«iqtisodiy jinoyatlarga qarshi kurashish departamenti» tegli maqolalar
Farg‘onadagi “zapravka”da 3,6 mlrd so‘mlik elektrdan noqonuniy foydalanilgani aniqlandi
Rishton tumanidagi avtomobillarga gaz quyish shoxobchasi kompressor agregatlariga noqonuniy ulanib, 2,7 mln kVt soat elektr energiyasini ishlatgani ma’lum bo‘ldi. Bu 3,6 mlrd so‘mga teng. Holat yuzasidan jinoyat ishi qo‘zg‘atildi.
Farg‘onada 19 kishi nomiga avtokredit rasmiylashtirib, 6,3 mlrd so‘mni o‘zlashtirgan shaxslar ushlandi
Farg‘ona viloyati Qo‘qon shahrida bir nechta fuqarolar o‘zaro til biriktirib, 19 kishi nomiga avtokredit rasmiylashtirgani, ammo ularga mashina olib bermay, 6,3 mlrd so‘mni o‘zlashtirgani aniqlandi. Ularga nisbatan jinoyat ishi doirasida tergov harakatlari olib borilmoqda.
Toshkent shahrida ikkita qurilish tashkiloti fuqarolarni aldab, 27 mlrd so‘mni o‘zlashtirdi
Toshkent shahrida tadbirkor qurilish uchun yer maydoni bo‘lmasa-da, ikki kompaniya orqali kottejlarni bo‘lib-bo‘lib, boshlang‘ich badal evaziga sotib olishni taklif qilgan. U 27 mlrd so‘mni o‘zlashtirib, 1,4 mln dollarni xorijdagi valyuta birjasiga o‘tkazgan. Hozirda mablag‘larning bir qismini qaytarishga erishilgan.
Respublika bo‘ylab jami 18 ming dollarning noqonuniy oldi-sotdisi bilan shug‘ullanganlar ushlandi
Toshkent, Farg‘ona, Sirdaryo va Xorazm viloyatlarida o‘tkazilgan reydlar davomida noqonuniy ravishda valyuta ayirboshlash bilan shug‘ullangan shaxslar qo‘lga olindi. Ular jami 18 ming AQSh dollarini muomalaga kiritmoqchi bo‘lgan.
“KRU „dejurniy“ kamchiliklarni aniqlaydigan idoraga aylanib qolgan” — prezident
Prezident bog‘chalarni tekshirishda “dejurniy kamchiliklar”ni aniqlaydigan Davlat moliyaviy nazorati inspeksiyasi (KRU) faoliyatini “mutlaqo qoniqarsiz” deb atadi. “259 ta bog‘chada aniqlangan 10 mlrd so‘mlik kamchilik aslida 100 mlrd so‘mlik bo‘lgan”. Davlat rahbari tizimda korrupsiya yuqoriligini ta’kidladi.
Shamsiddin Soxibnazarov bosh prokuror o‘rinbosari — Iqtisodiy jinoyatlarga qarshi kurashish departamenti boshlig‘i etib tayinlandi
Bosh prokuratura huzuridagi Iqtisodiy jinoyatlarga qarshi kurashish departamenti boshlig‘i Shamsiddin Soxibnazarov qo‘shimcha ravishda bosh prokuror o‘rinbosari etib tayinlandi.
Davlat moliyaviy nazorati inspeksiyasi Bosh prokuratura Departamentiga o‘tkaziladi
Davlat moliyaviy nazorati inspeksiyasi Bosh prokuratura huzuridagi Iqtisodiy jinoyatlarga qarshi kurashish departamentiga o‘tkaziladi. Departament va Hisob palatasi birgalikda ishlab, yashirin iqtisodiyotni jilovlash va budjet mablag‘larini to‘g‘ri sarflanishi uchun javobgar bo‘ladi.
Iqtisodiy jinoyatlarga qarshi kurashish departamentiga tergov yuritish vakolati beriladi
O‘zbekistonda yashirin iqtisodiyotni qisqartirish uchun Iqtisodiy jinoyatlarga qarshi kurashish departamenti tahlil, tezkor-qidiruv, taftish va o‘zi tergov qiladigan idoraga aylanadi. Uning rahbari bir vaqtning o‘zida bosh prokuror o‘rinbosari bo‘ladi.
Sirdaryoda fuqaroni Meksika orqali AQShga yuborish uchun undan 8100 dollar olgan shaxslar ushlandi
Yangiyer shahrida o‘tkazilgan tezkor tadbirda fuqaroni Turkiya va Meksika orqali AQShga yuborishni va’da qilib, undan 8100 AQSh dollari va 1,2 mln so‘m olganlar ushlandi.
Toshkent shahri va viloyatida fuqarolarga AQShga yuborishni va’da qilganlar ushlandi
Toshkent shahri va Toshkent viloyatida tanishlari yordamida 16 va 10 ming dollar evaziga AQShga ishlash uchun yuborishni va’da qilganlar qo‘lga olindi.
Gulistonda fuqaroni 2300 dollar evaziga AQShga jo‘natmoqchi bo‘lgan shaxs ushlandi
DXX va Iqtisodiy jinoyatlarga qarshi kurashish departamenti xodimlari Toshkent va Guliston shaharlarida fuqarolarni 2000 va 2300 dollar evaziga AQShga yuborishni va’da qilgan shaxslarni qo‘lga oldi.
