«buxoro viloyati» tegli maqolalar
Buxoro viloyatida 5 kishilik oila is gazidan halok bo‘ldi
Buxoro viloyatining Jondor tumanida er-xotin hamda ularning 2, 7 va 11 yoshli farzandlari yong‘in natijasida vujudga kelgan is gazidan zaharlanib vafot etdi.
Nukus voqealarida 6,7 mlrd so‘m zarar yetkazilgan — ayblov
Buxoro viloyati sudida Nukus voqealarida qatnashganlikda gumonlangan 22 kishiga qo‘zg‘atilgan jinoyat ishi xulosalarida tartibsizliklar natijasida 6,7 mlrd moddiy zarar yetkazilgani aytildi. Gumonlanuvchilarning shaxsi aniqlandi. Ularga yaqinlari bilan navbatma-navbat qisqa suhbat o‘tkazishga ruhsat berildi.
Foto: Nukus voqealari bo‘yicha 22 kishiga nisbatan sud boshlanish arafasida
Yaqin fursatlarda Buxoro viloyati sudida Nukus voqealari bo‘yicha 22 kishi nisbatan sud muhokamalari boshlanadi. Tomonlar birin-ketin sud zaliga kirib kelmoqda, OAV vakillari uchun esa maxsus matbuot markazi tashkil etilgan. Hozircha ayblanuvchilarning advokatlari va prokuratura xodimlari yetib kelishdi.
Buxoro maktablaridan birida o‘qituvchining o‘quvchilarni kaltaklagani holati tergov qilinmoqda
Buxoro viloyati xalq ta’limi va ichki ishlar boshqarmalari Buxorodagi 4-sonli maktabda dars vaqtida o‘quvchilarning o‘qituvchi tomonidan kaltaklanishi bilan bog‘liq holatni o‘rganmoqda.
Buxoro viloyatida 4 ballik zilzila qayd etildi
6 noyabr kuni soat 08:56 da Buxoro viloyatining Peshko‘ tumani hududida 4 ballik zilzila qayd etildi.
G‘ijduvonda 29 yoshli erkak onasini janjal vaqtida o‘ldirib qo‘ydi
Buxoro viloyatining G‘ijduvon tumanida 29 yoshli fuqaro onasidan yashash uyiga begona erkaklarni olib kelmaslikni so‘rab, u bilan janjallashib qolgan. Oqibatda u onasini oshxona pichog‘i bilan jarohatlab, o‘ldirib qo‘ydi. Prokuratura voqea yuzasidan jinoyat ishi qo‘zg‘atdi.
Buxoro viloyatida qamishzordagi yong‘inni o‘chirishga 100 dan ortiq qutqaruvchi jalb qilindi
Chorshanba kuni Buxoro viloyatining Peshku tumanida qamishzorlarga o‘t ketdi. Voqea joyiga FVVning 107 nafar qutqaruvchisi jo‘natildi. Payshanba kuni Mudofaa vazirligining vertolyoti ishga qo‘shildi. Yong‘in maydoni 100 gektarni tashkil etgan, 80 gektar maydon o‘chirilgan.
Buxoroda 18 yoshli qiz yangi tug‘ilgan chaqalog‘ini hojatxonaga tushirib yuborgani aniqlandi
Buxoroning G‘ijduvon tumanida 18 yoshli qiz yangi tug‘ilgan chaqalog‘ini hojatxonaga tushirib yuborishi oqibatida uning o‘limiga sababchi bo‘lgani aniqlandi. Sud onaning qilgan ishidan pushaymonligi, yoshligini inobatga olib, unga bir yil muddatga ozodlikni cheklash jazosini tayinladi.
Buxoro viloyatidagi yana beshta maktab ichimlik suvi bilan ta’minlandi
«Zamin» fondi tomonidan Buxoro viloyatidagi yana beshta umumta’lim maktabi ichimlik suvi bilan ta’minlandi. Buxoro viloyatining Peshku va Jondor tumanlarida maktablar joylashgan hududdagi aholi ham suvdan foydalanish imkoniyatiga ega bo‘lishdi.
Soxta aviachipta tayyorlovchilar ushlandi
Buxoro viloyatida fuqarolarga qalbaki aviachiptalarni rasmiylashtirgan korxona rahbari va uning sherigi qo‘lga olindi. Yanvar-fevral oylarida ular soxta chiptalarni Buxoro-Domodedovo reysi bo‘yicha 27 nafar fuqaroga sotishgan.
Buxoroda tuman hokimligi arxeologik yodgorlikning bir qismini fermerga berib yuborgani aniqlandi
Shofirkon tuman hokimligi «Vardonze qo‘rg‘oni» arxeologiya yodgorligining 124 gektar maydonini 76 gektargacha qisqartirib, qolgan qismini fermer xo‘jaligiga yaylov uchun berib yuborgani aniqlandi. Fermer esa uni ekin maydoniga aylantirib yuborgan. Buning oqibatida qadimgi tarixiy topilmalar yo‘qotilgan va davlatga 26,7 mlrd so‘mlik zarar yetkazilgan. Holat yuzasidan jinoyat ishi qo‘zg‘atildi.
