Surxondaryoda 4 yoshli bolasini kaltaklagan erkak 10 sutkaga qamaldi
Termizda 4 yoshli bolasini do‘kondan shirinlik va o‘yinchoqlar olib berishini so‘ragani uchun haqoratlab, kaltaklagan erkak 10 sutkaga qamaldi.
Samarqandda mast holda xizmat kiyimida yurgan IIO xodimi ishdan olindi
Tarmoqlarda mast holda xizmat kiyimida yurgan IIO xodimining videosi tarqaldi. Samarqand viloyati IIB videodagi xodim Qo‘shrabod tumani IIB profilaktika inspektori bo‘lgani va u ishdan olinganini bildirdi.
Xususiy maktablar tashkil etishda imtiyozlar beriladi
O‘zbekistonda 2025-yildan yangi qurilgan xususiy maktab binolarida 5 yil davomida kommunal xarajatlarining 50 foizi qoplanadi. Maktab binolarini qurish bilan bog‘liq bo‘lgan xarajatlarning foyda solig‘ini hisoblashda 2 yil davomida teng ulushlarda chegirib tashlash huquqi beriladi.
Toshkentdagi fastfud tarmog‘i elektrdan noqonuniy foydalanib kelgani aniqlandi
Toshkent shahrining 5 ta tumanida Hotdogger nomli ko‘chma savdo shoxobchalari noqonuniy ulanish orqali 1,1 mlrd so‘mlik elektrdan foydalangani aniqlandi. Holat yuzasidan jinoyat ishi qo‘zg‘atildi.
O‘zbekiston DXX raisi Afg‘oniston mudofaa vaziri v.b. bilan uchrashdi
O‘zbekiston Davlat xavfsizlik xizmati raisi Abdusalom Azizov Afg‘oniston mudofaa vaziri vazifasini bajaruvchi Muhammad Yoqub bilan uchrashdi. Ular chegara va ikki tomonlama munosabatlarni mustahkamlash masalalarini muhokama qildi.
Qachondan haydovchilik guvohnomasi bilan ichki reyslarda uchish mumkin? Uzbekistan Airports javobi
Hukumat 2017-yilda haydovchilik guvohnomasiga shaxsni tasdiqlovchi hujjat maqomini bergandi. Uzbekistan Airports mahalliy aeroportlarda mazkur guvohnomalar qachondan tan olina boshlanishi haqida izoh berarkan, hozirda idoralararo tasdiqlash ishlari yakunlanayotganini bildirdi.
“Paxtakor” futbolchisi APLning “Brentford” klubiga ijaraga berildi
“Paxtakor” akademiyasi tarbiyalanuvchisi Muhammadali O‘rinboyev Angliyaning “Brentford” klubiga ijara asosida o‘tdi. U Angliya Premer-ligasida o‘ynagan ilk o‘zbekistonlik futbolchi bo‘lishi mumkin.
“Tashabbusli budjet”ning “Bir fuqaro — bir ovoz” tizimi qanday ishlaydi? Vazirlik javobi
Endi “Tashabbusli budjet”dagi loyihalarda “Bir fuqaro — bir ovoz” tizimi amal qiladi. Ya’ni bir fuqaroda bir necha telefon raqami bo‘lsa ham, u faqat bittasidan ovoz bera oladi. Moliya vazirligiga ko‘ra, “SIM kartani kim ishlatayotgani ahamiyatsiz, u kimning nomidaligi muhim”. Batafsil.
Andijonda 6 tup chinor kesganlarga jinoyat ishi ochildi
Asaka tumanida ko‘p yillik 6 tup chinor daraxti kesilishi oqibatida tabiatga 317 mln so‘mlik zarar yetkazilgani aniqlandi. Holat bo‘yicha jinoyat ishi ochildi.
“Kimdir O‘zbekiston o‘yinidan qoniqmasa, bu ularning muammosi”. Srechko Katanets — Tailand ustidan qozonilgan g‘alaba haqida
Futbol bo‘yicha O‘zbekiston milliy terma jamoasi bosh murabbiyi Srechko Katanets Tailandga qarshi o‘yindan mamnun ekanini aytdi. Shuningdek, terma jamoadagi jarohat olganlar, Osiyo Kubogi chorak finalida Qatar bilan bo‘lajak uchrashuvdan umidlari va taktika tanlash haqida gapirdi.
1-fevraldan ayrim nafaqa miqdorlari oshirildi
O‘zbekistonda zarur ish staji yo‘q keksalar, nogironligi bo‘lgan bolaga qarovchi vakillar, boquvchisini yo‘qotganlik pensiyasini oluvchilarning nafaqasi miqdori 621 ming so‘m etib belgilandi. Avval bu miqdor 608 ming so‘m edi.
