Iqtisodiyot
Shavkat Mirziyoyev ACWA Power bilan amalga oshirilayotgan 2 ta loyihaga start berdi
Saudiya Arabistonining ACWA Power kompaniyasi bilan Sirdaryo viloyatida 1500 megavatt quvvatli bug‘-gaz elektr stansiyasini tarmoqqa ulash hamda Toshkent viloyatida “yashil vodorod”ni “pilot” tarzda ishlab chiqarish quvvatlarini barpo etish loyihalariga start berildi.
O‘zbekiston va Saudiya o‘rtasida 12 mlrd dollarlik kelishuvlar imzolandi
Saudiya Arabistoni investitsiyalar vaziri Holid al-Falih boshchiligidagi delegatsiya tashrifi doirasida ikki davlat o‘rtasida 12 mlrd dollarlik kelishuvlar imzolandi. Shuningdek, yana 11 mlrd dollarlik loyiha va dasturlarni ilgari surishga kelishildi. Shavkat Mirziyoyev vazirni “Do‘stlik” ordeni bilan taqdirladi.
O‘zbekistonda avtotransport sotuvi bir yil ichida 1,6 baravarga ko‘paydi
O‘zbekistonda oktabr oyi yakuni bo‘yicha barcha avtotransport vositalarining sotuvi 24 foizga o‘sib, 183 mingtani tashkil etdi va o‘tgan yilning oktabr oyiga nisbatan 62 foizga ko‘paydi. Oy davomida qariyb 40 mingta yangi mahalliy avtomobil sotildi, elektromobillar sotuvi esa 26 foizga kamaydi.
“Biz ob-havoning har qanday injiqligi va anomal sovuqqa tayyormiz” — O‘zbekiston energetika tizimi rahbarlarining va’dasi
Prezident bilan uchrashuvdan so‘ng “O‘ztransgaz”, “Hududgazta’minot”, “Hududiy elektr tarmoqlari”, “O‘zenergoinspeksiya” va boshqa korxonalar rahbarlarining qish mavsumiga tayyorgarlik bo‘yicha hisobotlari tinglandi. Ular energiya tizimi “har qanday ob-havo injiqligi va anomal sovuqqa tayyor”ligini ma’lum qildi.
SPEKA mamlakatlari yirik “yashil” loyihalarni qo‘llab-quvvatlash uchun jamg‘arma tashkil qilishi mumkin
Prezident BMTning Markaziy Osiyo iqtisodiyotlari uchun maxsus dasturi sammitida so‘zlab, 2024-yilda “yashil” iqtisodiyot, innovatsiyalar, logistika, muqobil energetika, “aqlli” qishloq xo‘jaligi kabi sohalardagi yirik loyihalarni qo‘llab-quvvatlash uchun SPEKAning Maqsadli jamg‘armasini tuzishni qo‘llab-quvvatladi.
Ukraina O‘zbekistonning ikki kompaniyasi va ikki fuqarosiga qarshi sanksiyalar qo‘lladi
Ukraina O‘zbekistonning “Ohangaronsement” zavodi va uning egasi Akkermann Cement CA kompaniyasini, shuningdek, Alisher Usmonovning jiyani Nasiba Narziyeva va uning turmush o‘rtog‘i Shohrux Nosirxo‘jayevlarni sanksiyalar ro‘yxatiga kiritdi.
“Yashil makon” mablag‘larining kamida yarmi jamoatchilik fikri asosida shakllangan loyihalarga yo‘naltiriladi
Budjetdan “Yashil makon” loyihasiga ajratiladigan mablag‘larning kamida 50 foizi “Ochiq budjet” portali orqali jamoatchilik fikri asosida shakllangan “Mening bog‘im” loyihalarini moliyalashtirishga yo‘naltiriladi. Bunda “yashil bog‘lar” va “yashil jamoat parklari”ni tashkil qilish rejalashtirilgan.
Energetika vaziri — yangi binolarning elektr tarmoqlariga bo‘ladigan yuklamasi haqida
Qonunchilik palatasida energetika vaziri deputatning Toshkentda ko‘p qavatli uylar qurilishining oshishi energetika tarmog‘iga qanday ta’sir qilayotgani haqidagi savoliga javob berdi. Uning aytishicha, hozirda yangi texnik shartlar joriy qilingan, avvalgidek yagona darcha orqali ruxsatnoma olish taqiqlangan.
Aholi va biznesning inflyatsion kutilmalari biroz oshdi
Oktabr oyida aholi va biznesning inflyatsion kutilmalari biroz oshib, mos ravishda 13,7 va 14,4 foizni tashkil etdi. Markaziy bankning bu oydagi infografikasi hududlar, daromadlar va tadbirkorlik faoliyati kesimidagi ma’lumotlarsiz e’lon qilindi.
Energetika vaziri — O‘zbekistondagi benzin bilan bog‘liq vaziyat va Rossiyadagi yoqilg‘i eksporti taqiqining ta’siri haqida
Energetika vaziri Jo‘rabek Mirzamahmudov Rossiyaning benzin eksportiga qo‘ygan taqiqi O‘zbekistonda yoqilg‘i bilan bog‘liq vaziyatga ta’sir qilganini aytdi. Hukumatlararo kelishuv imzolangandan so‘ng O‘zbekistonga noyabr oyida Rossiya benzini keldi. Jami 371 ming tonna benzin import qilinishi rejalashtirilgan.
O‘zbekistonda oktabr oyida ko‘chmas mulk savdosi 10 foizga kamaydi — ITIM
Iqtisodiy tadqiqotlar va islohotlar markazi O‘zbekistonda oktabr oyida ko‘chmas mulk savdosi 10 foizga kamayganini ma’lum qildi. Mamlakatda ko‘chmas mulk bilan bog‘liq bitimlarning 51 foizdan ortig‘i Toshkent shahri, Toshkent, Farg‘ona va Samarqand viloyatlariga to‘g‘ri kelmoqda.