Buxoro viloyatidagi kanaldan 33 yoshli ayolning jasadi topildi
11-fevral kuni Buxoro viloyati Qorako‘l tumanidagi mahalladan oqib o‘tuvchi kanaldan ayol kishining jasadi topildi. Holat yuzasidan tuman prokuraturasi tergovga qadar tekshirish ishlarini olib bormoqda.
Sudyalik qasamyodini buzgan Buxoro viloyati sudyasi ishdan olindi
Buxoro viloyati sudining sudyasi Sh. Ne’matov sudyalik qasamyodini buzgani uchun lavozimidan ozod etildi. Xorazm va Navoiy viloyatidagi sud raislari esa intizomiy javobgarlikka tortildi.
Chor-Bakr madaniy merosi hududidagi yerlar noqonuniy tarzda auksionga qo‘yildi
Buxoro viloyatida XVI-XX asrlarda bunyod etilgan Chor-Bakr yodgorlik majmuasining muhofaza tegralaridagi yer uchastkalari ijara va mulk huquqi asosida auksionga qo‘yilgani aniqlandi. Ushbu majmua YUNESKOning Umumjahon merosi obyektlari ro‘yxatiga kiritish uchun nomzod sifatida ko‘rsatilgan.
Buxoroda futbol o‘ynagan aholi o‘rtasida janjal yuzaga keldi
Buxoroning «Moxon» qishlog‘idagi stadionda futbol o‘ynagan «Tobagar» va «Chandir» qishloqlari fuqarolari o‘zaro mushtlashib ketgan. Bunga nima sabab bo‘lgani aytilmagan. Hozirda tezkor surishtiruv va tergovga qadar tekshiruv ketmoqda.
Buxoroda qurilish korxonasidan pulini ololmagan erkak o‘zini yoqib yubordi
Peshko‘lik fuqaro uy olish maqsadida mart oyida qurilish korxonasi quruvchisiga 150 mln so‘m pul bergan. Quruvchi uyni rasmiylashtirib bermagani uchun fuqaro pulini qaytarishni so‘ragan. Pulini ololmagan erkak o‘zini-o‘zi yoqib yuborgan, natijada tanasining yarmi kuygan. Holat yuzasidan jinoyat ishi qo‘zg‘atilgan.
Buxoroda fuqaro IIB binosida vafot etdi
G‘ijduvon tumanida giyohvandlik moddasi sotganlikda gumon qilinib, ichki ishlar boshqarmasiga olib borilgan fuqaro sog‘ligi yomonlashib, vafot etdi. Bosh prokuratura matbuot xizmatining «Gazeta.uz» ga ma’lum qilishicha, «murdada tan jarohati yoki uning izlari aniqlanmagan». Tibbiy ekspertiza o‘limga o‘tkir yurak qon tomir yetishmovchiligi sabab bo‘lganini aytmoqda.
Buxoro viloyatida 270 MVt quvvatga ega IES ishga tushirildi
Buxoro viloyatida yangi 270 MVt quvvatga ega gaz porshenli IESning birinchi energiya bloki ishga tushirildi. IES Turkiyaning Aksa Enerji kompaniyasi tomonidan DXSH asosida qurilgan.
Buxoro viloyati XTB o‘qituvchi va o‘quvchilardan noqonuniy tarzda 1,2 mlrd so‘m undirmoqchi bo‘ldi
Buxoro viloyati Xalq ta’lim boshqarmasining «Yoshlik» sport jamiyatiga o‘quvchi va o‘qituvchilarni a’zolikka qabul qilish to‘g‘risidagi buyrug‘i qabul qilinib, natijada ulardan 1,2 mlrd so‘mdan ortiq mablag‘ undirish ko‘zda tutilgan. Prokuraturaning aralashuvidan so‘ng, buyruq bekor qilindi.
O‘zbekistonda uchta quyosh elektr stansiyasini qurishga 15 ta xalqaro kompaniya qiziqish bildirdi
Energetika vazirligi uchta quyosh fotoelektr stansiyasini qurish bo‘yicha tenderning ilk bosqichida 15 ta xalqaro kompaniyadan ariza kelib tushganini ma’lum qildi. Loyiha Namangan, Buxoro va Xorazm viloyatlarida umumiy quvvati 500 MVtgacha bo‘lgan stansiyalarni qurishni nazarda tutadi.
Eng ko‘p o‘qilgan xabarlar | So‘nggi yangiliklar
- Apple tanqidlarga sabab bo‘lgan iPad reklamasi uchun uzr so‘radi
- O‘zbekiston 2024-yilda Rossiyaning 5 mlrd dollarlik sarmoyasini o‘zlashtirmoqchi
- Namanganda 7 yoshli qizga qilingan jinsiy zo‘ravonlik ishi qayta malakalanib, erkak qamoqqa olindi
- Afg‘onistondagi sel oqibatida 150 dan ortiq kishi halok bo‘ldi
- Tazyiq va zo‘ravonlikdan jabrlanganlarning ijtimoiy himoyasi kuchaytiriladi
Qo‘shimcha imkoniyatlarga ega bulish uchun saytda ro‘yxatdan o‘ting