«hokim» tegli maqolalar
Koson hokimi ro‘zador fermerlarni suv ichishga majburlagani aytilmoqda
Koson tumani hokimi Asrol Boyqorayev 31-mart kuni o‘tkazgan majlisda ro‘zador fermerlarni suv ichishga majburlagani aytilmoqda. Hokimlik matbuot kotibi holatni rad etdi, biroq keyinroq o‘z xabarini o‘chirdi.
Hokimlar kengashga rahbar bo‘la olmaydi, lekin senator etib saylanishi mumkin. Yangi Konstitutsiya loyihasi
2024 yildan Toshkent shahri va viloyatlar hokimlariga kengash raisi lavozimini egallashi taqiqlanishi mumkin. Konstitutsiya loyihasida ularning deputat va senator etib saylanishi taqiqlanmagan. Anchadan beri muhokama qilinayotgan hokimlarni saylash amaliyoti esa loyihada aks etmagan.
Ulug‘bek Qosimov Surxondaryo viloyati hokimi etib tasdiqlandi
2022 yil dekabrdan beri Surxondaryo viloyatini vaqtincha boshqarib kelayotgan Ulug‘bek Qosimov viloyat hokimi lavozimiga tasdiqlandi.
Chirchiq shahri hokimi vazifasini bajarish vaqtincha o‘rinbosariga yuklatildi
24 fevraldan Chirchiq shahri hokimi Davron Hidoyatovning vazifasini bajarish vaqtincha hokim o‘rinbosari Jur’atbek Raxmonov zimmasiga yuklatildi. Bunga hokimning sog‘lig‘i yomonlashgani sabab bo‘lgani aytilmoqda.
Xorazmning ikki tumaniga hokimlar tayinlandi
Zafar Abdrimov Hazorasp tumaniga hokim etib tasdiqlandi. Shuningdek, avval Urganch tumani prokurori bo‘lgan Ruslan Jumaniyazov Yangibozor tumaniga hokim bo‘ldi.
Akmaljon Mahmudaliyev Sirdaryo viloyati hokimi vazifasini bajaruvchi etib tayinlandi
Prezident farmoni bilan shu vaqtgacha Navoiy viloyati hokim o‘rinbosari bo‘lib ishlab kelgan Akmaljon Mahmudaliyev Sirdaryo viloyatining hokimi vazifasini bajaruvchi etib tayinlandi. Viloyatning avvalgi hokimi prezident maslahatchisi lavozimiga tayinlangandi.
Qarshi shahar sobiq hokimi uy qamog‘iga olindi. U davlatga 60,5 mlrd so‘m zarar yetkazishda gumonlanmoqda
Qarshi shahar sobiq hokimi Jamshid Fozilov 2018—2019 yillar davomida 54 ta holatda 60 mlrd 512 mln so‘m talon-toroj qilishda gumonlanmoqda. Hozirda u uy qamog‘iga olingan. Qashqadaryo prokuraturasining ta’kidlashicha, sud yakuni bo‘yicha qo‘shimcha ma’lumot beriladi.
Vazirlar va qo‘mita rahbarlari o‘rinbosarlari tumanlarga hokim etib tayinlandi
Veterinariya va chorvachilikni rivojlantirish davlat qo‘mitasi raisi birinchi o‘rinbosari Sirojiddin Berdiqulov Nurobodga, favqulodda vaziyatlar vaziri o‘rinbosari Azizbek Latifjonov Paxtaobodga va monopoliyaga qarshi kurashish qo‘mitasida raisi o‘rinbosari Bekzod Ummatov Asaka tumaniga hokim etib tayinlandi.
Toshkentning Chilonzor tumaniga yangi hokim tayinlandi
Iqtisodiy taraqqiyot vazirining birinchi o‘rinbosari va Markaziy bank raisi o‘rinbosari lavozimlarida ishlagan Saidqahhor Xolxo‘jayev poytaxtning Chilonzor tumani hokimi bo‘ldi. Shuningdek, yangi prokuror va tuman IIB boshlig‘i ham tayinlandi.
Hokimlarga klasterlarning ichki ishlariga aralashish taqiqlandi
Prezident ayrim hokimlar klasterlarni kun davomida majlis va boshqa ishlarga jalb etayotganini tanqid qildi. Shunga ko‘ra, u hokimlarga klasterlarning ichki ish faoliyatiga aralashishni taqiqladi. Qolaversa, endi bitta tumanda ko‘pi bilan ikkita klaster tashkil etishga ruxsat beriladi, hozirgacha uchta edi.
Qumqo‘rg‘on tumanida hokim o‘zgardi
Surxondaryoning Qumqo‘rg‘on tumaniga Anvar Normamatov hokim etib tayinlandi. Sobiq hokim tumanning ijtimoiy-iqtisodiy ko‘rsatkichlari pastligi uchun tanqid qilingan edi.
Andijon shahriga yangi hokim tasdiqlandi
Gofurjon Abdurahmonov Andijon shahar hokimi etib tayinlandi. Shaharning avvalgi hokimi Bahrom Haydarov talon-tarojlik to‘g‘risidagi jinoyat ishi doirasida qo‘lga olingan edi.
Shavkat Mirziyoyev 7 nafar hokimga oxirgi marta “hayfsan” berdi
Prezident yer maydonlarini auksionga qo‘yishda sustkashlikka yo‘l qo‘ygan Navoiy, Shahrisabz, Qo‘qon shaharlari, Bo‘stonliq, Bekobod, Kitob, Uzun tumanlari hokimlariga oxirgi marta “hayfsan” berdi. Ularning qurilish bo‘yicha o‘rinbosarlarini ishdan olishga ko‘rsatma berildi.
Andijonda hokim noqonuniy tarzda deputat daxlsizligi huquqidan mahrum etildi
O‘zbekiston Bosh prokuraturasi tomonidan kiritilgan taqdimnoma bilan Xalq deputatlari Andijon shahar Kengashi sessiyasida ikki nafar deputatni daxlsizlik huquqidan mahrum qilish masalasi qonun va prezident farmoniga zid tarzda ko‘rib chiqilgani aytilmoqda. Ma’lum bo‘lishicha, deputatlardan biri — Andijon shahar hokimi Bahrom Haydarovdir. U 2017 yildan 2019 yil oktabr oyiga qadar Andijon viloyati moliya boshqarmasi boshlig‘i lavozimida ishlagan davrida moliyaviy jinoyatlar sodir etganlikda gumonlanmoqda.
Hokim bir vaqtning o‘zida mahalliy kengash raisi bo‘lishi noto‘g‘ri — Sodiq Safoyev
Senat raisining birinchi o‘rinbosari Sodiq Safoyev hokimlarning bir vaqtning o‘zida ham ijro hokimiyati, ham vakillik hokimiyati rahbari bo‘lishi noto‘g‘riligini ta’kidladi. «Bu masalani Konstitutsiya bilan yechib qo‘yish kerak», dedi u. Uning ta’kidlashicha, amaldagi Konstitutsiya bilan barcha kutilgan o‘zgarishlarni amalga oshirishning imkoni yo‘q.
«O‘qishi uchun uring». Xatirchi tumani hokimi maktab o‘quvchilari bilan ishlash haqida
Navoiy viloyati Xatirchi tumani hokimi Sayfiddin Nizomov maktab o‘quvchilarini kerak bo‘lsa urish mumkinligini aytdi. Uning so‘zlariga ko‘ra, «avval o‘qituvchilar bolalarni kaltaklashgan va bu uni hozirgacha kelishiga yordam bergan». Tuman hokimligi matbuot xizmati «ijtimoiy tarmoqlarda vaziyat boshqacha talqin qilinganini» ma’lum qildi.
31 mart kuni O‘zbekistonda sodir bo‘lgan eng muhim xabarlar dayjesti
O‘zbekiston iqtisodiyotini qo‘llab-quvvatlash va tashqi xatarlarni yumshatish choralari, YPX xodimini suratga olishga qarshiligini aytgan Svetlana Artikova, Ramazon oyining boshlanishi, Urganchda quriladigan Al-Xorazmiy shaharchasi, valyuta bozorida keskin tebranishlarning oldini olish uchun zaxiralar yetarli ekanini ta’kidlagan Shavkat Mirziyoyev, tibbiyot xodimlarining hijob kiyishi bo‘yicha taqiq olib tashlangani va boshqalar — «Gazeta.uz» ning 31 martdagi eng muhim xabarlari dayjestida.
Prokuror o‘rinbosari Samarqand tumaniga hokim bo‘ldi
Samarqand viloyati prokurori o‘rinbosari bo‘lgan Sirojiddin Usmanov Samarqand tumaniga hokim etib tayinlandi.
Shamsiddin Turdaliyev Oltiariq tumaniga hokim bo‘ldi
Farg‘ona viloyatining Rishton tumani prokurori Shamsiddin Turdaliyev Oltiariq tumani hokimi etib tayinlandi. U mazkur lavozimda fevral boshida Toshkent viloyati hokimiga birinchi o‘rinbosar bo‘lgan Xolmirza Niyozovning o‘rnini egalladi.
Andijon shahar hokimi Bahrom Haydarov davlatga 1,7 mlrd so‘m zarar yetkazganlikda ayblanmoqda
Andijon shahar hokimi Bahrom Haydarov 8 ta holatda jami 19,6 ming kv. metr yer maydonini noqonuniy ajratish orqali davlat manfaatlariga 1 mlrd 779 mln so‘m zarar yetkazganlikda ayblanmoqda. Hokim bir vaqtning o‘zida deputat bo‘lganligi bois Andijon viloyati prokuraturasi uni daxlsizlik huquqidan mahrum qilish bo‘yicha Xalq depututlari Andijon viloyati kengashiga taqdimnoma kiritdi.
ENG KO‘P O‘QILGAN XABARLAR
- Toshkent viloyatida fuqaro qiynoq oqibatida vafot etdi, 2 nafar IIB xodimi hibsga olindi
- Toshkent viloyatida maktab o‘quvchisi kanalga cho‘kib ketdi
- Qashqadaryoda asrab olgan 13 yoshli qizini zo‘rlagan erkak 12 yilga qamaldi
- Uzbekistan Airways Qurbon hayiti munosabati bilan 50 foizlik chegirma e’lon qildi
- O‘zbekistonda hafta davomida harorat ko‘tarilib boradi
Qo‘shimcha imkoniyatlarga ega bulish uchun saytda ro‘yxatdan o‘ting