Qarshi shahridagi savdo rastasi hamda bankomatda yong‘in yuz berdi. Hodisa sababi va zarar miqdori aniqlanmoqda.
Kasbi tumanida er-xotin hamda ularning 5 va 3 yoshli farzandlari zaharlanib vafot etdi. O‘limga qo‘lbola usulda tayyorlangan isitish pechidan chiqqan is gazi sabab bo‘lgan.
Chiroqchi tumanida maktab direktoridan tekshiruv o‘tkazmaslik evaziga 400 dollar talab qilgan soxta prokuratura xodimi ushlandi. Tergovga qadar tekshiruv davomida u aslida hech qayerda ishlamaydigan va sudlangan shaxs ekani ma’lum bo‘ldi.
Shahrisabz tumanida erkak tanishi tomonidan kaltaklangan ayol tuman shifoxonasida vafot etdi. Gumonlanuvchi hibsga olindi. Unga nisbatan jinoyat ishi qo‘zg‘atildi.
Yakkabog‘ tumanida Nexia-2 avtomashinasi 4 piyodani urib yubordi. Ulardan 3 nafari voqea joyida, 1 nafari shifoxonada vafot etdi. Haydovchi tegishli tartibda ushlanib, unga nisbatan qamoqqa olish ehtiyot chorasi qo‘llandi.
Qarshi tumanida Lacetti urib ketishi oqibatida voyaga yetmagan piyoda vafot etgan. Avtomomobil video kamerasidagi tasvir ko‘rib chiqilgandan so‘ng haydovchi aybsiz deb topilgan.
Qashqadaryodagi viloyat salomatlikni tiklash shifoxonasida portlash sodir bo‘ldi. Oqibatda ikki nafar fuqaro tan jarohati olib, shifoxonaga yotqizildi.
Qarshi tuman tibbiyot birlashmasi boshlig‘i pora bilan ushlangani aytilmoqda. U fuqaroni ishga kiritib qo‘yish evaziga 500 dollar olayotgan vaqtda qo‘lga olindi. Holat yuzasidan jinoyat ishi qo‘zg‘atildi.
Kasbi tumanida 28 yoshli ayolning jasadi hammomdan topildi. Tergovga qadar tekshiruv harakatlari davomida 3 bolali ayolni turmush o‘rtog‘i qasddan o‘ldirgani aniqlandi. Jinoyat ishi qo‘zg‘atilib, gumonlanuvchi protsessual tartibda ushlandi.
Qashqadaryoda Spark yuk mashinasi bilan to‘qnashdi. Yengil avtomobilning haydovchisi va yo‘lovchisi vafot etdi.
Yakkabog‘ tumanida 45 yoshli erkak hovlisining molxonasida o‘zini osib qo‘ydi. Ishda tumandagi 94-maktab direktorining «qo‘li borligi» aytilmoqda. Direktor esa voqea ro‘y bergan kuni shifoxonada bo‘lganini ta’kidlamoqda.
Qamashi tumanida «KamAZ» piyodalar yo‘lagidan o‘tayotgan 2013 yilda tug‘ilgan qizni urib ketdi. Jabrlanuvchi og‘ir jarohat olib vafot etdi.
Ko‘kdala tumanida yukxonasida odam tashish qoidalarini buzgan holda yo‘lovchilar mindirib ketayotgan Labo`ga Isuzu kelib urilgan. Oqibatda ikki yo‘lovchi voqea joyida vafot etgan, yana 5 yo‘lovchi esa jarohatlar bilan shifoxonaga yotqizilgan.
Kasbi tumanida Nexia yo‘l chetidagi kanalga ag‘darildi. Tuman FVB xodimlari mashinani maxsus texnika yordamida kanaldan olib chiqdi.
G‘uzor tumanida Nexia-2 quvib o‘tish qoidasiga rioya qilmay, qarama-qarshi yo‘nalishdan kelayotgan Matiz avtomobili bilan to‘qnashdi. Oqibatda mashinalardan birining salonida bo‘lgan yo‘lovchi vafot etdi.
Qashqadaryodagi ayrim maktablarda 2023−2024 o‘quv yilidan boshlab Finlyandiya ta’lim tizimi joriy etiladi. Prezident buning uchun bir oy muddatda 48 ta maktabni tanlab olish bo‘yicha topshiriq berdi.
Prezident videoselektor yig‘ilishida Qashqadaryo viloyatida 2023 yilda 207 mingta ish o‘rni yaratish vazifasini qo‘ydi. Jumladan, sanoatda 960 ta loyihani amalga oshirib, 20 ming nafar aholini band qilish mumkinligi aytildi.
G‘uzor tumanida Gentra haydovchisi boshqaruvni yuqotishi natijasida yo‘lning chap tomoniga chiqib ketib YTH sodir etdi. Oqibatda u tan jaroxati bilan shifoxonaga yotqizildi, mashinada bo‘lgan yo‘lovchi esa vafot etdi.
«Qashqadaryo HETK» AJ G‘uzor TETK tezkor chiqish brigadasi xodimi tok urishi oqibatida vafot etdi. «Hududiy elektr tarmoqlari» vafot etgan elektromontyor «naryaddan tashqari o‘zboshimchalik bilan mavjud qoidalarni buzgan holda simlarni yechishga uringani»ni ma’lum qildi.
Qashqadaryoning Dehqonobod tumanidagi oilaviy shifokorlik punkti feldsheri ko‘rikka kelgan 2-guruh nogironining bank kartasidan 5 mln so‘m pulini o‘zlashtirgani ma’lum bo‘ldi. Gumonlanuvchiga nisbatan jinoyat ishi qo‘zg‘atildi.
Qo‘shimcha imkoniyatlarga ega bulish uchun saytda ro‘yxatdan o‘ting