Jamiyat
Kimni hisobiga korrupsiya bo‘lyapti? Xalqimiz hisobiga — Shavkat Mirziyoyev
“Davlat nima bilan qudratli? Qonun bilan. Hech kimni bunaqa qilishiga yo‘l qilmaymiz. Bu narsalar bizga saboq bo‘lishi kerak”, — dedi Shavkat Mirziyoyev mamlakatda kuzatilayotgan korrupsiya holatlari haqida.
Dam olish kunlari iliq ob-havo kuzatiladi
Dam olish kunlari O‘zbekiston hududining ko‘p qismida bu kunlarda yog‘ingarchilik kutilmaydi. Havo harorati 16−19 aprelda kechalari 9−14 daraja iliq, kunduzi 22−27 daraja iliq atrofida bo‘ladi.
Prezident Paxtachi tumanining nomini o‘zgartirishni taklif qildi
Shavkat Mirziyoyev Paxtachi tumanidan kelgan onaxon bilan suhbatda shu taklifni bildirdi. «Paxtachi degan nom, masalan, menga yoqmaydi. Nima biz Paxtachi bo‘lib o‘tib ketaveramizmi?», — deydi prezident.
Toshkentda LGBTga qarshi kurash maqsadida maktab o‘quvchilarining paypog‘i tekshirildi
Toshkentdagi maktablardan birida dars payti bolalarning oyoq kiyimini yechtirib, paypog‘ini kalta yoki uzunligini tekshirilgan. Bloger Shahnoza Soatovaning yozishicha, bunga «LGBT»ga qarshi kurash deb tushugtirish berilgan. «Dars o‘rniga LGBT mavzusini ortiqcha eslatadigan ma’ruzalar kirib bordimi maktablarga?», — deb yozadi u. Xalq ta’limi vazirligining «Gazeta.uz»ga ma’lum qilishicha, vazirlik tizimida bunday topshiriq bo‘lmagan.
O‘zbekiston xalq artisti Mirza Azizov vafot etdi
Muqimiy nomidagi O‘zbekiston davlat musiqali teatri direktori, O‘zbekiston xalq artisti Mirza Azizov 58 yoshida vafot etdi.
Ijro organlari rahbarlarlarining ko‘pi o‘qimagan, saviyasi past — prezident
Shavkat Mirziyoyev so‘nggi vaqtlar nima sababdan yig‘ilishlarda sektor rahbarlar ishdan olinayotganiga izoh berdi. «Eng katta fojia — bilim yo‘q, ko‘p rahbarlar o‘z ustida ishlamaydi, bugungi tahlikali va shiddat bilan o‘tayotgan zamonda xalqning ishonchini oqlamayapti», — dedi davlat rahbari.
Andijonda bir nechta noqonuniy yer sotish holatlari aniqlandi
Andijon viloyatida mansabdor tanishlari orqali 100 gektar yer ajratib, hujjatlarni tayyorlatib berish evaziga 128 ming dollar olgan fuqarolar vaqtida ashyoviy dalillar bilan ushlandi. Shuningdek, shahar hokimining tegishli qarorini chiqartirib, sanoat zonasidan 80 sotix yer maydoni olib berishni va’da qilib, 50 ming dollar talab qilgan fuqaro jinoyat ustida qo‘lga olingan.
«Shahidlar xotirasi» yodgorlik majmuasi rekonstruksiya qilinadi
«Shahidlar xotirasi» yodgorlik majmuasida qatag‘on qurbonlarining nomlari aks etgan ramziy kitob barpo etiladi. Bundan tashqari, maishiy xizmat binolari, milliy hunarmandchilik va savdo do‘konlari, ochiq amfiteatr va «Wi-Fi» xududlari tashkil etiladi.
Farg‘onada ayol-sudya zo‘ravonlikka uchradi
Farg‘onada nizoli xonadonda holatni o‘rganayotgan ayol-sudya zo‘ravonlikka uchradi. Sudyaga nisbatan jismoniy kuch ishlatilib, telefoni qasddan sindirilgan.
«Vatanparvar» tashkiloti «Temir daftar»ga kirganlarni haydovchilikka bepul o‘qitadi
Prezident Shavkat Mirziyoyev videoselektor yig‘ilishida 1 iyundan «Yoshlar daftari»ga kiritilgan yoshlar va mehribonlik uyi tarbiyalanuvchilariga haydovchilik guvohnomasini olish xarajatlari byudjetdan to‘lab berilishini ta’kidlab o‘tdi. «Vatanparvar» tashkiloti tomonidan «Yoshlar daftari» va «Temir daftar»ga kiritilgan fuqarolar yuqoridagi kasblarga bepul o‘qitilishi rejalashtirildi.
Namanganda Tico urib yuborgan piyoda vafot etdi
Namangan viloyatining Yangiqo‘rg‘on tumanida Tico avtomobili haydovchisi piyodani urib yuborishi oqibatida, piyoda og‘ir tan jarohatlari olib, shifoxonada vafot etgan.
