Jamiyat
Nukus voqealaridan so‘ng 516 kishi qo‘lga olingandi. Nega faqat 22 kishi sud qilinmoqda?
Qoraqalpog‘istondagi tartibsizliklardan so‘ng 516 kishi qo‘lga olingan edi. Mustaqil komissiyaning ma’lum qilishicha, ularning 100 dan ortig‘i jamoat kafilligi asosida va qamoq ehtiyot chorasi uy qamog‘iga almashtirilishi natijasida oilasiga bag‘riga qaytarilgan, qolganlari esa ma’muriy javobgarlikka tortilgan.
Jizzaxda 17 bosh toychoq yonib ketdi
Sharof Rashidov tumanida o‘g‘il otasining mol-mulkni noto‘g‘ri taqsimlaganidan norozi bo‘lib, otxonasini yoqib yubordi. Oqibatda 102 mln so‘mlik 17 bosh toychoq va 145 mln so‘mlik beda g‘arami hamda otxonaning tom qismi yonib ketdi. Holat yuzasidan jinoyat ishi qo‘zg‘atildi.
O‘zbekistonda 10 oyda YTHlar oqibatida 226 nafar bola halok bo‘ldi
O‘zbekistonda 2022 yil yanvar-oktabr oylarida yuz bergan 7636 ta yo‘l-transport hodisasi oqibatida 1931 kishi halok bo‘ldi, ularning 226 nafari — bolalar. Avvalroq SSV O‘zbekistonda YTHlar oqibatida 5−14 yoshli bolalar o‘limi darajasi Yevropa mamlakatlariga qaraganda 4 baravar yuqoriligini ma’lum qilgan edi
Jarima ballarini hisoblash tizimi 1-dekabrdan boshlab test rejimida ishga tushiriladi — YHXX
1-dekabrdan haydovchilar qoidabuzarligi uchun jarima ballarni hisoblash test rejimida ishga tushiriladi. Test rejimi vaqtida aniqlangan qoidabuzarliklar bo‘yicha ballar hisobga olinmaydi.
Ketma-ket o‘sishdan so‘ng koronavirus yuqtirganlar soni biroz kamaydi
O‘zbekistonda dushanba kuni 131 kishining koronavirusga qarshi topshirgan testi musbat natijani qayd etdi (bir kun avval 137 kishi). Kasallanishlarning aksariyati Toshkent shahrida ekani ma’lum bo‘ldi.
Toshkentdagi aholi gavjum hududlarda 170 ta mini-poliklinika ish boshlaydi
Poytaxtning 12 ta tumanidagi ko‘p qavatli uylar hududida 170 ta mini-poliklinika tashkil etiladi. SSV bu aholini oddiy ko‘riklar uchun ham poliklinikaga qatnash ovoragarchiligidan xalos qilishini ta’kidlamoqda. Loyiha natijalari tahlil qilingach, 6 oydan so‘ng boshqa hududlarga tatbiq etiladi.
Davlat ro‘yxatidan o‘tkaziladigan ko‘chmas mulkka bo‘lgan huquq va cheklovlar ro‘yxati belgilandi
Ko‘chmas mulkka doir yangi qonun bilan yer uchastkasi, bino, inshoot va qurilish jarayonidagi obyektlar, shuningdek, ko‘p yillik daraxtlar va mulkiy majmua sifatidagi korxonalarga 13 turdagi huquqlar yoki cheklovlarni davlat ro‘yxatidan o‘tkazish belgilandi. Qonun e’lon qilingandan 3 oy o‘tib kuchga kiradi.
Qashqadaryoda «KamAZ» urib ketishi sabab 9 yoshli qiz vafot etdi
Qamashi tumanida «KamAZ» piyodalar yo‘lagidan o‘tayotgan 2013 yilda tug‘ilgan qizni urib ketdi. Jabrlanuvchi og‘ir jarohat olib vafot etdi.
Turdanov Tajimuratovga qarshi ko‘rsatuv berdi
Ayni vaqtda Buxoro viloyati sudida ayblanuvchilar Nukus voqeasi bo‘yicha o‘z fikrini bildirmoqda. Birinchi bo‘lib so‘zga chiqqan Azamat Turdanov Dauletmurat Tajimuratov bilan tortishib qoldi va unga qarshi ko‘rsatuv berdi.
Buxoroda Cobalt haydovchisi IIB xodimi mashinasini urib qochdi
Qorako‘l tumanida Cobalt haydovchisi yo‘lini to‘sgan IIB xodimi mashinasini urib qochdi. U avtomashinani Olot tumanida tashlab ketgani aniqlandi. Holat yuzasidan tuman prokuraturasi tomonidan tergovga qadar tekshiruv harakatlari boshlandi.
Huquqni muhofaza qilish akademiyasi tashkil etiladi
Prezident farmoni bilan Bosh prokuratura akademiyasi negizida Huquqni muhofaza qilish akademiyasi tashkil etiladi. Muassasada 2023/2024 o‘quv yilidan boshlab tergov faoliyati va huquqni muhofaza qilish faoliyatining boshqa sohalarida bakalavriat va magistratura o‘quv jarayoni yo‘lga qo‘yiladi.
