«iiv» tegli maqolalar
«Qizil yo‘lakka o‘ting». Qamchiq dovonida qizil va yashil yo‘lak tizimi ishga tushirildi
1 dekabrdan boshlab yashil va qizil yo‘lak tamoyili Ohangaron tumanida joylashgan «Chinor» yo‘l-patrul xizmati statsionar postida joriy etildi. Endi to‘lanmagan jarimasi bor, ortiqcha yukli, sug‘urta polisi muddati tugagan va boshqa kamchiliklari bor avtomobil haydovchilari Qamchiq dovonidan harakatlana olmaydi.
«Qalbingizda iztirob yo‘q». Shokir Sharipov IIV rahbarini yana iste’foga chiqishga chaqirdi
Po‘lat Bobojonov iste’fosini talab qilib Toshkentda bir kishilik piket uyushtirgan publitsist va bloger Shokir Sharipov IIV rahbariga yangi video murojaat yo‘lladi. «15 yoshli bolaning urib, o‘ldirilganini eshitgach, iztirobga tushdingizmi? Agar tushmagan bo‘lsangiz, o‘rningizni boshqaga bo‘shatib qo‘ying», — dedi u.
«Barcha holatda ham ichki ishlar xodimlarini aybdor, deb bo‘lmaydi» — IIV
2022 yilning o‘n oyida 344 ta holatda xizmat vazifasini o‘tayotgan IIO xodimlariga nisbatan fuqarolar tomonidan qarshilik ko‘rsatilgan. 72 nafar fuqaro javobgarlikka tortilgan. «Xodimlar va fuqarolar o‘rtasidagi holatlar tizim imijiga salbiy ta’sir ko‘rsatyapti», — dedi IIV vakili Hamza Maxsumov.
O‘zbekiston IIV rahbari uning iste’fosi talab qilinganidan xabardor ekani ma’lum bo‘ldi
Publitsist va bloger Shokir Sharipov IIV rahbari Po‘lat Bobojonov iste’fosini talab qilib, 22 noyabr kuni poytaxtdagi Gagarin haykali oldida bir kishilik piket uyushtirgandi. Vazirlik matbuot kotibi Shohrux G‘iyosov piket bo‘yicha vazirga «aniq axborot» berilganini ma’lum qildi.
«10 oyda 25 nafar xodim vafot etgan» — IIV
AOKAda Ichki ishlar vazirligi mansabdorlari ishtirokida matbuot anjumani bo‘lib o‘tdi. Tadbirda ma’lum qilinishicha, 2022 yilning 10 oyida 25 nafar xodim: 9 nafari yo‘l-transport hodisasi oqibatida, 16 nafari xizmat vazifasini bajarish vaqtida vafot etgan.
Ichki ishlar vazirligi har payshanba kuni OAV bilan muloqot qiladi
IIV matbuot kotibi har payshanba kuni AOKAda ochiq muloqotni ta’minlash uchun matbuot anjumani o‘tkazilishini ma’lum qildi. Bundan bir hafta oldin publitsist va bloger Shokir Sharipov tizimda davom etayotgan muammolar tufayli IIV rahbari iste’fosini talab qilib, piket uyushtirgandi.
Toshkentda ota-o‘g‘il ayolni majburan mashinaga solib, uyiga olib ketdi
Toshkentga otasi bilan kelgan erkak o‘z ayolini majburan mashinaga solib olib ketdi. IIBB bunga oilaviy kelishmovchilik sabab bo‘lganini aytdi. Aniqlanishicha, ayol farzandini otasida qoldirib, Qashqadaryodan Toshkentga ketib qolgan. Ular ayolni Uchtepa tumanidan topgan va uyga olib ketgan.
«Ichimdagi isyon majbur qildi». Toshkentda bloger IIV rahbari iste’fosini talab qilib, piket uyushtirdi
Publitsist va bloger Shokir Sharipov O‘zbekiston ichki ishlar vaziri Po‘lat Bobojonov iste’fosini talab qilib, poytaxtda bir kishilik piket uyushtirdi. U «Gazeta.uz»ga bergan intervyusida bunga «ichimdagi isyon majbur qildi», deya ta’kidladi.
Qiziriqda yerlari klasterga olib berilgan fermerlar va IIO xodimlari o‘rtasida janjal kelib chiqdi
Qiziriqda yerlari klasterga olib berilgan 14 nafar fermer va IIO xodimlari o‘rtasida mojaro kelib chiqdi. IIV voqea ishtirokchilari o‘zlarini traktor ostiga tashlash, bir-biriga shikast yetkazishga urinmoqchi bo‘lganini ma’lum qildi. Deputat Kusherbayev fermerlar Oliy sudda g‘alaba qozonganini aytdi. Munosabatlar.
Qo‘qonda 14 yoshli o‘smir vafoti ortidan IIB Voyaga yetmaganlarga yordam markazi rahbari ham ishdan olindi
Qo‘qon shahar IIB Voyaga yetmaganlarga ijtimoiy-huquqiy yordam ko‘rsatish markazida 14 yoshli o‘smirning vafoti bo‘yicha IIV xizmat tekshiruvi yakunlandi. Unga ko‘ra, markaz direktori lavozimidan ozod etildi, 3 nafar xodimga «hayfsan» intizomiy jazosi tayinlandi.
