Иқтисодиёт
Ўзбекистонда 2024 йил 38 та кичик ва микро ГЭС қуриш режалаштирилган
Шавкат Мирзиёев раислигидаги йиғилишда Ўзбекистонда 2023 йил 20 та, 2024 йилда 38 та кичик ва микро ГЭС қуриш режалаштирилгани, бироқ айрим лойиҳалар кечикаётгани айтилди. Вилоят ҳокимлари яқин ойларда бу йилги 20 та станция ишга туширилиши ҳақида ахборот берди.
100 млн сўмгача бўлган заргарлик буюмларини декларация тўлдирмасдан четга олиб чиқишга рухсат берилди
Ўзбекистонда жисмоний шахсларга қиймати 100 млн сўмгача бўлган заргарлик буюмларини декларация тўлдирмасдан олиб чиқишга рухсат берилди. Шунингдек, ЯТТлар ўз заргарлик буюмларини декларацияни тўлдирган ҳолда маълумотларни ТСОЯЭАТга киритмасдан четга сотиш учун олиб чиқишлари мумкин.
Тошкент жамоат транспортида йўлкира банк картасидан тўланса ҳам, 1700 сўм бўлади
1 ноябрдан Тошкент жамоат транспортида банк карталари орқали тўлов қилинса, йўл ҳақи нархи АТТО картаси билан тўлангани каби бўлади — 1700 сўм. Бироқ бир соат ичида бошқа транспортга ўтишдаги чегирма фақат АТТО учун амал қилади.
Нобанк ташкилотларга валюта айирбошлаш шохобчалари очишга рухсат бериш ниятимиз йўқ — Мамаризо Нурмуратов
Марказий банк раиси Мамаризо Нурмуратов регуляторда нобанк ташкилотларга валюта айирбошлаш шохобчалари очишга рухсат бериш нияти йўқлигини маълум қилди. Шунингдек, у банклар валюта айирбошлаш шохобчалари сонини ўз эҳтиёжидан келиб чиқиб кўпайтиришини таъкидлади.
«Стратегик инвесторлар билан музокаралар олиб борилмоқда». МБ раҳбари — «Пойтахт банк»нинг сотилиши ҳақида
Марказий банк раиси Мамаризо Нурмуратов тўртта банк устав капиталини ўз вақтида талаб этилган даражагача оширмаганини маълум қилди. «Пойтахт банк» сотувга қўйилгани учун унга нисбатан санкциялар қўлланмаган, яна иккита банкка эса мажбурият қўйилган.
Ўзбекистоннинг йирик ҳукумат делегацияси Афғонистонга ташриф буюрди. Асосий маълумотлар
Бош вазир ўринбосари Жамшид Ходжаев бошчилигидаги Ўзбекистон делегацияси Афғонистонга ташриф буюрди. Томонлар товар айирбошлаш ҳажмини йилига 3 млрд долларга етказмоқчи. «Толибон», шунингдек, Афғонистон юкларининг Ўзбекистон орқали транзити учун тўловларни камайтиришни сўраган.
Ўзбекистон Марказий банки раҳбари — Humo фаолиятидаги узилишлар сабаблари ҳақида
Humo тўлов тизими фаолиятидаги муаммолар дастурий таъминот тўлиқ янгилангани билан боғлиқ, дея маълум қилди Ўзбекистон Марказий банки раҳбари Мамаризо Нурмуратов.
Марказий банк яна қарийб 2 млрд долларлик валюта интервенцияларини амалга оширди
Учинчи чоракда Ўзбекистон Марказий банки 19,5 трлн сўмга олтин сотиб олди, бироқ 22,8 трлн сўмлик (1,9 млрд доллар) валюта интервенцияларини амалга оширди.
UzAuto Motors дилерлик марказларида шартномалар очилиши ҳақидаги миш-мишлар сабаб навбатлар ҳосил бўлди
Интернетда 30 октябрдан бошлаб Chevrolet автомобилларини харид қилиш бўйича шартномалар қайта тикланиши ҳақида миш-мишлар тарқалди. UzAuto Motors компанияси бу маълумотни рад этиб, дилерлик марказларида катта навбатлар ҳосил бўлганини маълум қилди.
Грузиядан Самарқандга авиарейслар йўлга қўйилади
Ўзбекистон транспорт вазири Илҳом Маҳкамов Грузиядан Самарқандга тўғридан-тўғри авиақатновларни йўлга қўйиш таклифини қўллаб-қувватлади. Грузия томони ўзбек бизнесига Қора денгизда порт ва терминаллар қуришда ёрдам беришга тайёрлигини билдирди.
Ўзбекистон Европа Иттифоқи учун муҳим хомашё етказиб берувчисига айланиши мумкин
Ўзбекистон ва Евроиттифоқ иқлимга безарар саноат, рақамли технологиялар, аэрокосмик ва мудофаа соҳаларини ривожлантириш учун зарур бўлган фойдали қазилмалар — муҳим хомашё соҳасида ўзаро англашув меморандумини муҳокама қилишни бошлади.
