Jamiyat
Yil yakunigacha Toshkentda 250 ta tartibga solinmagan piyodalar o‘tish joyiga chaqiruv tugmali svetoforlar o‘rnatiladi
2023-yil yakuniga qadar Toshkent shahridagi jami 250 ta tartibga solinmagan piyodalar o‘tish joyiga chaqiruv tugmali svetoforlar o‘rnatiladi. “Zarbdor ikki oylik” tadbiri davomida 142 ta piyodalar o‘tish joylardagi yetishmaydigan yo‘l belgilar o‘rnatilmoqda.
Buxoro YUNESKOning “Ijodiy shaharlar tarmog‘i” dasturiga kiritildi
YUNESKO Buxoroni “Ijodkor shaharlar tarmog‘i”ga kiritdi. 2025-yilda shaharda birinchi zamonaviy dizayn va hunarmandchilik biyennalesi bo‘lib o‘tadi, unda mahalliy hunarmandlar va rassomlar xorijlik hamkasblari bilan tajriba almashishlari mumkin bo‘ladi.
Abduqodir Toshqulov Termiz davlat universiteti rektorligiga qaytdi
Abduqodir Toshqulov 2021-yilgacha rektorlik qilgan Termiz davlat universitetiga qayta rahbar bo‘ldi. Bungacha u oliy va o‘rta maxsus ta’lim vaziri, prezidentning yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisi o‘rinbosari lavozimlarida ishlagan.
Sardor Rahimxon “Vaqf” fondi rahbari o‘rinbosari etib tayinlandi
Sardor Rahimxon “Vaqf” fondi rahbari — xayriya ishlari bo‘yicha direktor o‘rinbosari etib tayinlandi.
O‘zbekistonda 2025-yildan yoshga doir pensiya tayinlashda hujjat talab etilmaydi
Prezident qaroriga ko‘ra, yoshga doir pensiyalarni proaktiv shaklda tayinlash tartibi joriy etiladi. Bunda, 2025-yil 1-martdan fuqarolarga yoshga doir pensiyalar alohida murojaat talab etmagan holda, Pensiya jamg‘armasining axborot tizimi orqali tegishli ma’lumotlariga asosan tayinlanadi.
FHDYdan o‘tmagan shaxslarga nikoh o‘qish jinoiy javobgarlikka sabab bo‘ladi
Jinoyat kodeksiga kiritilgan o‘zgartirishlarga ko‘ra, endi nikohi FHDYda qayd etilmagan shaxslar o‘rtasida nikoh tuzishga doir diniy marosim o‘tkazish jinoiy javobgarlikka sabab bo‘ladi. Shuningdek, milliy, irqiy, etnik yoki diniy mansubligiga qarab kamsitish ham shunday javobgarlikni keltirib chiqaradi.
O‘zbekistonda poyezd chiptalari narxi oshdi
1-noyabrdan mahalliy poyezdlar chipta narxlari ko‘tarildi. Xususan, yo‘lovchi poyezdlarida narxlarning tarif qismi 44 foizga, “Afrosiyob” elektropoyezdlariniki esa 60 foizga oshirildi.
Endi ko‘p xotinlikni targ‘ib qilganlar javobgarlikka tortiladi
O‘zbekistonda ko‘p xotinlikni targ‘ib qilish BHMning 30 baravarigacha (9,9 mln so‘mgacha) jarima yoki 15 sutkagacha qamoq bilan jazolanadigan bo‘ldi. Shuningdek, jins bo‘yicha kamsitishni targ‘ib qilish va jamoat joylarida yuzni tanib bo‘lmas darajada berkitish ham javobgarlikka sabab bo‘ladi.
Toshkentda 3 kishi Falastinni qo‘llash bo‘yicha noqonuniy mitingda qatnashgani uchun 15 sutkaga qamaldi
Toshkentda Falastinni qo‘llab-quvvatlash bo‘yicha noqonuniy mitingda qatnashgani uchun kamida uch kishi 15 sutkaga hibsga olingani ma’lum bo‘ldi.
O‘zbekiston va Fransiya prezidentlari Samarqandda muzokara o‘tkazadi
1−2-noyabr kunlari Fransiya prezidenti O‘zbekistonga rasmiy tashrif bilan keladi. Tashrif tadbirlari Samarqand shahrida bo‘lib o‘tadi, unda Emmanuel Makron va Shavkat Mirziyoyev o‘rtasidagi muzokaralar hamda ikki davlat biznes-forumi o‘tkaziladi.
Sud Toshkent viloyatida yashovchi fuqaroni yollanma faoliyati uchun qamoq jazosiga hukm qildi
Yuqori Chirchiq sudi Toshkent viloyatida yashovchi fuqaroni yollanma faoliyati uchun besh yilga ozodlikdan mahrum qildi. OAV, tergovga ko‘ra, mahkum 2014−2015-yillarda Ukrainada o‘zini o‘zi mustaqil deb e’lon qilgan DXR tomonida jang qilgani haqida xabar berdi.
