Siyosat
YeXHT missiyasi O‘zbekiston referendumini kuzatishning maqsadga muvofiqligini baholaydi
YeXHTning Demokratik institutlar va inson huquqlari bo‘yicha byurosi ekspertlari O‘zbekistonga tashrif buyuradi. Ular Konstitutsiyaga o‘zgartishlar kiritish bo‘yicha referendumga tayyorgarlik bilan tanishib, ovoz berish jarayonini kuzatishning maqsadga muvofiqligi to‘g‘risida qaror qabul qiladi.
Jamshid Xodjayev bosh vazir o‘rinbosari — investitsiyalar va tashqi savdo vaziri lavozimiga ma’qullandi
Bosh vazirning investitsiyalar va tashqi iqtisodiy masalalari bo‘yicha o‘rinbosari — investitsiyalar va tashqi savdo vaziri lavozimiga Jamshid Xodjayev nomzodi ma’qullandi. Bungacha u qishloq xo‘jaligi vaziri lavozimida ishlab kelayotgandi.
Parlament komissiyasi Qoraqalpog‘istonda tekshiruvlarni boshladi
Qoraqalpog‘istondagi voqealar bo‘yicha parlament komissiyasi shanba kuni tekshiruvlarni boshladi. Uning tarkibidan senatorlar, deputatlar, NNT va Qoraqalpog‘iston vakillari joy olgan. Komissiya inson huquqlari va erkinliklari buzilishi holatlarini atroflicha o‘rganadi.
Foto: Berdimuhamedov Mirziyoyev hamrohligida Samarqandga bordi
Turkmaniston prezidenti Serdar Berdimuhamedov Shavkat Mirziyoyev hamrohligida Samarqandga tashrifini Islom Karimov maqbarasini ziyorat qilishdan boshladi. Undan so‘ng, ikki davlat yetakchilari Mirzo Ulug‘bek muzey-majmuasi, Go‘ri Amir maqbarasi, Registon maydoniga ham borishdi.
«Bizga birov ko‘rsatma berayotgani yo‘q» — Akmal Saidov umumxalq muhokamasi uzaygani haqida
Konstitutsiyaviy komissiya raisi Akmal Saidovning ta’kidlashicha, Konstitutsiyaga kiritiladigan o‘zgartirishlar muhokamasining muddati oldinroq 10 kunga uzaytirilishi Nukus voqealari bilan bog‘liq emas. «Bizga birov „cho‘zgin-cho‘zmagin“ deb ko‘rsatma berayotgani yo‘q. Biz o‘zimiz hal qilyapmiz», — dedi u.
Konstitutsiyaviy qonun loyihasi muhokamasi yana uzaytirildi
Qonunchilik palatasi Konstitutsiyaga o‘zgartirishlar kiritishga oid qonun loyihasining umumxalq muhokamasi muddatini 1 avgustga qadar uzaytirish to‘g‘risida qaror qabul qildi. Ommaviy muhokamalar davrida loyiha bo‘yicha 85 mingdan ortiq takliflar kelib tushgani aytilmoqda.
Turkmaniston bilan 19 ta hujjat imzolandi
Turkmaniston prezidentining O‘zbekistonga tashrifi yakunlari bo‘yicha 19 ta hujjat, jumladan, Amudaryo suv resurslarini boshqarish, muhofaza qilish va ulardan oqilona foydalanish to‘g‘risida, transport va tranzit hamkorlikni rivojlantirish to‘g‘risidagi bitimlar imzolandi.
Konstitutsiyaga o‘zgartirish kiritish qonuni loyihasida nimalar yetishmayapti?
Ommaviy muhokamasi ertaga yakunlanadigan Konstitutsiyaga o‘zgartirishlar loyihasida ziddiyatlar va takrorlanishlarni uchratish mumkin. O‘z navbatida, unda hokimiyat tarmoqlarining haqqoniy bo‘linishi va reprezentativ demokratiyaning mustahkamlanishi bo‘yicha o‘zgartirishlar yetishmaydi. Komil Jalilov maqolasi.
Serdar Berdimuhamedov Shavkat Mirziyoyevni Turkmanistonga taklif qildi
Shavkat Mirziyoyev Turkmaniston prezidentini «Ko‘ksaroy» qarorgohida kutib oldi. Shundan so‘ng, ikki davlat yetakchilari tor doiradagi muzokaralarda o‘zaro hamkorlik masalalarini muhokama qildi. Serdar Berdimuhamedov Shavkat Mirziyoyevni javob tashrifi bilan Turkmanistonga kelishga taklif qildi.
Turkmaniston prezidenti Toshkentga keldi
Turkmaniston prezidenti Serdar Berdimuhamedovni Toshkent xalqaro aeroportida bosh vazir Abdulla Aripov, tashqi ishlar vaziri vazifasini bajaruvchi Vladimir Norov va Toshkent shahar hokimi Jahongir Ortiqxo‘jayev kutib oldi.
