«snos» tegli maqolalar
Shota Rustaveli ko‘chasidagi “stalinka"ni qanday kelajak kutyapti?
Toshkentning Shota Rustaveli ko‘chasidagi 22-uyning buzilishi mumkinligi haqidagi xabarlar muhokamalarga sabab bo‘ldi. Tuman va shahar hokimliklari “snos” qarori yo‘qligini ma’lum qildi. Uyda hozircha odamlar yashab turibdi, bo‘shatilgan xonadonlarda esa derazalar demontaj qilinmoqda. Quruvchi kim ekani noma’lum.
Buxoro shahar hokimligi binosi ko‘chirildi. Bu turistik markaz qurilishi bilan bog‘liq bo‘lishi mumkinligi aytilmoqda
Buxoro shahri markazidagi binolar va stadion o‘rniga turistik markaz qurilishi loyihasi yil boshida e’tirozlar sabab to‘xtab qolgandi. Kun.uz`ning yozishicha, masala yana ko‘tarilgan, shahar hokimligi boshqa hududga ko‘chirilgan, shahar markazi “snos”ga tayyorlanayotgan bo‘lishi mumkin. Hokimlik vakili buni rad etdi.
“Na ko‘chishimizni, na ta’mirlashimizni bilamiz”. “Oltintepa” mahallasi “snos”ning bo‘lish-bo‘lmasligini kutib yashamoqda
Toshkentdagi “Oltintepa” mahallasi 2016-yildan beri “snos”ni kutadi. O‘tgan yetti yilda ularning hovlilari atrofida “dom”lar va uch qavatli ko‘prik qurildi. Ularning yashash sharoitlari esa yomonlashdi: hovlilarni doim suv bosadi, namlik devorlarni buzadi. Aholi ularning muammolari hal etilishini so‘ramoqda.
Musaffo osmon ostidagi “snos”. Toshkentning M1 dahasida nimalar ro‘y bermoqda?
2020-yilda to‘satdan Toshkentning M1 dahasida ko‘p qavatli uylardagi kafe-restoranlarning tashqi ayvonlarini buzish boshlangandi. Hozirda yana ayvonlar buzilmoqda. Rasmiylar aholi shikoyati va qonunbuzarliklarni da’vo qilayotgan bo‘lsa, biznes qonuniy me’yorlar yo‘qligini aytmoqda. “Gazeta.uz” vaziyatni o‘rgandi.
Qurilish vaziri: «Turizm markazi qurilishi hozircha loyiha»
Qurilish vazirining aytishicha, Buxoroda turizm markazi qurilishi hali loyiha. Uning so‘zlariga ko‘ra, rasmiylar loyihani amalga oshirishga qaror qilgan — binolarni xatlovdan o‘tkazilmoqda, YUNESKO bilan kelishuv ishlari olib borilmoqda, shuningdek, aholiga tovon puli to‘lash rejalashtirilgan.
«Endi hech kim osonlikcha birovning uyini „snos“ qila olmaydi» — Ruslanbek Davletov
Adliya vaziri Ruslanbek Davletov prezident imzolagan yer uchastkalarini olib qo‘yish tartib-tamoyillari to‘g‘risidagi qonun «xalqni bir necha yildan buyon qiynab kelgan muammolarga barham berishini» ta’kidladi. Hujjat kompensatsiya turlarini belgilab beradi va 3 mlnga yaqin uyni buzilishidan sug‘urtalaydi.
Prezident uy-joy bo‘yicha konstitutsiyaviy kafolat belgilashni taklif qildi
Shavkat Mirziyoyev «snos"larga barham berish uchun uy-joy bo‘yicha konstitutsiyaviy kafolat belgilab qo‘yish kerakligini aytdi. «Sud qarorisiz hech kim uy-joyidan mahrum qilinmasligi kerak. Imorat buzilishga tushadigan bo‘lsa, bu uchun buzishdan oldin uning qiymatiga mos ravishda kompensatsiya to‘lanishi shart», — dedi u.
Uy-joyning «snos» ga tushganini aniqlash bo‘yicha davlat xizmatlari ko‘rsatiladi
Hukumat qarori bilan ko‘chmas mulk buzilishga tushgan yoki tushmaganligi holati to‘g‘risida ma’lumotnoma 3 ish kunida DXM yoki YAIDXP orqali beriladi. Bundan tashqari, bino va inshootlar tashqi ko‘rinishini o‘zgartirish, loyiha-smeta hujjatlarni kelishish, qurilishni boshlash uchun obyektni ro‘yxatdan o‘tkazish zarurligi belgilanmoqda.
Senat «snos» to‘g‘risidagi qonunni qaytarishi mumkin
Senat «snos» to‘g‘risidagi qonunni quyi palataga qaytarishi kutilmoqda. Senatorlarning fikricha, qonunni qayta ko‘rib chiqishga 7 ta moddadagi kamchiliklar va ochiq qolgan masalalar sabab bo‘lmoqda. Deputat Rasul Kusherbayev esa bu noto‘g‘ri ekanligini aytib, qonun qaytgudek bo‘lsa, Qonunchilik palatasi hujjatni prezidentga to‘g‘ridan-to‘g‘ri kiritishi mumkinligini eslatib o‘tdi.
«Davlat yoki jamoat?» Qonun loyihasi nomi deputatlar o‘rtasida bahsga sabab bo‘ldi
Qonun loyihasi nomida yer uchastkalarini olib qo‘yish «davlat ehtiyoji uchun» emas, balki «jamoat ehtiyojlari uchun» deb qayd etilgani deputatlar o‘rtasida bahs-munozaralarga sabab bo‘ldi. Rasul Kusherbayev «gap nomda emas, balki qonunni ishlashida» ekanligini qayd etdi. Boshqa deputatlar esa «jamoat» tushunchasiga qonunchilikda ta’rif yo‘qligi, «mavhum narsa hech qachon xalqqa foyda keltirmasligini» ta’kidlashdi. Doniyor G‘aniyev esa adliya vaziri o‘rinbosari bilan tortishdi. Bahslarga quyi palata spikeri yakun yasadi.
«Snos»ga tushgan hujjati yo‘q uylarga ham kompensatsiya to‘lab beriladi
Deputatlar ko‘rib chiqqan qonun loyihasiga ko‘ra, hujjati bo‘lmagan uylar «snos» ga tushganda, ularga ham kompensatsiya to‘lab berish taklif etilmoqda. Bunda da’vogar mulkka 15 yil davomida oshkora va uzluksiz egalik qilgan hamda soliqlarni to‘lagan bo‘lishi lozim. Loyiha qabul qilinib, Senatga yuborildi.
Yer uchastkalarini olib qo‘yish tartibiga o‘zgartirishlar kiritildi
Hukumat qarori bilan Yer uchastkalari olib qo‘yilishi va olib qo‘yilayotgan yer uchastkasida joylashgan ko‘chmas mulk obyektlari mulkdorlariga kompensatsiya berish tartibi to‘g‘risidagi nizomga o‘zgartirish va qo‘shimchalar kiritildi. Endilikda bitta mulkdor qarshi bo‘lgan taqdirda ham yer uchastkasida investitsiya loyihasini amalga oshirishga yo‘l qo‘yilmaydi. Bundan tashqari, investorlar kelisha olmagan mulkdorlardan ko‘chmas mulkni majburiy sotib olish to‘g‘risidagi da’vo bilan sudga murojaat etish huquqidan mahrum qilindi.
2022 yilda «snos"lar tufayli yetkazilgan zararlarni qoplash uchun 500 mlrd so‘m ajratiladi
2022 yilda «snos"lar tufayli jismoniy va yuridik shaxslarga yetkazilgan zararlarni qoplash maqsadida davlat budjetidan 500 mlrd so‘m mablag‘ yo‘naltiriladi.
