Humo Air O‘zbekistonning 6 ta shahriga kunlik parvozlarni yo‘lga qo‘ymoqchi
Humo Air loukosteri 2024-yil boshiga qadar to‘rtta Airbus 320/321 layneriga ega bo‘ladi. Aviakompaniya Samarqand, Buxoro, Qarshi, Nukus, Urganch va Termizga kunlik muntazam qatnovlarni yo‘lga qo‘ymoqchi. Kelgusi yilda xalqaro yo‘nalishlarda muntazam reyslarni amalga oshirish rejasi ham bor.
DXX uchta hududda 9 kilogrammdan ortiq giyohvand modda savdosiga chek qo‘ydi
Davlat xavfsizlik xizmati xodimlari tomonidan Xorazm, Buxoro va Toshkent viloyatlarida 9 kilogrammdan ortiq giyohvand modda savdosiga chek qo‘ydi. Xususan, ikkita holatda Tojikistondan gashish va opiy olib kelingani aniqlandi.
G‘arb “yangicha” diktatorlar bilan qanday muomala qilishi kerak? Iqtisodchi Sergey Guriyev javob berdi
Sergey Guriyev iqtisodchi Behzod Hoshimovga bergan intervyusida diktatorlarning zamonaviy turi — manipulyativ diktatorlar bilan G‘arb qanday muomala qilishi kerakligini tushuntirdi. Uning qo‘shimcha qilishicha, “ko‘plab yetakchilar demokratiyani manipulyativ diktaturaga aylantirishni istaydi”.
Men shtatidagi ommaviy otishmada kamida 22 kishi halok bo‘ldi
AQShning Men shtatidagi Lyuiston shahrida bir erkak bar va bouling zalidagi odamlarga qarata o‘t ochdi, oqibatda kamida 22 kishi halok bo‘ldi, 50 dan ortiq kishi jarohatlandi. Erkak hozircha qo‘lga olinmagan.
Shahram Ahadov dzyudo bo‘yicha “Katta dubulg‘a” tasnifiga kiruvchi turnirda oltin medal oldi
O‘zbekistonlik dzyudochi Shahram Ahadov Abu-Dabi shahrida bo‘lib o‘tgan “Katta dubulg‘a” turnirida ilk oltin medalini qo‘lga kiritdi.
Markaziy bank asosiy stavkani 14 foiz darajasida o‘zgarishsiz qoldirdi
Markaziy bank asosiy stavkani yillik 14 foiz darajasida saqlab qolish to‘g‘risida qaror qabul qildi. Asosiy stavkaning joriy darajasi yil oxiriga qadar inflyatsiyaning prognoz ko‘rsatkichlari doirasida shakllanishi uchun zaruriy pul-kredit sharoitlarini ta’minlashga xizmat qiladi, deyiladi regulyator bayonotida.
Oyiga $10 000 topishni o‘rgatishni va’da qilgan Islom Ibrohimov qidiruvga berildi
IIV tarmoqlarda “biznes-trener”ligi bilan tanilgan Islom Ibrohimovni qidiruvga bergani ma’lum bo‘ldi. U juda ko‘p miqdordagi firibgarlikda gumonlanmoqda. Avvalroq “Subyektiv” uni o‘zi haqida yolg‘on ma’lumot tarqatish orqali mijoz yig‘ishda ayblagandi.
Para Osiyo o‘yinlari: 3-kunda o‘zbekistonliklar yana 16 ta medal oldi
Para Osiyo o‘yinlarining 3-kunida O‘zbekiston terma jamoasi 16 ta medal olib, umumiy medallari sonini 54 taga yetkazdi. Eng ko‘p sovrinlarni para yengil atletika, para taekvondo va para dzyudochilar qo‘lga kiritdi. Jamoa turnir jadvalida 5-o‘rinda bormoqda.
O‘zbekiston qonun ustuvorligi reytingida 78-o‘rinni egalladi
O‘zbekiston World Justice Project`ning qonun ustuvorligi bo‘yicha yillik reytingida 142 davlat orasida 78-o‘rinni egalladi. Reyting mualliflarining fikricha, mamlakat huquq tizimidagi eng yomon holat davlat vakolatlarini cheklash va hokimiyatning ochiq emasligi bilan bog‘liq.
Toshkentda yuqori tezlikdagi Weltmeister 5 ta avtomobil bilan to‘qnashdi
Mirobod tumanida orqaga harakatlanayotgan Hyundai avtomobiliga yuqori tezlikdagi Weltmeister elektromobili urilib, so‘ng yana 4 ta mashina bilan to‘qnashdi. Hodisa oqibatida 3 kishi jarohat oldi.
Yashnobod, Yakkasaroy va Olmazor tumanlarining ayrim hududlarida gaz o‘chiriladi
Poytaxtning Yashnobod, Yakkasaroy va Olmazor tumanlarining ayrim hududlarida 26-oktabr soat 10:00 dan 17:00 gacha gaz ta’minoti to‘xtatiladi.
Prezident ichki ishlar xodimlarini orden va medallar bilan taqdirladi
Ichki ishlar organlari xodimlari kuni munosabati bilan sohaning bir qancha xodimlari “Mardlik”, “Do‘stlik” ordenlari va “Jasorat”, “Sodiq xizmatlari uchun” va “Shuhrat” medallari bilan mukofotlandi.
O‘zbekiston fermerlariga klasterlarni o‘zi tanlash va ortiqcha hosilni erkin sotishga ruxsat berilishi mumkin
O‘zbekistonda fermerlarga o‘z faoliyatida qisman erkinlik berilishi mumkin. Prezident fermerlarga klasterlarni ixtiyoriy tanlash va ortiqcha hosilni sotish huquqini berish masalasi muhokama qilinayotganini bildirdi. Shuningdek, u yaylovlar degradatsiyasi muammosiga to‘xtalib, uni hal qilish yo‘llarini ko‘rsatdi.
O‘zbekiston bosh vaziri Qirg‘izistonga tashrif buyurdi
O‘zbekiston bosh vaziri Abdulla Aripov 25−26-oktabr kunlari Bishkekda bo‘lib o‘tadigan SHHT, MDH va YeOII hukumat rahbarlari kengashi yig‘ilishlarida ishtirok etadi.
AQShning o‘nlab shtatlari Meta kompaniyasini bolalarda qaramlikni keltirib chiqarishda aybladi
AQShda o‘nlab shtatlar Facebook va Instagram egasi hisoblangan Meta kompaniyasini daromadini oshirish maqsadida o‘smirlar va bolalarni ijtimoiy tarmoqlarga qaram qilish uchun “kuchli va misli ko‘rilmagan texnologiya”dan foydalanganlikda ayblab sudga berdi.
Toshkentdagi yangi uylardan birida ichida odamlari bo‘lgan lift tushib ketdi. Tafsilotlar
Toshkentning Mirzo Ulug‘bek tumanidagi ko‘p qavatli uyda ichida odamlari bo‘lgan lift tushib ketdi va 4-qavatga yetgandagina tormoz tizimi ishga tushdi. Hokimlik uy davlat qabulidan o‘tmasa ham uch yil oldin topshirilganini ma’lum qildi. Quruvchi esa qabuldan o‘tganini aytib, boshqaruv kompaniyasini aybladi.
Barcha davlatlar boshqalar ularga hujum qila olmasligidan manfaatdor — Samanta Pauer
AQSh “Ikki xalq uchun ikki davlat” rejasiga muvofiq Yaqin Sharqda tinchlikka erishish tarafdori, dedi Samarqandga kelgan USAID rahbari Samanta Pauer. U, shuningdek, AQShning Ukraina suvereniteti va hududiy yaxlitligi poymol etilishini qoralash bo‘yicha chaqiriqlaridan ajablanmaslik kerakligini ta’kidladi.
Ijaraga olingan mulkni qayta ijaraga berish tartibi belgilandi
“Ijara to‘g‘risida”gi qonunga kiritilgan qo‘shimchaga ko‘ra, endi ijara munosabatlarining obyektlari bo‘yicha huquq va majburiyatlar ijaraga beruvchining roziligi bilan ijaraga oluvchi tomonidan boshqa shaxsga o‘tkazilishi (qayta ijaraga berilishi) mumkin.
Shahrisabz aeroportida parvozlar qayta yo‘lga qo‘yiladi
Shavkat Mirziyoyev Shahrisabz aeroportida aviaqatnovlar qayta tiklanishini ma’lum qildi. Aeroportga yangi ATR samolyoti parvozlari yo‘lga qo‘yilib, Samarqand, Buxoro, Xorazm va vodiy viloyatlariga mahalliy reyslar ko‘paytiriladi.
Qashqadaryodagi Taxtaqoracha dovonida tunnel quriladi
Prezident Qarshida o‘tkazayotgan yig‘ilishida Taxtaqoracha dovonidan o‘tish talablarini yengillashtirishni topshirdi. Kelgusi yilda mazkur dovonda uzunligi 7 km bo‘lgan tunnel qurilishi boshlanadi. Qolaversa, Samarqand bilan Shahrisabzni bog‘lovchi 30 km yo‘l xitoylik investorlar bilan birga ta’mirlanadi.
Qo‘shimcha imkoniyatlarga ega bulish uchun saytda ro‘yxatdan o‘ting