Иқтисодиёт
Қишлоқ хўжалиги вазирлиги Ўзбекистонда бодринг ва узум нархи кескин ошганига изоҳ берди
Ўзбекистонда бодринг нархи кескин — 9 минг сўмдан 25 минг сўмга, узум эса 45 минг сўмдан 90 минг сўмгача кўтарилди. Қишлоқ хўжалиги вазирлиги ўтган йилларда ҳам нархлар ноябрь ойи ўрталарида ошганини эслатиб, буни мавсумий ҳолат сифатида изоҳлади. Аномал совуқ таъсирида 18 фоиз маҳсулот йўқотилган.
Ўзбекистондаги кўприкларнинг 5−6 фоизи яроқсиз ҳолатда экани маълум қилинди
«Миллий тикланиш» демократик партияси фракциясининг йиғилишида Ўзбекистонда 14 863 та кўприк борлиги, шундан 32 фоизи, яъни 4834 таси қониқарсиз, 5−6 фоизи эса яроқсиз ҳолатда экани таъкидланди.
Ўзбекистон ва Россия темирйўл ва автомобиль транспорти соҳасида ҳамкорликни ривожлантириш ниятида
Ўзбекистон ва Россия ўртасида йўл ҳаракати хавфсизлиги ва темирйўл транспортидан фойдаланиш, рақамлаштириш ва замонавий технологияларни жорий этиш ҳамда ҳуқуқбузарликлар тўғрисида ахборот алмашиш бўйича меморандум имзоланди.
Янги Ўзбекистон кўчаси ва 4R12 йўли кесишмаси светофор ва чорраҳасиз бўлади
Янги Ўзбекистон кўчаси ва 4R12 йўли кесишмасининг янги лойиҳаси унда чорраҳа ва светофорларнинг умуман йўқлиги билан ажралиб туради, дейди пудратчи ташкилот директори Раҳимжон Муҳамедов. Унга кўра, ишлар давомида транспорт ҳаракати тўхтатилмайди.
Ўзбекистонга цитрус мевалар, кешью ёнғоғи ва хурмо импорти 4 йил ичида бир неча бараварга ошди
2022 йилда Ўзбекистонга цитрус мевалар, кешью ёнғоғи ва хурмо импорти 2018 йилга қараганда сезиларли даражада ошди. МҲТИ мутахассислари бунга қулай макроиқтисодий шароит, импорт божхона тўловларини нолга тушириш, озиқ-овқат чакана савдоси ривожланиши ва аҳоли сони ўсиши сабаб бўлганини таъкидлади.
Ўзбекистон 2−3 йил ичида нефть мустақиллигига эришмоқчи
Шавкат Мирзиёев Термиз шаҳрида ўтган йиғилишда Сурхондарёда амалга оширилаётган йирик саноат лойиҳалари ҳақида гапирди. Бойсундаги газ-кимё мажмуасининг ишга туширилиши ва геология-қидирув ишларининг кенгайиши Ўзбекистоннинг 2−3 йил ичида нефть мустақиллигига эришишига олиб келиши кутилмоқда.
Россия бензин экспортига қўйилган тақиқни бекор қилди
Россия ҳукумати автомобиль бензинини Россиядан олиб чиқишга қўйилган вақтинчалик тақиқни бекор қилди. Тақиқ ички бозордаги нархларни барқарорлаштириш мақсадида 21 сентябрда жорий қилинганди.
Сурхондарёдаги 5 та кон захиралари ўзлаштирилади
Президент Сурхондарёга ташрифи чоғида Бойсун, Сариосиё ва Шеробод туманларидаги конларда қўрғошин, рух, олтин, кўмир ва калий ўғити захираларини ўзлаштириш бўйича топшириқ берди. Шунингдек, тоғли ҳудудларда геология-қидирув ишлари кенгайтирилади.
Давлат қарзи ҳисобидан молиялаштириладиган товарлар импорти айрим солиқлардан озод этилади
Ўзбекистонда халқаро молия институтларининг кредитлари ҳисобига товарлар айланмаси ва импорти учун берилган солиқ имтиёзларининг бир қисми бекор қилинади. Гап банклар орқали ажратиладиган қарз маблағлари ҳақида бормоқда.
Марказий банк 16 та банкни жаримага тортди, яна 5 тасига огоҳлантириш берди
Марказий банк кўрсатмаларга амал қилмаган ва юклатилган вазифалар ижросини таъминламаган 16 та банкка нисбатан жарима чораси қўллади. 5 та тижорат банки ва 1 та микромолия ташкилоти камчиликлари учун огоҳлантириш олди.
Ўзбекистон, Қозоғистон ва Россиянинг учта тоғ-чанғи курортлари альянсга бирлашди
«Амирсой» (Ўзбекистон), «Шимбулоқ» (Қозоғистон) ва «Роса Хутор» (Россия) тоғ курортлари альянсга бирлашди. Улар Тошкентда бўлиб ўтган кўргазмада дам олувчилар бонусларга эга бўлишлари ва уларни альянснинг бошқа курортларида сарфлаши мумкин бўлган спорт-кўнгилочар тадбирлар тақвимини тақдим этди.
