Qo‘qon shahrida viloyat YPX otryadi komandir o‘rinbosari Tracker avtomashinasini piyodalar o‘tish joyida qoldirdi. Viloyat IIB buning uchun xodim 600 ming so‘m jarimaga tortilganini ma’lum qildi.
Beshariq tumani va Farg‘ona shahrida yuz bergan YTHlarda ikki nafar fuqaro vafot etdi, bir kishi jarohatlandi.
Farg‘ona viloyatining ikki hududida go‘yoki kompyuter texnikalari va muzlatkichlarni ta’mirlash sexlarini tashkil etib, amalda elektr energiyasidan noqonuniy foydalanib kelayotgan mayneng fermalar aniqlandi. Ular davlatga jami 2 mlrd so‘mdan ortiq zarar yetkazgani ma’lum bo‘ldi.
Farg‘ona tumanida Nexia-2 va Damas ishtirokida sodir bo‘lgan YTHda bir kishi vafot etdi. Holat yuzasidan jinoiy ish qo‘zg‘atildi.
Farg‘ona shahrida Nexia yo‘lni kesib o‘tayotgan piyodani urib yubordi. Hodisa oqibatida jabrlanuvchi vafot etdi.
Tarmoqlarda Farg‘ona viloyatida Cobalt haydovchisi harbiy xizmatchini katta tezlikda urib, qochib ketgani aytilgan video tarqaldi. Viloyat prokuraturasi oddiy askar olgan tan jarohatlari bilan shifoxonaga yotqizilgani va haydovchiga nisbatan jinoyat ishi qo‘zg‘atilganini ma’lum qildi.
Dang‘ara tumanida Lacetti yo‘lni belgilanmagan joydan kesib o‘tayotgan velosipedchini urib yubordi. Jabrlanuvchi tuman markaziy shifoxonasida vafot etdi.
DXX Samarqandda fuqarodan ishga kiritib qo‘yish uchun 1000 dollar olayotgan tuman FVB boshlig‘ini, Farg‘onada esa qarzdorlikni yopib berish uchun fuqarodan 3500 dollar olayotgan bank boshqaruvchisini qo‘lga oldi. Ushbu shaxsglarga nisbatan Jinoyat Kodeksining tegishli moddalari bilan jinoyat ishi qo‘zg‘atildi.
Farg‘onada Turkiyaning 10 mln dollar investitsiyasi hisobiga «Aqlli yo‘l» tizimi joriy etiladi. Viloyat hokimligining qayd etishicha, tizim yo‘l-transport hodisalarining, jarohat olish va o‘lim holatlarini 90 foizgacha kamaytirish imkonini beradi. U inson omilisiz, quyosh energiyasi yordamida ishlashi aytilmoqda.
DXX Farg‘ona viloyatida giyohvand moddalarining noqonuniy savdosi bilan shug‘ullangan shaxslarni aniqladi. Ulardan 30 kgdan ortiq taqiqlangan moddalar musodara qilindi.
Tarmoqlarda Farg‘onada ayol kishi IIB binosi oldida o‘zini yoqib yubormoqchi bo‘lgani haqidagi xabar tarqaldi. Viloyat IIB ayolning qizi 4 nafar shaxsga jinsiy aloqa qilishga sharoit yaratib bergani va 2 nafar voyaga yetmagan qizni tutqunlikda saqlab, fohishalikka majburlab kelgani uchun ushlanganini ma’lum qildi.
Farg‘ona viloyati Buvayda tumanida er-xotin is gazidan zaharlanib vafot etdi. Ular 3 kunlik yosh kelin-kuyov bo‘lgani va er o‘zi yasagan pechkalardan birini uyga o‘rnatgani aytilmoqda. Holat yuzasidan tergovga qadar tekshiruv harakatlari boshlandi.
Beshariq tumanida Nexia va Mercedes ishtirokida yo‘l-transport hodisasi sodir bo‘ldi. Oqibatda haydovchilardan biri halok bo‘ldi.
Farg‘ona viloyatida Lacetti qarama-qarshi yo‘nalishga chiqib ketib, Matiz bilan to‘qnashdi. Oqibatda Matiz haydovchisi va yo‘lovchisi vafot etdi, 3 kishi jarohatlandi.
UzAirways Farg‘ona va Dubay o‘rtasida to‘g‘ridan-to‘g‘ri reyslarni yo‘lga qo‘ymoqda. Shuningdek, aviakompaniya Toshkentdan Sharjaga reyslarni ko‘paytirmoqda.
Farg‘ona viloyati Buvayda tumanida Gentra haydovchisi prokuratura binosi oldida yo‘l harakati qoidalarini ko‘pol ravishda buzib, qarama-qarshi tomonda harakatlandi. Unga nisbatan ma’muriy bayonnoma rasmiylashtirilib, mashina jarima maydoniga joylashtirildi.
Tarmoqlarda Farg‘onadagi IIO xodimlari bir fuqaroni bo‘g‘ib, kaltaklagani tasvirlangan video tarqaldi. IIV holat bir yil avval sodir bo‘lganini ma’lum qildi. Voqea yuzasidan jinoyat ishi viloyat sudi tomonidan ko‘rilib, xodimlar harakatlarida jinoyat alomatlari yo‘q deb topilgan va oqlov hukmi chiqarilgan.
Farg‘onada joriy yil yakunigacha elektromobillar ishlab chiqarish yo‘lga qo‘yiladi. Korxona yiliga 10 ming elektromobil ishlab chiqaradi va 40 foizini eksportga yo‘naltiradi. Qolaversa, qator ehtiyot qismlari mahalliylashtiriladi.
Andijon, Farg‘ona va Namangan viloyatlarida ikkita uyali aloqa operatorining internet va aloqalarida muammolar yuzaga keldi. Mobiuz va Ucell kompaniyalari uzilishlarni magistralda sodir bo‘lgan avariya bilan izohladi.
Farg‘onada viloyat bayram tadbirlarida fonogrammada qo‘shiq aytish taqiqlandi. Endi ijrochilar sahnada cholg‘uchilar bilan birga jonli ijroda kuylaydi. Shuningdek, viloyatda o‘tkaziladigan barcha tadbirlarda sahnaga chiqadigan qo‘shiqchilar ochiq tanlov asosida tanlab olinadi.
Qo‘shimcha imkoniyatlarga ega bulish uchun saytda ro‘yxatdan o‘ting