«xtv» tegli maqolalar


22 noyabr 2022, 14:47

Toshkentda o‘qituvchi o‘quvchining qo‘lini qayirib, qulog‘idan tortdi

Toshkent shahridagi xususiy maktablarning birida o‘qituvchi o‘quvchining qo‘lini qayirib, qulog‘idan tortdi. Poytaxt IIBB holat yuzasidan tergovga qadar tekshiruv o‘tkazilayotganini ma’lum qildi. XTV matbuot kotibi bolalarni hech qachon va hech qanday holatda kaltaklash mumkin emasligini ta’kidladi.

7 sentabr 2022, 12:40

«Ta’lim sifatining aks-sadosi desak ham bo‘ladi». XTV vakili darsliklardagi xatolar haqida

XTV rahbarining birinchi o‘rinbosari Usmon Sharifxodjayev maktab darsliklarida uchrayotgan xatolarni «ta’lim sifatining aks-sadosi» deya atadi. Uning so‘zlariga ko‘ra, xatolar bugun paydo bo‘lib qolmagan, ular 5−10 yil oldingi kitoblarda ham bor. Xatolar borligi tasdiqlansa ma’sullarga chora ko‘rilishi aytildi.

6 sentabr 2022, 17:45

Maktab darsliklari ijarasi doimiy ravishda bepul bo‘ladi — XTV (yangilandi)

Maktab darsliklari ijarasi endi nafaqat joriy o‘quv yili uchun, balki doimiy ravishda bepul bo‘ladi, deya aniqlik kiritdi XTV. Kelgusida darsliklarni nashr etish va ularni moliyalashtirish tartibi hukumat darajasida ko‘rib chiqiladi va parlament tomonidan tasdiqlangan davlat budjeti asosida belgilanadi.

3 sentabr 2022, 13:53

XTV maktab darsliklari ijarasi narxlari oshganiga izoh berdi

Joriy o‘quv yilida maktablarda o‘quv darsliklarining o‘rtacha ijara narxi ikki baravarga oshdi. XTV buni qog‘oz narxlari va transport xarajatlari oshgani bilan izohladi.

27 avgust 2022, 11:46

So‘nggi 2 yilda o‘tish balini to‘play olmagan maktab bitiruvchilari salmog‘i pasaygan — XTV

XTV va DTM abituriyentlar to‘plagan ballarni avvalgi yillar bilan solishtirib chiqdi. So‘nggi 2 yilda o‘tish balini to‘play olmagan maktab bitiruvchilari salmog‘i pasaygan, deyiladi XTV ma’lumotida. O‘tish balini to‘play olmagan abituriyentlarning har 5 tadan biri (108 ming) maktabni joriy yilda bitirgan.

19 avgust 2022, 22:19

Bir qism maktab o‘quvchilari o‘quv yilini yangi avlod darsliklari bilan boshlaydi

XTVga yil oxiriga qadar 3, 6, 7 va 10-sinflar uchun yangi darsliklarni ishlab chiqish topshirilgan edi, biroq jadvaldan ilgarilab ketilgani sababli o‘quvchilar sentabrdanoq ularni qabul qilib olishni boshlaydilar. Shu bilan birga, qog‘oz narxlari oshib ketgani bois hukumatga qo‘shimcha mablag‘ zarur bo‘lmoqda.

8 avgust 2022, 20:02

«O‘g‘rilikni ochishga vazirlikning o‘zi tashabbus ko‘rsatgan». XTV — Andijon XTB boshlig‘i hibsga olinishi haqida

Andijon shahar hokimi Bahrom Haydarov hamda viloyat XTB boshlig‘i Azizbek Mirkomilov 48,5 mlrd so‘m budjet mablag‘larini o‘zlashtirganiga oid jinoyat ishini ochishda Xalq ta’limi vazirligi tashabbus ko‘rsatgani ma’lum bo‘ldi. Tergov yakunlanib, ish sudga oshirildi, dedi vazir o‘rinbosari Temur Komilov.

26 iyul 2022, 12:06

Ikki viloyatda ona tili va matematika bo‘yicha yangi darsliklar joriy etilmoqda

USAID Xalq ta’limi vazirligiga ona tili va o‘qish savodxonligi hamda 1−4-sinflar bo‘yicha matematika o‘qituvchilari uchun 500 mingga yaqin yangi darslik va qo‘llanmalar taqdim etdi. Ular Namangan va Sirdaryo viloyatlaridagi 919 ta maktabda sinovdan o‘tkazilib, so‘ng barcha maktablarda joriy etiladi.

16 iyul 2022, 15:59

Qorako‘l maktabi o‘quvchisi Xalqaro matematika olimpiadasi sovrindori bo‘ldi

Norvegiyada bo‘lib o‘tgan 63-Xalqaro matematika olimpiadasida o‘zbekistonlik o‘quvchi Lazizbek Rajabboyev bronza medalini qo‘lga kiritdi.

13 may 2022, 11:28

Davlat maktablariga alohida fanlar bo‘yicha darsliklarni tanlashga ruxsat berildi

Prezident 2026 yilgacha maktab ta’limini rivojlantirish bo‘yicha Milliy dasturni tasdiqladi. Davlat maktablariga o‘quv dasturlariga o‘zgartirishlar kiritish va alohida fanlar bo‘yicha darsliklarni tanlashga ruxsat berildi. Qolaversa, Toshkent davlat pedagogika universiteti va uning tarkibidagi tashkilotlar XTVga tasarrufiga o‘tkazildi.

