1−2 iyul kunlari Qoraqalpog‘istonda yuz bergan fojiali voqealar yuzasidan Nukus aholisining fikr-mulohazalarini aks ettiruvchi «Gazeta.uz»dagi maqola e’lon qilinganidan roppa-rosa bir hafta o‘tgach, rasmiylarning ilk munosabati paydo bo‘ldi.
O‘zbekiston Oliy Majlisi Qonunchilik palatasi spikeri o‘rinbosari, «Milliy tiklanish» demokratik partiyasi yetakchisi va iyul oyi boshida Qoraqalpog‘istonda sodir bo‘lgan voqealarni o‘rganuvchi parlament komissiyasi a’zosi Alisher Qodirov mazkur maqolani yolg‘on deb atadi.
«Komissiya a’zosi sifatida bu maqolada keltirilgan fikrlarni batafsil rad etish uchun vakolatim yo‘q, lekin ko‘p aniq dalillar bilan tanish ekanligim uchun bu maqola yolg‘on va chalg‘ituvchi talqinlarga to‘la ekanligini aniq aytaman», — deb yozdi deputat.
Telegramdan foydalanasizmi? Muhim yangiliklarni o‘tkazib yubormaslik uchun kanalimizga a’zo bo‘ling.
«Komissiya xulosasini kuting. Oldi-qochdi talqinlarga ishonishga shoshilmang», — deya ta’kidladi Alisher Qodirov.
