«alisher qodirov» tegli maqolalar


17 avgust 2022, 19:51

«Qoraqalpog‘istonda hech qanday repressiya va bosim yo‘q» — Alisher Qodirov

Alisher Qodirov Qoraqalpog‘istondagi tartibsizliklarning mingdan ortiq ishtirokchisi «aybsiz bo‘lgani uchun emas, yaxshi niyat namoyishi sifatida» qo‘yib yuborilganini ma’lum qildi. Qolganlar tergov qilinmoqda (qancha odamligi aytilmadi). Hech qanday repressiya va bosim yo‘q, deya qo‘shimcha qildi deputat.

5 avgust 2022, 12:19 2

Deputat «Gazeta.uz» Nukusdan tayyorlagan reportajni yolg‘on deb atadi

Qonunchilik palatasi spikeri o‘rinbosari, Qoraqalpog‘istondagi voqealarni o‘rganish bo‘yicha parlament komissiyasi a’zosi Alisher Qodirov «Gazeta.uz» Nukusdan tayyorlagan reportajni yolg‘on deb atadi va «oldi-qochdi talqinlarga» ishonmaslikka chaqirdi.

21 iyun 2022, 16:17

«Lo‘lichilik qilmang». Rasul Kusherbayev va Alisher Qodirov nima sababdan tortishib qoldi?

Seshanba kuni quyi palata majlisida Rasul Kusherbayev va Alisher Qodirov o‘rtasida bahs yuzaga keldi. Bunga fuqarolarning shaxsiy elektron ma’lumotlarini olishga imkon beruvchi qonun loyihasi sabab bo‘ldi. Rasul Kusherbayev hamkasbining gapini bo‘lib qo‘ygan bo‘lsa, Alisher Qodirov esa shaxsiyatga o‘tib ketdi.

2 iyun 2022, 12:53

Nizoli holatda YPX xodimini tasvirga olishni hech kim taqiqlamoqchi emas — Alisher Qodirov

«Milliy tiklanish» partiyasi yetakchisi Alisher Qodirov fraksiya a’zolari YPX xodimini suratga olishni taqiqlovchi qonun loyihasini boshqa normalar borligi uchun ham qo‘llab-quvvatlaganini ma’lum qildi. Uning so‘zlariga ko‘ra, nizoli holatda YPX xodimini tasvirga olishni hech kim taqiqlamoqchi emas. Partiya deputatlari esa mazkur normani qonundan chiqarib yuborish kerakligini, ichki ishlar xodimlari qasddan fuqarolarni aybdor qilishga uringanida o‘zini himoya qilish uchun ham videoga olish zarurligini ta’kidlashdi.

17 may 2022, 16:38

«Qo‘lingizga Konstitutsiyani oling va o‘qing: qaysi modda nima uchun o‘zgarishi kerak?»

O‘zLiDeP va «Milliy tiklanish» partiyalari Konstitutsiyaga o‘zgartirishlar kiritish to‘g‘risidagi masalani parlamentning ikki palatasi kengashlari muhokamasiga kiritish to‘g‘risidagi qarorni qabul qildi. O‘zLiDeP rahbari Aktam Xaitov takliflarda xalqning orzu-istaklari mujassam ekanligini ta’kidladi. «Milliy tiklanish» yetakchisi Alisher Qodirov esa barcha fuqarolarni taklif bildirishga chaqirdi. Deputatlar prezident avvalroq bildirib o‘tgan takliflarni takrorlamoqda.

24 fevral 2022, 09:52

Yakkasaroyda ishchilariga namoz o‘qishga sharoit yaratib bergan tadbirkor 21,6 mln so‘m jarimaga tortildi

Toshkentning Yakkasaroy tumanida GTA Showroom kompaniyasi rahbari korxona binosida ishchi va mijozlarga namoz o‘qishga sharoit yaratib bergani uchun 21,6 mln so‘m miqdorida jarimaga tortildi. «Milliy tiklanish» partiyasi yetakchisi Alisher Qodirov sudya MJTKning 201-moddasini noto‘g‘ri qo‘llaganini, namoz o‘qish «diniy marosim emas, balki e’tiqodning o‘zagi, erkinligi kafolatlangan huquq» ekanini ta’kidladi.