Savdogar ayollarning buyumlarini tortib olgan soliqchilar ishdan olindi
Ko‘chada sotuvchilik qilayotgan ayollarning buyumlarini tortib olgan soliqchilar bo‘yicha tarqalgan videodan so‘ng, Olmaliq shahar davlat soliq inspeksiyasining 11 nafar xodimi vazifasidan ozod etildi. Shu bilan birga, Toshkent viloyati DSB boshlig‘i o‘rinbosari hamda Olmaliq shahar davlat soliq inspeksiyasi boshlig‘iga hayfsan berildi.
Korrupsiyaga qarshi kurashish agentligi «12-trest» bilan bog‘liq davlat xaridlarini o‘rganmoqda
Korrupsiyaga qarshi kurashish agentligi aksionerlari orasida qurilish vazirining o‘g‘li va turmush o‘rtog‘i ham bo‘lgan «12-trest» kompaniyasi qo‘lga kiritgan davlat xaridlarini o‘rganmoqda. Agentlik, shuningdek, Jizzax viloyati hokimining qarindoshlari bilan bog‘liq davlat xaridlari bo‘yicha materiallarni huquqni muhofaza qilish organlariga taqdim etdi.
O‘zbekning bolasi o‘zbek qadriyatlari bilan tarbiya ko‘rsin, savodini o‘zbek tilida chiqarsin — Alisher Qodirov
Qonunchilik palatasi vitse-spikeri Alisher Qodirov o‘zbeklarning yangi avlodi ta’lim rus tilida olib boriladigan maktablarda o‘zligini anglamaydigan, ona tilini bilmaydigan holda voyaga yetayotganini fojia deb atadi.
Toshkentning Sergeli tumanida yirik yong‘in sodir bo‘ldi
Poytaxtning Sergeli tumanida joylashgan polietilen mahsulotlarini ishlab chiqarish korxonasida jumaga o‘tar kechasi yirik yong‘in sodir bo‘ldi.
Shavkat Mirziyoyev Samarqandda Qorasuv mavzesidagi uy-joy qurilishi bilan tanishdi
Shavkat Mirziyoyev Samarqand viloyatiga tashrifi chog‘ida Qorasuv mavzesida uy-joy qurilishi bilan tanishdi. Davlat rahbari quruvchi tashkilotning sifat uchun mas’uliyati va javobgarligini yanada kuchaytiradigan mexanizm ishlab chiqish zarurligini ta’kidladi.
Deputat Yangiyo‘ldagi ishlamayotgan suv tozalash inshoati uchun ikki vazirni tanqid qildi
Deputat Rasul Kusherbayevning xabar berishicha, Toshkent viloyatining Yangiyo‘l tumanidagi suv tozalash inshooti bir necha yildan beri ishlamay turibdi. Uning so‘zlariga ko‘ra, boshida ta’mirlash ishlari Hisob palatasi tomonidan to‘xtatib qo‘yildi, Qurilish vaziri va Uy-joy kommunal xizmatining sobiq rahbarining «xoxishi sababli ishlar cho‘zilib», ob’ekt uchinchi yil o‘zgarishsiz turibdi.
Soliq organlari kuch ishlatar idora emas — Sherzod Kudbiyev
Ijtimoiy tarmoqlarda soliq xodimlari sotuvchilik orqali kun ko‘ruvchi ayollarning buyumlarini olib qo‘yganligi aks etgan video lavhalar tarqaldi. Davlat soliq qo‘mitasi raisi Sherzod Kudbiyev bu holat soliq xizmati uchun uyatli ekanligini aytdi. “Soliq organlari hech qachon kuch ishlatar idora emas… Bunday holat yuz berganligi uchun butun xalqimizdan uzr so‘rayman”, — dedi u. Kudbiyev hodisada o‘zini noo‘rin tutgan xodimlar jazolaninishi ta’kidladi.
Ajrimlarni kamaytirish uchun yoshlarga imomlar ta’lim berishi taklif qilindi
Oilalarda ajrimning oldini olish masalasi bo‘yicha Yunusobod tumani hokimi tomonidan o‘tkazilgan majlisda nikohdan oldin yoshlarni imomlar tomonidan olib boriladigan 3 oylik o‘quv darslarida o‘qitish taklifi berildi. Shuningdek, ahloqiy jihatdan milliy mentalitetga to‘g‘ri kelmaydigan teleserial hamda kinofilmlarni efirga uzatmaslik kerakligi aytildi.
Toshkent metropoliteni vaqt ko‘rsatuvchi tablosidagi «nojo‘ya yozuv» yuzasidan izoh berdi
Toshkent metropoliteni metro stansiyasidagi vaqt ko‘rsatuvchi tablosidagi «nojo‘ya yozuv» elektron soat darchasiga qilingan kiberhujum natijasida paydo bo‘ldi, deya xabar berdi Toshkent metropoliteni.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting