Jamiyat
Poytaxt Oila boshqarmasi ota-onalardan farzandlariga maktabga borib-qaytishda hamrohlik qilishni so‘radi
Toshkent shahri Oila va xotin-qizlar boshqarmasi Yangihayotda 12 yoshli qizning murdasi zo‘rlik va qotillik alomatlari bilan topilganidan so‘ng ota-onalarga murojaat qildi. Boshqarma ulardan farzandlarining maktabga borish-kelishida hamrohlik qilishni hamda doimo aloqada bo‘lishni so‘radi.
Umumiy o‘rta ta’lim to‘g‘risidagi elektron shahodatnomalarni berish tartibi belgilandi
Vazirlar Mahkamasining qarori bilan umumiy o‘rta ta’lim to‘g‘risidagi elektron shahodatnomalarni berish tartibi haqidagi nizom tasdiqlandi. Endi bitiruvchilar shahodatnomani elektron platformadan shaxsini tasdiqlovchi hujjatlar to‘g‘risidagi ma’lumotlarni kiritish orqali bepul yuklab oladi.
2 fevraldan barcha hududlardagi gaz «zapravka»lar faoliyati bosqichma-bosqich tiklanadi
2 fevraldan barcha hududlardagi «zapravka»lar faoliyati bosqichma-bosqich tiklanadi. AGTKSHlar faoliyati mahalliy hokimliklarning ro‘yxati asosida yo‘lga qo‘yiladi. Cheklovlar gaz quvurlarida bosimning ko‘tarilib borishiga mos ravishda o‘zgartirib boriladi.
O‘zbekiston TIV rahbari Slovakiyaning yangi elchisini qabul qildi
O‘zbekiston tashqi ishlar vaziri vazifasini bajaruvchi Baxtiyor Saidov Slovakiyaning yangi elchisi Viktor Boretskiyni qabul qildi. Avvalgi elchi o‘z missiyasini dekabr oyida yakunlagandi.
6 ta viloyatda qor ko‘chish xavfi e’lon qilindi
2−5 fevral kunlari Qamchiq va Taxtaqoracha dovonlarida qor yog‘ib, yaxmalak yuzaga kelishi mumkin. Shuningdek, O‘zbekistonning 6 ta viloyatidagi tog‘li hududlarda qor ko‘chish xavfi mavjud.
“Agrobank” AQSh banki bilan vakillik munosabatlarini o‘rnatdi
The Bank of New York Mellon`da “Agrobank"ning hisobvarag‘i ochildi. AQSh banki bilan o‘rnatilgan munosabat jahon moliya bozorida bankning maqomini mustahkamlashga yordam beradi.
Poytaxtda yangi avtobus yo‘nalishi yo‘lga qo‘yildi, ayrim harakatlar qisqarib, ba’zilari uzaytirildi
Toshkent shahrida jamoat transporti harakatini yaxshilash maqsadida yangi — 152-sonli avtobus yo‘nalishi tashkil etildi. Shuningdek, 10 dan ortiq yo‘nalish harakatlariga o‘zgartirish kiritilib, qisqartirildi yoki uzaytirildi.
Toshkentda bedarak yo‘qolgan 12 yoshli qizning jasadi topildi
Yangihayot tumanida bedarak yo‘qolgan 12 yoshli qizning murdasi zo‘rlik va qotillik alomatlari bilan topildi. Mazkur ishda gumonlanuvchi 29 yoshli erkak ushlandi. U marhumaning xonadonida avvalroq ta’mirlash ishlarini amalga oshirgani ma’lum bo‘ldi.
Mirzo Ulug‘bek tumanida daraxtlarning ildizlariga shikast yetkazildi
O‘tgan yili Chilonzor va Yakkasaroyda ro‘y bergan shov shuvli holatlarga qaramasdan Mirzo Ulug‘bek tumanidagi yana o‘nlab daraxtlar ildizi shikastlantirildi. Aybdorlar jarimaga tortildi.
O‘zbekistondan Afg‘onistonga temir yo‘l qatnovi vaqtincha to‘xtatildi
1 fevraldan O‘zbekistondan Afg‘onistonga temir yo‘l qatnovi vaqtincha to‘xtatildi. Bunga qo‘shni mamlakat hududida temir yo‘ldagi texnik ishlar o‘z vaqtida bitmagani sabab bo‘ldi.
Prezident Shavkat Mirziyoyev Farg‘ona vodiysiga jo‘nab ketdi
Shavkat Mirziyoyev Andijon viloyatiga uchib ketdi. Undan so‘ng Farg‘ona va Namangan viloyatlariga tashrif buyuradi. Tashrif davomida davlat rahbari hududlar iqtisodiyoti, aholi hayoti bilan yaqindan tanishadi.