12 noyabr 2021, 19:12

«32 mamlakatda elektron sigaretalar cheklangan ekan, nima uchun biz cheklamasligimiz kerak» — Alisher Qodirov

Milliy tiklanish partiyasi rahbari elektron sigaretalarni cheklash taklifi bilan chiqdi. «32 mamlakatda elektron sigaretalar cheklangan ekan, nima uchun biz cheklamasligimiz kerak», — dedi Alisher Qodirov. Partiya fraksiyasi a’zolari uni qo‘llab-quvvatladi.

25 oktabr 2021, 19:38

Alisher Qodirov Shavkat Mirziyoyevni saylovdagi g‘alabasi bilan tabrikladi

“Milliy tiklanish"dan nomzod Alisher Qodirov Shavkat Mirziyoyevni prezidentlik saylovida g‘olib bo‘lgani bilan tabrikladi. U “xalqning farovonligi yo‘lida qo‘lni-qo‘lga berib, birgalikda faoliyat ko‘rsatish lozimligini” ta’kidladi.

24 oktabr 2021, 11:42

Alisher Qodirov prezidentlik saylovlarida ovoz berdi

“Milliy tiklanish” partiyasidan prezidentlikka nomzod Alisher Qodirov 116-saylov uchastkasida ovoz berdi.

21 oktabr 2021, 17:25

«Biz yoqish uchun shirin gaplarni gapirmoqchi emasmiz» — Alisher Qodirov migrantlarni soliqqa tortish taklifiga izoh berdi

Alisher Qodirov migrantlardan soliq undirish borasidagi taklifi yuzasidan izohlarga munosabat bildirdi. U mamlakat haligacha mehnat resurslarini xorijga eksport qilishga majbur ekanligini ta’kidlab, mehnat migrantlarini bunga tayyorlash kerakligini aytdi. «O‘zbekiston fuqarosi nafaqat o‘zining qorni, balki O‘zbekiston, deb yashashi kerak», — deya ta’kidladi prezidentlikka nomzod.

21 oktabr 2021, 16:09

«Odamlar meni tushunmayotgan paytda g‘alabadan umidvor bo‘lishim mumkinmi?» — Alisher Qodirov

«Milliy tiklanish» partiyasi nomzodi toshkentlik saylovchilar uchrashuvda g‘alabadan umidvor emasligini, biroq, odamlar albatta o‘zgarishini ta’kidladi. «Odamlar meni tushunmayotgan paytda g‘alabadan umidvor bo‘lishim mumkinmi? Afsus bilan aytish kerak, agar odamlar meni tushunmayotgan bo‘lsa menga ovoz bermaydi», — dedi Alisher Qodirov. U saylov kampaniyasi boshida prezident saylovlarida g‘alaba qozonish niyatida ekanligini ma’lum qilgandi.

16 oktabr 2021, 11:28 1

«Prezident bo‘lsam, migrantlar soliqqa hech qachon tortilmaydi» — Shavkat Mirziyoyev

O‘zLiDeP nomzodi va amaldagi prezident Shavkat Mirziyoyev «Milliy tiklanish» partiyasi nomzodi Alisher Qodirovning migrantlarni soliqqa tortish haqidagi taklifini tanqid qilib, «bu soliqqa tortiladigan daromad emasligini» aytdi. «Ishontirib aytmoqchimanki, agar men shu yurtda rahbar bo‘lib ishlasam, ular hech qachon soliqqa tortilmaydi… Ham o‘zini, ham oilasini boqayotgan yurtdoshlarimizga, faqat rahmat aytish kerak», — dedi u.

14 oktabr 2021, 19:03

«Qodirov ochko yo‘qotish uchun atay shunaqa gapirtirilganmi?» Twitter va Telegram foydalanuvchilari migrantlardan ham soliq undirish taklifi haqida

«Milliy tiklanish» partiyasidan prezidentlikka nomzod Alisher Qodirov saylovchilar bilan muloqotda migrantlardan ham soliq undirish taklifini bildirdi. «Gazeta.uz» Twitter va Telegram foydalanuvchilarining hamda migrantlarning ushbu holat yuzasidan bildirgan ayrim fikr-mulohazalarini taqdim etadi.