Iqtisodiy jinoyatlarga qarshi kurashish departamentining Dehqonobod tumani bo‘limi boshlig‘i YTHga uchradi
Iqtisodiy jinoyatlarga qarshi kurashish departamenti Qashqadaryo viloyati Dehqonobod tumani bo‘limi boshlig‘ining xizmat mashinasi 2 ta avtomobil bilan to‘qnashib ketdi. Bo‘lim boshlig‘i va haydovchilardan biri yengil jarohatlar bilan shifoxonaga yotqizildi.
Qoraqalpog‘istonda fermer 620 gektarni $400 ming evaziga fuqaroga rasmiylashtirib berishga uringani aytilmoqda
Qoraqalpog‘istonda fermer mansabdor tanishlari orqali jami 620 gektar yerni $400 mingga fuqaro nomiga rasmiylashtirib bermoqchi bo‘lgani, pulning yarmini olgan vaqtida ushlangani aytilmoqda. Shuningdek, Samarqand va Namangan viloyatlarida ham noqonuniy yer savdosi bilan bog‘liq holatlar aniqlandi.
Toshkentda fuqaroni AQShga noqonuniy tarzda jo‘natmoqchi bo‘lgan talaba ushlandi
Toshkent shahrida fuqaroni 20 ming dollar evaziga Meksika orqali AQShga yuborishini va’da qilgan Jahon tillari universiteti talabasi va boshqalar qo‘lga olindi.
Toshkent viloyatida poliklinika ta’mirlashga ajratilgan 392,9 mln so‘m o‘zlashtirilgani aytilmoqda
Zangiota tumanida korxona rahbari qishloq oilaviy poliklinikalarini ta’mirlashda, hujjatlarga amalda bajarilmagan ishlarni qo‘shib yozish orqali 392,9 mln so‘mni o‘zlashtirgani aytilmoqda. Holat bo‘yicha tergov harakatlari boshlandi.
Qashqadaryo va Sirdaryoda noqonuniy yer sotmoqchi bo‘lganlar ushlandi
DXX tezkor tadbir o‘tkazib, Qashqadaryoda jami 99 gektar yerni noqonuniy sotmoqchi bo‘lgan fermer xo‘jaligi rahbarlari va xodimini qo‘lga oldi. Sirdaryoda ham muqaddam sudlangan shaxs bog‘ yaratish uchun berilgan yerni 30 ming dollarga sotmoqchiligi ma’lum bo‘ldi. Hozir ushbu shaxslarga jinoyat ishi ochildi.
Elektr energiyasiga noqonuniy ulanib, davlatga jami 618 mln so‘m zarar yetkazgan shaxslar aniqlandi
Zangiota, Narpay, Urganch tumanlari va Qarshi, Xonobod shaharlarida elektr energiyasi tarmoqlariga noqonuniy ulanib, davlatga 618 mln so‘m zarar yetkazish holatlari aniqlandi. Holat yuzasidan jinoyat ishlari qo‘zg‘atilib, tergov harakatlari o‘tkazilmoqda.
Toshkent viloyati va Qoraqalpog‘istonda noqonuniy yer savdosi bilan shug‘illanishda gumonlanganlar ushlandi
O‘rta Chirchiq tumani va Nukus shahrida bo‘sh yer maydonni 14 500 dollar va 37 mln so‘mga sotayotgan shaxslar aniqlandi. Holat yuzasidan tergov harakatlari boshlandi.
Urganchda 10 mlrd so‘mdan ortiq kredit mablag‘larini o‘zlashtirishda gumonlanganlar qo‘lga olindi
Urganchda o‘tkazilgan tergovga qadar tekshiruvda ikkita MCHJ rahbari hududiy tijorat banki filialidan ajratilgan 5,8 va 4,5 milliard so‘m kreditni o‘zlashtirgani aniqlandi. Mazkur holat yuzasidan jinoyat ishlari qo‘zg‘atilib, tergov harakatlari o‘tkazilmoqda.
Farg‘onada 1,8 tonna iste’molga yaroqsiz yog‘ musodara qilindi
O‘zbekiston tumanidagi yashirin sexda qalbaki yog‘ mahsulotlarini qadoqlash faoliyati bilan shug‘ullanib kelganlar aniqlandi. U yerdan 1,8 tonna iste’molga yaroqsiz yog‘ mahsulotlari ashyoviy dalil sifatida olindi.
Eng ko‘p o‘qilgan xabarlar | So‘nggi yangiliklar
- O‘zbekistonda yaqin besh kun juda issiq bo‘ladi
- Timur Kapadze Olimpiya shaharchasida muammolar ko‘pligi haqida gapirdi
- Xulian, Ashraf, Fermin, Eldor: Olimpiya o‘yinlarida ishtirok etadigan 11 mashhur futbolchi
- O‘zbekiston Olimpiadadagi ishtirokini Ispaniyaga qarshi futbol o‘yini bilan boshlaydi
- So‘nggi Chevrolet Lacetti UzAuto Motors konveyeridan chiqdi (+video)
Qo‘shimcha imkoniyatlarga ega bulish uchun saytda ro‘yxatdan o‘ting