Iqtisodiyot
Oktabr oyida O‘zbekistonda inflyatsiya 1 foizni tashkil etdi. Bu so‘nggi 7 yildagi eng past ko‘rsatkich
Oktabr oyi oxirida O‘zbekistonda 1 foizlik inflyatsiya qayd etildi va yillik inflyatsiya yana 9 foizdan tushdi. Energiya tariflari oshishiga qaramay, bu oxirgi 7 yildagi eng past oylik ko‘rsatkichdir. Iqtisodchining taxmin qilishicha “iqtisodiy haroratni o‘lchaydigan termometr buzilib qolgan”.
Iqtisodiyot va moliya vazirligi — 2024-yilda O‘zbekiston iqtisodiyoti va budjeti uchun xavflar haqida
Iqtisodiyot va moliya vazirligi 2024-yilgi budjet barqarorligiga ta’sir qilishi mumkin bo‘lgan omillar va xavflarni sanab o‘tdi. Ular qatorida so‘mning qadrsizlanishi, oltin va mis narxining pasayishi, energiya tariflari oshirilmasligi, oziq-ovqat mahsulotlari jahon narxlarining oshishi va boshqalar bor.
AQSh O‘zbekistonning Mvizion kompaniyasiga qarshi sanksiyalar kiritdi
AQSh “Rossiya armiyasi uchun uchuvchisiz uchish apparatlarini sotib olish va yaratish kabi faoliyat bilan shug‘ullangan” 13 ta kompaniyaga nisbatan sanksiyalar e’lon qildi. Ular orasida O‘zbekistondan Mvizion kompaniyasi ham bor.
Damas, Labo, Cobalt va Captiva 5 uchun shartnoma tuzish ochildi
UzAuto Motors Chevrolet rasmiy dilerlik markazlarida Damas, Labo, Cobalt va Captiva 5 sotuvi boshlanganini e’lon qildi.
Gaz, elektr va boshqa sohalarga subsidiyalar uchun davlat budjetidan qancha mablag‘ ajratiladi?
2023-yilda davlat budjetidan aholiga gaz, elektr, issiqlik ta’minoti va jamoat transporti narxlarini subsidiyalash uchun 31 trln so‘mdan ortiq (2,53 mlrd dollar) ajratish rejalashtirilgan. Bu nafaqa, moddiy yordam, ilm-fan, sport va madaniyat uchun ajratilgan jami mablag‘dan ko‘proq.
SHHT yangi transport yo‘laklari izlamoqda. Toshkentda tashkilotga a’zo davlatlarining birinchi transport forumi bo‘lib o‘tdi
Toshkentda SHHT davlatlarining birinchi transport forumi bo‘lib o‘tdi. Uning doirasida “Belarus — Rossiya — Qozog‘iston — O‘zbekiston — Afg‘oniston — Pokiston” va “Rossiya — Kaspiy dengizi — Turkmaniston — O‘zbekiston — Qirg‘iziston” yangi xalqaro transport yo‘laklarini yaratish bo‘yicha memorandumlar imzolandi.
O‘zbekistonda shaharlarning yashash uchun qulaylik reytingi tuzildi
Ekspertlar O‘zbekiston shaharlarining yashash uchun qulaylik reytingini tuzdi. Indeks ta’lim, tibbiyot, atrof-muhit, infratuzilma, madaniyat kabi yo‘nalishlarni qamrab olgan. Natijalarga ko‘ra, kuchli uchlikni Toshkent, Urganch va Buxoro shaharlari, quyi o‘rinlarni Yangiyer, Ohangaron va Quvasoy shaharlari band etgan.
2024-yilda ish haqi, pensiya va stipendiyalar miqdori oshirilishi rejalashtirilmoqda
O‘zbekistonda 2024-yilda davlat budjetining ish haqi, pensiyalar, stipendiya va nafaqalar miqdorini va ayrim xizmatlarning tariflarini oshirish bilan bog‘liq xarajatlari 9,6 trln so‘mni tashkil etadi. Umumiy hisobda ish haqi, pensiya va stipendiyalarga davlat budjeti xarajatlarining yarmidan ko‘pi yo‘naltiriladi.
Rossiya kompaniyasi O‘zbekistonda dron ishlab chiqarishni yo‘lga qo‘yadi
Rossiyaning Fly and See Agro kompaniyasi O‘zbekistonda dron ishlab chiqarishni yo‘lga qo‘yishni rejalashtirmoqda. 80 mln dollarlik bo‘lgan besh yillik loyiha Navoiy erkin iqtisodiy zonasi hududida amalga oshiriladi.
Toshkent markazidagi AKT vazirligi va “Aloqabank” binolarini “Mikrokreditbank” sotib oldi
“Mikrokreditbank” Toshkent markazidagi Raqamli texnologiyalar vazirligi va “Aloqabank” binolari xaridoriga aylandi. Bitimlarning umumiy summasi 387 mlrd so‘mni tashkil etdi.
O‘zbekistonda 2024-yildan boshlab soliqlarda qanday o‘zgarishlar bo‘ladi?
