Siyosat
Shavkat Mirziyoyev shu hafta Szinpin, Raisiy hamda Putin bilan muzokaralar o‘tkazadi
O‘zbekiston prezidenti shu hafta SHHT sammiti doirasida Samarqandda XXR raisi Si Szinpin, Eron prezidenti Ibrohim Raisiy hamda Rossiya prezidenti Vladimir Putin bilan muzokaralar o‘tkazadi. Ular o‘zaro hamkorlikdan tashqari, xalqaro va mintaqaviy ahamiyatga ega dolzarb masalalar yuzasidan fikr almashadi.
SHHT sammitida 30 dan ortiq hujjat imzolanishi kutilmoqda — Sherzod Asadov
Shu hafta Samarqandda o‘tadigan SHHT sammitida 30 dan ortiq hujjat imzolanishi kutilmoqda, dedi prezident matbuot kotibi Sherzod Asadov. Ular qatoridan Eronni tashkilotga kiritish uchun majburiyatlari, SHHTning kuzatuvchi va muloqot bo‘yicha hamkorlari a’zoligini kengaytirishga oid hujjatlar o‘rin olgan.
O‘zbekiston prezidenti Buyuk Britaniya qirolini taxtga o‘tirgani bilan tabrikladi
Shavkat Mirziyoyev Buyuk Britaniya qiroli Charlz III`ga taxtga o‘tirgani munosabati bilan tabrik yo‘llab, do‘st Birlashgan Qirollik xalqiga tinchlik-osoyishtalik, davomiy ravnaq tiladi.
“Afg‘oniston ShHT makonining ajralmas qismi” — Shavkat Mirziyoyev
O‘zbekiston prezidenti Afg‘onistonni “ShHT makonining ajralmas qismi” deb atadi. “Unga birgalikda yordam qo‘lini cho‘zish, mintaqaviy va global taraqqiyot jarayonlariga integratsiyalashuviga ko‘maklashish va shu orqali ko‘p yillik inqirozdan chiqishi uchun qulay sharoit yaratish — bizning ma’naviy burchimizdir”, — dedi u.
Shavkat Mirziyoyev: ShHT — “ayirmachilik unsuridan xoli bo‘lgan jozibador makon”
O‘zbekiston prezidenti ShHTni “madaniy-sivilizatsion qarashlari turlicha, o‘z tashqi siyosiy yo‘nalishlari va milliy taraqqiyot modellariga ega mamlakatlarni birlashtira olgan o‘ziga xos davlatlararo tuzilma”, deb atadi. Shu sababli tashkilotga qo‘shilish istagidagi davlatlar soni ortib bormoqda, dedi u.
Prezident — jahondagi «global ishonch inqirozi» haqida
Shavkat Mirziyoyev SHHTning Samarqanddagi sammiti arafasida e’lon qilingan maqolasida xalqaro hamkorlikning universal prinsip va normalarga asoslangan tizimi izdan chiqib borayotganini ta’kidladi. U «global darajada ishonchning chuqur tanazzulga yuz tutayotganini» — asosiy sabablardan biri sifatida qayd etdi.
O‘zbekiston Afg‘onistonga 58 tonnalik insonparvarlik yordami yubordi
O‘zbekiston Afg‘onistonga 58 tonnalik zarur oziq-ovqat mahsulotlaridan iborat navbatdagi insonparvarlik yordamini yubordi. Yuklar Balx viloyati shimolidagi Kaldor tumaniga yetkazib berildi. Surxondaryo hokimligiga ko‘ra, bu galgi yordam og‘ir sharoitda yashayotgan oilalarga tarqatildi.
Ayol rahbarlarning xalqaro sammitida Toshkent deklaratsiyasi qabul qilindi
Toshkentda bo‘lib o‘tgan Parlamentlararo ittifoq davlatlari parlamentlarining ayol rahbarlari sammiti yakunida Toshkent deklaratsiyasi qabul qilindi. Sammit COVID-19 pandemiyasi oqibatlari, gender tenglik hamda xotin-qizlar huquqlarini parlamentar darajada belgilash maqsadida o‘tkazildi.
Prezident huzurida Strategik islohotlar agentligi tashkil qilindi
Strategik rivojlanish agentligi negizida prezident huzuridagi Strategik islohotlar agentligi tashkil etildi. Agentlik alohida soha va tarmoqlarni isloh qilish takliflarini ishlab chiqadi va uning bajarilishini nazorat qiladi. Uning bosh direktori va o‘rinbosarlari prezident tomonidan tayinlanadi.
Vladimir Norov tashqi ishlar vaziri bo‘ldi
Vladimir Norov tashqi ishlar vaziri lavozimiga tayinlandi. U 27 apreldan buyon tashqi ishlar vaziri vazifasini bajaruvchi lavozimida ishlab kelayotgan edi.
