Andijonda Varshava menejment universiteti filiali tashkil etildi. Universitetda 6 ta fakultet faoliyat olib boradi. Darslar ingliz, rus va o‘zbek tillarida o‘tiladi. Ijtimoiy himoyaga muhtoj oilalarning qobiliyatli farzandlari orasidan grant asosida qabul qilinishi ham ko‘zda tutilgan.
Izboskan tumanida G. va O. kimdan ekani noma’lum bo‘lgan 3 oylik chaqalog‘ini sotishga urindi. Ular Andijon shahridagi «Daryotrans» yonida 700 dollar evaziga «er-xotin mijoz»ga chaqaloqni bergan. Fuqaro O. 5 yilga ozodlikdan mahrum etildi, chaqaloqning onasiga esa shartli jazo tayinlandi.
50 ming dollarga Andijon shahar shimoliy sanoat hududidan yer olib berishni va’da qilgan shaxs 20 ming dollarni olgan vaqtida ushlandi. U yerni yuqori lavozimdagi tanishlari orqali olib berishini aytgan. Unga nisbatan Jinoyat kodeksining firibgarlik va pora berish moddalari bilan ish ochildi.
Andijon viloyati Shahrixon tumanida 4 ta avtomobil ishtirokida YTH sodir bo‘ldi. 2 kishi jarohatlandi.
Andijonda 6 gektar yerni $18 mingga sotmoqchi bo‘lgan fermer ushlandi. Bosh prokuratura huzuridagi departament va DXX xodimlari tomonidan o‘tkazilgan tezkor tadbirda fermer 189 mln so‘mni olgan vaqtida qo‘lga tushgani aytilmoqda. Unga nisbatan Jinoyat kodeksining firibgarlik va pora berishga oid moddalari bilan jinoyat ishi ochildi.
Sirdaryo, Andijon va Buxoro viloyatlaridagi bir qancha hududlar ham elektr ta’minotidan uzildi. Viloyatlardagi Favqulodda vaziyatlar boshqarmalari va Hududiy elektr tarmoqlari xodimlari tomonidan tezkor ishlar amalga oshirilayotgani ma’lum qilindi.
Andijon viloyatida «Cobalt» va tez tibbiy yordam mashinasi ishtirokida to‘qnashuv sodir bo‘ldi. YTH natijasida «Damas» haydovchisi vafot etgan.
Suv quvurlaridan birida yuzaga kelgan avariya Andijon shahri, Oltinko‘l va Andijon tumanining 20 dan ortiq mahallalarida suv ta’minoti vaqtincha to‘xtatgan. Aholining ichimlik suvi ta’minoti 12 yanvar kuni tiklanishi rejalashtirilmoqda.
Andijon viloyatida bozordagi mevalarni narxini bilish uchun kelgan va bozorni suratga olayotgan fuqaro, bir necha shaxslar tomonidan haqoratlanib, majburan «Spark» avtomashinasi yukxonasiga kirgiziladi. Ushbu «samosud» fuqaroning qoidabuzar mashinalarni rasmga olganlikda gumonlangani sababli sodir etilgani ma’lum bo‘ldi.
Deputat Doniyor G‘aniyev Andijon va Jizzax viloyatlarida davlat xaridlaridagi «tanish-bilishchilik» aslida yangilik emasligi, bu ikki holat «aysberg»ning uchi ekanligi hamda qonunchilikda davlat xaridlari sohasidagi manfaatlar to‘qnashuvi uchun javobgarlik yo‘qligini ta’kidladi.
Andijonda yuk mashinasida umumiy qiymati 738 mln so‘m bo‘lgan pirotexnika mahsulotlari va «Tropikamid» preparati noqonuniy olib ketilayotgani aniqlandi.
Andijon viloyatida o‘z joniga qasd qilib, suvga tashlagan 18 yoshli nabirasini qutqarmoqchi bo‘lgan erkak u bilan birga cho‘qib ketdi. Prokuratura bu bo‘yicha surishtiruv ishlari olib bormoqda.
Andijon viloyati Baliqchi tumanidagi maktablarning 73,4 sotix yer maydonlari asossiz ravishda tadbirkorlik sub’ektlariga berib yuborilayotgani aniqlandi. Tuman prokuraturasi tuman hokimining qaroriga protest kiritdi.
Andijon viloyati hokimligi Shuhrat Abduraxmonov audiosi bo‘yicha munosabat bildirib, ular «yozuvlar yillar davomida yig‘ilgani va montaj qilinganini bildirdi. Bu bo‘yicha dastlabki tekshiruv boshlangan.
Andijon viloyatining Paxtaobod tumanida voyaga yetmagan qiz (nogiron, 2004 yilda tug‘ilgan) 65 yoshli qo‘shnisi tomonidan jinsiy zo‘ravonlikka uchradi. Huquqni muhofaza qilish organlarining ma’lumotlariga ko‘ra, erkak 2018 yildan beri qiz bilan jinsiy aloqada bo‘lgan.
Andijon viloyatida avtomobillarga gaz quyish kompressor stansiyalariga gaz yetkazib berish muddati cheklandi. Gaz shoxobchalarga soat 06:00 dan 16:00 gacha yetkazib beriladi.
Andijon viloyati Bo‘ston tumani hokimi Sadbarxon Mamitovaning fermerlarni soya rejasini bajarmagani uchun haqoratlagani aks etgan audio tarqaldi. Hokim yaqinda koronavirusdan davolanib chiqqani va stressda qattiqroq gapirib yuborganini aytdi. Viloyat hokimligi unga «ogohlantirish» berdi.
Hisob palatasi axborot-tahlil sho‘’basi mudiri lavozimida faoliyat yuritib kelayotgan Xikmatillo Latipov Andijon viloyati Jalaquduq tumani hokimi etib tayinlandi.
Zohidjon Ahmadaliyev Andijon viloyati Xo‘jaobod tumani hokimi etib tayinlandi. Ushbu lavozimni egallab kelayotgan Otabek Rasulov vazifasidan ozod etildi.
Andijon viloyati Asaka tumani hokimi Inomjon Mamadaliyev egallab turgan lavozimidan bo‘shatildi. Uning o‘rniga Andijon viloyati Jalaquduq tumani Ichki ishlar bo‘limi boshlig‘i lavozimida ishlab kelayotgan Mansurbek Alixanov tayinlandi. Shuningdek, Sarvarbek Sultonov Sirdaryo viloyati Shirin shahri hokimi bo‘ldi.
Qo‘shimcha imkoniyatlarga ega bulish uchun saytda ro‘yxatdan o‘ting