Iqtisodiyot va moliya vazirligi e’lon qilgan 2024-yilgi soliq o‘zgarishlariga ko‘ra, bir qator soliq imtiyozlari bekor qilinadi, shakarli gazlangan ichimliklar uchun aksiz solig‘i, shinalar uchun utilizatsiya solig‘i, og‘irligi 10 tonnadan ortiq yuk avtomobillariga yo‘l yig‘imi va boshqalar joriy etiladi.
O‘zbekiston va “Gazprom” energetika sohasida hamkorlik bo‘yicha strategik memorandumni imzoladi
O‘zbekiston va Rossiyaning “Gazprom” kompaniyasi o‘rtasida strategik memorandum imzolandi. Unga ko‘ra, gaz ta’minoti va tashish, shuningdek, uglevodorodlarni geologiya-qidirish hamda qazib olish sohasida hamkorlikni rivojlantirish rejalashtirilmoqda.
Uchinchi chorakda O‘zbekiston oltin sotib olish bo‘yicha dunyoda beshinchi o‘rinni egalladi
O‘zbekiston uchinchi chorak yakunlariga ko‘ra oltin xarid qilish bo‘yicha dunyoda beshinchi o‘rinni egalladi. Markaziy bank ushbu davrda 7 tonna oltin sotib olgan.
O‘zbekistonning 2024-yilgi Davlat budjeti loyihasi e’lon qilindi. Asosiy ma’lumotlar
Iqtisodiyot va moliya vazirligi O‘zbekistonning 2024-yilgi davlat budjeti loyihasini e’lon qildi. YAIM o‘sishi 5,6−5,8 foiz, inflyatsiya 8−10 foiz darajasida bo‘lishi prognoz qilinmoqda. Konsolidatsiyalashgan budjet taqchilligi chegarasini 3 foiz o‘rniga 4 foiz (52,5 trln so‘m) darajasida tasdiqlash taklif etilmoqda.
O‘zbekistonda 2024-yil 38 ta kichik va mikro GES qurish rejalashtirilgan
Shavkat Mirziyoyev raisligidagi yig‘ilishda O‘zbekistonda 2023-yil 20 ta, 2024-yilda 38 ta kichik va mikro GES qurish rejalashtirilgani, biroq ayrim loyihalar kechikayotgani aytildi. Viloyat hokimlari yaqin oylarda bu yilgi 20 ta stansiya ishga tushirilishi haqida axborot berdi.
100 mln so‘mgacha bo‘lgan zargarlik buyumlarini deklaratsiya to‘ldirmasdan chetga olib chiqishga ruxsat berildi
O‘zbekistonda jismoniy shaxslarga qiymati 100 mln so‘mgacha bo‘lgan zargarlik buyumlarini deklaratsiya to‘ldirmasdan olib chiqishga ruxsat berildi. Shuningdek, YATTlar o‘z zargarlik buyumlarini deklaratsiyani to‘ldirgan holda ma’lumotlarni TSOYAEATga kiritmasdan chetga sotish uchun olib chiqishlari mumkin.
Toshkent jamoat transportida yo‘lkira bank kartasidan to‘lansa ham, 1700 so‘m bo‘ladi
1-noyabrdan Toshkent jamoat transportida bank kartalari orqali to‘lov qilinsa, yo‘l haqi narxi ATTO kartasi bilan to‘langani kabi bo‘ladi — 1700 so‘m. Biroq bir soat ichida boshqa transportga o‘tishdagi chegirma faqat ATTO uchun amal qiladi.
Nobank tashkilotlarga valyuta ayirboshlash shoxobchalari ochishga ruxsat berish niyatimiz yo‘q — Mamarizo Nurmuratov
Markaziy bank raisi Mamarizo Nurmuratov regulyatorda nobank tashkilotlarga valyuta ayirboshlash shoxobchalari ochishga ruxsat berish niyati yo‘qligini ma’lum qildi. Shuningdek, u banklar valyuta ayirboshlash shoxobchalari sonini o‘z ehtiyojidan kelib chiqib ko‘paytirishini ta’kidladi.
“Strategik investorlar bilan muzokaralar olib borilmoqda”. MB rahbari — “Poytaxt bank”ning sotilishi haqida
Markaziy bank raisi Mamarizo Nurmuratov to‘rtta bank ustav kapitalini o‘z vaqtida talab etilgan darajagacha oshirmaganini ma’lum qildi. “Poytaxt bank” sotuvga qo‘yilgani uchun unga nisbatan sanksiyalar qo‘llanmagan, yana ikkita bankka esa majburiyat qo‘yilgan.
O‘zbekistonning yirik hukumat delegatsiyasi Afg‘onistonga tashrif buyurdi. Asosiy ma’lumotlar
Bosh vazir o‘rinbosari Jamshid Xodjayev boshchiligidagi O‘zbekiston delegatsiyasi Afg‘onistonga tashrif buyurdi. Tomonlar tovar ayirboshlash hajmini yiliga 3 mlrd dollarga yetkazmoqchi. “Tolibon”, shuningdek, Afg‘oniston yuklarining O‘zbekiston orqali tranziti uchun to‘lovlarni kamaytirishni so‘ragan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting