Siyosat
Har xil o‘yin bo‘lib ketmasligi uchun yer bo‘yicha farmon jamoatchilik muhokamasiga qo‘yilmadi — adliya vaziri
Adliya vaziri Ruslanbek Davletov yer munosabatlarini tartibga solishga oid prezident farmoni nima sababdan jamoatchilik muhokamasiga qo‘yilmaganini izohladi. «Har xil o‘yin bo‘lib ketmasligi, butun davlat miqyosida yerlar talon-toroj qilinmasligi uchun mana shunaqa yondoshuv qilindi», — dedi u. Vazirning so‘zlariga ko‘ra, endi hokimlar yer ajratish bo‘yicha qaror qabul qila olmaydi. Faqat viloyat hokimlarida qishloq xo‘jaligi yerlarini ajratishga oid vakolat qolgan.
«Nimaga yer berilmasligi kerak?». Ruslanbek Davletov investorlarga yer maydonlari ijaraga berilishi haqida
Prezidentning yer munosabatlarini tartibga solishga oid farmoniga ko‘ra xorijiy investorlarga yer maydonlari ijaraga berilishi haqidagi muhokamalarga adliya vaziri Ruslanbek Davletov munosabat bildirdi. «Nimaga yer berilmasligi kerak?», — dedi u. Qolaversa, vazir chet elliklarga faqat noqishloq maydonlardan yer berilishi ko‘zda tutilganini qayd etdi. Biroq, u aytgan tartib farmonda mavjud emas.
Shavkat Mirziyoyevning Tojikistonga tashrifi dasturi e’lon qilindi
O‘zbekiston prezidenti Tojikistonga rasmiy tashrifi davomida Dushanbedagi qator tadbirlarda ishtirok etadi, jamoatchilik vakillari bilan uchrashadi va So‘g‘d viloyatiga tashrif buyuradi. 30 dan ortiq hujjatlarni imzolash rejalashtirilmoqda.
O‘zbekiston Nogironlar huquqlari to‘g‘risidagi Konvensiyani ratifikatsiya qildi
Prezident Nogironlar huquqlari to‘g‘risidagi Konvensiyani ratifikatsiya qilish haqidagi qonunni imzoladi. Hujjat Konvensiyaning 12-moddasiga qo‘shimcha shart bilan ratifikatsiya qilindi. Mazkur qo‘shimcha shart davlat mental nogironligi bo‘lgan kishilarga huquq layoqatini berishga tayyor emasligini, mazkur modda ijrosiga o‘tish birmuncha vaqt olishini anglatadi.
8 iyun kuni O‘zbekistonda sodir bo‘lgan eng muhim xabarlar dayjesti
Navoiydagi ohak ishlab chiqarish sexida yong‘in chiqishi, Effect.uz jurnalistlari Andijonda kaltaklanishi, Everestga chiqqan o‘zbekistonlikka prezident sovg‘asi topshirilishi, 15 iyundan umumta’lim maktablarida 1-sinfga qabul boshlanishi va “Gazeta.uz"da chiqqan maqolalar — “Gazeta.uz"ning 8 iyundagi eng muhim xabarlari dayjestida.
«Narx-navoni barqaror ushlab turish, bu — tadbirkorlarga past narxlarda sottirish, degani emas» — prezident
Shavkat Mirziyoyev go‘shtning qimmatlashishi fonida narxlarni barqarorlashtirish tadbirkorlarni arzon narxda sotishga majbur qilishni anglatmasligini aytdi. Prezident bozorda taklif ortishi uchun sharoit yaratish zarurligini ta’kidladi. Shundan kelib chiqib, parrandachilik korxonalarining foyda, mol-mulk, yer va suv soliqlari 50 foizga kamaytiriladi.