Ўзбекистон Рақобат қўмитаси йирик савдо тармоқлари устидан тадбиркорлар шикоятларини тўплашга киришди
Ўзбекистон Рақобат қўмитаси ишчи гуруҳи ритейлерларнинг озиқ-овқат етказиб берувчилари ҳуқуқларини бузаётгани тўғрисидаги аризаларни қабул қилишни бошлади. Тадбиркорлар камида 2019 йилдан буён савдо тармоқлари томонидан «камситувчи шартлар» қўйилаётгани ҳақида шикоят қилмоқда.
АҚШ ва Марказий Осиё давлатлари B5+1 бизнес-платформасини ишга туширмоқда
АҚШ ва Марказий Осиё давлатлари минтақанинг Америка компаниялари билан иқтисодий ҳамкорлигини мустаҳкамлаш мақсадида Business 5+1 давлат-хусусий мулоқот бизнес-платформасини ишга туширмоқда.
Россия ИИВ ресторанлар эгаси Александр Орловни қидирувга берди
«Тануки», «Такахули» ва «Хорошая девочка» ресторанлари асосчиси, Ўзбекистонда ҳам бир қанча ресторанларга эгалик қилувчи Александр Орлов Россия Ички ишлар вазирлиги томонидан федерал қидирувга берилди.
Ўзбекистон ЖСТга аъзо бўлиш борасида Саудия Арабистони билан музокараларни якунлади
15 ноябрь куни Ўзбекистон президентининг Жаҳон савдо ташкилоти масалалари бўйича махсус вакили Азиз Ўрунов ва Саудия Арабистонининг ЖСТдаги элчиси Сақер Алмоқбел товар ва хизматлар бозорига чиқиш бўйича икки томонлама музокараларни якунлаш тўғрисида баённома имзолади.
Давлат дастурлари доирасидаги кредитлар электрон платформаларда ажратилади
2024 йил июлдан давлат дастурлари доирасида кредитлар барча босқичларда электрон платформалар орқали ажратилади. Шунингдек, давлат иштирокидаги йирик корхоналар билан кооперация асосида ташкил этилган кичик тадбиркорларга товарларини йилига 10 млрд сўмгача тўғридан-тўғри сотишга рухсат берилади.
ЕИ санкцияларининг 12-пакети Ўзбекистон ва Қозоғистон компанияларини ўз ичига олиши мумкин
Ўзбекистон, Қозоғистон ва Сингапур компаниялари Европа Иттифоқининг Россияга қарши санкцияларининг 12-пакетига киритилиши мумкин, деб хабар берди Bloomberg. Ҳужжат лойиҳасида Россия олмосларини етказиб беришни тақиқлаш ва нефть нархининг юқори чегарасига қўшимча чекловларни ҳам ўз ичига олади.
Ўзбекистонда электр тарифлари ошгани тадбиркорларнинг қуёш панелларини ўрнатишини тезлаштирди
Тадбиркорлар электр энергияси тарифлари оширилганидан сўнг ўз объектларига қуёш панелларини тезроқ ўрната бошлади, дея маълум қилди Ўзбекистон энергетика вазири Жўрабек Мирзамаҳмудов. Шунингдек, у панеллаларни ўрнатишда тўсиқлар мавжудлиги ҳақида Қонунчилик палатасида айтилган гапларни рад этди.
Тест: Сўмдан сўмни фарқлай оласизми?
30 йил муқаддам «сўм»ни жорий этиш йўлида илк қадамлардан бири ташланган — «сўм-купон» муомалага чиқарилганди. 7,5 ойлик «ўтиш даври»дан сўнг Ўзбекистон ўз миллий валютасига эга бўлган. Ўтган давр давомида сўм ўзгаришларга учради, «Газета.uz» эса айнан сўнгги ўзгаришлар асосида тест тайёрлади.
Ўзбекистон, Озарбайжон ва Қозоғистон Европага «яшил» энергия экспорт қилишни режалаштирмоқда
Ўзбекистон, Озарбайжон ва Қозоғистон «яшил» энергияни Европага экспорт қилиш лойиҳаси истиқболларини муҳокама қилди. Бунинг учун қўшма корхона ташкил этилиши мумкин. Лойиҳа уч мамлакат иқтисодиёти ва энергетика тизимлари алоқаларини мустаҳкамлайди, деди инвестициялар вазири Лазиз Кудратов.
Энг кўп ўқилган хабарлар | Сўнгги янгиликлар
- ОТБ 2025−2027 йилларда Ўзбекистонда 3,5 млрд долларлик лойиҳаларни қўллаб-қувватлайди
- Апрелда Тошкентдаги иккиламчи уй-жойлар нархи ўсиши тезлашди — ИТИМ
- Ўзбекистоннинг 14 та чекка тумани ва 1 та шаҳрида IT-шаҳарчалар ташкил этилади
- 2024 йилда Ўзбекистонда кўмир қазиб олишни 8 млн тоннага етказиш режалаштирилмоқда
Қўшимча имкониятларга эга булиш учун сайтда рўйхатдан ўтинг