Sport
O‘zbekistonga futbol bo‘yicha Jahon kubogi olib kelinadi
FIFAning maxsus turnesi doirasida O‘zbekistonga futbol bo‘yicha Jahon kubogi olib kelinadi. 6 iyun kuni o‘tkaziladigan taqdimot doirasida futbol yulduzlari — Kristian Karambyo va Karles Puyolning ishtirok etishi kutilyapti.
«Ayntraxt» Yevropa ligasi g‘olibiga aylandi
Germaniyaning «Ayntraxt Frankfurt» va Shotlandiyaning «Reyndjers» jamoalari o‘rtasida kechgan Yevropa ligasi final o‘yinida nemis klubi g‘alaba qozondi. Asosiy va qo‘shimcha bo‘limlarda 1:1, penaltilar seriyasida 5:4 hisobi qayd etildi.
Xitoy pandemiya sababli yana bir musobaqa mezbonligini rad etdi
Xitoy pandemiya bilan bog‘liq xavotirli vaziyat tufayli futbol bo‘yicha Osiyo kubogi-2023 musobaqasiga mezbonlik qila olmasligini ma’lum qildi. Musobaqaning yangi mezboni yaqin kunlarda aniqlanadi.
Eng ko‘p daromad oladigan sportchilar ro‘yxati e’lon qilindi
Forbes’ning eng ko‘p haq to‘lanadigan sportchilar ro‘yxatida Lionel Messi yetakchilik qilmoqda. U o‘tgan 12 oy ichida umumiy hisobda 990 mln dollardan ko‘proq daromad olgan atletlar o‘ntalagida eng daromadli (130 mln dollar) sportchi bo‘lib turibdi. Messidan keyin Lebron Jeyms (121,2 mln dollar) va Krishtianu Ronaldu (115 mln dollar) joy olgan.
Marafonga tayyorlanishni nimadan boshlash kerak?
O‘zbekistonda so‘nggi yillarda marafon yugurish ommalashib bormoqda. Yugurish bilan oldin shug‘ullanmaganlar birdaniga uzoq masofani zabt etolmasliklari mumkin. Marafonga tayyorlanishni nimadan boshlash kerak? Qulay sport kiyimlari qanday bo‘ladi? Uzoq masofaga yugurganda ovqatlanish va suv ichishda nimalarga e’tibor qaratish lozim? Marafonning inson organizmi uchun qanday foydali tomonlari bor? Tavsiyalar.
UEFA yevrokuboklarga o‘zgarishlar kiritdi. Yangi format haqida nimalar ma’lum?
UEFA 2024/25 yilgi mavsumdan boshlab yangicha ko‘rinishda o‘tkaziladigan klub musobaqalari formati va saralash sxemasini tasdiqladi. Unga ko‘ra, Chempionlar ligasida ishtirokchilar soni 32 tadan 36 taga oshiriladi. Shuningdek, guruh bosqichi o‘rniga 36 ta klubdan iborat yagona liga tashkil etiladi.
Tursunoy Jabborova og‘ir atletika bo‘yicha jahon chempioni bo‘ldi
Gretsiyadagi og‘ir atletika bo‘yicha yoshlar o‘rtasidagi jahon chempionatida o‘zbekistonlik Tursunoy Jabborova -87 kg vazn toifasida dast ko‘tarish va siltab ko‘tarish bo‘yicha jahon chempioni bo‘ldi.
Sharofiddin Amriddinov og‘ir atletika bo‘yicha yoshlar o‘rtasida jahon chempioni bo‘ldi
Gretsiyada bo‘lib o‘tayotgan yoshlar o‘rtasida og‘ir atletika bo‘yicha jahon chempionatida Sharofiddin Amriddinov -102 kg vazn toifasida g‘alaba qozondi.
Oksana Chusovitina Parij Olimpiadasiga tayyorgarlik ko‘radi
Oksana Chusovitina 2024 yil Parij shahrida bo‘lib o‘tadigan yozgi Olimpiya o‘yinlariga tayyorgarlik ko‘rishini ma’lum qildi. U hozirga qadar Olimpiya o‘yinlarida 8 marotaba ishtirok etgan.
Boks: Shahram G‘iyosov IBF North American chempionlik kamarini qo‘lga kiritdi
O‘zbekistonlik bokschi Shahram G‘iyosov AQShda meksikalik Kristian Gomesni mag‘lub etdi va vakant bo‘lgan IBF North American chempionlik kamarini qo‘lga kiritdi.
Boks: Elnur Abduraimov Manuel Korreani mag‘lub etdi
O‘zbekistonlik bokschi Elnur Abduraimov AQShda kubalik Manuel Korrea ustidan ikkinchi raundda muddatidan avval g‘alaba qozondi.