Yil boshidan buyon 395 ming rossiyalik, ularning yarmidan ko‘prog‘i so‘nggi uch oyda, O‘zbekistonga keldi
Joriy yilning 9 oyida 395 mingdan ortiq Rossiya fuqarosi O‘zbekistonga keldi, ularning 80,5 foizi ichki ishlar organlarida ro‘yxatga olingan. Ayni paytda, rossiyaliklarning yarmidan ko‘pi so‘nggi uch oy ichida kirib kelgan.
Samarqandda IIO xodimlari mahbusni kaltaklagani rad etildi
Samarqandda IIO xodimlari mahbusni kaltaklagani aytilgan xabarlar rad etildi. Viloyat boshqarmasi mahbus qo‘lga olingan vaqtda jarohati bo‘lganini ma’lum qildi. IIV matbuot kotibi Shohruh G‘iyosov Ombudsman axborot xizmatini huquqiy baho berilmagan murojaatni bir tomonlama yoritganini ta’kidladi.
Xalqaro qidiruvdagi ikki kishi Polshadan O‘zbekistonga ekstraditsiya qilindi
Interpol xodimlari og‘ir jinoyatlarni sodir etgan xalqaro qidiruvdagi ikki kishini Polshadan O‘zbekistonga ekstraditsiya qildi. Ulardan biri giyohvand moddalar savdosi bilan bog‘liq jinoyat qilgan, boshqasi esa moliyaviy piramida bilan fuqarolarni aldagan.
IIV xodimining jasadi Chirchiq daryosidan topildi
Ikki shaxs Ichki ishlar vazirligida ishlagan boshqarma tezkor xodimi bilan kelisholmay qolib, uni qasddan o‘ldirgani va jasadini daryoga oqizib yuborgani aytilmoqda. Tekshiruv natijasida uning jasadi Chirchiq daryosidan topildi. Gumonlanuvchilar hibsga olindi.
Farg‘onada fuqaroni bo‘g‘ib, kaltaklagan IIO xodimlari sud tomonidan oqlandi
Tarmoqlarda Farg‘onadagi IIO xodimlari bir fuqaroni bo‘g‘ib, kaltaklagani tasvirlangan video tarqaldi. IIV holat bir yil avval sodir bo‘lganini ma’lum qildi. Voqea yuzasidan jinoyat ishi viloyat sudi tomonidan ko‘rilib, xodimlar harakatlarida jinoyat alomatlari yo‘q deb topilgan va oqlov hukmi chiqarilgan.
IIV Toshkentga kirish yopilgani haqidagi xabarlarni rad etdi
IIV Toshkent va boshqa viloyatlarga kirish va chiqish yopilgani haqidagi xabarlarni rad etdi. Tarmoqlarda tarqalgan videolarda esa YPX xodimlari SHHT sammiti doirasida faqatgina Samarqandga kirish yopilishi tufayli aylanma yo‘llarni tushuntirayotgani aks etgan.
«Turistlar oldida sharmanda bo‘lamiz». Toshkentdagi mehmonxonalarda tong sahardan hujjatlar tekshirildi
Toshkent shahar IIBB xodimlari poytaxtdagi mehmonxonalarda tongi soat 5:00 dan boshlab dam olayotganlarni uyg‘otib, hujjatlarini tekshirmoqda. IIV bu holatni «dunyoda odatiy va to‘g‘ri qabul qilinadi», deya izohladi. Turizm vazirligi esa IIVdan tekshiruv nega o‘tkazilganini tushuntirishni so‘rab, xat kiritdi.
«Bu joylardagi tashabbus bo‘lishi mumkin». IIV — YPX xodimlariga telefon olib yurish taqiqlangani haqida
IIV rahbariyati YPX xodimlariga mobil telefonlarni topshirish, xizmatga telefonsiz chiqish va ish vaqtida undan foydalanmaslik bo‘yicha taqiq qo‘ygani aytilmoqda. Bu vazirlik rahbariyati talabi emas, balki joylardagi ayrim rahbarlarning shaxsiy tashabbusi bo‘lishi mumkin, deya qayd etdi IIV matbuot xizmati.
IIV Andijondan prezidentga murojaat yo‘llagan qizchaning shikoyatiga munosabat bildirdi
Andijonda qizcha 5 nafar qarindoshi, jumladan, ota-onasi qamab qo‘yilganini aytib, prezidentga videomurojaat yo‘lladi. IIV qizchaning qarindoshlari tuman hokimi o‘rinbosari va bank rahbarini haqoratlab, kuch ishlatgani, 738 mln so‘m kreditni to‘lamagani, qizcha esa qarindoshlari qaramog‘ida ekanini ma’lum qildi.
Qoraqalpog‘iston IIVga yangi rahbar tayinlandi
Qoraqalpog‘istonda kadrlar o‘zgarishi davom etmoqda. Bungacha Qo‘ng‘irot tumani ichki ishlar bo‘limiga rahbarlik qilgan Baxtiyar Torebekov respublika ichki ishlar vaziri lavozimiga tayinlandi.
ENG KO‘P O‘QILGAN XABARLAR
- Akfa universitetining sobiq rektori Abdujabbor Abduvohidovni obro‘siga dog‘ tushirish va tahdid qilishda aybladi
- Hafta davomida quruq va iliq ob-havo saqlanib turadi
- UzAuto Motors oxirgi shartnomalar nima uchun faqat avtosalonlarda tuzilganini tushuntirdi
- “3 yil umrimni yo‘qotdim. Bunga kim javob beradi?” — Central Asian University talabasi
- “Antistrumin” ishlab chiqaruvchi Samo zavodida tekshirish boshlandi
Qo‘shimcha imkoniyatlarga ega bulish uchun saytda ro‘yxatdan o‘ting