14 oktabr 2021, 15:28 1

«Migrantlar ham mamlakat taraqqiyoti uchun soliq to‘lasin» — Alisher Qodirov

«Milliy tiklanish» partiyasidan prezidentlikka nomzod Alisher Qodirov saylovchilar bilan muloqotda migrantlardan ham soliq undirish taklifini bildirdi. «Kelinglar endi yana ham vatanparvarroq bo‘laylik, migrantlar ham o‘zining solig‘ini mamlakat taraqqiyoti uchun to‘lasin», — dedi u.

28 sentabr 2021, 15:21

«Mahallaga juda ko‘p vazifalarni yuklab yuboryapmiz» — Alisher Qodirov

«Milliy tiklanish» partiyasidan prezidentlikka nomzod Alisher Qodirov so‘nggi paytlarda mahallalarga juda ko‘p vazifalar yuklab yuborilayotganini tanqid qildi. Uning ta’kidlashicha, mahalla aslida «odamlarni birlashtiradigan, maslahat, muloqot qiladigan maskan bo‘lishi kerak».

24 sentabr 2021, 15:30

Raqib sifatida bitta Shavkat Mirziyoyevni ko‘raman — Alisher Qodirov

“Milliy tiklanish” demokratik partiyasidan prezidentlikka nomzod Alisher Qodirov saylovda o‘ziga bitta Shavkat Mirziyoyevni raqib sifatida ko‘rishini ma’lum qildi.

23 sentabr 2021, 16:50

«Inson o‘zgarsa, jamiyat o‘zgaradi» — «Milliy tiklanish» nomzodi Alisher Qodirovning saylovoldi dasturi

«Milliy tiklanish» demokratik partiyasi nomzodi Alisher Qodirov o‘z saylovoldi dasturini e’lon qildi. Prezidentlikka nomzod bog‘chalarning davlat tomonidan moliyalashtirilishi, oliy ta’lim davlat tasarrufidan chiqarilishi, monopoliyalarni tugatish, islom moliyalashtirish tizimini joriy qilish va Aliment fondini tashkil qilish singari takliflarni ilgari surdi. Nomzodning to‘liq dasturi.

20 sentabr 2021, 10:21

«Prezidentlikka Alisher Qodir…» — Alisher Qodirov saylov kampaniyasini boshladi

Dushanba kuni prezidentlikka nomzodlarning saylovoldi kampaniyasi boshlandi. «Milliy tiklanish» partiyasi tashviqot ishlariga start berib, banner va viderolikni e’lon qildi. Alisher Qodirovning familiyasi to‘liq ko‘rinmaganligi sababli, bannerda jumlani quyidagicha o‘qish mumkin: «Alisher Qodir».

13 sentabr 2021, 17:04

Alisher Qodirov «Adolat» nomzodi bilan debatga tayyor — «Milliy tiklanish»

«Milliy tiklanish» partiyasi vakolatli vakili partiya debatlar va saylovoldi dasturini ekspertizadan o‘tkazishga tayyor ekanini ma’lum qildi. «Alisher Qodirov o‘zining joyini bo‘shatib berishga emas, kurashishga tayyor. Biz hech qachon orqaga chekinmaymiz», — dedi Bahodir Mamatxonov.

8 sentabr 2021, 18:15

«Maqolamizda yozgan faktlardan ortga qaytmaymiz». «Adolat» nomzodi «Milliy tiklanish» bilan nizo haqida

«Adolat» partiyasidan prezidentlikka nomzod Milliy tiklanish partiyasi bilan mojarolarga izoh berdi. Bahrom Abduxalimov partiya «maqolasida yozgan faktlardan orqaga qaytmasligini» aytib, Alisher Qodirovni ko‘chirmakashlikda ayblayotganini yana bir bor tasdiqladi. Qolaversa, u partiya bu to‘g‘risidagi xabarni tarqatish uchun blogerlarga pul to‘laganini inkor etdi. «Debatni Alisher Qodirov bilan ham kutish mumkin», — dedi Bahrom Abduxalimov.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting