«markaziy bank» tegli maqolalar
Oson va PayWay xalqaro pul o‘tkazmalarini to‘xtatdi
Oson to‘lov xizmati 5-sentabrdan xalqaro pul o‘tkazmalari va xorijiy xizmatlar uchun to‘lovlarni vaqtincha to‘xtatdi. PayWay ham barcha xalqaro yo‘nalishlarda, shu jumladan, Rossiyadan va Rossiyaga pul o‘tkazmalarini to‘xtatmoqda va buni Markaziy bankning talabi bilan izohladi.
Qimmatli qog‘ozlar markaziy depozitariysi Markaziy bankga o‘tkaziladi
“Qimmatli qog‘ozlar markaziy depozitariysi” davlat unitar korxonasi “Qimmatli qog‘ozlar markaziy depozitariysi” AJga o‘zgartiriladi va uning ustav kapitalidagi davlat aksiyalari paketi Markaziy bankka o‘tkaziladi. Shuningdek, “Milliy kliring markazi” tashkil etiladi.
Oson — MB jarimasi va transchegaraviy tranzit operatsiyalar taqiqlanishi haqida
“Gazeta.uz”ga Brio Group (Oson) MB qo‘llagan jarima yuzasidan izoh berdi. Shuningdek, to‘lov tashkilotlari 5-sentabrdan transchegaraviy tranzit operatsiyalar taqiqlanishi haqida ogohlantirilgani aytildi. Kompaniya MBdan millionlab mijozlarga ta’sir qiluvchi masala bo‘yicha shaffof muloqot tashkil etishni so‘rayapti.
Qonun talablarini buzgani uchun Oson`ga jarima sanksiyasi qo‘llandi
Markaziy bank jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish to‘g‘risidagi qonunchilik hujjatlari talablarini buzgani uchun Brio Group (Oson) to‘lov tashkilotiga nisbatan jarima sanksiyasi qo‘llanganini ma’lum qildi.
O‘zbekistonda uy-joy narxlarining o‘sishi tezlashdi
O‘zbekistonda uy-joy narxining o‘sishi tezlashdi, deyiladi MB sharhida. Ikkilamchi uylar narxi yillik hisobda 27,2 foizga, yangi uylarniki 21 foizga oshdi. Talab asosan ipoteka kreditlari hisobiga ortmoqda. Toshkentda yer uchastkalari narxi sotixiga 282 mln, uy-joylar narxi kvadratiga 11,3 mln so‘mgacha yetdi.
Markaziy bankka oilaviy tadbirkorlikni kreditlash bo‘yicha topshiriq berildi
Prezident farmoniga ko‘ra Markaziy bank 2024-yildan oilaviy tadbirkorlik dasturlari uchun banklarga kamida 2 trln so‘m miqdorida kreditlar ajratishi kerak. Bungacha mazkur maqsadlar uchun pul TTJ yoki budjetdan ajratilgan. MB mablag‘larini rasmiy jalb qilish (qonunda nazarda tutilmagan) ilk bor kuzatiladi.
“O‘z e’tirozlarimizni bildirdik”. AQShning “Ohangaronsement”ga qarshi sanksiyalari haqida MB rahbari
Prezident topshirig‘i bilan tuzilgan ishchi guruh AQShda bo‘lib, “Ohangaronsement” va ta’sischisi Akkermann Cement CA`ga (Alisher Usmonovning USM xoldingidagi kompaniya tomonidan tashkil etilgan) qarshi sanksiyalar bo‘yicha o‘z e’tirozlarini bildirdi, deya ma’lum qildi Markaziy bank rahbari Mamarizo Nurmuratov.
Elektr energiyasi va gaz narxi oshishi 2023-yil uchun inflyatsiya prognozida aks ettirilgan — Markaziy bank raisi o‘rinbosari
O‘zbekistonda elektr energiyasi, gaz va suv narxlarining liberallashtirilishi va uning narxlar o‘sishiga ta’siri 2023-yil uchun inflyatsiya prognozida nazarda tutilgan, dedi Markaziy bank raisi o‘rinbosari Behzod Hamroyev.
Markaziy bank so‘mning keskin qadrsizlanishiga izoh berdi
O‘zbekistonning qator banklarida dollar kursi 12 ming so‘mdan oshib ketdi. Markaziy bank holatni izohlab, asosiy savdo-hamkor davlatlar milliy valyutalarining sezilarli qadrsizlanishi ichki valyuta bozoridagi taklifga salbiy taʼsir o‘tkazganini qayd etdi.
Markaziy bank rahbariga kadrlar siyosati va rejim bo‘yicha o‘rinbosar tayinlandi
Ulug‘bek Nosirov O‘zbekiston Markaziy banki raisining yangi o‘rinbosari bo‘ldi, deya xabar berdi “Gazeta.uz” manbasi. U “kadrlar siyosati va rejim nazorati” uchun mas’ul bo‘ladi.
O‘zbekiston oltin-valyuta zaxiralari ketma-ket to‘rtinchi oy kamaydi
O‘zbekistonning xalqaro valyuta zaxiralari ketma-ket to‘rtinchi oydirki kamayib bormoqda. Iyul oyida ular 71,8 million dollarga kamaydi va 33,6 milliard dollarni tashkil etmoqda. Yil boshidan buyon mamlakatda “moliyaviy xavfsizlik yostig‘i” 2,1 milliard dollarga kamaydi.
