Тошкент вилояти собиқ ҳокими Даврон Хидоятов Чирчиқ шаҳри ҳокими этиб тайинланди.
Тошкент вилояти ҳокими Даврон Ҳидоятов лавозимидан озод этилди. Унинг ўрнига Зойир Мирзаев вилоят ҳокими вазифасини бажарувчи этиб тайинланди.
Зойир Мирзаев бошқа ишга ўтиши муносабати билан Қашқадарё вилояти ҳокими лавозимидан озод этилди. Унинг ўрнига Муротжон Азимов вилоят ҳокими в.б. этиб тайинланди. Зойир Мирзаев бошқа вилоятига ҳоким этиб тайинланиши кутилмоқда.
Қашқадарё вилояти ҳокими Зойир Мирзаев ишдан олиниши кутилмоқда. Унинг ўрнига Божхона қўмитаси раиси Мурот Азимов вилоят ҳокими этиб тайинланиши мумкин.
Президент фармонига асосан, Бахтиёр Саидов халқ таълими вазири лавозимига тайинланди. У 2017 йилдан бери Ўзбекистоннинг Хитойдаги элчиси лавозимида фаолият юритиб келаётган эди.
Президент фармонига асосан, Шерзод Шерматов ахборот технологиялари ва коммуникацияларини ривожлантириш вазири лавозимига тайинланди. У 2017−2018 йилларда ушбу вазирликни бошқарган. Шерматов охирги уч йил халқ таълими вазири лавозимида ишлаган.
Абдуғаффор Қирғизбоев Низомий номидаги Тошкент давлат педагогика университети ректори этиб тайинланди. Университетнинг собиқ ректори Алишер Умаров лавозимидан озод этилди.
Бахтиёр Исломов президентнинг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси лавозимига тайинланди. 2018 йилнинг август ойидан буён ушбу лавозимни Рустам Иноятов эгаллаб келаётган эди.
Ўзбекистонда хизмат кўрсатган санъат арбоби, профессор Кузиев Турсунали Каримджонович Маданий мерос агентлиги директори вазифасини бажарувчиси этиб тайинланди. У ўз вақтида маданият ва спорт ишлари вазирининг биринчи ўринбосари ҳамда вазир сифатида ҳам фаолият юритган.
ТИВ Консуллик-ҳуқуқий департаменти директор ўринбосари бўлиб ишлаган Мансурбек Қиличев Ўзбекистоннинг Мисрдаги элчиси лавозимига тайинланди.
«Ўзкомназорат» бошлиғи ўринбосари бўлиб ишлаб келган Дониёр Рустамов ахборот технологиялари ва коммуникацияларини ривожлантириш вазирининг ўринбосари лавозимига тайинланди.
Қизиқчи Валижон Шамшиев Яшнобод тумани «Баркамол авлод» болалар мактаби директори лавозимига тайинланди.
Тошкент шаҳар ИИББ бошлиғининг ўринбосари — ИИББ ҳузуридаги тергов бошқармаси бошлиғи вазифасини бажарувчиси лавозимига Дилмурод Мирсодиқов тайинланди.
Нодир Нурматов Жиззах вилоят ҳокимининг ўринбосари — Инвестициялар ва ташқи савдо бошқармаси бошлиғи этиб тайинланди.
2019 йилдан буён Жиззах вилояти ҳокими ўринбосари бўлиб ишлаб келаётган Азим Аҳмадхўжаев энергетика вазирининг биринчи ўринбосари лавозимига тайинланди.
Фарҳод Жабборов Чилонзор тумани Ички ишлар органлари фаолиятини мувофиқлаштириш бошқармаси бошлиғи этиб тайинланди.
Андижон вилояти Бўстон тумани ҳокими вазифасини бажарувчи этиб Санобархон Носирова тасдиқланди. Бунга қадар у тумандаги «Эл ризқи нон» МЧЖ раҳбари бўлган.
Энергетика вазирлиги бошқарма бошлиғи лавозимида ишлаб келган Бехзот Нарматов «Ўзтрансгаз» бошқаруви раиси лавозимига тайинланди.
Инвестициялар ва ташқи савдо вазирининг биринчи ўринбосари бўлган Лазиз Кудратовга Стратегик ривожланиш агентлиги директори вазифаси юклатилди.
Сарвар Мамаюсупов Миллий гвардия қўмондонининг ёшлар билан ишлаш масалалари бўйича ўринбосари этиб тайинланди. У бундан аввал тарбиявий ва мафкуравий ишлар бўйича ўринбосар бўлган.
Қўшимча имкониятларга эга булиш учун сайтда рўйхатдан ўтинг