Siyosat
AKTga Sherzod Shermatov, XTVga esa Baxtiyor Saidov rahbar etib tayinlandi
Prezident farmoni bilan 2018 yildan beri xalq ta’limi vaziri sifatida ishlab kelayotgan Sherzod Shermatov AKT vaziri lavozimiga tayinlandi. Uning o‘rniga esa 2017 yildan beri O‘zbekistonning Xitoydagi elchisi lavozimida faoliyat yuritgan Baxtiyor Saidov vazir bo‘ldi.
Milliy gvardiya qo‘mondoniga birinchi o‘rinbosar tayinlandi
Inamjon Ibragimov Milliy gvardiya qo‘mondonining jamoat xavfsizligini ta’minlash bo‘yicha birinchi o‘rinbosari lavozimiga tayinlandi.
16 noyabr kuni O‘zbekistonda sodir bo‘lgan eng muhim xabarlar dayjesti
O‘zbekiston Milliy atlasi yaratilishi, yangi qabul qilingan prezident qarorlari, to‘qqiz oy ichida ishsizlik darajasi 9,4 foizgacha tushishi — «Gazeta.uz»ning 16 noyabrdagi eng muhim xabarlari dayjestida.
Prezident tibbiyot xodimlari bilan ochiq muloqot o‘tkazadi
Shavkat Mirziyoyev navbatdagi ochiq muloqotni tibbiyot sohasi vakillari, jumladan, olimlar, shifokorlar, farmatsevtlar, hamshiralar va tizim xodimlari bilan o‘tkazadi. Shundan kelib chiqib, SSV aholi va tibbiyot xodimlarining taklif, muammo va kamchiliklarini o‘rganish maqsadida maxsus «Call-markaz»ni ishga tushirdi.
Prezident qishloq xo‘jaligiga mo‘ljallanmagan yerlarni xususiylashtirishga oid qonunni imzoladi
Endi tadbirkorlik, shaharsozlik, yakka tartibda uy-joy qurish va uni obodonlashtirish uchun berilgan yerlar, qolaversa, xususiylashtirilgan davlat obyektlari hududlarini xususiylashtirish mumkin. Ariza berish tartibi, uni rad etish asoslari, xususiylashtirilgan yerlarni mulkdordan olib qo‘yishni tartibga soluvchi qonun prezident tomonidan imzolandi.
Afg‘onistonning yangi hukumati va’dalarini bajarishga qodir — O‘zbekiston TIV rahbari
Tashqi ishlar vaziri Abdulaziz Kamilovning fikricha, Afg‘onistonning yangi hukumati o‘z va’dalari va xalqaro majburiyatlarini bajara oladi. Chunki mamlakatni tinchlik va farovonlikka olib borishning boshqa yo‘li yo‘q.
Hokimlarning g‘alla yetishtiruvchilar faoliyatiga har qanday aralashuvi taqiqlandi
Prezident hokimlarning g‘alla yetishtiruvchilar faoliyatiga har qanday aralashuvini taqiqlashni nazarda tutuvchi qarorni imzoladi. Endilikda, hokimliklar va huquqni muhofaza qiluvchi organlar agrotexnik tadbirlar o‘tkazish, kreditlardan foydalanish, bug‘doyni sotish jarayonlariga aralasha olmaydi.
Senat favqulodda holat to‘g‘risidagi qonun va boshqa hujjatlarni ko‘rib chiqadi
Senatning 21 yalpi majlisi 18 noyabr kuni chaqiriladi va unda asosiy e’tibor «Favqulodda holat to‘g‘risida»gi va «Gidrometeorologiya faoliyati to‘g‘risida»gi qonunlarga qaratiladi. Shuningdek, Ma’muriy javobgarlik to‘g‘risidagi kodeksga o‘zgartishlar kiritish kutilmoqda. Inson huquqlari bo‘yicha O‘zbekiston milliy markazini axboroti va hukumatga yuborilgan so‘rov ham muhokama qilinadi.
Rustam Inoyatov prezident maslahatchisi lavozimidan ozod etildi
Baxtiyor Islomov prezidentning huquqni muhofaza qiluvchi va nazorat organlari faoliyatini muvofiqlashtirish masalalari bo‘yicha maslahatchisi lavozimiga tayinlandi. 2018 yilning avgust oyidan buyon ushbu lavozimni Rustam Inoyatov egallab kelayotgan edi.
«Agressiv kadr siyosatini yuritish kerak» — Ruslanbek Davletov korrupsiyaga qarshi kurashish haqida
Adliya vaziri Ruslanbek Davletov korrupsiyani keskin kamaytirishda biryoqlama yondashuv, jumladan, faqat o‘lim jazosini joriy qilish yoki faqat diniy ta’limni kuchaytirish bilan ish bitmasligini ta’kidladi. Vazirning fikricha, muammoni hal etish uchun kompleks yondashish, «agressiv kadr siyosatini yuritish kerak».
15 noyabr kuni O‘zbekistonda sodir bo‘lgan eng muhim xabarlar dayjesti
O‘zbekiston Mozori Sharif aeroportini rekonstruksiya qilishni boshlashi, Andijonda 6 kishi zo‘rlaganini aytgan ayol tuhmat uchun javobgarlikka tortilishi, Behzod Musayev tunda Toshkent shifoxonalaridagi vaziyatni o‘rganishi — “Gazeta.uz"ning 15 noyabrdagi eng muhim xabarlari dayjestida.
Davlat idoralarida qarindosh-urug‘chilikka yo‘l qo‘ygan mansabdorlarni javobgarlikka tortish taklif etildi
Antikorrupsiya agentligi Mehnat kodeksiga davlat organlariga o‘zaro yaqin qarindosh yoki quda-anda bo‘lgan shaxslarni ishga qabul qilishni taqiqlovchi o‘zgartishlar kiritishni taklif qildi. Qarindoshligi haqida xabar bermagan xodimlarga 5,4 mln so‘mgacha, xodimlarning qarindoshligini bila turib chora ko‘rmagan mansabdorlarga esa 8,1 mln so‘mgacha jarima qo‘llanilishi mumkin.
«Investitsiya dasturi vazirlikda emas, balki mahalladan boshlab shakllanadi» — prezident
Shavkat Mirziyoyev kelgusi yildan mahallalar ehtiyojlarini inobatga olgan holda investitsiya dasturlari ishlab chiqilishini, bunga esa hokim yordamchilari mas’ul bo‘lishini ma’lum qildi. «Bundan buyon investitsiya dasturlarini hokimlarning o‘zi mahallabay tamoyili asosida ishlab chiqadi. Ya’ni, dastur vazirlikda emas, balki mahalladan boshlab shakllanadi», — dedi davlat rahbari.
O‘zbekiston Mozori Sharif aeroportini rekonstruksiya qilishni boshladi
O‘zbekiston Afg‘onistonning Mozori Sharifidagi xalqaro aeroportni rekonstruksiya qilish, texnik nosozliklar va jihozlarni ta’mirlashda yordam berish uchun 30 kishidan iborat texnik guruh yubordi. Shuningdek, aeroportning 83 nafarga yaqin afg‘on texnik xodimlari O‘zbekistonda o‘qitiladi.
«Endi qog‘oz jurnal, reyting daftarcha bo‘lmaydi, talaba guvohnomasi ham ID kartaga o‘tkaziladi». OTM vaziri raqamlashtirish haqida
Oliy va o‘rta maxsus ta’lim vaziri hozirga qadar tizim to‘liq raqamlashtirilmagani uchun xorijlik hamkasblari oldida uyalib qolayotganini ta’kidladi. «O‘zbekiston oliy ta’lim tizimida jurnal, reyting daftarcha qog‘oz ko‘rinishda bo‘lmaydi», — dedi Abduqodir Toshqulov. U shuningdek, endi talabalar guvohnomasi ham ID karta shaklida bo‘lishini qo‘shimcha qildi.
Abduxakim Xadjibayev O‘zbekiston kasaba uyushmalari raisiga o‘rinbosar bo‘ldi
Sobiq sog‘liqni saqlash vaziri Abduxakim Xadjibayev O‘zbekiston kasaba uyushmalari rahbariga o‘rinbosar etib saylandi.
Behzod Musayev avvalgi sog‘liqni saqlash vaziri qo‘llagan barcha jazolarni bekor qildi
O‘zining birinchi buyrug‘i bilan yangi sog‘liqni saqlash vaziri Behzod Musayev avvalgi vazir Abduxakim Xadjibayevning buyrug‘i bilan qo‘llanilgan barcha intizomiy jazo choralarini bekor qildi.
«Asosiy vazifamiz — tibbiyot sohasini xalqchil tizimga aylantirish». Prezident soha xodimlarini bayram bilan tabrikladi
Shavkat Mirziyoyev Tibbiyot xodimlari kuni munosabati bilan soha xodimlariga tabrik maktubini yo‘lladi. Davlat rahbari besh yilda oliy toifali shifokorlar maoshini 1000 dollarga yetkazish, sohaga ikki baravar ko‘proq mablag‘ yo‘naltirish ko‘zda tutilganini qayd etdi. U shuningdek, sana munosabati bilan 82 nafar tibbiyot xodimini davlat mukofoti bilan taqdirlash to‘g‘risidagi farmonga imzo chekkanini ma’lum qildi.
12 noyabr kuni O‘zbekistonda sodir bo‘lgan eng muhim xabarlar dayjesti
Bo‘stonliq tumanida 56 tup daraxt kesib tashlanishi, USAID O‘zbekistonga COVID-19 bilan kurashish uchun qo‘shimcha 2,5 mln dollar ajratishi, Shavkat Mirziyoyevning Turkiy kengash sammitidagi ishtiroki — “Gazeta.uz"ning 12 noyabrdagi eng muhim xabarlari dayjestida.
«32 mamlakatda elektron sigaretalar cheklangan ekan, nima uchun biz cheklamasligimiz kerak» — Alisher Qodirov
Milliy tiklanish partiyasi rahbari elektron sigaretalarni cheklash taklifi bilan chiqdi. «32 mamlakatda elektron sigaretalar cheklangan ekan, nima uchun biz cheklamasligimiz kerak», — dedi Alisher Qodirov. Partiya fraksiyasi a’zolari uni qo‘llab-quvvatladi.
Eng ko‘p o‘qilgan xabarlar | So‘nggi yangiliklar
- Eron prezidentining vertolyoti halokatga uchradi. O‘zbekiston TIV xavotir bildirdi
- Ziyorat turizmi, islom moliyasi, “Halol” sertifikatlashtirish — O‘zbekiston va Malayziya o‘rtasida qo‘shma bayonot imzolandi
- Senatning ellik ikkinchi yalpi majlisi 18-may kuni chaqiriladi
- Qozog‘iston prezidenti “Markaziy Osiyo davlatlarini bo‘lmoqchi bo‘lgan tashqi kuchlarga” qarshilik ko‘rsatishga chaqirdi
Qo‘shimcha imkoniyatlarga ega bulish uchun saytda ro‘yxatdan o‘ting