Jamiyat
Sirdaryoda yovvoyi to‘ng‘izning odamlarga hujum qilgani rad etildi
Sirdaryo viloyat Ekologiya boshqarmasi tarmoqlarda yovvoyi to‘ng‘iz odamlarga hujum qilgani haqidagi videoxabar bo‘yicha munosabat bildirdi. Unga ko‘ra, o‘tgan yil oktabrida Guliston tumanida haqiqatdan ham bir bosh yovvoyi to‘ng‘iz ovlanib, traktorda sudrab olib ketilgan, biroq qolgan kadrlar montajda qo‘shilgan.
Farg‘onada 2023 yil oxirigacha 100 MVt quvvatga ega quyosh fotoelektr stansiyasi quriladi
Farg‘ona viloyatining O‘zbekiston tumanida 98 mln dollar evaziga quvvati 100 MVt bo‘lgan quyosh fotoelektr stansiyasi quriladi. Viloyat hokimi Xayrullo Bozorov loyihani 2024 yil 2-choragida emas, balki 2023 yil oxirigacha yakunlash kerakligini aytib, buning uchun har tomonlama ko‘mak ko‘rsatilishini bildirdi.
Andijonda yuk mashinasi bosib ketgan ayol vafot etdi
Andijon tumanida yuk mashinasi haydovchisi yo‘lning belgilanmagan qismidan o‘tayotgan 21 yoshli ayolni bosib ketdi. Ko‘rsatilgan yordamga qaramasdan u shifoxonada vafot etdi.
Buxoroda fuqarolarga noqonuniy diniy ta’lim berayotgan shaxslar aniqlandi
Peshku tumanida ikki shaxs 28 kishiga, yana biri 8 kishiga arab tili bahonasida noqonuniy diniy ta’lim berib kelayotgani aniqlandi. Ular faoliyati taqiqlangan Sodiq Samarqandiyning ma’ruzalarini ijtimoiy tarmoqlar orqali tarqatib kelgani ham ma’lum bo‘ldi.
Samarqandda bankomatni o‘g‘rilab ketgan shaxslar qamoqqa olindi
Kattaqo‘rg‘on tumanida bir guruh shaxslar ichida 720 mln so‘m bo‘lgan bankomatni o‘g‘rilab ketdi. Surishtiruv davomida apparat bo‘laklari tashlandiq joydan topildi. Holat bo‘yicha 4 kishi qamoqqa olindi.
Nukus voqealari bo‘yicha sudlangan Polat Shamshetov vafot etdi
Qoraqalpog‘iston IIV Jinoyat qidiruv boshqarmasi bo‘limining sobiq boshlig‘i, Qoraqalpog‘istonning birinchi prezidenti Dauletbay Shamshetovning o‘g‘li Polat Shamshetov taxminan yurak xurujidan vafot etdi. U Nukus voqealari bo‘yicha aybdor deb topilib, 6 yil qamoq jazosiga hukm qilingandi.
Toshkent viloyatida kran qulashi oqibatida mashinist vafot etdi
Parkent tumani Zarkent qishlog‘ida avtokran qulab, uning mashinisti shifoxonada vafot etdi. Hodisa bo‘yicha maxsus tekshirish o‘tkazilib, xulosalar huquq-tartibot organlariga taqdim etilishi ma’lum qilindi.
Nukusdagi oilaviy poliklinikalarda «Allergiya va astma» maktablari tashkil etiladi
Orolbo‘yi mintaqasida allergik kasalliklarni erta aniqlash va davolash yuzasidan «Allergiya va astma» maktablarini tashkil etish reja qilinmoqda. Nukus ko‘p tarmoqli markaziy poliklinikasi qoshida tashkil etilayotgan maktablar aholi o‘rtasida bu turdagi xastaliklarni erta bosqichda aniqlash imkonini beradi.
Yapon kompaniyasi Farg‘onada chiqindini qayta ishlash korxonasini quradi. Loyiha qiymati — 10 mln dollar
Farg‘onada Yaponiyaning Sansho kompaniyasi tomonidan chiqindini qayta ishlash korxonasi quriladi. 10 mln dollarlik loyiha Satkak qishlog‘ida 2 bosqichda amalga oshiriladi. Birinchi bosqich 2023 yil sentabrgacha ishga tushirilishi rejalashtirilmoqda.
«Pedofillarga eng og‘ir jazo turi qo‘llanishi kerak» — Bola ombudsmani
Bola huquqlari bo‘yicha vakil Aliya Yunusovaga ko‘ra, Toshkentdagi 12 yashar qizning ayanchli o‘limi O‘zbekistonda bolalar xavfsizligi to‘liq ta’minlanmaganini ko‘rsatadi. Uning ta’kidlashicha, pedofillarga nisbatan jazo turini kuchaytirish, ularga hech qanday amnistiya akti tuzilmasligi va afv etilmasligi kerak.
«Bazalt» operatsiyasi boshlandi. Toshkentdagi «dom»larni sovuq o‘tmaydigan uylarga aylantirishga kirishildi
Toshkentning Chilonzor tumanidagi uchta «xrushchyovka» ko‘p qavatli uylarni isitish loyihasi doirasida bazalt plitalari bilan qoplanmoqda. Maqsad — poytaxt aholisi chiroqsiz va issiqliksiz qolib ketgan qishki inqiroz takrorlanishiga yo‘l qo‘ymaslik. «Gazeta.uz» ishlarning borishi va odamlar fikri bilan tanishdi.
Toshkentda o‘quvchilarni o‘g‘irlab ketishga urinish bo‘lgani rad etildi
Poytaxtda maktabdan qaytayotgan bolalarni noma’lum shaxslar o‘g‘irlab ketmoqchi bo‘lgani aytilgan videoxabar tarqaldi. IIVning aniqlik kiritishicha, xabarlar asossiz. Bolalar mashinaga muz bo‘lagini tepgan, avtomobildagi o‘quvchi esa ularni ichki ishlarga olib borishini aytib qo‘rqitgan.
Ayrim dorixonalarda Quramax kompaniyasi olib kirgan sirop va tabletkalar hamon sotilmoqda — «Yuksalish» harakati
O‘zbekiston bo‘ylab 308 ta dorixonada o‘tkazilgan monitoringda aniqlanishicha, sotuvi taqiqlangan, Quramax Medical kompaniyasi olib kirgan dorilar sotuvi hamon davom etmoqda. Aholi bu dorilarni yuz bergan fojiali holatlarga qaramay, avvalgidek sotib olyapti, deyiladi «Yuksalish» umummilliy harakati xabarida.
“Katta Langar — jannatmonand joy”. O‘zbekistondagi tog‘ qishlog‘i Ildar Sadikov fotonigohida
Ildar Sadikov — toshkentlik janr va strit-fotosuratchilardan. U O‘zbekistonning chekka hududlariga ko‘p sayohat qiladi va mahalliy aholi hayotini suratga oladi. Shunday joylardan biri — Shahrisabzdan 70 km masofada joylashgan, o‘zgarmay kelayotgan arxitekturasiga beton xavf solayotgan Katta Langar qishlog‘idir.
Nima tayyorlaymiz: Mol go‘shtidan taomlar
Qovurdoq, satsebeli qaylasida pishirilgan mol go‘shti, xitoycha uslubda pishirilgan go‘sht, jarkop, chashushuli, Azu va boshqalar — Zira.uz o‘zbek hamda chet el oshxonasiga mansub mol go‘shtidan tayyorlangan mazali taomlar ro‘yxatini taqdim etadi.
Toshkent viloyatida aholining mol-qo‘ylarini o‘g‘irlayotgan guruh ushlandi
Yuqori Chirchiq tumanida aholining jami 9 bosh qo‘yi va 2 bosh buzog‘ini o‘g‘irlagan 6 kishi ushlandi. Ularga nisbatan jinoyat ishi qo‘zg‘atilgan.
Qanday qilib yaxshi dam olish mumkin?
Og‘ir ish haftasidan keyin dam olish — aqliy va jismoniy resurslarni to‘ldirib olish uchun juda yaxshi imkoniyat. Hordiq chiqarmaslik professional charchoqqa va mehnat unumdorligining pasayishiga olib keladi. Xo‘sh, qanday qilib yaxshi dam olish mumkin? Javobni ushbu maqolada topishingiz mumkin.
3 fevral kuni O‘zbekistonda sodir bo‘lgan eng muhim xabarlar dayjesti
Tirigi emas, o‘ligi tanilgan 12 yoshli qiz voqeasi, Toshkentda ochilgan gaz «zapravka»lar ro‘yxati, Nukus voqealari bo‘yicha navbatdagi sud, YeOII mamlakatlari bilan tashuvlarni soddalashtirishga intilayotgan O‘zbekiston, diniy qo‘shiq tarqatib 5 yilga qamalgan yigit va boshqalar — «Gazeta.uz»ning kun dayjestida.
Nukus voqealarining yana 39 nafar ishtirokchisi ustidan sud 6 fevral kuni boshlanadi
Qoraqalpog‘iston voqealarining yana 39 nafar ishtirokchisi ustidan sud jarayoni 6 fevralda boshlanadi. Ayblanuvchilar JKning «talonchilik», «ommaviy tartibsizliklar», «noqonuniy o‘qotar qurol saqlash» va boshqa moddalarida ayblanmoqda. Ba’zi ayblanuvchilarning qayerdaligi bir necha oy davomida noma’lum edi.
«Men tanilishim kerak, derdi. Tirigi emas, o‘ligi tanildi» — Yangihayotda o‘ldirilgan 12 yoshli qiz haqida
Toshkentda bedarak yo‘qolgan 12 yoshli qizning murdasi 1 fevralga o‘tar kechasi o‘zi yashagan uy oldidan topilgandi. Qizni qidirish ishlarida uni o‘ldirishda gumon qilinayotgan qo‘shni yigitning o‘zi ham qatnashgan. Qizning onasi prezidentga murojaat qilib, aybdorga «eng oliy jazo» tayinlanishini so‘radi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting