Iqtisodiyot
Startaplar to‘g‘risida qonun qabul qilinadi
O‘zbekistonda startaplar to‘g‘risida qonun qabul qilinadi. Qonun loyihasiga ko‘ra, startaplar xodimlari jismoniy shaxslardan olinadigan daromad solig‘idan ozod etiladi. Startap kompaniyalar yer solig‘i, foyda solig‘i, yuridik shaxslarning mol-mulkiga solinadigan soliq va boshqa soliq to‘lovlaridan ozod etiladi. Qonun doirasida xorij fuqarolariga Startap vizalar berilishi ham rejalashtirilgan.
Yagona elektron chipta sotish tizimi operatori tanlov asosida belgilanishi taklif etildi
Monopoliyaga qarshi kurashish qo‘mitasi yagona elektron chipta sotish tizimi operatorini tanlashda yangi davlat ishtirokidagi korxona tashkil etish maqsadga muvofiq emasligini bildirdi. Oldinroq Uzcard yagona elektron chipta sotish tizimi operatori bo‘lishi to‘g‘risidagi qaror loyihasi e’lon qilingan edi.
JB O‘zbekistonga koronavirusga qarshi kurashish uchun 95 mln dollar ajratdi
Jahon banki O‘zbekistonga 95 mln dollar miqdorida favqulodda moliyalashtirish mablag‘ini taqdim etdi. Ular sog‘liqni saqlash tizimini yaxshilash hamda kam ta’minlangan va himoyaga muhtoj aholi qatlamlarini qo‘llab-quvvatlashga yo‘naltiriladi.
“XVJ kredit ajratish uchun qo‘shimcha shartlar qo‘ymaydi” — moliya vaziri o‘rinbosari
Moliya vaziri o‘rinbosari Odilbek Isoqov XVJ 375 million dollar miqdorida kredit ajratishda O‘zbekistonga qo‘shimcha shartlar qo‘ymasligini va islohotlarni davom ettirishni talab qilayotganini aytdi. Shuningdek, u boshqa qarzlar tafsilotlariga ham to‘xtaldi.
Faoliyatini davom ettirayotgan savdo korxonalari uchun sanitariya talablari
Karantin choralarini yumshatish maqsadida faoliyatiga ruxsat berilgan savdo korxonalari uchun sanitariya talablari e’lon qilindi. Korxonalar har bir xaridor orasida 2 metr oraliq masofani saqlashlari, dezinfeksiyalash uchun maxsus o‘tish joylarini o‘rnatishlari va boshqa talablarga rioya qilishlari kerak.
Karantin vaqtida faoliyatini davom ettirishi mumkin bo‘lgan iqtisodiyot tarmoqlari e’lon qilindi
Karantin choralarini yumshatish doirasida qurilish materiallari bozorlari, hunarmandlar, tijorat banklari shahoblachari, notaral idoralar, avtomobillarga xizmat ko‘rsatuvchi va boshqa ko‘plab tashkilotlarning faoliyatini tiklashga ruxsat berildi. Ruxsat berilgan tadbirkorlar sanitariya-epidemiologiya talablari asosida ishlarini tashkillashtirishlari belgilangan.
“Energiya narxlarini liberallashtirish qoldirilgan” — moliya vaziri o‘rinbosari
Moliya vaziri o‘rinbosari Odilbek Isoqov elektr va gaz narxlarini liberallashtirish rejasi noma’lum muddatga qoldirilganini ma’lum qildi. “Gazeta.uz” ma’lumotlariga ko‘ra, fevralda energotashuvchilar tariflarini oshirish rejalashtirilgan edi.
Gruziyaning TBC banki O‘zbekistonda o‘z faoliyatini iyun oyida boshlaydi
TBC Uzbekistan iyundan ish boshlaydi. Bank naqd pul ko‘rinishidagi kreditlar, ish haqi garov kreditlari, avtokreditlar va boshqa xizmatlarni taklif qiladi. Bankka tegishli Payme kompaniyasi esa alohida ishini davom ettiradi.
O‘zbekiston pandemiya oqibatlarini yumshatish uchun 3,1 mlrd dollar jalb qilmoqchi
O‘zbekiston koronavirus pandemiyasi oqibatlarini yumshatish uchun 3,1 mlrd dollar jalb qilishni rejalashtirmoqda. Ushbu mablag‘larning 277,5 mln dollari — sog‘liqni saqlash tizimini mustahkamlash, 700 mln dollari — tadbirkorlikni, 300 mln dollari — kommunal va energetika korxonalarini qo‘llab-quvvatlashga sarflanadi. Davlat byudjetiga 1,8 mlrd dollar yo‘naltiriladi.
Google O‘zbekistonda soliq to‘lashni boshladi
Google, Apple, Samsung, Netflix va boshqa kompaniyalar O‘zbekistonda qo‘shilgan qiymat solig‘ini to‘lash uchun ro‘yxatdan o‘tishdi. Google 2020 yilning I-choragi yakunlariga ko‘ra davlat byudjetiga 85 ming yevro miqdorida mablag‘ to‘lagan.