Совет даврида ҳам ҳамма компартияни қўллаган, лекин Иттифоқ парчалаганда ҳеч ким уни ҳимоя қилиб кўчага чиқмади — Сергей Гуриев
Иқтисодчи Сергей Гуриевнинг таъкидлашича, цензура шароитида ўтказилган ижтимоий фикр сўровномалари асосидаги хулоса чалғитувчи бўлади. У бунга мисол сифатида совет даврини кўрсатади: ўша вақтда ҳамма оғизда компартияни қўллаган, лекин иттифоқ парчалаганида унинг ҳимояси учун ҳеч ким кўчага чиқмаган.
Ўзбекистонда 2026 йилгача электр энергиясининг эркин улгуржи бозори ташкил этилади
Шавкат Мирзиёев энергетика соҳасини ислоҳ қилиш чора-тадбирлари билан танишди. 2024 йил охиригача электр энергиясининг ягона савдо майдончасини яратиш, 2026 йилгача эса эркин улгуржи бозорни жорий этиш режалаштирилган.
Ўзбекистонда «мобил қуллик» бекор қилинди
Ўзбекистонда рақамни сақлаган ҳолда уяли алоқа операторини ўзгартириш хизмати ишга туширилди. Дастлабки босқичда жисмоний шахслар ўзи ўтишни хоҳлаган мобил алоқа оператори офисига ташриф буюрган ҳолда мурожаат қилади ва мобил рақами кўчирилган янги сим картани олиб кетади.
Имтиёзли кредитлаш амалиётини қисқартириш бўйича чоралар давом эттирилади — МБ
Марказий банк келгуси йилларда пул-кредит сиёсати таъсирчанлигини оширишда имтиёзли кредитлаш амалиётини қисқартириш ва бозор тамойиллари асосида шаклланувчи фоиз ставкаларига ўтиш борасида чораларни давом эттиришини билдирди.
Кредитлар ҳақидаги маълумотларни ошкор қилмаган 16 та банк жаримага тортилди
Ўзбекистон Марказий банки 16 та банкни мижозларга кредит ва омонатлар ҳақидаги маълумотларни тўлиқ ошкор этмагани учун жаримага тортди.
МБ: 5 фоизлик инфляцион таргетга эришиш даври 2025 ёки 2026 йил якунига тўғри келиши кутилмоқда
Марказий банк бир нечта омилни инобатга олиб, 2 та сценарий асосида кейинги йилларда макроиқтисодий ривожланиш йўналишларини ишлаб чиқди. 5 фоизлик инфляцион таргетга эришиш даври асосий сценарийда 2025 йилнинг иккинчи ярмига, муқобил сценарийда 2026 йил якунига тўғри келиши кутилмоқда.
Humo Air Ўзбекистоннинг 6 та шаҳрига кунлик парвозларни йўлга қўймоқчи
Humo Air лоукостери 2024 йил бошига қадар тўртта Airbus 320/321 лайнерига эга бўлади. Авиакомпания Самарқанд, Бухоро, Қарши, Нукус, Урганч ва Термизга кунлик мунтазам қатновларни йўлга қўймоқчи. Келгуси йилда халқаро йўналишларда мунтазам рейсларни амалга ошириш режаси ҳам бор.
Ғарб «янгича» диктаторлар билан қандай муомала қилиши керак? Иқтисодчи Сергей Гуриев жавоб берди
Сергей Гуриев иқтисодчи Беҳзод Ҳошимовга берган интервьюсида диктаторларнинг замонавий тури — манипулятив диктаторлар билан Ғарб қандай муомала қилиши кераклигини тушунтирди. Унинг қўшимча қилишича, «кўплаб етакчилар демократияни манипулятив диктатурага айлантиришни истайди».
Марказий банк асосий ставкани 14 фоиз даражасида ўзгаришсиз қолдирди
Марказий банк асосий ставкани йиллик 14 фоиз даражасида сақлаб қолиш тўғрисида қарор қабул қилди. Асосий ставканинг жорий даражаси йил охирига қадар инфляциянинг прогноз кўрсаткичлари доирасида шаклланиши учун зарурий пул-кредит шароитларини таъминлашга хизмат қилади, дейилади регулятор баёнотида.
Энг кўп ўқилган хабарлар | Сўнгги янгиликлар
- UzAuto Motors Gentra, Damas ва Labo учун контрактацияни очади
- Тошкентда Binance криптобиржасига доир суд жараёни давом этмоқда
- «Ҳозир Янги Тошкент устуворликда турибди». Alstom вице-президенти — пойтахтда трамвай қурилиши ҳақида
- Suez бош директори — Тошкент сув таъминоти тизимини модернизация қилиш ва Ўзбекистондаги лойиҳалар ҳақида
Қўшимча имкониятларга эга булиш учун сайтда рўйхатдан ўтинг