Shavkat Mirziyoyev qirol Karl III`ga hamdardlik bildirdi
Shavkat Mirziyoyev qirol Karl III`ga yo‘llagan hamdardlik maktubida Yelizaveta II`ni 70 yildan ortiq vaqt davomida «mamlakat yaxlitligi va jadal rivojlanishining ramzi bo‘lib kelgan buyuk davlat arbobi edi» deb atadi.
O‘zbekiston yangi global muammolarga tayyor bo‘lishi kerak — BMTTD
32 yil ichida ilk marta BMTTDning Inson taraqqiyoti indeksi 2 yildan beri ko‘p mamlakatlarda inqirozlar tufayli pasayib bormoqda. O‘zbekistonda esa ushbu indeks o‘sishni qayd etmoqda. Shunga qaramasdan, mamlakat yangi global muammolarni hal qilishga tayyor turishi kerak, deb hisoblaydi BMTTD.
«Reklama to‘g‘risida»gi qonun kuchga kirdi. Asosiy tartib va cheklovlar
9 sentabrdan «Reklama to‘g‘risida»gi qonun kuchga kirdi. Unga ko‘ra, bir qancha yangi tartib va cheklovlar o‘rnatilmoqda. Xususan, endi reklamaning o‘zi davlat tilida tarqatilishi shart. Qolaversa, milliy va oilaviy an’analarga zid obrazlar, mashhurlar va tibbiyot xodimlari siymosidan foydalanish taqiqlanadi.
MDH mamlakatlarida taqiqlangan internet resurslarining yagona reyestri yaratilishi mumkin
MDH davlatlari ichki ishlar vazirlari tomonidan tashkilotga a’zo mamlakatlar milliy qonunchiligiga muvofiq blokirovka qilinishi shart bo‘lgan internet-resurslarning yagona reyestrini yaratish muhokama qilindi.
Shavkat Mirziyoyev Parlamentlararo ittifoq delegatsiyasini qabul qildi
Shavkat Mirziyoyev parlamentlar ayol rahbarlarining xalqaro sammitida doirasida mamlakatda bo‘lib turgan Parlamentlararo ittifoq raisi va bosh kotibini qabul qildi. Shuningdek, Ozarbayjon, Turkmaniston parlament rahbarlari, Rossiya Federal Majlisi Federatsiya Kengashi raisi o‘rinbosari bilan uchrashdi.
«SHHT G‘arbga qarshi tashkil etilmagan» — O‘zbekistonning tashkilotdagi milliy koordinatori
SHHTning bo‘lajak sammiti kun tartibida global geosiyosiy inqirozlar haqida biror gap yo‘q va uning hujjatlarida geosiyosiy maqsadlarni ko‘zlovchi masalalar yuzasidan bayonot va chaqiruvlar bo‘lmaydi, dedi O‘zbekistonning SHHTdagi milliy koordinatori Rahmatulla Nurimbetov.
«Kelajakda dunyoda qanday siyosiy-iqtisodiy tartib hukmron bo‘lishini hech kim bashorat qilolmayapti» — Tanzila Narbayeva
Toshkentda Parlamentlararo ittifoqqa a’zo davlatlar parlamentlari ayol rahbarlarining navbatdagi sammiti bo‘lib o‘tmoqda. Unda Senat raisi Tanzila Narbayeva pandemiya va jahondagi geosisyosiy vaziyat tufayli kelajak qanday bo‘lishini bashorat qilib bo‘lmayotganini ta’kidladi.
«Rossiya sizdan foydalanishiga yo‘l qo‘ymang» — Ukraina tashqi ishlar vaziri Markaziy Osiyo mamlakatlariga
«Milliy manfaatlaringizni himoya qilish uchun 1-navbatda Rossiyadan qo‘rquvni chetga surib qo‘yishingiz kerak», dedi Ukraina tashqi ishlar vaziri Dmitriy Kuleba Markaziy Osiyo davlatlari jurnalistlariga. Uning aytishicha, urush tugagach, Ukraina mintaqa davlatlari bilan munosabatlarga yangi dinamika berish niyatida.
O‘zbekiston prezidenti missiyasini yakunlayotgan AQSh elchisini qabul qildi
Shavkat Mirziyoyev mamlakatdagi missiyasini yakunlayotgan AQSh elchisi Deniyel Rozenblyumni qabul qildi. Prezident Deniyel Rozenblyumning O‘zbekiston-AQSh strategik sheriklik munosabatlarini rivojlantirishdagi hissasini qayd etdi.
Senatning navbatdagi yalpi majlisi 13 sentabr kuni chaqiriladi
Senatning 32-yalpi majlisi 13 sentabr kuni chaqiriladi. Unda tashqi mehnat migratsiyasi, pensiya ta’minoti, elektron tijoratga oid qonunlar ko‘rib chiqiladi. Qolaversa, davlat budjetining birinchi yarim yillikdagi ijrosi yuzasidan VM hisoboti hamda tashqi ishlar vazirining axboroti eshitiladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting