ДХХ томонидан Қашқадарё вилоятида жами 3,3 кг, Тошкент вилоятида жами 5,4 кг гиёҳвандлик моддалари топилди ва мусодара қилинди. Барча ҳолатларда наркотик моддалар Тожикистондан контрабанда йўли билан олиб кирилган.
Сирдарёда интернет орқали экстремистик ва террорчилик ташкилотлар таъсирига тушиб, радикал ғояларни тарғиб қилишда гумонланаётган 20 киши қўлга олинди. Уларга нисбатан жиноят иши қўзғатилди.
Навоий вилоятида тадбиркорлик билан шуғулланиш учун 1 гектар ерни 20 минг доллар эвазига олиб бермоқчи бўлган шахс қўлга олингани айтилмоқда. Вилоятдаги яна бир ҳолатда, фермер ўзига тегишли майдондан 6 гектарини 90 млн сўмга пуллашга уринди. Уларга нисбатан жиноят иши очилди.
Самарқандда Сурия ва Яқин шарқдаги террористик ташкилотлар жангарилари сафига бориб қўшилишни режалаштирган 14 нафар шахслардан иборат гуруҳ фаолиятига чек қўйилди.
ДХХ томонидан Сирдарё ва Самарқандда жами 7 кг, Данғара туманида 1 кг дан ортиқ, Фарғона вилоятида 1,3 кг гиёҳвандлик моддалари топилди ва мусодара қилинди.
Юнусобод тумани солиқ инспекциясининг катта инспектори 3500 долларни олган вақтида қўлга олинди. У камераль текширувлар якунида ижобий ҳулоса беришни ваъда қилгани айтилмоқда. Бундан ташқари, Булақбоши туман давлат солиқ инспекцияси бош инспектори, Жиззах шаҳри ҳамда Янгиқўрғон тумани ҳокимлари ўринбосарлари ҳам ушланган.
Андижон вилоятида мансабдор танишлари орқали 100 гектар ер ажратиб, ҳужжатларни тайёрлатиб бериш эвазига 128 минг доллар олган фуқаролар вақтида ашёвий далиллар билан ушланди. Шунингдек, шаҳар ҳокимининг тегишли қарорини чиқартириб, саноат зонасидан 80 сотих ер майдони олиб беришни ваъда қилиб, 50 минг доллар талаб қилган фуқаро жиноят устида қўлга олинган.
Пайариқ туманида фуқаро ўз хонадонида қимор ва таваккалчиликка асосланган ўйин ташкил этгани аниқланди. Унга нисбатан Жиноят кодексининг 278-моддаси 1-қисми билан иш очилиб, у процессуал тартибда ушланди.
Бош прокуратура туркшунос олим Андрей Кубатинга ДХХ томонидан руҳий ва жисмоний тазйиқлар ўтказилмаганлигини маълум қилди. Хибсхонага жойлаштириш ва чиқиб кетаётган вақтида унинг баданида жисмоний жароҳатлар кузатилмагани, соғлиғи бўйича шикоятлар бўлмагани ва руҳий ҳолати мутахассислар томонидан ижобий баҳолангани айтилмоқда.
«Бродвей»даги ДХХнинг собиқ биноси, «Малика» бозори ва бошқа объектлар, шу жумладан биринчи президентнинг қизи Гулнора Каримовага тегишли бўлган «Сижжак» дам олиш зонасини сотиб олишга аризалар қабули бошланди.
50 минг долларга Андижон шаҳар шимолий саноат ҳудудидан ер олиб беришни ваъда қилган шахс 20 минг долларни олган вақтида ушланди. У ерни юқори лавозимдаги танишлари орқали олиб беришини айтган. Унга нисбатан Жиноят кодексининг фирибгарлик ва пора бериш моддалари билан иш очилди.
2020 йилда Давлат хавфсизлик хизмати органлари тўртта терактнинг олдини олди, улардан иккитаси Ўзбекистонда, яна иккитаси МДҲ мамлакатларида амалга оширилиши режалаштирилган эди. Бундан ташқари, 67 та яширин гуруҳ фаолиятига чек қўйилди, 594 та қурол ноқонуний муомаладан чиқарилди.
Андижонда 6 гектар ерни $18 мингга сотмоқчи бўлган фермер ушланди. Бош прокуратура ҳузуридаги департамент ва ДХХ ходимлари томонидан ўтказилган тезкор тадбирда фермер 189 млн сўмни олган вақтида қўлга тушгани айтилмоқда. Унга нисбатан Жиноят кодексининг фирибгарлик ва пора беришга оид моддалари билан жиноят иши очилди.
Навоийда фуқаро бошқа бир тадбиркорга тегишли ерни $150 мингга сотишга уринди. У келишилган пулдан 70 минг долларини олганида ушланди. Унга нисбатан ЖКнинг фирибгарликка оид моддаси билан жиноят иши очилди.
Тошкент вилоятида ўзини ДХХ ходими сифатида таништириб, фуқарони 5 минг долларга ишга киритмоқчи бўлган шахс ушланди.
Бош прокуратура ҳамда ДХХ Навоий вилоятида тадбиркорга пул эвазига 50 гектар ерни узоқ муддатли ижара шартномаси билан олиб бермоқчи бўлган ўрмон хўжалиги ходимини қўлга олди. Унга нисбатан жиноят иши қўзғатилди.
Жалақудуқда ўзини «кадастр» ходими деб таништирган шахс маҳалладан ер олиб беришни, Жондорда эса кадастр мутахассиси бошқа бир фуқарога ер майдонини деҳқон хўжалиги номига расмийлаштиришни ваъда қилади. Ушбу шахслар ҳар икки ҳолатда ҳам ўз хизмати эвазига келишилган маблағни олаётганида қўлга тушади.
Бош прокуратура, ДХХ ва ИИВ томонидан Нукусда ўтказилган тезкор тадбирда фуқарони ички ишлар тизимига ишга киритишни ваъда қилган шахс ушланди. Унга нисбатан Жиноят кодексининг 168-моддаси 1-қисми, 28-моддаси, 211-моддаси билан жиноят иши қўзғатилган.
Андижон вилояти катта терговчиси ва вақтинча ақлаш ҳибсхонаси бошлиғи 12 минг АҚШ долларини олаётган пайтда қўлга олинди. Андижон вилояти ИИБ катта терговчиси ва вақтинча сақлаш ҳибсхонаси бошлиғи 12 минг доллар олаётганда ҳибсга олинган. Улар суддаги танишлари орқали шахсий маълумотлар тўғрисидаги қонун ва божхона қонунчилигини бузганликда айбланаётган шахсга нисбатан жазони енгиллаштиришни ваъда берган.
Ҳукумат қарори билан ДХХ Чегара қўшинларига кўмаклашувчи 10 кишилик отрядлар ташкил этилмоқда. Уларга чегарага яқин ҳудудда яшовчи ёки ишловчи аҳоли орасидан соғлом 18 ёшдан юқори, 60 ёшдан ошмаган фуқаролар танлаб олинади. Отряд аъзоларига ойлик тўловлар ҳам ажратилади. Улар зарурат туғилганда белгиланган вазифаларга жалб қилинади.
Қўшимча имкониятларга эга булиш учун сайтда рўйхатдан ўтинг