Bahodir Isayev «Parrandasanoat» uyushmasiga rahbar bo‘ldi
«Parrandasanoat» uyushmasi raisining birinchi o‘rinbosari Bahodir Isayev endi tashkilotga rahbarlik qiladi. Bu haqda prezident Shavkat Mirziyoyev seshanba kungi videoselektorda ma’lum qilgan. Unga shuningdek, Veterinariya qo‘mitasi raisining birinchi o‘rinbosari vazifasini bajarish ham yuklatildi.
«Biz yerni haqiqiy egasi — xalqqa berishni boshlaymiz. Bu tarixiy qadam» — prezident
O‘zbekiston prezidenti aholi bandligini ta’minlashga bag‘ishlangan videoselektorda tadbirkorlik, xizmat ko‘rsatish va qishloq xo‘jaligi sohasida, xususan, ishsizlarga yer maydonlarini ajratish orqali yangi ish o‘rinlari sonini 1,5−2 baravarga oshirish bo‘yicha ko‘rsatma berdi.
«Endi yer faqat auksionda sotiladi yoki ijaraga beriladi» — Shavkat Mirziyoyev
Prezident seshanba kungi videoselektorda endi yer faqat auksionda sotilishi yoki ijaraga berilishini ma’lum qildi. «Kimga yer kerak bo‘lsa, davlat auksionida qatnashsin, haloli bo‘lsin, yerni sotib olsin», — dedi u. Qolaversa, davlat rahbari Surxondaryo tajribasi doirasida 2021 yilning o‘zida qariyb 100 gektar g‘alladan bo‘shagan yer ishsiz aholiga berilishini ta’kidlagan.
7 iyun kuni O‘zbekistonda sodir bo‘lgan eng muhim xabarlar dayjesti
Alisher Qodirovning intervyusidan fikrlar, O‘zbekiston va Tojikiston o‘rtasida avtobus qatnovi tiklanishi, Shavkat Mirziyoyevning hafta davomidagi ish grafiki, Samarqand YeTTBning “Yashil shaharlar” dasturiga kiritilishi — “Gazeta.uz"ning 7 iyundagi eng muhim xabarlari dayjestida.
«Men bu odamlarga yordam bermoqchiman». Alisher Qodirov LGBT vakillarini mamlakatdan chiqarib yuborish taklifi to‘g‘risida
Qonunchilik palatasi vitse-spikeri Alisher Qodirov LGBT hamjamiyati a’zolarini fuqarolikdan mahrum qilish zarurligi to‘g‘risidagi takliflariga izoh berdi. Uning fikriga ko‘ra, «bunday odamlar 100 yildan keyin ham o‘zbek jamiyatida yashay olmaydi, shuning uchun ularga yordam kerak». Siyosatchining so‘zlariga ko‘ra, uning bayonotlaridan so‘ng, yuzga yaqin LGBT vakillari unga minnatdorchilik bilan murojaat qilishgan.
Mening munosabatlarim noto‘g‘ri talqin qilinadi — Alisher Qodirov
Milliy tiklanish partiyasi rahbari Alisher Qodirov turli mavzularda qilgan munosabatlari «mutlaqo boshqacha talqin qilinishi»ni ta’kidladi. Deputatning fikriga ko‘ra, «o‘zbek segmenti bilan rus segmentiga qaraganda dialog qilish osonroq». «Men rusiyzabon auditoriya bilan oxirigacha kelisha olmayapman. Menda dialog o‘xshamayapti. Men buning ustida ishlamoqdaman», — deydi u.
Shavkat Mirziyoyev 10−11 iyun kunlari Tojikistonga boradi
Prezidnet shu hafta chorvachilikni rivojlantirish hamda ozuqa bazasini ko‘paytirish masalalari bo‘yicha videselektor yig‘ilishi o‘tkazadi. Davlat rahbari 10−11 iyun kunlari Tojikistonga rasmiy tashrif bilan boradi.
5 iyun kuni O‘zbekistonda sodir bo‘lgan eng muhim xabarlar dayjesti
“O‘zbekneftgaz” korxonalari faoliyati vaqtincha to‘xtab qolishi, sement importining hajmi oshishi, Maktabgacha ta’lim vazirligidagi tayinlovlar, Andijondagi yer sotish bilan bog‘liq noqonuniy holatlar — “Gazeta.uz"ning 5 iyundagi eng muhim xabarlari dayjestida.
4 iyun kuni O‘zbekistonda sodir bo‘lgan eng muhim xabarlar dayjesti
Turli statistik ma’lumotlar, Shahrisabzdagi avariya, IIB xodimlarining ishdan bo‘shatilishi, pensiya va nafaqalar oshirilishi, 2000 va 20 000 so‘mlik kupyuralarning muomalaga chiqarilishi — “Gazeta.uz"ning 4 iyundagi eng muhim xabarlari dayjestida.
Maktabgacha ta’lim vaziri “Sputnik V” vaksinasi bilan emlandi
Maktabgacha ta’lim vaziri Agrippina Shin koronavirusga qarshi emlandi. U “Sputnik V” vaksinasini qabul qilgan.
«Agar aql bilan ish tutsak, O‘zbekistonni O‘zbekiston yeri bilan boqsa bo‘ladi» — prezident
Yer munosabatlari sohasida bir qator tub o‘zgartirishlar kutilmoqda. Xususan, meros qilib qoldiriladigan umrbod egalik va boshqa huquqlar bilan yer ajratish amaliyotlarini tugatish, yerga bo‘lgan huquq turlarini qisqartirish, tuman hokimlarining yer ajratish va qaytarib olish haqida qaror qabul qilish vakolati to‘liq bekor qilinishi va boshqalar — prezident yer munosabatlarini takomillashtirish bo‘yicha yig‘ilish o‘tkazdi.
3 iyun kuni O‘zbekistonda sodir bo‘lgan eng muhim xabarlar dayjesti
Toshkentdagi bo‘ronning sabalari, yangi elektr stansiyasi qurilishi rejasi, metro atrofidagi daraxtlarning ko‘chirilishi, yangi ko‘krak nishon ta’sis etilishi, prezidentning “Zulfiyachi” qizga sovg‘asi — “Gazeta.uz"ning 3 iyundagi eng muhim xabarlari dayjestida.
«Agneshka Pikulitskaga akkreditatsiya berilmaganligi — siyosiy xato» — siyosatshunos
Siyosatshunos Kamoliddin Rabbimov Tashqi ishlar vazirligi polshalik jurnalist Agneshka Pikulitskaning akkreditatsiyasini uzaytirmaganligini siyosiy xato deb atadi. «Biron bir xorijiy jurnalistlar qonunchilikni jiddiy buzadigan bo‘lsa, uni tezda haydash emas, qonunchilikka bo‘ysundirishning ohista yo‘llari ishga solinishi kerak», — deydi u.
2 iyun kuni O‘zbekistonda sodir bo‘lgan eng muhim xabarlar dayjesti
Toshkentda ochilgan yangi bog‘, prezidentning Surxondaryoda o‘tkazgan yig‘ilishi, IT Park 27 ta kompaniyaning rezident maqomini bekor qilishi, kuchli shamolning oqibatlari — “Gazeta.uz"ning 2 iyundagi eng muhim xabarlari dayjestida.
Eng ko‘p o‘qilgan xabarlar | So‘nggi yangiliklar
- To‘ldirildi: Davlat idoralari o‘z avtoparkini elektromobillar bilan yangilamoqda
- O‘zbekiston Afg‘onistonga 169 tonnadan ortiq insonparvarlik yordamini yubordi (foto)
- Toshkentda navbatdagi “Avtomobilsiz kun” aksiyasi — foto, video
- Bosh prokuratura Nig‘matilla Yo‘ldoshev va qidiruvdagi tadbirkor o‘rtasidagi suhbat videosiga izoh berdi
Qo‘shimcha imkoniyatlarga ega bulish uchun saytda ro‘yxatdan o‘ting