Ishlarni lozim darajada tashkil etmagani uchun Farg‘ona viloyat hokimining birinchi o‘rinbosari, viloyat IIB va soliq boshqarmasi boshliqlari, Rishton tumani va Marg‘ilon shahar hokimlari ishdan olindi. Shuningdek, viloyat hokimi o‘rinbosarlari, Bag‘dod, Quva va Buvayda tumanlari hokimlariga hayfsan e’lon qilindi.
Bosh prokuratura tomonidan Farg‘ona viloyatida Katta Andijon kanali qirg‘og‘ida o‘sib turgan 1213 tup daraxt yanvar-fevral oylarida kesib tashlangani, buning oqibatida tabiatga 4,6 mlrd so‘m zarar yetkazilgani aniqlandi.
IIO xodimlari xizmat kiyimida videoga tushib, uni tarmoqlarga joylashtirgan 21 yoshli quvalik qizga nisbatan 660 ming so‘m miqdorida jarima jazosi qo‘llanildi. Unga mazkur kiyim-boshni bergan IIO xodimining xatti-harakatlari yuzasidan esa xizmat tekshiruvi tayinlandi.
Farg‘ona shahridagi qurilishi tugallanmagan bino yonidan 11 yoshli qizchaning murdasi zo‘rlash va qotillik alomatlari bilan topildi. 17 yoshli gumonlanayotgan shaxs qo‘lga olingan.
Beshariq tumanida to‘rt erkak oilali, ikki farzandi bor ayolni zo‘rlagani aytilgan video tarmoqlarda tarqaldi. Farg‘ona viloyati IIB holat to‘rt oy oldin sodir bo‘lganini ma’lum qildi. Gumonlanuvchilar ushlangan.
Farg‘ona viloyatining Dang‘ara tumanida erkak masjidda namoz oldidan tahorat olayotgan tanishini pichoqladi. Ma’lum bo‘lishicha, masjidga ketayotganda ular o‘rtasida mojaro kelib chiqqan. Hujum qilgan shaxs qo‘lga olinib, jinoiy ish ochilgan.
Farg‘ona shahridagi turistik firma xodimi rahbarining ko‘rsatmasi asosida fuqarodan Hajga yuborish evaziga 20 ming dollar talab qilib, shundan 10 ming dollar olgani aytilmoqda. Ularga nisbatan jinoyat ishi qo‘zg‘atildi.
Oltiariq tumanida Nexia-2 haydovchisi velosiped boshqarib ketayotgan Italiya fuqarosini urib yubordi. U olgan jarohatlari tufayli shifoxonada vafot etdi.
Farg‘onada Rossiya fuqarosi 14 gektar bog‘dorchilik yerini hujjatlarsiz 140 ming dollarga sotmoqchi bo‘lgani aytilmoqda. U bo‘nak sifatida 15 ming dollar olayotgan vaqtda qo‘lga olindi
Farg‘ona viloyatida 8 oylik qizini 10 ming dollarga sotmoqchi bo‘lgan ayol ushlandi. U bu pulga kvartira sotib olmoqchi bo‘lgan.
Toshkentdagi 4 ta gaz “zapravka” va Farg‘onadagi bitta ohak sexida tabiiy gazdan noqonuniy foydalanishi oqibatida davlatga jami 25 mlrd so‘mlik zarar yetkazilgani aniqlandi.
Rishton tumanida 17 yoshli qiz istirohat bog‘idagi attraksiondan ehtiyotsizlik sabab tushib ketib, tan jarohati oldi. «U Bag‘dod tumanidagi shifoxonada davolanmoqda, ahvoli yaxshilanyapti», deyiladi viloyat IIB xabarida. Holat bo‘yicha sudga oid tibbiy ekspertiza tayinlandi, tergovga qadar tekshiruv ketmoqda.
Farg‘onada 14 yoshli qiz o‘zini 16 qavatli uyning tomidan tashlamoqchi bo‘ldi. Uni IIB va FVV xodimlari tomdan sog‘-omon tushirib oldi. Voqeaga qizning o‘gay otasi bilan janjallashib qolgani sabab bo‘lgani aytilmoqda.
Marg‘ilonda 20 yoshli yigit janjal sabab onasini pichoqlab o‘ldirdi. Unga nisbatan 12 yil qamoq jazosi tayinlandi.
Farg‘ona shahrida 3 kishi is gazidan zaharlanib, ularning 2 nafari vafot etdi. Tergovga qadar tekshiruv harakatlari o‘tkazilmoqda.
O‘zDJTSU Farg‘ona filialida o‘tkazilgan kasbiy imtihonlarda 356 nafar abituriyent to‘plagan ballarga soxta yozuvlar kiritilib, ularning 322 nafariga ball qo‘shib berilgani, 34 nafarining ballari esa kamaytirilgani aniqlandi. Natijada yuqori ball to‘plagan 145 nafar abituriyent o‘qishga kira olmagan.
Beshariq tumanida yo‘lning qatnov qismi o‘pirilib, oqibatda Nexia haydovchisi jarohatlandi. Holat o‘rganilmoqda.
Farg‘ona viloyatining O‘zbekiston tumanida 98 mln dollar evaziga quvvati 100 MVt bo‘lgan quyosh fotoelektr stansiyasi quriladi. Viloyat hokimi Xayrullo Bozorov loyihani 2024 yil 2-choragida emas, balki 2023 yil oxirigacha yakunlash kerakligini aytib, buning uchun har tomonlama ko‘mak ko‘rsatilishini bildirdi.
«Qo‘qon mintaqaviy temir yo‘l uzeli»ning «Andijon-1» stansiyasi boshlig‘i tadbirkordan ularga beriladigan imtiyozlardan foydalanishga yordamlashishini aytib, $1,5 ming olgan vaqtida ushlangan. Gumonlanuvchiga jinoyat ishi ochildi.
Farg‘ona shahrida erini rashk qilgan homilador ayol mashina ichida o‘ziga benzin sepib, yoqib yubordi. Ayol hodisa joyida, chaqalog‘i esa shifoxonada vafot etgan. Holat yuzasidan jinoyat ishi qo‘zg‘atildi.
Qo‘shimcha imkoniyatlarga ega bulish uchun saytda ro‘yxatdan o‘ting