Ilon Mask va boshqa tadbirkorlar Donald Tramp maslahatchilariga aylanishdi
Donald Tramp koronavirus pandemiyasidan keyin AQSH iqtisodiyotini tiklashga qaratilgan “Amerikaning buyuk iqtisodiy tiklanishi” loyihasiga jalb etiladigan shaxslar ro‘yhatini e’lon qildi. Unga Ilon Mask, Jeff Bezos, Mark Sukerberg va bir qator taniqli Amerikalik tadbirkorlar va davlat arboblari kirgan. Ularning asosiy vazifasi inqirozdan keyin AQSH iqtisodiyotini tiklash masalasida Trampga maslahat berish.
O‘zbekiston COVID-19 oqibatlariga qarshi kurashish uchun eng kamida 1,6 mlrd dollar qarz oladi
Xalqaro moliya tashkilotlari O‘zbekiston hukumatiga byudjetni qo‘llab-quvvatlash va Inqirozga qarshi kurash jamg‘armasini moliyalashtirish uchun eng kamida 1,6 mlrd dollar kredit mablag‘larini taqdim etadi.
Tayyor to‘qimachilik mahsulotlarini ishlab chiqarishni 4−5 baravarga ko‘paytirish topshirildi
Prezident “O‘zto‘qimachiliksanoat” uyushmasiga kelgusi 5 yilda tayyor mahsulot ishlab chiqarishni 4−5 baravarga ko‘paytirish, tannarxni raqobatchilarga nisbatan arzonlashtirib, tashqi bozorlarni egallash bo‘yicha topshiriqlar berdi. Shuningdek, YeI bozorlari uchun GSP+ maqomini olish hamda mahsulotlarni BSI standartlari asosida sertifikatlashni jadallashtirish topshirildi.
Inqirozga qarshi kurashish jamg‘armasining daromad va xarajatlari ma’lum qilindi
Inqirozga qarshi kurashish jamg‘armasining hisobiga 3,5 trln so‘m kelib tushgan bo‘lsa, jamg‘arma xarajatlari esa 1,130 trln so‘mga teng bo‘ldi. Mablag‘larning katta qismi energetika sohasi barqarorligini ta’minlashga yo‘naltirilgan.
“Narx-navoni oshirish mutlaqo mumkin emas” — prezident
Shavkat Mirziyoyev dehqon va ishlab chiqaruvchilarga murojaatida narx-navoni oshirish mutlaqo mumkin emasligi, chunki ularga davlat qo‘lidan kelgancha ko‘mak berayotganini ta’kidladi. Prezident so‘zlariga ko‘ra, bosh prokuror narx-navo bilan shaxsan shug‘ullanmoqda.
Jahon banki pul o‘tkazmalari 20 foizga qisqarishini prognoz qilmoqda
Jahon banki 2020 yilda pandemiya tufayli dunyo bo‘ylab pul o‘tkazmalari 20 foizga qisqarishini prognoz qilmoqda. Xususan, Rossiyada ishlaydigan mehnat muxojirlarning o‘tkazmalarining kamayishi Markaziy Osiyo davlatlari iqtisodiyotiga salbiy tashqi shoklar ta’sirini kuchaytirishi mumkin.
Tibbiy mahsulotlar uchun xom ashyo eksportiga cheklovlar joriy etilmoqda
Hukumat koronavirus pandemiyasi davrida tibbiy buyumlar uchun xom ashyo eksporti hamda sement importiga vaqtinchalik cheklovlar joriy etmoqda.
Jahon banki O‘zbekistonga 295 mln dollar ajratishini ma’lum qildi
Jahon banki O‘zbekistonga «COVID-19 koronavirusi infeksiyasiga shoshilinch javob» loyihasi uchun 95 mln dollar, «O‘zbekistonda bozor islohotlarining barqarorligini ta’minlash» loyihasini qo‘shimcha moliyalashtirish uchun esa 200 mln dollar, jami 295 mln dollar ajratishini ma’lum qildi.
Shavkat Mirziyoyev servis sohasini rivojlantirish bo‘yicha topshiriqlar berdi
Prezident Shavkat Mirziyoyev servis sohasini rivojlantirish, xususan, o‘zini o‘zi band qilgan fuqarolar va frilanserlarni qo‘llab-quvvatlash, ularga imtiyoz va preferensiyalar taqdim etish bo‘yicha topshiriqlar berdi.
Karantin sababli ishsiz qolgan fuqarolar nomma-nom aniqlanadi
Barcha tuman va shaharlarda karantin cheklovlari sababli ishsiz qolgan va ehtiyojmand aholi nomma-nom aniqlanadi. Prezident 110 ming kishini mavsumiy, 167 ming fuqaroni jamoat ishlari bilan qamrab olish vazifasini qo‘ydi.
Eng ko‘p o‘qilgan xabarlar | So‘nggi yangiliklar
- Gaz va elektr energiyasi tariflarini oshirishda gaz importi hisobga olingan — energetika vaziri
- “Daromadlarni deklaratsiyalash tizimini joriy etishni tezlashtirish”. XVJ missiyasi O‘zbekistonga qator tavsiyalar berdi
- Nega turar joy majmualari quruvchi tashkilotlar taqdim etgan loyihaga mos kelmaydi? Arxitektor fikri
- Prezident Coca Cola kompaniyasining istiqbolli loyihalarini qo‘llab-quvvatladi
Qo‘shimcha imkoniyatlarga ega bulish uchun saytda ro‘yxatdan o‘ting