2022-yilda O‘zbekistondan salkam 9 ming kishi xorijga ko‘chib ketdi
O‘zbekistondan 2022-yilda 8,8 ming kishi doimiy yashash maqsadida xorijga ko‘chib ketgan. Tahlillarga ko‘ra, bu ko‘rsatkich so‘nggi 5 yilda sezilarli kamaygan. 2022-yilda mamlakatni tark etganlarning asosiy qismi Qozog‘iston, Rossiya va Qirg‘izistonga borgan.
Toshkentda Captiva yonib ketdi
Shayxontohur tumani Kichik halqa avtomobil yo‘li ko‘chasida to‘xtab turgan Captiva yonib ketdi. Oqibatda bir nafar fuqaro kuyish jarohati bilan shifoxonaga olib ketildi. Hozirda yong‘in yuzaga kelishining sabablariga aniqlik kiritilmoqda.
2022 yilda 3 mingdan ortiq mansabdor jinoiy javobgarlikka tortildi
2022 yil davomida respublika bo‘yicha 3116 nafar mansabdor shaxs jinoiy javobgarlikka tortilgan. Xususan, ular talon-toroj qilish, firibgarlik, poraxo‘rlik kabi jinoyatlarni sodir etgan. Oqibatda davlat va jamiyat manfaatlariga 1 trln 12 mlrd so‘m zarar yetkazilgan.
Statistika agentligi: O‘zbekistonda nikohlar kamayib, ajrashishlar soni ortdi
O‘zbekistonning 2022 yildagi asosiy demografik ko‘rsatkichlari taqdim etildi. Unga ko‘ra, o‘tgan yili mamlakatda qayd etilgan nikohlar soni 296,7 mingtani tashkil etib, so‘nggi 5 yilda sezilarli kamaygan. Nikohdan ajrashishlar soni esa 48,7 mingtani tashkil etib, oxirgi 5 yilda ko‘paygan.
Samarqandda butun oila botulizmga chalinib, 2 kishi vafot etgani bo‘yicha qo‘shimcha ma’lumot berildi
Qo‘shrabot tumanida bir oilaning 5 a’zosi botulizmga chalinib, ularning 2 nafari vafot etgandi. Aniqlanishicha, ular uy sharoitida tayyorlangan pomidor-bodring tuzlamasidan zaharlangan.
AQSh yana bir bor O‘zbekistonni Nukus voqealari paytida xavfsizlik kuchlari qonunni buzgan bo‘lsa, ularni jazolashga chaqirdi
Qoraqalpog‘istondagi voqealar ishi bo‘yicha 22 ayblanuvchi ustidan sud jarayoni yakunlangach, AQSh O‘zbekiston hukumatini jamoatchilik shaffofligi bo‘yicha o‘z majburiyatlarini bajarishga, shuningdek, qonunlarni buzgan xavfsizlik kuchlarini javobgarlikka tortishga chaqirdi.
Toshkentning 73 ta asosiy ko‘chasida avtobuslar uchun alohida yo‘laklar tashkil etiladi
Chorrahalar o‘tkazuvchanligini oshirish maqsadida Toshkentning 73 ta asosiy ko‘chasida avtobuslar uchun alohida yo‘laklarni tashkil etish rejalashtirilmoqda. Prezident transport infratuzilmasini yaxshilash bilan birga, jamoat transporti ustuvorligini ta’minlash zarurligini ta’kidladi.
31 yanvar kuni O‘zbekistonda sodir bo‘lgan eng muhim xabarlar dayjesti
Nukus voqealari bo‘yicha sud hukmi, shartli ozod etilgan sudlanuvchilarning so‘zlari, Korrupsiyani qabul qilish indeksida yuqorilagan O‘zbekiston, vazirlarga tayinlangan yangi o‘rinbosarlar, avtobuslarga yurgan yo‘li, xizmatiga qarab pul ajratilishi, fevral ob-havosi va boshqalar — «Gazeta.uz»ning kun dayjestida.
«Sudda Tajimuratovga qarshi kelishib olganimiz yo‘q» — Nukus voqealari bo‘yicha sudlanuvchi Ahmet Smetullayev
Odamlarni tartibsizliklarga jalb qilishda ayblangan Nukus voqealari ishtirokchisi Ahmet Smetullayev shartli jazo olib, sud zalidan ozod qilindi. U OAV bilan uchrashuvda «imkoniyat bergani uchun» prezident Mirziyoyevga rahmat aytib, o‘zini «Dauletmurat Tajimuratovni sotgan» deb hisoblamasligini bildirdi (video).
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting