Qashqadaryo viloyatida Spark va «GAZ-53» ishtirokida yo‘l-transport hodisasi sodir bo‘ldi. Bu haqda viloyat IIB xabar qildi.
2022 yil 19 dekabr kuni taxminan soat 07:15 larda xalqaro ahamiyatdagi A-380 «G‘uzor-Buxoro-Nukus-Beyneu» avtomobil yo‘lining 73-km da Koson tuman «Pudina» QFY hududida Mirishkor tumani «Zafarobod» MFYda yashagan haydovchi B.N. boshqaruvida bo‘lgan Spark`ni «Qarshi-Koson» yo‘nalishi bo‘yicha boshqarib borib, bir yo‘nalishda oldinda harakatlanib borayotgan Koson tumani Mudin qishlog‘ida yashovchi M.D. boshqaruvidagi «GAZ-53» avtomobili bilan YTH sodir etgan.
Oqibatda Spark haydovchisi B.N. olgan og‘ir tan jarhati bois voqea joyida, yo‘lovchisi N.S. esa shifoxonada vafot etgan.
Holat yuzasidan Jinoyat kodeksining 266-moddasi 3-qismi «a» bandi (odamlar o‘limiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, dastlabki tergov harakatlari olib borilmoqda.
