«prezident» tegli maqolalar
«Odamlarimiz hatto hovlisi atrofini tozalashdan erinadigan bo‘lib qolgan». Mirziyoyev hududlardagi ekologik holat haqida
Prezident Shavkat Mirziyoyev O‘zbekistonda yillik hosil bo‘layotgan maishiy chiqindilar miqdori 7 million tonnaga yetganini ma’lum qildi. Davlat rahbari 2022 yilda maishiy chiqindi to‘plash qamrovini 95 foizga, qayta ishlash hajmini 40 foizga yetkazish vazifasini qo‘ydi. «Odamlarimiz hatto eshigi va hovlisi atrofini tozalashdan, daraxt, gul, ko‘chat ekib, saranjom-sarishta qilib qo‘yishdan erinadigan bo‘lib qoldi», — dedi prezident.
Toshkentda Inson qadri indeksi joriy etiladi
Toshkent mahallalarida aholi muammolarini o‘rganish orqali poytaxtda inson qadri indeksi joriy qilinadi. Prezident indeks mezonlarini ishlab chiqish va joriy etish bo‘yicha ilmiy asoslangan tizim yaratishni buyurdi.
Shavkat Mirziyoyev Markaziy Osiyo va Xitoy davlat rahbarlari uchrashuvida qatnashdi
O‘zbekiston prezidenti Markaziy Osiyo va Xitoy davlat rahbarlari ishtirokidagi videoanjumanda ishtirok etdi. Shavkat Mirziyoyev tadbirda yangi iqtisodiy muloqot strategiyasini ishlab chiqishni, «Xitoy — Qirg‘iziston — O‘zbekiston» temir yo‘lini qurishni joriy yildanoq boshlash g‘oyasini ilgari surdi. Davlat rahbari 2023 yilni «Markaziy Osiyo va Xitoy xalqlari madaniyati va san’ati yili» deb e’lon qilishni taklif qildi.
Vaziyat shaxsan prezident nazorati ostida — Sherzod Asadov
Prezident matbuot kotibi O‘zbekistonda elektr energiyasi o‘chishi bilan bog‘liq vaziyat prezident nazoratida ekanligini ma’lum qildi. «Barchangizni xotirjamlikni saqlash va sarosimaga tushmaslikka chaqirib qolamiz. Vahimaga o‘rin yo‘q», — deya ta’kidladi u.
14 yanvar kuni O‘zbekistonda sodir bo‘lgan eng muhim xabarlar dayjesti
Onlayn auksionda sotilgan qariyb 300 mlrd so‘mlik avtoraqamlar, 16 fevral voqealarida qatnashganlikda gumon qilingan shaxsning O‘zbekistonga qaytarilgani, Sharof Rashidov nomi berilgan SamDU, emlanganlar o‘rtasidagi lotereya o‘tkazilishi va unga avtomobil qo‘yilgani, xonadonida baliq yetishtiruvchilarga beriladigan 81 mln so‘mlik kredit, tunda «tez yordam» stansiyasiga borgan vazir va boshqa xabarlar — «Gazeta.uz» ning 14 yanvardagi eng muhim xabarlari dayjestida.
2022 yilda eksport hajmini 14 mlrd dollarga yetkazish hisob-kitob qilingan
2021 yilda O‘zbekistonda 10 mlrd dollardan ortiq xorijiy investitsiyalar o‘zlashtirilib, 12 mlrd dollarlik mahsulot va xizmatlar eksport qilindi. 2022 yilda eksport hajmini 14 mlrd dollarga yetkazish hisob-kitob qilingan.
Shavkat Mirziyoyev qisqa muddatli ta’tilga chiqdi
Prezident Shavkat Mirziyoyev 5 yanvardan qisqa muddatli mehnat ta’tiliga chiqdi.
Prezident: «Xalqimizning hayoti yanada farovon bo‘lishi uchun bor kuchlarimizni safarbar etamiz»
Prezident Shavkat Mirziyoyev O‘zbekiston xalqini Yangi yil bayrami bilan tabrikladi. «Ishontirib aytamanki, xalqimizning hayoti yanada farovon va mazmunli bo‘lishi uchun bor kuch va imkoniyatlarimizni safarbar etamiz», — dedi davlat rahbari.
2022 yil «Inson qadrini ulug‘lash va faol mahalla yili» deb e’lon qilindi
Shavkat Mirziyoyev yangi 2022 yilni O‘zbekistonda «Inson qadrini ulug‘lash va faol mahalla yili» deb e’lon qilishni taklif etdi. Prezident yilni nomlash bo‘yicha taklifini birinchi marotaba Yangi yil arafasida e’lon qilmoqda.
Shavkat Mirziyoyev Sankt-Peterburg shahriga yetib keldi
Shavkat Mirziyoyev amaliy tashrif bilan Rossiyaning Sankt-Peterburg shahriga yetib keldi. O‘zbekiston prezidenti mazkur tashrif davomida MDHga a’zo davlatlar rahbarlarining norasmiy sammitida ishtirok etadi.
«Biri korrupsiyaga yo‘l ochadi, boshqasi darrov g‘o‘ddayib, oyog‘i yerdan uziladi». Prezident Toshkent viloyati hokimlari haqida
Shavkat Mirziyoyev Olmaliq shahrida faollar bilan uchrashuvda Toshkent viloyatidagi kadrlar muammosi haqida gapirdi. «Biri korrupsiyaga yo‘l ochadi, boshqasi darrov g‘o‘ddayib, oyog‘i yerdan uziladi. Men amalni beraman, lekin arqonni uzun tashlab qo‘yaman», — dedi u. Toshkent viloyatida so‘nggi 6 yilda yettinchi hokim lavozimga tayinlandi.