COVID-19 tufayli Xitoy mezbonlik qiladigan Osiyo va Paraosiyo o‘yinlari qoldirildi
10−25 sentabr kunlari Xitoyning Xanchjou shahri mezbonlik qilishi rejalashtirilgan XIX Osiyo va Paraosiyo o‘yinlari mamlakatdagi COVID-19 bilan bog‘liq murakkab epidemiologik vaziyat tufayli bir yilga kechiktirildi.
«Liverpul» Chempionlar ligasi finalida «Real Madrid»ga qarshi o‘ynaydi
UEFA Chempionlar ligasi finalida Angliyaning «Liverpul» klubi Ispaniyaning «Real Madrid» klubiga qarshi maydonga tushadi. Final o‘yini 28 may kuni Parijdagi «Stad-de-Frans» stadionida bo‘lib o‘tadi.
Umida Omonova blits bo‘yicha ham yoshlar o‘rtasida jahon chempioni bo‘ldi
Umida Omonova Gretsiyadagi shaxmat bo‘yicha yoshlar o‘rtasidagi jahon chempionatida ham rapid, ham blits bo‘yicha g‘alaba qozonib, musobaqani ikkita oltin bilan tugatdi. Humoyun Bekmurodov esa «Open12» guruhida ikkala yo‘nalishda ham kumush medali sohibi bo‘ldi.
FIDE o‘smirlar jahon chempionatida o‘zbekistonlik shaxmatchilar oltin va kumush medalga ega chiqishdi
Shaxmatning rapid yo‘nalishi bo‘yicha FIDE o‘smirlar jahon chempionatida o‘zbekistonlik Umida Omonova (16 yosh) jahon chempioni bo‘ldi, Humoyun Bekmurodov (12 yosh) esa kumush medali sohibiga aylandi.
O‘zbekistonda bukmekerlik faoliyatini qonuniylashtirish bekor qilindi
Prezident O‘zbekistonda bukmekerlik faoliyatini qonuniylashtirish to‘g‘risidagi qarorni bekor qildi. Prezidentning avvalgi farmoni bilan 2021 yil 1 yanvardan bukmekerlik idoralarini ochishga ruxsat berilgan, biroq huquqiy asoslar mavjud bo‘lmagani sababli mamlakatda ular faoliyati noqonuniy bo‘lib qolayotgan edi.
Sport kurashlari bo‘yicha O‘zbekiston termasi Osiyo chempionatida 8 ta medalni qo‘lga kiritdi
Sport kurashlari bo‘yicha O‘zbekiston terma jamoasi Osiyo chempionatini 8 medal — 2 kumush va 6 bronza medali bilan yakunladi.
O‘zMTRK futbol bo‘yicha jahon chempionatini translyatsiya qilish huquqini sotib oldi
Qatarda bo‘lib o‘tadigan futbol bo‘yicha 2022 yilgi jahon chempionati O‘zbekistonda MTRK tomonidan namoyish qilinadi. Kompaniya ushbu musobaqaning barcha 64 ta uchrashuvini o‘z telekanallarida efirga uzatish huquqini sotib olgan.
Davlat Umarov: Qanday qilib futbol muxlisiga aylandim?
O‘zbekistonda futbolni sevishadi va ko‘pchilik bolaligidan sevimli jamoasini tanlab, unga ishqibozlik qiladi. Jurnalist Davlat Umarov «Qanday qilib futbol muxlisiga aylandim?» loyihasi doirasida 2018 yil Rossiyada o‘tkazilgan Jahon chempionatida volontyor sifatida qatnashgani hamda «Liverpul» futbolchisi Stiven Jerrardning butsasini ilib olishiga bir bahya qolganligi haqida so‘zlab berdi.
O‘zbekiston gimnastikachilari jahon kubogida 7 medalni qo‘lga kiritdi
Toshkentda bo‘lib o‘tgan badiiy gimnastika bo‘yicha jahon kubogi bosqichida O‘zbekiston gimnastikachilari 4 ta oltin, 2 ta kumush va 1 ta bronza medalini qo‘lga kiritdi. Shulardan 3 ta oltin va 1 ta bronzani terma jamoa hisobiga Taxmina Ikromova olib keldi.
Eng ko‘p o‘qilgan xabarlar | So‘nggi yangiliklar
- “Final uchun rejamiz bor”. Timur Kapadze — Osiyo kubogi finalida Yaponiyaga qarshi o‘yin haqida
- “Maqsadimizdan kechmaymiz. Ishonch bilan o‘ynanglar”. Kapadze Indoneziyaga qarshi o‘yin oldidan shogirdlariga nima degandi?
- O‘zbekistonlik hokkeychilar U-18 Osiyo va Okeaniya kubogi chempioni bo‘ldi (video)
Qo‘shimcha imkoniyatlarga ega bulish uchun saytda ro‘yxatdan o‘ting