Andijon hokimi qarorida qanday qilib vazirlarga topshiriq ketgani tushuntirildi
Andijon viloyati hokimi prezident qarori bandlari ko‘chirilgan hujjatni imzoladi, buning oqibatida u bir qancha vazirlar va Toshkent shahar hokimiga topshiriq bergandek tasavvur uyg‘otdi. Viloyat adliya boshqarmasi bu qanday sodir bo‘lgani va hujjat nega huquqiy ekspertizadan o‘tkazilmaganini tushuntirdi.
Turkmaniston prezidenti davlat tashrifi bilan O‘zbekistonga keladi
14−15 iyul kunlari Turkmaniston prezidenti Serdar Berdimuhamedov davlat tashrifi bilan O‘zbekistonga keladi. U prezident Shavkat Mirziyoyev bilan muzokaralar o‘tkazadi va Samarqandga boradi.
O‘zbekiston va YeIK Hamkorlikning qo‘shimcha yo‘nalishlari ro‘yxatini imzoladi
O‘zbekiston va Yevroosiyo iqtisodiy komissiyasi Hamkorlikning qo‘shimcha yo‘nalishlari ro‘yxatini imzoladi. Unda bojxona hamkorligi, sanitariya va fitosanitariya standartlari, yuk tashishni raqamlashtirish va boshqa sohalardagi yondashuvlarni bosqichma-bosqich muvofiqlashtirish ko‘zda tutilgan.
«Tolibon» Afg‘oniston bo‘yicha Toshkent konferensiyasida ishtirok etadi — Vladimir Norov
Tashqi ishlar vaziri v. b. Vladimir Norov Moskvada bo‘lib o‘tgan davra suhbatida «Tolibon» harakati delegatsiyasi 25−26 iyul kunlari Toshkentda bo‘lib o‘tadigan Afg‘oniston bo‘yicha xalqaro konferensiyada ishtirok etishini ma’lum qildi.
BMT O‘zbekiston tashabbusi bo‘lgan Markaziy va Janubiy Osiyo bo‘yicha maxsus rezolyutsiyani tasdiqladi
BMT Bosh Assambleyasi O‘zbekiston tomonidan 40 ta davlat bilan hamkorlikda ishlab chiqilgan Markaziy va Janubiy Osiyo o‘rtasidagi o‘zaro aloqalarni mustahkamlash bo‘yicha maxsus rezolyutsiyani bir ovozdan ma’qulladi. Hujjat Nyu-Yorkda Abdulaziz Kamilov tomonidan taqdim etildi.
AQSh O‘zbekistonni sanksiyaga tushgan tovarlarni potensial yetkazib beruvchilar ro‘yxatiga kiritdi
AQSh Moliya vazirligi O‘zbekiston va boshqa bir qator davlatlarni Rossiya va Belarusga sanksiyaga tushgan tovarlar yetkazilishi mumkin bo‘lgan mamlakatlar ro‘yxatiga kiritdi.
Xalq bilan muloqot qilinganda Qoraqalpog‘iston voqeasining oldini olish mumkin edi — Xayrulla Nuritdinov
Xalq bilan muloqot qilinganda Nukus voqeasining oldini olish mumkin edi, Shavkat Mirziyoyev Qoraqalpog‘istonda yongan olovni o‘chirdi, namoyishlarda jabrlanganlarga yordam beriladi, O‘zbekiston tarixida o‘sha kunlar o‘chmas sahifa bo‘lib qoladi — «Menimcha» ko‘rsatuvining navbatdagi sonida qanday fikrlar bildirildi?
Zaynilobiddin Nizomiddinov Kasaba uyushmalari federatsiyasi rahbari o‘rinbosari bo‘ldi
Prezident administratsiyasining sobiq rahbari Zaynilobiddin Nizomiddinov Kasaba uyushmalari federatsiyasi raisining birinchi o‘rinbosari etib saylandi.
Qoraqalpog‘istonda uzoq masofadagi 34 ta mahallada tibbiyot punktlari tashkil etiladi
Prezident qaroriga ko‘ra, yil oxirigacha Qoraqalpog‘istonda uzoq masofadagi 34 mahallada tibbiyot punktlari tashkil etiladi. Respublikada 120 o‘rinli Bolalar tibbiy reabilitatsiya markazi quriladi, Nukusda og‘ir bemorlar uchun 20 o‘rinli palliativ yordam ko‘rsatadigan xospis tashkil etiladi.
Shavkat Mirziyoyev Sindzo Abe vafoti munosabati bilan hamdardlik bildirdi
Shavkat Mirziyoyev Yaponiya imperatori Naruxito va bosh vaziri Fumio Kisidaga mamlakat sobiq bosh vaziri Sindzo Abe vafoti munosabati bilan hamdarlik bildirdi. Abega 8 iyul kuni Nara shahridagi chiqishi vaqtida suiqasd qilinib, keyinroq u shifoxonada vafot etdi.
Qo‘shimcha imkoniyatlarga ega bulish uchun saytda ro‘yxatdan o‘ting