Favqulodda holat to‘g‘risidagi qonun qabul qilindi
Prezident «Favqulodda holat to‘g‘risida»gi qonunni imzoladi, bu butun mamlakatda umumiy — 2 oygacha, respublikaning ayrim hududlarida esa — 4 oygacha favqulodda holat joriy etishga imkon beradi. Favqulodda cheklovlar qatoriga — kommendantlik soati, karantin, OAVlar faoliyati va fuqarolar harakatlanishi erkinligini cheklash, qolaversa, jamoat tartibi muhofazasini kuchaytirish va ommaviy tadbirlarni taqiqlash kiradi.
Shavkat Mirziyoyevning saylovdan keyingi birinchi davlat tashrifi Qozog‘istonga bo‘ladi
O‘zbekiston prezidenti Shavkat Mirziyoyev 5−6 dekabr kunlari Qozog‘istonga davlat tashrifini amalga oshiradi. Bu oktabrdagi saylovdan keyin birinchi davlat tashrifi hisoblanadi.
Muzeylarning pulli xizmatlar ko‘rsatishiga ruxsat berildi
Prezident muzeylarning daromad keltiradigan faoliyat bilan shug‘ullanishiga ruxsat beruvchi qonunni imzoladi. Ilgari muzeylarga tijoriy faoliyatni amalga oshirish taqiqlangan edi. Xizmat ko‘rsatish chog‘ida muzeylar ashyolar va kolleksiyalar but saqlanishini ta’minlashi kerak.
«Har bir xonadonda kamida 100 ta parranda, 20 ta quyon, 5−6 ta qo‘y va echki, 5 ta asalari uyalari boqishni yo‘lga qo‘yish zarur» — Shavkat Mirziyoyev
Prezident raisligidagi yig‘ilishda 500 ming gektarlik tomorqalardan foydalanish uchun 100 mln dollar ajratilishi ma’lum qilindi. Shavkat Mirziyoyev aholi daromadini oshirish uchun har bir xonadonda kamida 100 ta parranda, quyon, qo‘y, echki, asalari uyalari boqishni yo‘lga qo‘yish zarurligini ta’kidladi. Tomorqa xo‘jaligini rivojlantirish uchun subsidiyalar, garovsiz kreditlar ajratiladi, har bir tumanda kooperatsiyalar tashkil etiladi.
Prezident «Yangi O‘zbekiston ma’muriy islohotlari dasturi»ni ishlab chiqish bo‘yicha topshiriq berdi
Prezident «2022−2023 yillarga mo‘ljallangan Yangi O‘zbekiston ma’muriy islohotlari dasturini ishlab chiqish» bo‘yicha topshiriq berdi. Unda davlat boshqaruvi tizimi va mahalliy davlat hokimiyati organlarini «aholining farovonligini ta’minlash samaradorligi»ga e’tibor qaratish hamda «mobil boshqaruv apparati»ni yaratish orqali ularning samaradorligini oshirish maqsad qilingan.
Prezident tibbiyot xodimlari bilan ochiq muloqot o‘tkazadi
Shavkat Mirziyoyev navbatdagi ochiq muloqotni tibbiyot sohasi vakillari, jumladan, olimlar, shifokorlar, farmatsevtlar, hamshiralar va tizim xodimlari bilan o‘tkazadi. Shundan kelib chiqib, SSV aholi va tibbiyot xodimlarining taklif, muammo va kamchiliklarini o‘rganish maqsadida maxsus «Call-markaz»ni ishga tushirdi.
Prezident qishloq xo‘jaligiga mo‘ljallanmagan yerlarni xususiylashtirishga oid qonunni imzoladi
Endi tadbirkorlik, shaharsozlik, yakka tartibda uy-joy qurish va uni obodonlashtirish uchun berilgan yerlar, qolaversa, xususiylashtirilgan davlat obyektlari hududlarini xususiylashtirish mumkin. Ariza berish tartibi, uni rad etish asoslari, xususiylashtirilgan yerlarni mulkdordan olib qo‘yishni tartibga soluvchi qonun prezident tomonidan imzolandi.
Konstitutsiyani takomillashtirish taklifi bildirildi
Prezident Shavkat Mirziyoyev inauguratsiyaga bag‘ishlangan marosimda Konstitutsiyani takomillashtirish masalasini ko‘rib chiqishga e’tibor qaratdi. «Tub burilish davrida ko‘pgina davlatlarda konstitutsiyaviy islohotlar amalga oshirilganini ko‘ramiz», — dedi u.
Shavkat Mirziyoyev O‘zbekiston prezidenti sifatida qasamyod qildi
oktabrda prezidentlikka qayta saylangan Shavkat Mirziyoyev O‘zbekiston prezidenti sifatida qasamyod qildi va yana davlat rahbari lavozimini bajarishga kirishdi.
Eng ko‘p o‘qilgan xabarlar | So‘nggi yangiliklar
- 14-mayda diniy tadbir tufayli vaqtinchalik avtobus yo‘nalishlari tashkil etiladi
- Maktab ta’limi vazirligi “So‘nggi qo‘ng‘iroq”ni o‘tkazish bo‘yicha an’anaviy tavsiyalarni berdi
- Qirg‘izistondagi zilzila kuchi Namanganda ham sezildi
- Surxondaryoda Tracker yuk mashinasiga urilishi oqibatida 5 kishi halok bo‘ldi
- O‘zbekistonning 14 ta chekka tumani va 1 ta shahrida IT-shaharchalar tashkil etiladi
Qo‘shimcha imkoniyatlarga ega bulish uchun saytda ro‘yxatdan o‘ting