«qonun loyihasi» tegli maqolalar
Deputatlar Yo‘l harakatini tashkil etish to‘g‘risidagi qonun loyihasini ko‘rib chiqmoqda
Deputatlar yo‘llarda fuqarolar manfaatlarining ustuvorligini ta’minlash, ekologiyani muhofaza qilish, piyoda va velosiped harakatiga sharoit yaratishni nazarda tutuvchi «Yo‘l harakatini tashkil etish to‘g‘risida»gi qonun loyihasini ko‘rib chiqmoqda. «Bundan buyon avtomobil haydashning o‘zi bo‘lmaydi. Mas’uliyat bir emas, o‘n baravar oshadi», — dedi Rasul Kusherbayev.
DXX kiberxavfsizlik sohasida vakolatli organ etib belgilanishi mumkin
Qonunchilik palatasida deputatlar «Kiberxavfsizlik to‘g‘risida»gi qonun loyihasini muhokama qilmoqda. Hujjatda kiberxavfsizlik sohasidagi vakolatli davlat organi etib Davlat xavfsizlik xizmatini belgilash ko‘zda tutilgan.
Yer, suv resurslaridan foydalanganlik uchun hamda aksiz soliqlari o‘rtacha 10 foizga o‘sishi mumkin
Deputatlar muhokama qilayotgan Soliq kodeksiga o‘zgartish va qo‘shimchalar kiritish to‘g‘risidagi qonun loyihasiga muvofiq, yer solig‘i, suv resurslaridan foydalanganlik uchun soliq hamda aksiz solig‘i stavkalari o‘rtacha 10 foizga o‘sishi kutilmoqda.
Korrupsiyani sodir etganlik uchun 20 yilgacha ozodlikdan mahrum qilish taklif etilmoqda
Antikorrupsiya agentligi korrupsiyaviy jinoyatlar uchun javobgarlikni kuchaytirish taklifi bilan chiqdi. Qonunchilik palatasiga kiritilgan qonun loyihasiga ko‘ra, korrupsiyaga oid jinoyatlar toifasiga 15 turdagi qonunbuzarlik kiritilmoqda. Shuningdek, poraxo‘rlik uchun 20 yilgacha ozodlikdan mahrum qilish, shu turdagi jinoyatchilarni muddatidan ilgari shartli ozod qilmaslik va jazosini yengilrog‘i bilan almashtirmaslik taklifi bildirildi.
«32 mamlakatda elektron sigaretalar cheklangan ekan, nima uchun biz cheklamasligimiz kerak» — Alisher Qodirov
Milliy tiklanish partiyasi rahbari elektron sigaretalarni cheklash taklifi bilan chiqdi. «32 mamlakatda elektron sigaretalar cheklangan ekan, nima uchun biz cheklamasligimiz kerak», — dedi Alisher Qodirov. Partiya fraksiyasi a’zolari uni qo‘llab-quvvatladi.
Inson a’zolari transplantatsiyasi uchun bemorga qarindosh bo‘lmaganlar ham donorlik qilishi mumkin
Deputatlar inson a’zolari va to‘qimalarining transplantatsiyasi uchun bemorning yaqin qarindoshi bo‘lishi kerak degan cheklovni bekor qilishga oid qonun loyihasini ma’qulladi. Unga ko‘ra, donor sifatida o‘z a’zosi olinishiga ixtiyoriy ravishda, bepul asosda, notarial tartibda rozilik bergan inson tushuniladi.
Talabalarni ijaraga qo‘yishdan olingan daromadni soliqqa tortmaslik taklif qilindi
Soliq to‘lovchining uy-joylarini talabalarga ijaraga berishdan olingan daromadlari soliq solinmaydigan daromadlar toifasiga kiritiladi. Moliya vazirligi tegishli qonun loyihasini jamoatchilik muhokamasi uchun e’lon qildi.