28 noyabr kuni O‘zbekistonda sodir bo‘lgan eng muhim xabarlar dayjesti
Nukus voqealari bo‘yicha gumonlanuvchilarga qo‘yilgan ayblovlar, tartibsizliklar natijasida yetkazilgan 6,7 mlrd so‘m moddiy zarar, sovuq ob-havo, har payshanba OAV bilan muloqot qiladigan IIV, NKMKda halok bo‘lgan mashinist, o‘zini otib o‘ldirgan IIB xodimi va boshqalar — «Gazeta.uz»ning kun dayjestida.
Toshkentdan Nukusga 7 soatda, Urganchga esa 6 soatda yetib borish mumkin bo‘ladimi?
Prezident Nukusgacha bo‘lgan temir yo‘lni elektrlashtirish bo‘yicha ko‘rsatma berdi. Buning natijasida Toshkent bilan Nukus o‘rtasidagi qatnov vaqti 7 soatgacha qisqarishi kerak. Ma’lum qilinishicha, tezyurar elektr poyezdi Urganchga 6 soatda yetib boradi (ilgari 8 soat deyilgandi).
Chimyon hududida qor ko‘chkisi xavfi e’lon qilindi
29−30 noyabr va 1 dekabr kunlari Chimyon tog‘lari bo‘ylab qor ko‘chish xavfi e’lon qilindi. Shuningdek, kuchli yog‘ingarchilik sababli Qamchiq dovoni hududidagi avtoyo‘lda qor uyumlari yuzaga kelishi mumkin.
Nukus voqealarida ayblanuvchilarning bir qismi aybiga to‘liq iqror bo‘ldi, qolganlari esa — qisman
Dauletmurat Tajimuratov Nukus voqealari ishi bo‘yicha unga qo‘yilgan ayblovni qisman tan oldi. Lolagul Qallixanova va Azamat Turdanov — to‘liq. Boshqa gumondorlar ham o‘zining aybiga qisman yoki to‘liq iqror bo‘lishdi.
AQSh O‘zbekistonni kuch ishlatar idoralar xodimlari Nukus voqealarida qonunlarni buzgan bo‘lsa, ularni ham javobgarlikka tortishga chaqirdi
AQSh Nukus voqealarida ayblanayotganlar ustidan boshlangan sud jarayonini kuzatayotganini ma’lum qilib, O‘zbekiston hukumatini shaffoflikni ta’minlash borasidagi majburiyatlarini bajarish hamda kuch ishlatar idoralar xodimlari qonunlarni buzgan bo‘lsa, ularni ham javobgarlikka tortishga chaqirdi.
Nukus voqealari bo‘yicha sud: Kim qanday qilmishda ayblanmoqda?
Buxoroda Nukus voqealari bo‘yicha sudning birinchi kuni yakuniga yetdi. Prokuratura 22 gumonlanuvchiga nisbatan ayblovlarni o‘qib eshittirdi. Tajimuratov Qoraqalpog‘istonda hokimiyatni egallashga urinishda, Kallixanova tartibsizliklarga da’vat qilishda, Turdanov esa Jo‘qorg‘i Kenges binosini egallashda ayblanmoqda.
VietJet Air aviakompaniyasi Vetnamdan O‘zbekistonga to‘g‘ridan-to‘g‘ri reyslarni yo‘lga qo‘yadi
Vetnamning VietJet Air kompaniyasi Kamran — Toshkent — Kamran yo‘nalishi bo‘yicha to‘g‘ridan-to‘g‘ri aviareyslarni yo‘lga qo‘yadi. Parvozlar 26 dekabrdan 2023 yilning 23 martigacha 367 yo‘lovchiga mo‘ljallangan samolyotlarda amalga oshiriladi.
«Omadingizni bersin» teleo‘yini g‘oliblari 2 mlrd so‘mlik sovrinlarni ololmayotgani ma’lum bo‘ldi
Iste’molchilar huquqlarini himoya qilish agentligiga Zo’r TV kanalida namoyish etilgan «Omadingizni bersin» o‘yinida jami 2 mlrd so‘mlik yutuqlarni ololmayotgan fuqarolar murojaat qildi. Holat yuzasidan ko‘rsatuv homiysi bo‘lgan «MIA- MAA» korxonasiga ish ochilib, hujjatlar tegishli organlarga yo‘naltirildi.
Nukus voqealarida 6,7 mlrd so‘m zarar yetkazilgan — ayblov
Buxoro viloyati sudida Nukus voqealarida qatnashganlikda gumonlangan 22 kishiga qo‘zg‘atilgan jinoyat ishi xulosalarida tartibsizliklar natijasida 6,7 mlrd moddiy zarar yetkazilgani aytildi. Gumonlanuvchilarning shaxsi aniqlandi. Ularga yaqinlari bilan navbatma-navbat qisqa suhbat o‘tkazishga ruhsat berildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting