Халқ депутатлари Бўстон тумани Кенгашининг навбатдан ташқари сессиясида Андижон вилояти Бўстон тумани ҳокими вазифасини бажарувчи этиб Санобархон Носирова тасдиқланди. Бу ҳақда вилоят ҳокимлиги матбуот хизматихабар бермоқда.
Санобархон Носирова 1970 йилда Қўрғонтепа туманида туғилган. 1992 йилда Андижон пахтачилик институтини ҳамда 2005 йилда Андижон муҳандислик ва иқтисодиёт институтини тамомлаган.
Меҳнат фаолиятини 1992 йили Андижон вилояти Қўрғонтепа тумани Савой қишлоқ хўжалик техникумида ўқитувчиликдан бошлаган.
Турли йилларда «Ғаллабанк»нинг Қўрғонтепа тумани филиалида кассир, бош ҳисобчи, бошқарувчи вазифаларида ва Қўрғонтепа тумани «Буюк турон инвест» кредит уюшмасининг ижроси директори лавозимида фаолият кўрсатган.
2016 йилдан тайинловга қадар Қўрғонтепа тумани «Эл ризқи нон» масъулияти чекланган жамияти раҳбари бўлган.
Бўстон туманининг аввалги ҳокими Андижон вилояти Бўстон тумани ҳокими Садбархон Мамитова 56 ёшида вафот этган эди.
