«andijon viloyati» tegli maqolalar
Andijonda qurilishi yakunlanmagan binoning plitalari qulab, devorlari buzilib ketdi
Andijon shahrida qurilayotgan 5 qavatli binoning plitalari qulab, devorlari buzildi. Ushbu holatda tegishli hujjatlarsiz obyektda qo‘shimcha 2 qavat qo‘shib, qurilish ishlari olib borilgani va jarayonda qoidalarga amal qilinmagani aniqlandi.
Andijonda hokim yordamchisi prezidentga mahallada 25 nafar ishsiz borligini aytdi. Ular yuzdan ortiq bo‘lishi mumkin
Prezident Andijon viloyatiga tashrifi chog‘ida hokim yordamchisi bilan mahalladagi ishsizlik darajasini muhokama qildi. Mahalla aholisini ish bilan ta’minlash bo‘yicha ma’lumotlar aytildi, biroq ishsizlar bo‘yicha keltirilgan raqamlar band aholi soniga to‘g‘ri kelmayapti.
Andijonda ehtiyojmand oilalarga quyosh panellari topshiriladi
Andijon viloyati hokimi Shuhrat Abdurahmonov kam ta’minlangan oilalarga televizor yoki boshqa texnikalar sovg‘a qilish ularning elektr uchun xarajatlarini oshirayotgani, yordam so‘rayotganlarning aksariyati elektrdan qarzdorligini ma’lum qildi. U texnikalar o‘rniga quyosh panellari berishni taklif qildi.
Andijon viloyatida zilzila sodir bo‘ldi
5 dekabr kuni 07:07 da Andijon viloyatida yer qimirlashi sodir bo‘ldi. Zilzila epitsentri Asaka tumanida bo‘lib, 3,4 magnitudani tashkil etdi.
Andijonda avtobus bilan sodir bo‘lgan YTHda yana bir jabrlanuvchi halok bo‘ldi
Toshkent-O‘sh-Andijon yo‘lida Isuzu avtobusi va yuk mashinasi to‘qnashuvi oqibatida halok bo‘lganlar soni 3 nafardan 4 nafarga yetdi. 33 kishi shifoxonalarda qolmoqda, ulardan 1 nafarining ahvoli o‘ta og‘ir, 5 nafarining ahvoli og‘ir.
Andijonda avtobus va yuk mashinasi to‘qnashdi: 3 kishi halok bo‘ldi, 38 kishi jarohatlandi
A-373 Toshkent-O‘sh-Andijon avtomagistralida “Isuzu” avtobusi va “Fura” yuk mashinasi to‘qnashib ketdi. SSV to‘qnashuv natijasida jami 41 nafar fuqaro jarohat olgani, shulardan 3 nafari voqea joyida vafot etganini ma’lum qildi.
Andijonda o‘quvchilarga viloyat hokimi savollariga «shukronalik hissi bilan javob berish» buyurildi
Jalaquduq tumanidagi maktabda «Hokim va yoshlar» uchrashuvida ustozlardan o‘quvchilari hokim savollariga «shukronalik hissi bilan javob berishi» so‘ralgan xabar tarqaldi. XTV matbuot kotibi o‘qituvchilardan bunday narsalarni talab qilmaslikni so‘radi. Tuman hokimligi esa bunday topshiriq berilmaganini aytdi.
Andijon viloyatidagi 52 ta ko‘chada tezlikni 60 km/soatgacha pasaytirish rejalashtirilmoqda
Xalq deputatlari Andijon viloyati Kengashi poytaxt kengashidan so‘ng viloyatdagi transport vositalarining harakat tezligini 70 km/soatdan 60 km/soatgacha kamaytirishni ma’qulladi. Bu tezlikni me’yoridan oshirish oqibatida avariyalar ko‘p sodir etilayotgan 52 ta ko‘chada amalga oshirish rejalashtirilmoqda.
Andijonda sobiq «Komsomol ko‘li» tiklana boshladi
Jamoatchilik tanqididan so‘ng Andijondagi tashlandiq Nodirabegim bog‘i va undagi qurigan ko‘lni (sobiq Komsomol) tiklashga kirishildi. Uch yil muqaddam viloyat rahbari shahar hokimini tanqid qilib, bog‘ni rekonstruksiya qilishga ajratilgan mablag‘larni talon-toroj qilib, Turkiyaga qochib ketganini aytgan edi.
Andijonda maktabga o‘quvchilarni oyoq kiyimsiz kirgizgan direktor va uning o‘rinbosari ogohlantirildi
Andijonning Paxtaobod tumanidagi 38 maktabda o‘quvchilarning yo‘lakda oyoq kiyimsiz yurgani aks etgan videolar ijtimoiy tarmoqlarda tarqaldi. Viloyat XTB bayonotiga ko‘ra, ushbu holatning ta’lim sifatiga umuman ta’siri yo‘q. Voqea sabab maktab direktori va o‘rinbosariga intizomiy chora qo‘llandi.
Andijonda psixotrop dori vositalari savdosiga chek qo‘yildi
Andijon shahrida psixotrop dori vositalari oldi-sotdisi bilan shug‘ullanayotgan shaxslar ushlandi. Gumondorlarga tegishli avtoulovda 100 dona “Tropikamid” va 16 dona konvalyutada jami 224 dona “Regapen” dori vositalari borligi aniqlangan.