Sug‘urta polisini olmaganlik uchun jarima miqdori 2 baravarga kamaytirilmoqda
Deputatlar pasport tizimi qoidalarini buzish, noqonuniy valyuta ayirboshlash, yo‘lovchilarni litsenziyasiz tashish va sug‘urta polisini olmaganlik uchun jarimalarni bir necha baravarga kamaytirish to‘g‘risidagi qonun loyihasini ma’qulladi.
Ikkinchi fuqarolik haqida xabar bermaganlik uchun javobgarlik belgilanmoqda
Ikkinchi fuqarolikni olgan shaxslarga davlat organlariga xabar bermaganligi uchun javobgarlik belgilanishi mumkin. Oliy Majlis Qonunchilik palatasi deputatlari «qonunchilikdagi bo‘shliq»ni bartaraf etishga qaratilgan qonun loyihasini ma’qulladi.
“20 yildan oshdi, qonun qabul qildik, lekin uni buzganlik uchun javobgarlik yo‘q” — deputat jurnalistlar himoyasi bo‘yicha qonundagi kamchilik haqida
Deputat Rasul Kusherbayev jurnalistlar himoyasiga oid qonunlarni buzganlik uchun javobgarlik belgilanmagani sohada ko‘plab muammolarni keltirib chiqarayotganini ta’kidladi. Uning aytishicha, Qonunchilik palatasi deputatlari bu masalada bir necha bor harakat qilib ko‘rishgan. “Biz, shaxsan men ham tarafdormanki, himoya qonunini qabul qildikmi, himoyani buzganga doir javobgarlik masalasini ham jinoyat kodeksida belgilab qo‘yishimiz shart”, — dedi deputat.
Endi deputatlarning yordamchilari bo‘ladi
Qonunchilik palatasida deputat yordamchisi institutini joriy etishga oid qonun loyihasi muhokama qilinmoqda. Bu orqali deputat va saylovchi o‘rtasidagi muntazam aloqani yaxshilashga erishish maqsad qilingan. Tashabbus «Milliy tiklanish» partiyasi tomonidan ilgari surildi.
Yarim kunga suv ta’minotidan uzilgan aholiga maxsus mashinalarda ichimlik suvi yetkazish taklif etildi
Qonunchilik palatasi tomonidan ichimlik suvi ta’minotiga oid qonun loyihasi ko‘rib chiqildi. Unga ko‘ra, har oyda kamida bir marta hisoblagichlar holatini o‘rganish, ichimlik suvi ta’minotida uzilishlar davomiyligi 12 soatdan oshsa aholini maxsus mashinalarda ichimlik suvi bilan ta’minlash va tariflar narxi o‘zgarishi haqida 15 kun oldin xabardor qilish taklif etilmoqda.
Energoresurs tarmoqlariga o‘zboshimchalik bilan ulanganlar 7 yilgacha qamalishi mumkin
Bosh prokuratura elektr, issiqlik energiyasi, gaz va suv ta’minotidan foydalanish qoidalarini buzganlik uchun javobgarlikni kuchaytirishni taklif qilmoqda. Eng yuqori jazo chorasi — 7 yilgacha ozodlikdan mahrum qilish deb belgilangan.
Qonunchilik palatasi saylov kunini ko‘chirishga nima sabab bo‘layotganini ma’lum qildi
Prezident saylovlari oktyabr oyiga ko‘chirilishi mumkin. Bunda 2021 yilgi saylovlar tahminan 24 oktyabrga to‘g‘ri keladi. Qonunchilik palatasi saylov kuni o‘zgarishitirilishiga sabab bo‘lgan omillarni ma’lum qildi. Ta’kidlanishicha, hujjat loyihasi bir guruh deputatlar tomonidan ishlab chiqilgan.
Voyaga yetmaganlarni majburlab ishlatganlar 5 yilgacha muddatga qamalishi mumkin
Voyaga yetmaganlarni majburiy mehnatga jalb qilganlik uchun jazoni keskinlashtirishga oid qonun loyihasi muhokamaga qo‘yildi. Shuningdek, voyaga yetmaganlarni g‘ayriqonuniy jamoat birlashmalari va diniy tashkilotlar faoliyatida qatnashishga undaganlarni og‘ir holatda 5 yilgacha ozodlikdan mahrum qilish taklif etilmoqda.
Korrupsiya haqida xabar berganlar to‘g‘risidagi ma’lumot davlat siri etib belgilanishi mumkin
Korrupsiya to‘g‘risida axborot berayotganlarning shaxsi sir saqlanishi, o‘zi va yaqin qarindoshlarining ijtimoiy-huquqiy himoya qilinishi davlat tomonidan kafolatlanadi. Bu boradagi qonun loyihasi Korrupsiyaga qarshi kurashish agentligi tomonidan jamoatchilik muhokamasi uchun e’lon qilindi.
O‘qituvchilar besh yil oldin imtiyozli pensiyaga chiqishi mumkin — qonun loyihasi
«Pedagog xodimning maqomi to‘g‘risida"gi qonun loyihasi muhokamaga qo‘yildi. Hujjat bilan pedagog xodimlar besh yil oldin imtiyozli pensiyaga chiqishi mumkin etib belgilanmoqda. Bundan tashqari, ularga 15 foizdan 40 foizgacha ko‘p yillik xizmatlari uchun ustamalar to‘lash ko‘zda tutilgan. Qolaversa, o‘qituvchilarni yuqumli kasalliklarga qarshi bepul emlash belgilanishi mumkin.
IIV mitinglar to‘g‘risidagi qonun loyihasi bo‘yicha bayonot berdi
O‘zbekiston IIV mitinglar to‘g‘risidagi qonunni ishlab chiqishdan ko‘zlangan asosiy maqsad fuqarolarning konstitutsiyaviy huquqlarini ro‘yobga chiqarishdan iborat ekanini ma’lum qildi. Vazirlik qonun loyihasining ishlab chiqilishi Belarusdagi voqealarga aloqador emasligini ham qayd etib o‘tdi.
Korrupsiya haqida xabar qilganlarga pul mukofoti beriladi
Bosh prokuratura korrupsiya haqida xabar qilganlarga bir martalik pul mukofoti berilishini ko‘zda tutuvchi qaror loyihasini jamoatchilik muhokamasiga qo‘ydi. Unga ko‘ra, pul mukofoti miqdori pora, yetkazilgan zarar miqdori yoki o‘g‘irlangan mulk qiymatiga bog‘liq holda — bazaviy hisoblashning 3 baravaridan summaning 10−15 foizigacha beriladi.
Miting, yig‘ilish va namoyishlar o‘tkazish tartibi belgilanadi
Miting, yig‘ilish va namoyishlar to‘g‘risidagi qonun loyihasi ishlab chiqildi. Unga ko‘ra, ushbu tadbirlarni ish kunlari kunduzi 10:00 — 18:00 orasida 2 soatdan oshmagan vaqt davomida o‘tkazishga ruxsat beriladi. Bu kabi tadbirlarni o‘tkazishga ruxsat olish uchun ariza namoyishlar o‘tishidan o‘n besh ish kunidan kam bo‘lmagan muddatdan oldin taqdim etilishi lozim — batafsil.
ENG KO‘P O‘QILGAN XABARLAR
- Dam olish kunlari ayrim hududlarda yomg‘ir va qor yog‘adi
- Salim Abduvaliyev (“Salimboy”) Toshkentda ushlandi
- Andijon, Buxoro va Toshkent viloyatlarida jinoyat olamining jami 150 dan ortiq vakillari ushlandi
- Toshkent va Namangan viloyatlarida qor ko‘chish xavfi e’lon qilindi
- Fuqarodan 10 ming dollar olishda gumonlangan Oliy sud xodimi qamoqqa olindi
Qo‘shimcha imkoniyatlarga ega bulish uchun saytda ro‘yxatdan o‘ting