarolarga tahdid bo‘lsa, o‘z vaqtida choralar ko‘rilishi va ular O‘zbekistonning Moskvadagi elchixonasi va Rostov-Dondagi bosh konsulxonasiga qo‘ng‘iroq qilishlari mumkinligini bildirdi.
Peskov Putin qanday shartlar asosida Zelenskiy bilan uchrashishi mumkinligini aytdi
Rossiya prezidenti matbuot kotibi Dmitriy Peskov RF prezidenti Ukraina rahbari bilan uchrashishi mumkinligini istisno qilmayapti. Peskovga ko‘ra, Ukraina Rossiya tomonidan qo‘yilgan muhim masalalar, ya’ni, o‘zining neytrallik maqomi, qurollarni o‘z hududida joylashtirmaslik singari mavzularda gaplashishga tayyor bo‘lsa, u holda prezidentlar uchrashishi mumkin.
Ukraina atrofidagi voqealar fonida xorijiy davlatlar rahbarlari munosabati
Turli davlatlar rahbarlari Rossiyaning Ukrainaga bosqinidan keyin vaziyatga o‘z munosabatlarini bildirishmoqda. Davlat rahbarlarining aksariyati o‘z chiqishlarida RFning harakatlarini qoralab, Ukrainaga yordam berish zarurligini ta’kidlashgan.
Ukraina Rossiya bilan diplomatik munosabatlarni uzdi
Ukraina prezidenti Vladimir Zelenskiy navbatdagi murojaatida Rossiya bilan diplomatik aloqalar uzilganini e’lon qildi. U shuningdek, rossiyaliklarni Ukraina bilan urushga qarshi mitinglarga chiqishga chorladi.
BMT shoshilinch yig‘ilishida Rossiyaning Ukrainaga bosqini dunyo hamjamiyati tomonidan keskin qoralandi
BMT Ukrainadagi vaziyat fonida shoshilinch yig‘ilish chaqirdi. Tashkilotga a’zo mamlakatlarning doimiy vakillari tomonidan «Rossiya tomonidan bo‘layotgan tajovuz to‘xtatilishi kerak» degan bayonotlar yangradi. Rossiyaning BMTdagi doimiy vakili Vasiliy Nebenzya esa o‘z chiqishida G‘arb mamlakatlari tomonidan Rossiya agressiya haqida bildirilgan fikrlarni rad etdi. Nebenzyaning so‘zlariga ko‘ra, Rossiya agressiyasi Ukraina xalqiga emas, Kiyevda hukumatni qo‘lga olgan xuntaga qarshi qaratilgan.
Ukraina havodan hujumga qarshi mudofaa tizimlari to‘liq bostirildi — RF Mudofaa vazirligi
Rossiya Mudofaa vazirligi Ukraina qurolli kuchlari aviabazalari harbiy infratuzilmalari to‘liq ishdan chiqarilganini, Ukraina chegara qo‘shinlari hech qanday qarshilik ko‘rsatmayotganligi haqida xabar berdi. Ukraina qurolli kuchlari genshtabi esa «agressorning beshta samolyoti va vertolyoti» urib tushirilganligini ma’lum qilmoqda.
Rossiya janubidagi 12 ta aeroport vaqtincha yopildi
Ukraina atrofidagi vaziyat keskinlashgani munosabati bilan Rossiya janubidagi 12 ta aeroport faoliyati 2 martga qadar to‘xtatildi. RF Ukraina bilan chegara hududlarining havo kengliklari fuqaro aviatsiyasi uchun yopilganini e’lon qildi.
BMT bosh kotibi Vladimir Putinga murojaat qilib, Rossiya qo‘shinlarini Ukraina chegarasidan olib ketishni so‘radi
24 fevralga o‘tar kechasi BMT xavfsizlik kengashi Ukraina atrofidagi mojarolarga bag‘ishlangan yig‘ilishni chaqirdi. BMT bosh kotibi o‘z chiqishida Rossiya prezidenti Vladimir Putinni Ukrainaga bostirib kirishni to‘xtatishni, «tinchlikka imkon berishini» so‘ragan va tinchlik o‘rnatishga chaqirgan.
Jahon yangiliklari dayjesti
Ukrainada sodir bo‘lgan oxirgi yangiliklar, Putin va Erdog‘an Ukraina sharqidagi mojaroni muhokama qilgani, Shimoliy Koreya AQShni Yaponiyani Rossiyaga qarshi kampaniyaga jalb qilishda ayblayotgani, 24 fevral kuni Bryusselda Ukraina bo‘yicha Yevropa Ittifoqining favqulodda sammiti bo‘lib o‘tishi va boshqa yangiliklar — «Gazeta.uz»ning jahon yangiliklari dayjestida.
Eng ko‘p o‘qilgan xabarlar | So‘nggi yangiliklar
- Yangi Chery avtomobillarining taqdimoti: narxlar e’lon qilindi
- Toshkentdagi Pushkin haykali atrofida zamonaviy suvtushar bog‘ barpo etiladi (foto)
- Futzal JCH: O‘zbekiston durang bilan boshladi va birinchi kunning boshqa natijalari
- Shaxmat bo‘yicha O‘zbekiston erkaklar jamoasi Olimpiadada ilk mag‘lubiyatga uchradi, qizlar esa g‘alabali yurishni davom ettirmoqda
- Foto, video: Vodorod sulfid sizib chiqqan M-25 konidagi quduqda so‘ndirish jarayoni yakunlandi
Qo‘shimcha imkoniyatlarga ega bulish uchun saytda ro‘yxatdan o‘ting