«ekologiya» tegli maqolalar
Sement ishlab chiqaruvchilarga imtiyozlar berildi. Buning atrof-muhit va inson salomatligiga ta’siri muhokama qilinishi kerak
Sement ishlab chiqaruvchilar uchun yer qa’ridan foydalanganlik solig‘i miqdori reja qilingani kabi 2 baravar emas, 4 baravarga pasaytirildi. Qaror iqtisodiy rag‘batlantirish deya izohlandi, ammo bu rag‘batning atrof-muhit va inson sog‘lig‘iga ta’siri atroflicha muhokama qilinmadi. “Gazeta.uz” masalani o‘rgandi.
“Muammo yaqin kelajakda dahshatli darajaga kelishi mumkin”. Iqlimshunos — Toshkent havosining ifloslanishi haqida
Iqlimshunos Erkin Abdulahatov Toshkent havosining ifloslanishi, iqlim o‘zgarishining qishloq xo‘jaligiga ta’siri va chang bo‘ronlariga qarshi kurash haqida gapirdi. “Havoning ifloslanishi O‘zbekistonda millionlab odamlar uchun xavf tug‘dirmoqda va bu tahdid geometrik progressiyada o‘sib boradi”, — dedi u.
Daraxt kesish holatlari davom etayotgani sabab Toshkent ekologiya boshqarmasi vakolatlari vaqtincha cheklandi
Poytaxtda moratoriy talablariga to‘liq rioya etilmayotgani va daraxt kesish holatlari davom etayotgani sabab Ekologiya vazirligi Toshkent shahar ekologiya boshqarmasi rahbar va xodimlariga xizmat tekshiruvi tayinladi. Shuningdek, 1-fevralgacha boshqarma vakolatlari cheklandi.
Qanday qilib plastmassadan voz kechish, suv tanqisligi bilan kurashish mumkin? O‘zbekistonlik tadbirkorlar ekologik toza biznes yechimlarni muhokama qiladi
Ishbilarmonlik uchrashuvida tadbirkorlar ekologik toza loyihalarni amalga oshirish bo‘yicha tajribalari haqida gapiradi. Asosiy mavzular: energiya inqirozi davrida yangicha isitish tizimlari va qishloq xo‘jaligida suvni tejash yo‘llari. Har kim o‘z eko-loyihalarini taqdim etishi va muhokama qilishi mumkin.
Atrofni ifloslantirgan korxona va tashkilotlar faoliyatini vaqtincha to‘xtatish taklif etildi
Qonunchilik palatasi qabul qilgan qonun loyihasiga ko‘ra, atrof tabiiy muhitni normativdan ortiq darajada ifloslantiruvchi korxonalar, tashkilotlar, inshootlar va boshqa obyektlar faoliyati o‘n ish kunidan ko‘p bo‘lmagan muddatga cheklanadi hamda to‘xtatib turiladi.
Yevropa Ittifoqi ekologik jinoyatlar uchun jazoni kuchaytiradi
Yevroparlament va Yevropa Ittifoqi davlatlari atrof-muhitga qarshi jinoyatlar ro‘yxatini kengaytirdi va ularga nisbatan jazo choralarini kuchaytirdi. Odamlar o‘limiga olib keladigan ekologik jinoyat uchun aybdorlar 10 yillik qamoq jazosiga hukm qilinadi.
O‘zbekiston Milliy gvardiyasi va IIO xodimlari ekologik reydlar o‘tkazishni boshladi
Ekologik huquqbuzarlarni jarimaga tortish vakolatiga ega bo‘lgan Milliy gvardiya va IIO, xususan, chiqindilarni noto‘g‘ri joyga tashlashning oldini olish maqsadida reydlar o‘tkazishni boshladi. Bunday huquqbuzarliklar haqida 1354 raqamiga qo‘ng‘iroq qilib yoki Tozalik loyihasi boti orqali ham xabar berish mumkin.
O‘zbekistonda bir yilda atmosferaga 874 ming tonna sanoat chiqindilari chiqarildi. Qayerdan?
2022-yil sanoat korxonalari havoga 874 ming tonna chiqindi chiqardi. Ularning katta qismi neft-gaz, energetika, metallurgiya korxonalari hisobiga to‘g‘ri keladi. Vazirlar Mahkamasi 2023-yilda 145 korxonada 723 ta chang-gazlarni tutib qolish uskunalarini ta’mirlab, tashlanmalarni kamaytirmoqchi.
Fanlar akademiyasi Botanika bog‘ining Toshkent hokimligiga berilishiga qarshi chiqdi
Fanlar akademiyasi Botanika bog‘ini Toshkent hokimligi tasarrufiga o‘tkazish to‘g‘risidagi hukumat qarori loyihasini “nihoyatda salbiy ruhda qabul qildi”. Tashkilot hujjatni ishlab chiquvchiga o‘z e’tirozlarini yubordi va Botanika bog‘ini ro‘yxatdan chiqarib tashlashni talab qildi.
Toshkent va Farg‘ona viloyatlarida 4 tup chinor kesib ketildi
Toshkent viloyatida 3 tup o‘sib turgan chinor kesib ketildi. Oqibatda tabiatga 148,7 mln so‘m zarar yetkazilgan. Holat yuzasidan jinoyat ishi qo‘zg‘atildi. Farg‘ona shahrida esa 1 tup ko‘p yillik chinor kesib tashlangan. Huquqbuzarlarni va zarar miqdorini aniqlash ishlari olib borilmoqda.
Toshkent viloyatida chiqindilarni 2-marta belgilanmagan joyga to‘kkan fuqaroning mashinasi musodara qilinmoqda
Toshkent tumanida fuqaroning yuk mashinasi musodara qilinadigan bo‘ldi. U bir necha kun oldin belgilanmagan joyga qurilish chiqindilarini to‘kib ketgani uchun 1 mln 650 ming so‘m jarimaga tortilganiga qaramay, bu harakatini qayta sodir etgan.
Ijobiy ekologik ekspertiza xulosasini olmagan obyektlar moliyalashtirilmaydi
O‘zbekistonda 1-noyabrdan boshlab ijobiy ekologik ekspertiza xulosasini olmagan obyektlarga nisbatan moliyalashtirish, kreditlash va boshqa moliya operatsiyalarini to‘xtatib turish mexanizmi joriy etiladi.
Toza havo hokimlarning asosiy vazifalaridan biri bo‘ladi — prezident
O‘zbekiston prezidenti hududlarni ko‘kalamzorlashtirish borasidagi ishlar sustligini tanqid qildi. Uning so‘zlariga ko‘ra, sug‘orish tizimi yo‘qligi sababli 10 mln nihol nobud bo‘lgan. U bundan buyon ekologik vaziyatni yaxshilash hokimlarning asosiy vazifalaridan biri bo‘lishini ta’kidladi.
Daraxtlar suvni qaytaradi. O‘zbekiston fermerlari va olimlari iqlim o‘zgarishi oqibatlariga qarshi qanday kurashyapti?
Sharofiddin Musayev har ko‘chatga yiliga atigi 17 litr suv sarflab, Kitobning qovjiragan adirlarida yong‘oqzorlar bunyod etadi. Qachonlardir bu joylar ko‘m-ko‘k o‘rmon edi, ammo aholi daraxtlarni o‘tin qilib yuborgan. Shunga qaramay, namliksiz ham daraxtlarni qaytarish mumkin. Sabina Bakayeva reportaji — shu haqda.
Qashqadaryoda Qizil kitobga kiritilgan 2532 tup kavrakka zarar yetkazildi
Dehqonobod tumanida O‘zbekiston Qizil kitobiga kiritilgan 2532 tup tojik kavragining ildizi kesildi. Zarar miqdori 1,2 mlrd so‘mdan ortiqni tashkil etgan. Bu yaqin orada Ekologiya vazirligi tomonidan qayd etilgan uchinchi holatdir.
Surxondaryoda g‘alladan bo‘shagan maydonlar yoqib yuborilishi sabab jami 106 mln so‘mlik zarar yetkazildi
Qumqo‘rg‘on tumanida bir qancha fermer xo‘jaliklari g‘alladan bo‘shagan yer maydonlarini yoqib yuborgani aniqlandi. Buning oqibatida tuproq unumdorligiga jami 106 mln so‘mlik zarar yetkazilgan. Yetkazilgan zarar huquqbuzarlardan undirilishi qayd etildi.
“Biz faqat dehqonchilik bilan kun ko‘radigan mamlakat bo‘lib qolmasligimiz kerak” — prezident
O‘zbekiston ekologiya va atrof-muhitini asrash, suv taqchilligining oldini olish dolzarb vazifa bo‘lib qoladi, dedi prezident. U, shuningdek, O‘zbekiston faqat dehqonchilik bilan kun ko‘radigan mamlakat bo‘lib qolmasligi kerakligini ta’kidladi.
Milliy gvardiya va ichki ishlar organlariga ekologik huquqbuzarlik uchun aybdorlarni javobgarlikka tortish vakolati berildi
Prezident imzolagan qonun bilan Ma’muriy javobgarlik to‘g‘risidagi kodeksga ekologiya va atrof-muhitni muhofaza qilish sohasida huquqbuzarliklar sodir etgan shaxslarni ma’muriy javobgarlikka tortish bo‘yicha Milliy gvardiya va ichki ishlar organlariga vakolatlar berishni nazarda tutuvchi o‘zgartishlar kiritildi.
Jahonning turli mamlakatlarida daraxtni noqonuniy kesganlar qanday jazolanadi?
Shoxlarni beruxsat kesganga jarima, daraxtlarni yo‘q qilganga 10 yil qamoq yoki 8 mln dollar, zararni qoplash uchun 10 yil davomida ko‘chat ekish va parvarishlash majburiyati. “Gazeta.uz” AQSh, Yevropa va Rossiyada daraxtzorlarni yo‘q qilganlik uchun jazolarni o‘rgandi va ularni O‘zbekistondagilari bilan taqqosladi.
Yengil atletikachi Andrey Kulikov Orol dengizining qurigan tubi bo‘ylab 42 km masofaga yugurdi
Yengil atletikachi Andrey Kulikov Orol dengizining qurigan tubi bo‘ylab marafon masofasini 4 soatu 9 daqiqada bosib o‘tdi. Bunday yugurish birinchi marta bo‘lib o‘tdi. “Orol dengizi ekologik fojiasining halokatli ko‘lamini chinakam his qilish uchun bu yerga tashrif buyurish kerak”, — dedi u.
Eng ko‘p o‘qilgan xabarlar | So‘nggi yangiliklar
- Toshkentdagi bog‘chada bolalarni qo‘rqitib, qo‘pollik qilgan tarbiyachi ishdan olindi
- Toshkentda bir yoshli qizning ustiga daraxt qulashiga nima sabab bo‘ldi?
- “Men buni eshitmadim”. Energetika vaziri — “O‘ztransgaz”ning ishonchli boshqaruvga berilgani yo yo‘qligi haqida
- Rossiya IIV Zelenskiyni qidiruvga berdi
- Namangan viloyatida kuchsiz zilzila sodir bo‘ldi
Qo‘shimcha imkoniyatlarga ega bulish uchun saytda ro‘yxatdan o‘ting