Isroildagi ayrim o‘zbekistonliklar vatanga qaytishni xohlamayapti — TIV vakili
Tashqi ishlar vaziri o‘rinbosari Bahromjon A’loyev Isroildagi 10,5 mingdan ziyod o‘zbekistonliklarning aksariyati keksa yoshdagilarga xizmat ko‘rsatishini va ular O‘zbekistonga qaytishni xohlamayotganini bildirdi. U fuqarolarning moddiy qiyinchiliklar sabab o‘sha sharoitda qolib ishlashga majbur bo‘layotganini aytdi.
Yangi yilga nima sovg‘a qilish mumkin?
2023-yilning uchta ajoyib ASUS noutbuklari yoqimli sovg‘a bo‘lishi mumkin.
Mirzaobod tumaniga Sarvar Sultonov hokim etib tayinlandi
Shu vaqtgacha Sirdaryo viloyatining Shirin shahri hokimi lavozimida ishlab kelgan Sarvar Sultonov Mirzaobod tumaniga hokim etib tayinlandi.
Xorazmdagi maktabda o‘quvchini kaltaklagan o‘qituvchi ishdan olindi
Tarmoqlarda Bog‘ot tumanidagi maktabda o‘qituvchi o‘quvchini do‘pposlagani aks etgan video tarqaldi. Xorazm viloyati maktab ta’limi boshqarmasi voqeadan so‘ng o‘qituvchi ishdan olingani, bolalar ombudsmani esa o‘quvchining manfaatlarini himoya qilish uchun barcha choralar ko‘rilishini bildirdi.
Toshkent viloyati hokimligi SSB boshlig‘ining hashar bo‘yicha topshirig‘ini “majburiy mehnat emas” deya atadi
Toshkent viloyati hokimligi viloyat SSB boshlig‘i tibbiyot xodimlarini “o‘zbekona qadriyatlarga hurmat va ona tabiatga e’tibor nuqtai nazaridan” hasharda qatnashishga chaqirgan, deb bayonot berdi. Avvalroq viloyat hokimi hasharda qatnashish tashabbusi ijtimoiy muassasa rahbarlarining o‘zidan chiqqanini ta’kidlagan.
Toshkentda yo‘lni belgilanmagan joydan kesib o‘tgan 6000 dan ortiq piyoda jarimaga tortildi
Poytaxtda “Diqqat piyoda” tadbiri doirasida yo‘lning belgilanmagan joyidan kesib o‘tgan 6000 nafardan ortiq piyoda jarimaga tortildi, dedi Toshkent YHXB boshlig‘i Rafiqjon Jalilov. 57 nafar haydovchiga esa piyodalarga yo‘l bermagani uchun chora ko‘rilgan. Joylarda 34 ta tugmachali svetofor o‘rnatilgan.
UzPost O‘zbekiston bo‘ylab jo‘natmalarni 24 soat ichida yetkazib berishni yo‘lga qo‘ydi
UzPost (“O‘zbekiston pochtasi”) respublika bo‘ylab jo‘natmalarni 24 soat ichida yetkazib berish xizmatini yo‘lga qo‘ydi. Xizmat narxi 1 kg uchun 15 ming so‘mdan boshlanadi, qo‘shimcha kilogramm uchun 3 ming so‘mdan to‘lanadi. Mijozlar saytda yetkazmaning borishini kuzatishi mumkin bo‘ladi.
Noyabr oyida ob-havo qanday bo‘ladi?
O‘zbekistonda noyabr oyi quruq ob-havo bilan boshlanadi. Oy davomida harorat kechalari 0…+10 darajagacha, kunduzi +7…+20 darajagacha o‘zgarib turadi. Ba’zan -2 darajagacha tushishi mumkin. Yog‘ingarchilik me’yoriy, ba’zi joylarda ko‘proq bo‘lishi kutilmoqda.
Buxoro shahar hokimligi binosi ko‘chirildi. Bu turistik markaz qurilishi bilan bog‘liq bo‘lishi mumkinligi aytilmoqda
Buxoro shahri markazidagi binolar va stadion o‘rniga turistik markaz qurilishi loyihasi yil boshida e’tirozlar sabab to‘xtab qolgandi. Kun.uz`ning yozishicha, masala yana ko‘tarilgan, shahar hokimligi boshqa hududga ko‘chirilgan, shahar markazi “snos”ga tayyorlanayotgan bo‘lishi mumkin. Hokimlik vakili buni rad etdi.
Eng ko‘p o‘qilgan xabarlar | So‘nggi yangiliklar
- Namanganda 7 yoshli qizga qilingan jinsiy zo‘ravonlik ishi qayta malakalanib, erkak qamoqqa olindi
- Tazyiq va zo‘ravonlikdan jabrlanganlarning ijtimoiy himoyasi kuchaytiriladi
- 14-mayda diniy tadbir tufayli vaqtinchalik avtobus yo‘nalishlari tashkil etiladi
- Toshkentda Malibu urib yuborgan piyoda vafot etdi
Qo‘shimcha imkoniyatlarga ega bulish uchun saytda ro‘yxatdan o‘ting