Toshkentda 13 yil oldin davlat ehtiyoji uchun buzilgan uy-joyning zarari xanuz qoplanmagan
Toshkent shahrida davlat ehtiyoji uchun 13 yil oldin buzilgan uylar o‘rniga uy-joy yoki kompensatsiya pullari bugungi kunga qadar to‘lab berilmagan. Deputat Rasul Kusherbayevning ta’kidlashicha, «bu harakat davlatning o‘z fuqarosi oldida xususiy mulk daxlsizligini ta’minlash majburiyatini bajarmayotganini ko‘rsatmoqda».
Hokimiyatlar tadbirkorlardan «snos» uchun 123 mlrd so‘m qarzdor
Bino va inshootlarning buzilishi munosabati bilan hokimiyatlar tadbirkorladan 123 mlrd so‘m qarzdor. Prezident hokimlarga 1 sentyabrga qadar kompensatsiyalarni to‘lab berish vazifasini topshirdi. «Bir so‘m ham qarzdorlik qolmasligi shart», — dedi u.
Qurilish vazirligi «Navro‘z» qabullar uyi avariya holatida bo‘lganini ma’lum qildi
«Navro‘z» qabullar uyi buzilishi boshlanganidan ikki kun o‘tib Qurilish vazirligi bino poydevori 27 smga cho‘kkanini ma’lum qildi. Majmua avariya holatida bo‘lgani sababli uni rekonstruksiya qilish maqsadga muvofiq emas, deb topilgan.
«Snoslar» bo‘yicha eng ko‘p noqonuniy qaror Andijonda, eng ko‘p kompensatsiya to‘lanmagan hudud Toshkent — Bosh prokuratura
«Snos» lar bo‘yicha eng ko‘p noqonuniy qarorlar, jumladan, yer yegasining roziligi olinmasligi holatlari Andijon viloyatida qabul qilingan. Shuningdek, mahalliy hokimlikning hisobidagi jamg‘armada qoldiq mablag‘lar mavjud bo‘lsa-da, Toshkent shahrida 76,4 mlrd so‘m qarzdorlik qoplanmagan.
2020 yilda «snos"lar tufayli buzilgan mulklarning 55 foiziga kompensatsiya to‘lanmagan — Bosh prokuratura
2020 yilda davlat va jamoat ehtiyojlari uchun buzilgan mulklar bo‘yicha yetkazilgan zararlarning 202 mlrd so‘mi yoki 45 foizi mulk egalariga qoplab berilgan.
Jahongir Ortiqxo‘jayev 2021 yil oxirigacha “snos"lar bo‘yicha barcha qarzlarni to‘lashni va’da berdi
“O‘zbekiston tarixida bir yilda buncha kompensatsiya to‘lab berilmagan”. Bu yili “snos"lar bo‘yicha yer yoki pul ko‘rinishiga to‘lovlar 700−800 mlrd so‘mni tashkil etdi, deya ma’lum qildi Toshkent hokimi Jahongir Ortiqxo‘jayev. U 2021 yil so‘nggiga qadar barcha buzilishlar bo‘yicha qarzlarni to‘lashga va’da berdi.
««Snos»ga qarshi moratoriy eng to‘g‘ri yo‘l» — Rasul Kusherbayev
Deputat Rasul Kusherbayev «snos"larga qarshi moratoriy e’lon qilish taklifi bilan chiqdi. Uning aytishicha, asossiz va ruhsatsiz «snos"larga yo‘l qo‘yish bu zulm bilan barobardir.
Eng ko‘p o‘qilgan xabarlar | So‘nggi yangiliklar
- Toshkentdagi musiqa festivalida ommaviy janjal yuz berdi (video)
- Dzyudochi Kumush Xodjayeva Paralimpiada kumush medalni qo‘lga kiritdi
- Nurxon Qurbonova jahon rekordini yangilab, Paralimpiya chempioni bo‘ldi
- 15 yoshli Shahina Yigitaliyeva — Paralimpiya o‘yinlari kumush medali sohibi
- Paralimpiada: 11-kunda 3 nafar o‘zbekistonlik qatnashadi
Qo‘shimcha imkoniyatlarga ega bulish uchun saytda ro‘yxatdan o‘ting