Qozog‘iston parlamenti oiladagi zo‘ravonlik uchun jazoni kuchaytiruvchi qonun loyihasini ma’qulladi
Qozog‘iston parlamenti ayollar va bolalar huquqlarini himoya qilish, oiladagi (maishiy) zo‘ravonlik uchun jazoni kuchaytiruvchi qonun loyihasini ma’qulladi. Hujjatda kaltaklashga ham jinoiy javobgarlik nazarda tutilgan.
Surxondaryoda ikki mashina to‘qnashishi oqibatida piyodalar jarohatlandi
Sho‘rchi tumanida bir yo‘nalishda harakatlangan mashinalarning biri chapga burilishi oqibatida YTH yuz berdi. Oqibatda avtomobillar 3 piyodani urib yubordi, 10 yoshli bola turli jarohatlar bilan shifoxonaga yotqizildi.
Surxondaryoda poyezd Gentra`ni urib yuborishi oqibatida bir oilaning 5 a’zosi halok bo‘ldi
Sho‘rchi tumanida yo‘lovchi poyezdi temiryo‘l kesishmasidan o‘tayotgan Gentra`ni urib yubordi. Oqibatda mashinada bo‘lgan 5 kishi vafot etdi, 2 kishi shifoxonaga yotqizildi.
2023-yilda lavozim jinoyati uchun sudlangan mansabdor shaxslar soni qariyb 15 foizga oshdi
2023-yilda 3575 nafar mansabdor shaxs jinoiy javobgarlikka tortilgan, bu avvalgi yilga nisbatan 14,7 foizga ko‘p degani. Katta farq bilan yetakchilik qilayotgan asosiy jinoyat turi mulkni o‘g‘irlashdir. Respublika darajasidagi amaldorlar 2022-yilga nisbatan 55 foizga kam hukm qilingan.
Tadbirkorlar reytingi qanday tuziladi? Mezonlar
O‘zbekistonda tadbirkorlarning barqarorlik reytingini hisoblash uchun 23 ta mezon, jumladan, 9 ta jarima va 4 ta rag‘batlantirish qo‘llanadi. Bu kompaniyaning faoliyat davri, rentabellik darajasi, ko‘chmas mulk yoki yer uchastkasining mavjudligi, xodimlar ish haqi va boshqalarni o‘z ichiga oladi.
Qashqadaryoda Damas YPX inspektorini bosib ketdi, uni o‘tkinchilar mashina ostidan chiqarib oldi
Qashqadaryodaning Kitob tumanida Damas haydovchisi avtomobilni to‘xtatmoqchi bo‘lgan yo‘l-patrul xizmati xodimini urib yubordi. Ijtimoiy tarmoqlarda hodisa guvohlari inspektorni chiqarib olish uchun mashinani qo‘llari bilan ko‘tarayotgani aks etgan video tarqaldi.
“Bularning hammasi sabotajnik!” Toshkent viloyati hokimi 10 nafar bosh shifokorni ishdan bo‘shatish bo‘yicha topshiriq berdi
Toshkent viloyati hokimi Zoyir Mirzayev 10 ta shahar va tumandagi bosh shifokorlarni ishdan bo‘shatish topshirig‘ini berdi. Ular mahalliy analoglar o‘rniga chetdan keltirilgan dorilarni sotib olib, “obnal firmalar"dan foydalanadi. Hokim shifokorlar dorixonalar manfaati uchun 8−10 talab dori yozib berishini aytdi.
O‘zbekistonda ko‘krak bezi saratoni onkologiyaning eng xavfli turlaridan biri hisoblanadi. U bilan qanday kurashish mumkin?
Ko‘krak bezi saratoni O‘zbekistonda saraton kasalliklari orasida o‘lim ko‘rsatkichlari bo‘yicha yetakchi o‘rinlardan birini egallaydi, biroq uni erta bosqichlarida davolash mumkin. Diagnostika uchun mammograflar, malakali radiolog va rentgen-laborantlar kerak. Kasallik haqida batafsil — “Gazeta.uz” materialida.
Toshkent chetidan metro bekatlarigacha ekspress avtobuslar qatnovini yo‘lga qo‘yish rejalashtirilmoqda
Toshkent chetidagi hududlarni metro bekatlari bilan bog‘laydigan to‘rtta ekspress avtobus yo‘nalishi joriy etiladi. Piyoda va avtobuslar ustuvorligini ta’minlash maqsadida 8 ta transport yo‘lagi rekonstruksiya qilinadi. Bu haqda prezidentning 2024-yilgi Davlat dasturi to‘g‘risidagi qarori loyihasida aytilgan.
Qo‘shimcha imkoniyatlarga ega bulish uchun saytda ro‘yxatdan o‘ting