O‘zbekistonda birjada Ai-80 benzin xaridiga kiritilgan limit kamaytirildi
Birjada Buxoro NQIZda ishlab chiqariladigan Ai-80 benzinining maksimal xarid hajmini kuniga 4 tonnagacha pasaytirdi, deb yozadi Spot. Bu yoqilg‘i quyish shoxobchalari va brokerlar so‘ragan ayni chegaradir. Shu bilan birga, istisno tariqasida, boshqa ishlab chiqaruvchilarga 10 tonnadan sotishga ruxsat beriladi.
Toshkentdagi yerusti metro yo‘li ostida savdo va maishiy xizmat ko‘rsatish binolari quriladi
Toshkent yerusti metro liniyasi ostidagi bo‘sh hududlarda savdo va maishiy xizmat ko‘rsatish binolari quriladi. Hokimlik bu bo‘yicha loyiha ishlab chiqilganini ma’lum qildi.
Toshkentda o‘rtacha ta’mirlangan 1 xonali uy ijarasi 348 dollarni tashkil etmoqda — MHTI
Toshkentdagi o‘rtacha ta’mirlangan bir xonali uylar ijarasi o‘rta hisobda 348, ikki xonali uylar uchun 437, uch xonali uylar uchun 526 dollarni tashkil etmoqda, deya qayd etdi MHTI mutaxassislari. oktabrda barcha turdagi xonadonlarning ijara narxi o‘tgan yilning mos davriga nisbatan arzonlagan.
O‘zbekistonda energetika tizimi 1-dekabrdan 24 soatlik ish tartibiga o‘tadi
Energetika vaziri Jo‘rabek Mirzamahmudov prezidentga bergan axborotida energetika tizimi 1-dekabrdan 24 soatlik ish tartibiga o‘tishini ma’lum qildi. Qayd etilishicha, aholi va korxonalarni tabiiy gaz bilan barqaror ta’minlash maqsadida qo‘shimcha 5 milliard kub metr kafolatli gaz manbalari hal qilingan.
Oqilona foydalanilmayotgan kadastrsiz yerlar hokimliklar zaxirasiga qaytariladi — prezident
O‘zbekistonda ko‘chmas mulkning shartli kadastr qiymati 350 mlrd dollarni tashkil qilishi mumkin, dedi prezident. U aerosuratlar va yer kadastrini ro‘yxatdan o‘tkazish bo‘yicha ishlarni jadallashtirish topshirig‘ini berdi. Agar kadastrsiz yerlardan oqilona foydalanilmasa, ular hokimliklar zaxirasiga qaytariladi.
Markaziy bank rahbari — makroiqtisodiy barqarorlik, inflyatsiya va monetar siyosat “ovozi” haqida
Markaziy bank raisi Mamarizo Nurmuratov so‘nggi yillarda iqtisodiyot yuqori budjet taqchilligi sharoitidagi hayotga moslashgani va bu “og‘irlikni pul-kredit siyosatiga yuklayotganini” ta’kidladi. U fiskal konsolidatsiya zarurati va monetar siyosatning “ko‘tarilgan ovozi” haqida gapirdi.
Chilonzorda Chilonzor City va Smart siti qurilishi rejalashtirilmoqda
Poytaxtning Chilonzor tumanida Chilonzor Sity turar joy majmuasi va “Bunyodkor” stadionining 5,5 gektarli avtoturargohi o‘rnida Smart siti majmuasini qurish taklif qilinmoqda. Bu tuman aholisini kambag‘allikdan chiqarishga xizmat qilishi kutilmoqda.
Iqlim o‘zgarishi sohasidagi chora-tadbirlar O‘zbekiston farovonligini oshirishga yordam beradi — Jahon banki
Jahon banki guruhi hisobotida O‘zbekiston iqtisodiyotini karbonsizlantirish bo‘yicha chora-tadbirlar mamlakatga taraqqiyot maqsadlariga erishish va fuqarolar farovonligini oshirishga yordam berishi qayd etildi. Hisobotda buni amalga oshirish uchun bir qancha tavsiyalar berib o‘tilgan.
Prezident xalqaro moliya institutlari ishtirokidagi loyihalarni amalga oshirishda sustkashlik bo‘layotganini tanqid qildi
Prezident xalqaro moliya institutlari ishtirokidagi loyihalarni amalga oshirishda barcha sohalar ham natijadorlikka erisha olmayotganini ta’kidladi. Xususan, Qishloq xo‘jaligi, Sog‘liqni saqlash vazirliklari va “O‘zsuvta’minot” aksiyadorlik jamiyatidagi loyihalarda sustkashlikka yo‘l qo‘yilayotganini tanqid qildi.
Eng ko‘p o‘qilgan xabarlar | So‘nggi yangiliklar
- “Men buni eshitmadim”. Energetika vaziri — “O‘ztransgaz”ning ishonchli boshqaruvga berilgani yo yo‘qligi haqida
- “Hali hech narsa aniq emas”. “O‘zatom” direktori — AES qurilishi bo‘yicha Rossiya bilan muzokaralar haqida
- To‘qimachilik va tikuv-trikotaj yo‘nalishidagi tadbirkorlarda soliq tekshiruvlari o‘tkazilmaydi
- Saudiyaning Vision Invest kompaniyasi Andijon aeroportini rekonstruksiya qilish va boshqarish istagida
Qo‘shimcha imkoniyatlarga ega bulish uchun saytda ro‘yxatdan o‘ting