Россияга ишлаш учун борган қашқадарёлик фуқаро интернет орқали халқаро террорчи тузилмалар таъсирига тушиб қолиб, Суриядаги жангарилар сафига бориб қўшилишни режалаштиргани айтилмоқда. У Ўзбекистон ДХХ ҳамда Россия ФХХ томонидан қўлга олиниб, Ўзбекистонга олиб келинди.
«Туркистон ислом ҳаракати» халқаро террористик ташкилотига аъзоликда ҳамда 1999 йилнинг 16 февралида Тошкентда бўлган қўпорувчилик ҳаракатларида иштирок этганликда гумон қилинган шахс қўлга олиниб, Ўзбекистонга олиб келинди. У 23 йил давомида қидирувда бўлган.
Янгийўлда фуқарони Қирғизистоннинг Ўш давлат университетига киритиб қўйиш учун 10 минг доллар талаб қилган шахслар ушланди. Ҳозирда жиноят иши қўзғатилиб, тергов ўтказилмоқда.
ДХХ ва Россия ҳуқуқ-тартибот идоралари ходимлари ҳамкорликда «Тавҳид ва жиҳод катибаси» террористик гуруҳида иштирок этиш ва жиҳод ғояларини тарқатишда гумон қилинган Ўзбекистон фуқаросини қўлга олди. У Ўзбекистонга экстрадиция қилинган, унга нисбатан жиноий иш қўзғатилмоқда.
ДХХ Бекобод шаҳар ҳокимлигининг бош мутахассисини мактабгача таълим муассасаси биносини хусусийлаштириш ва шаҳар ҳудудидан 1 гектар ер майдони олиб бериш эвазига 128 минг доллар олган вақтида ушлади. Самарқанд ва Жиззах вилоятларида ҳам ноқонуний ер сотиш ҳолатлари аниқланди.
ДХХ томонидан Аҳмад Дониш кўчасидаги чўкиш туфайли давлатга 4,5 млрд сўм миқдорида зарар етказилгани аниқланди. Ҳолат юзасидан Тошкент метрополитени линияларини қуриш дирекцияси ва пойтахт ҳокимлиги Ягона буюртмачи хизмати инжиниринг компанияси мансабдорарига нисбатан жиноят иши қўзғатилди.
Давлат хавфсизлик хизмати ва ҳуқуқни муҳофаза қилиш органлари ходимлари икки самарқандликка АҚШга юборишга ваъда бериб, ҳар биридан 30 минг доллардан талаб қилган шахсларни қўлга олди.
ДХХ Андижон вилоятида аввал «Ҳизб ут-Таҳрир» ташкилотига аъзо бўлганликлари учун жазо муддатини ўтаб чиққан, бироқ, озодликка чиққач экстремистик ғояларни тарғиб қилишда давом этган 12 нафар шахсни қўлга олди. Уларга нисбатан жиноят иши қўзғатилди.
Қибрай туманида қишлоқ хўжалиги маҳсулотларини етиштиришга мўлжалланган 13,7 гектар ер майдонини 3,4 млн долларга сотмоқчи бўлган шахслар ушланди. Ноқонуний равишда ер сотишга уринишлар Сирдарё, Наманган ва Самарқанд вилоятларида ҳам қайд этилди.
Сирдарёда отасининг фермер хўжалиги еридан 5 гектарни ва унинг атрофидаги ҳужжатсиз ердан яна 15 гектарни 70 минг долларга сотмоқчи бўлган фуқаро ушланди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Давлат хавфсизлик хизмати ходимлари томонидан Фарғона, Андижон, Қашқадарё ва Қорақалпоғистонда ўтказилган текширувларда жами 5,450 кг «опий», 19,2 кг «гашиш» ҳамда 2990 дона «Трамадол» аниқланиб, мусодара қилинди.
Давлат хавфсизлик хизмати Тошкентда мефедрон моддасини ишлаб чиқарувчи нарколаборатория фаолиятига чек қўйди. Ижарага олинган 3 та хонадондан синтетик наркотик моддаси ва ускуналар олиб қўйилган. Интернет орқали наркотик савдоси билан шуғулланувчи гуруҳ аъзоларидан биткоин кўринишида жамғарилган 133,7 минг доллар мусодара қилинди. Шунингдек, наркотиклар чет элдан электросамокатларда олиб кирилгани аниқланди.
Фарғона ва Бухоро вилоятларида фуқароларнинг ишончига кириб, уларни Жанубий Корея ва Австралия давлатларига юборишни ваъда қилган ва бунинг эвазига пул талаб қилган шаслар қўлга олинди. Уларга нисбатан фирибгарлик моддаси билан жиноий иш қўзғатилди.
Фарғонада корхона раҳбари 0,5 гектар ерни 100 минг долларга сотмоқчи бўлганида қўлга олинди. Наманганда эса фермер хўжаликлардан бирида раҳбар 5 гектар ерни боғ учун ажратиб бериш эвазига 96 млн сўм сўрагани айтилмоқда. Уларга нисбатан Жиноят кодексининг фирибгарлик ва пора бериш моддалари билан иш қўзғатилди.
Давлат божхона қўмитаси ва ДХХ Тошкент шаҳрида ўтказилган тезкор тадбирда 99 млн сўмлик 99 дона Ремдесивир дори воситасининг ноқонуний айланмаси тўхтатиб қолди. Коронавирусга қарши ушбу препаратларнинг сифатини тасдиқловчи ҳеч қандай ҳужжатлари бўлмагани айтилмоқда.
Жума куни кечки пайт ҳуқуқни муҳофаза қилувчи органлар томонидан Андижон вилояти прокуратураси ходими 15 минг доллар миқдоридаги порани олаётганида ушланди.
ДХХ томонидан Сирдарё вилоятида террорчи гуруҳ таъсирига тушиб қолганликда ва «жиҳод»га чорловчи материалларни мунтазам равишда тарқатиб келганликда гумонланган шахслар ушланди. Гуруҳ етакчиси Сурияга бориб, террорчи ташкилотлар таркибига қўшилишни мақсад қилгани айтилмоқда.
ДХХ томонидан «Тавҳид ва жиҳод катибаси» террористик ташкилоти таъсирига тушиб қолган шахс Ўзбекистонга олиб келинди. У Суриядаги жангарилар сафига қўшилиш мақсадида қўшни давлатларнинг бирига ўтганида қўлга олингани айтилмоқда.
Самарқандда ДХХ террористик ташкилот тарафдорлари сифатида гумон қилинган 10 нафар шахснинг Сурия давлатига чиқиб кетишининг олдини олди. Улар ижтимоий тармоқларда «жиҳод»га чорловчи материалларни мунтазам равишда тарқатиб келгани айтилмоқда.
ДХХ ва Давлат божхона қўмитаси ходимлари томонидан олиб борилган тезкор-қидирув тадбирлари натижасида Жиззах, Тошкент, Самарқанд ва Андижон вилоятларида жами 17 кг 165 гр «опий» ва 18 кг 279 гр «гашиш» гиёҳванд моддаларининг муомаласига чек қўйилди.
Қўшимча имкониятларга эга булиш учун сайтда рўйхатдан ўтинг