O‘zbekistonga katta miqdorda sovuq qurol olib kirilishiga chek qo‘yildi
Andijon viloyatidagi «Do‘stlik» chegara postida umumiy qiymati 862,8 mln so‘m bo‘lgan qariyb 6000 dona sovuq qurolning olib kirilishiga chek qo‘yildi.
O‘z joniga qasd qilgan tadbirkorning singlisi akasi vafotining ehtimoliy sabablari haqida gapirdi
Andijon viloyatida «Bo‘z Iqbol chorvasi» kompaniyasi rahbari daraxtga osilgan holda topildi. Singlisining aytishicha, u bog‘chalarga oziq-ovqat yetkazib berish bilan shug‘ullangan va muassasalar qarzlarini to‘lamagani uchun o‘z joniga qasd qilgan bo‘lishi mumkin. Maktabgacha ta’lim vazirligi holatga izoh berdi.
Tadbirkor Rahmiddin Mirzayev o‘z joniga qasd qildi — Bosh prokuratura
Andijonlik tadbirkor, Rash Milk kompaniyasi asoschisi Rahmiddin Mirzayev 46 yoshida vafot etdi. Bosh prokuratura ma’lumotlariga ko‘ra, u o‘z uyining bog‘ida osilgan holda topilgan.
Andijonda qariyb yarim kilogramm «gashish»ni sotmoqchi bo‘lgan ikki fuqaro ushlandi
Huquq-tartibot idoralari xodimlari Andijon viloyatining Paxtaobod tumanida salkam 500 gramm gashishni 5 ming dollarga sotishga uringanlikda gumonlab, ikki shaxsni qo‘lga oldi. Ularning aybi sudda isbotlansa, gumondorlar 10 yildan 20 yilgacha qamalishi mumkin.
Andijon hokimi qarorida qanday qilib vazirlarga topshiriq ketgani tushuntirildi
Andijon viloyati hokimi prezident qarori bandlari ko‘chirilgan hujjatni imzoladi, buning oqibatida u bir qancha vazirlar va Toshkent shahar hokimiga topshiriq bergandek tasavvur uyg‘otdi. Viloyat adliya boshqarmasi bu qanday sodir bo‘lgani va hujjat nega huquqiy ekspertizadan o‘tkazilmaganini tushuntirdi.
Qo‘rg‘ontepa tuman prokurori yordamchisi $1500 pora bilan qo‘lga tushdi
Andijon viloyati Qo‘rg‘ontepa tuman prokurori yordamchisi 1500 dollarni pora tariqasida olgan vaqtida huquq-tartibot organlari tomonidan ushlandi. Gumondorning aybi sudda o‘z tasdig‘ini topsa, u 5 yilgacha qamalishi mumkin.
Andijonda 37 kishi ovqatdan zaharlanishi bo‘yicha jinoyat ishi qo‘zg‘atildi
Andijonda «FRESH FOOD 2020» oilaviy korxonasiga qarashli umumiy ovqatlanish shoxobchalaridan birida 37 kishi zaharlangan holat yuzasidan jinoyat ishi qo‘zg‘atildi. Oilaviy korxonaga tegishli uchta shoxobcha faoliyati vaqtincha to‘xtatildi. SSV vaziyatni o‘z nazoratiga oldi.
Andijonda avtomaktab o‘qituvchisi «prava» olib berishga uringanlikda gumonlanmoqda
Andijonda avtomaktab o‘qituvchisi mashg‘ulotlarda qatnashmasdan haydovchilik guvohnomasini olib berishga uringanlikda ayblanmoqda. Gumondor buning evaziga 5,8 mln so‘mni olganida qo‘lga tushdi. Unga nisbatan jinoyat ishi qo‘zg‘atildi.
Andijondagi xonadonlarning birida ikki nafar voyaga yetmagan fuqaroning jasadi topildi
Andijon shahridagi xonadonlarning birida ikki nafar voyaga yetmagan fuqaroning jasadi qotillik alomatlari bilan topildi. Holat yuzasidan jinoyat ishi qo‘zg‘atildi. Tergovni viloyat prokurori o‘z nazoratiga oldi.
Eng ko‘p o‘qilgan xabarlar | So‘nggi yangiliklar
- Surxondaryoda 1 tonnadan ortiq iste’molga yaroqsiz go‘sht yo‘q qilindi
- Samarqandda 15 yoshli qiz ona bo‘lgani yuzasidan jinoyat ishi qo‘zg‘atildi
- O‘zbekcha YouTube — 2024-yil aprelida: “Aktivist” tugadi, “subyektiv” ketdi, “Lolazor” qaytdi va kimdir “Soqqa” qilishni boshladi
- O‘zbekiston viloyatlarida kuchli yomg‘ir yog‘ib, toshqinlar yuz berdi — video
- O‘zbekiston elchixonasi Dehli aeroportida 5 kg oltin bilan qo‘lga olingan o‘zbekistonliklar tergovini nazoratga oldi
Qo‘shimcha imkoniyatlarga ega bulish uchun saytda ro‘yxatdan o‘ting