Markaziy bank regulyator nomidan odamlarni aldashga urinish holati kuzatilayotganidan ogohlantirdi
Markaziy bank Telegram`da regulyator nomidan soxta kanal ochib, fuqarolarni aldashga urinish holatlari kuzatilayotganini ma’lum qildi. “Markaziy bank tijorat faoliyati bilan shug‘ullanmaydi, shu jumladan, jismoniy shaxslarga kredit ajratmaydi yoki moliyaviy yordam ko‘rsatmaydi”, deyiladi regulyator xabarida.
Markaziy bank raisi — aholini kreditlash hajmining o‘sishi va iqtisodiyotdagi qarz yuki haqida
Aholiga kredit berish hajmi ularning daromadlaridan tezroq o‘sib bormoqda, bu esa iqtisodiyotdagi qarz yuki ortayotganidan dalolat beradi, dedi Markaziy bank raisi. Uning aytishicha, chakana kreditlashda “qizib ketish”ning oldini olish uchun tartibga soluvchi chora-tadbirlarni ko‘rish boshlangan.
“Bu faqat bizning xohishimizga bog‘liq emas”. Markaziy bank rahbari — davlat banklarini xususiylashtirish haqida
Markaziy bank rahbari davlat banklarini xususiylashtirish nega kechiktirilayotgani haqida gapirib, “bu nafaqat bizning xohishimizga, balki xorijiy investorlarning ishonchiga ham bog‘liq”, deb ta’kidladi. O‘tgan yilgi geosiyosiy inqiroz investorlarning postsovet mamlakatlari bozoriga kirishini qiyinlashtirgan.
Rublning qadrsizlanishi O‘zbekiston iqtisodiyotiga qanday ta’sir qiladi?
Rossiya rublining qadrsizlanishi Rossiyadan O‘zbekistonga pul o‘tkazmalari hajmiga, shuningdek, o‘zbekistonlik eksportyorlar daromadiga salbiy ta’sir qiladi, deya ma’lum qildi Markaziy bank rahbari Mamarizo Nurmuratov.
Narx pufaklari salbiy ta’sirining oldini olish uchun ipoteka kreditlariga maksimal chegara qo‘yganmiz — MB raisi
Markaziy bank raisi narx pufaklari yorilayotgan vaqtida banklarga bo‘ladigan salbiy ta’sirning oldini olish uchun ipoteka kreditlari ajratishda maksimal chegaralar belgilanganini aytdi. Avvalroq Toshkent shahridagi uy-joy narxlarining bozor va fundamental qiymatlari o‘rtasidagi farq 210 mln so‘mga yetgandi.
Importning o‘sishi dollar kursiga bosim o‘tkazmoqda — Markaziy bank raisi
Milliy valyutaning kuchsizlanishiga importning o‘sishi ham ta’sir qilmoqda, dedi Markaziy banki raisi Mamarizo Nurmuratov. Uning so‘zlariga ko‘ra, bu mavsumiy hodisa hisoblanadi va bugungi valyuta kursi tashqi savdo operatsiyalarining haqiqiy ko‘rinishini aks ettiradi.
Muammoli qarzlar bo‘yicha tavsiyalar bankirlar dam olish kunlarida ishlashining oldini olish uchun ishlab chiqilgan — MB raisi
Markaziy bank raisi bank va qarzdorlar munosabatlarini tartibga soluvchi tavsiyalardan asosiy maqsad bankirlarning ishdan tashqari vaqtida ishlamasligini ta’minlash ekanini ta’kidladi. Shuningdek, regulyator rahbari muammoli qarzlar bilan ishlash bo‘yicha eng samarali tizimlardan biri Rossiyaniki ekanini aytdi.
Birinchi yarim yillikda budjet xarajatlarining ortishi gaz importi hajmi oshishi bilan bog‘liq — Mamarizo Nurmuratov
Markaziy bank raisi O‘zbekistonda birinchi yarim yillikda budjet xarajatlari ortishi gaz importi hajmi oshishi bilan bog‘liq ekanini ta’kidladi. Yanvarning 8 kunida budjet taqchilligi yillik kutilmaning 20 foiziga yetgandi. Shundan so‘ng Iqtisodiyot vazirligi daromad va xarajat bo‘yicha ma’lumot berishni to‘xtatdi.
Narxlar barqarorligini ta’minlash uchun budjet defitsiti belgilangan darajadan oshmasligi muhim — MB
Markaziy bank o‘rta muddatli istiqbolda iqtisodiyotda narxlar barqarorligini ta’minlash uchun budjet defitsitini belgilangan parametrlar darajasidan oshmasligini ta’minlash muhimligini qayd etdi. Regulyator inflyatsiya darajasi 8,5−9,5 foiz atrofida bo‘lishi bo‘yicha prognozini o‘zgarishsiz qoldirgan.
Eng ko‘p o‘qilgan xabarlar | So‘nggi yangiliklar
- Toshkentda Gentra TAPOiCh ko‘prigidan pastga qulab tushdi
- Qozog‘istonda Rossiya qonunchiligini buzgan O‘zbekiston fuqarolarini hibsga olish boshlandi
- “Hayratlanmasa, odam muzeyni unutadi”. Toshkentdagi Qovoq uy-muzeyi va uning asoschilari haqida
- “Qancha emas, qanday yashash muhim”. To‘quvchi Feruza Shodjonova hikoyasi
- 17-may kuni e’lon qilingan eng muhim yangiliklar dayjesti
Qo‘shimcha imkoniyatlarga ega bulish uchun saytda ro‘yxatdan o‘ting