22 aprel 2022, 21:40

Bolalar ombudsmani: Mehribonlik uyi ma’muriyati «Eng yaxshi himoya — bu hujum» tamoyilini qo‘lladi

Bolalar ombudsmani Aliya Yunusova 21 aprel kuni ijtimoiy tarmoqlarda videosi tarqalgan Toshkent shahridagi 21-mehribonlik uyida yuz bergan voqeaga izoh berdi. O‘rganishlar natijasida mehribonlik uyi ma’muriyati bolalarni psixiatriya shifoxonasiga yuborib kelganligi, ularga nisbatan qo‘rqitish va nodo‘stona munosabatda bo‘lib kelingani aniqlandi.

19 aprel 2022, 12:36

Maktab bitiruvchilarining 31 foizi hali pasport (ID-karta) olmagan — XTV

16 yoshdan oshgan 122 ming nafardan ortiq yoki 31 foiz maktab bitiruvchisi haligacha pasport olmagan. Xalq ta’lim vazirligi bitiruvchilar pasportsiz (ID-karta) internet orqali oliy o‘quv yurtiga kirish uchun hujjat topshira olmasligini eslatdi.

28 fevral 2022, 12:21 1

XTV qizil galstuk masalasiga siyosiy tus bermaslikni so‘radi

Ijtimoiy tarmoqlarda Uchtepa tumanidagi 283-maktab o‘quvchilariga qizil galstuk taqdirilgan holat «pionerlikka qaytish» deb tariflanayotgani muhokamalarga sabab bo‘lmoqda. Xalq ta’limi vazirligi maktabning ochilish marosimida ota-onalar bilan kelishilgan holda boshlang‘ich sinf o‘quvchilariga erkaklarning qizil rangli bo‘yinbog‘i taqilganini ma’lum qilib, «bunga siyosiy tus bermaslikni» so‘radi.

1 fevral 2022, 18:25

O‘quvchilar uy vazifalarini messenjerlar orqali yuborishi mumkin bo‘ladi

Xalq ta’limi vazirligi o‘quvchilarga masofaviy ta’lim jarayonida bajarilgan uy vazifalarini o‘qituvchilarga faqatgina Kundalik tizimi orqali emas, balki messenjer va ijtimoiy tarmoqlar orqali ham yuborishga ruxsat berdi.

17 yanvar 2022, 13:13

XTV Samarqandda IT-tanlov g‘olibiga ishlatilgan noutbuk berilgan holatni o‘rganishni boshladi

Samarqandda 8-sinf o‘quvchisi «Bir million dasturchi» tanlovida birinchi o‘rinni olgani uchun ishlatilgan noutbuk berilganini ma’lum qildi. Hokimlik esa o‘quvchi tuman bosqichida birinchi o‘rinni olgani uchun telefon bilan taqdirlaganini aytmoqda. XTV ishchi guruhi mazkur holat bo‘yicha o‘rganish olib bormoqda.

10 yanvar 2022, 13:37

Ta’til vaqtida o‘qituvchilarning maoshi saqlanib qoladi, yozgi ta’til muddati esa qisqarmaydi

Xalq ta’limi vazirligi maktablarda qishki ta’til uzaytirilgan muddatda o‘qituvchilar va xodimlarning oylik maoshi to‘liq to‘lab berilishini ma’lum qildi. Qolaversa, yozgi ta’tilga chiqish vaqti o‘zgarmaydi, uchinchi chorak o‘quv kunlari 1−4-sinflarda 9 kun, 5−11-sinflarda 11 kunga qisqaradi, darslar esa tig‘izlashtirib o‘tiladi. Ta’til kunlari o‘quvchilarni maktablardagi to‘garaklarga jalb etish taqiqlanadi.

9 yanvar 2022, 10:27

Maktablarda qishki ta’til 24 yanvarga qadar uzaytirildi

XTV maktablarda qishki ta’til 24 yanvarga qadar uzaytirilganini ma’lum qildi. Mazkur qaror maktab rahbarlari va pedagoglar uchun yangi Milliy o‘quv dasturlari asosida malakalarini oshirish kurslarini tashkil etish maqsadida qabul qilindi.

17 noyabr 2021, 11:48

AKTga Sherzod Shermatov, XTVga esa Baxtiyor Saidov rahbar etib tayinlandi

Prezident farmoni bilan 2018 yildan beri xalq ta’limi vaziri sifatida ishlab kelayotgan Sherzod Shermatov AKT vaziri lavozimiga tayinlandi. Uning o‘rniga esa 2017 yildan beri O‘zbekistonning Xitoydagi elchisi lavozimida faoliyat yuritgan Baxtiyor Saidov vazir bo‘ldi.

29 oktabr 2021, 15:18

Maktab o‘quvchilari 4 noyabrdan ta’tilga chiqadi

Respublika maktablarida 4 noyabrdan 10 noyabrgacha kuzgi ta’til e’lon qilindi.

14 oktabr 2021, 20:34

2800 dan ortiq o‘quvchi sababsiz dars qoldirgani aniqlandi — XTV

O‘zbekistonning 10 minga yaqin maktablarida o‘tkazilgan ikki kunlik reydlarda 2832 nafar o‘quvchi darslarni sababsiz qoldirgani ma’lum bo‘ldi. XTV xabariga ko‘ra, ularning 507 nafari internet klublarda vaqt o‘tkazayotgani, 338 nafari esa bozorda savdo-sotiq, aravakashlik bilan shug‘ullanayotgani aniqlangan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting