«davlat xaridlari» tegli maqolalar
Buxorodagi budjet tashkiloti ikki yil ichida 65 mlrd so‘mlik xaridlarni tendersiz amalga oshirdi
Buxoroda budjet tashkiloti qariyb 65 mlrd so‘m miqdoridagi xaridlarni tendersiz amalga oshirgani aniqlandi. Monopoliyaga qarshi kurashish qo‘mitasi «Raqobat to‘g‘risida"gi qonunni buzganlik uchun ish ochdi.
Toshkent viloyati hokimligi hokim o‘rinbosarlari uchun Malibu va Tracker sotib oldi
Toshkent viloyati hokimligi «o‘z faoliyatini samarali amalga oshirish va hududlarda tegishli ishlarni tashkil etish uchun» hokim o‘rinbosarlariga Chevrolet Malibu va Tracker avtomashinalarini sotib oldi.
29,5 mlrd so‘mlik davlat xaridlari bo‘yicha ishlar tenderlar g‘oliblari aniqlanmasdan boshlab yuborilgan
Antikorrupsiya agentligi O‘zbekistonning bir nechta hududlarida davlat xaridlari bo‘yicha qonun buzilishi holatlarini aniqladi. Qoraqalpog‘iston Respublikasida 63,6 mlrd so‘mlik davlat xaridlari bo‘yicha tenderlar qonunga zid ravishda e’lon qilingan. Bundan tashqari, qator hududlarda 29,5 mlrd so‘mlik davlat xaridlari bo‘yicha tenderlarning g‘olibi aniqlamay turib, qurilish va ta’mirlash ishlari boshlab yuborilgan yoki tugatilgan.
Qashqadaryoda 10,4 mlrd so‘mlik davlat xaridlariga oid ish va xizmatlar shartnomasiz bajarilayotganligi aniqlandi
Antikorrupsiya agentligining Qashqadaryo viloyatida o‘tkazgan o‘rganishlari natijasida davlat xaridlariga oid amaldagi e’lonlar bo‘yicha 32 ta holatda 10,4 mlrd so‘mlik ish va xizmatlar hali shartnomalar tuzilmasdan pudratchilar tomonidan boshlab yuborilganligi aniqlandi. E’lon muddati hali tugamagan ba’zi ishlar 100 foiz bajarilgan.
Prezident Olimpiada uchun sportchilarning kiyimlari va anjomlarini tendersiz sotib olishga ruxsat berdi
Prezident farmoni bilan Olimpiya va Paralimpiya o‘yinlariga tayyorgarlik ko‘rish jarayonida sport anjomlari va delegatsiya formasini, jihozlarini sotib olish bo‘yicha shartnomalar, shuningdek sport bazalarini ijaraga berish shartnomalarini elektron savdolar va tanlovlarsiz to‘g‘ridan-to‘g‘ri tuzishga ruxsat berildi. Bundan tashqari, e’lonlarni davlat xaridlari portalida joylashtirmaslikka ham ruxsat beriladi.
“Soya-salqin joyga bir oz muddatga ko‘chirib turilgan”. Andijon viloyati hokimligi yuk mashinasiga ortilgan daraxtlar va butalar haqida
Ijtimoiy tarmoq foydalanuvchisining ta’kidlashicha, prezidentning Andijon viloyatiga tashrifi oldidan yo‘llar bo‘ylab ekilgan butalar “qaytarib olingan”. Viloyat hokimligi obodonlashtirish ishlari davomida butalarni vaqtincha salqin joyga ko‘chirganliklari haqida xabar berdi. “Gazeta.uz"ning aniqlashicha, Shavkat Mirziyoyev tashrifidan bir necha kun oldin Obodonlashtirish boshqarmasi 50 ming katarantus gullari hamda 180 dan ortiq daraxt va butalarni sotib olgan.
Ikki oy ichida 100 mlrd so‘mlik davlat xaridlari tanlovlarida qonun buzilgan — Antikorrupsiya agentligi
Korrupsiyaga qarshi kurashish agentligi tomonidan davlat xaridlariga oid e’lonlar bo‘yicha o‘tkazilgan monitoringda may-iyun oylarida 101,5 mlrd so‘m miqdoridagi 324 ta tanlovda qonun buzilish holatlari aniqlandi. Byudjet buyurtmachilarining 101,5 mlrd so‘mlik 324 ta tanlovini bekor qilish haqida vazirlik va idoralarga 268 ta taqdimnoma kiritildi.
Buxorodagi byudjet tashkilotlaridan biri deyarli 65 mlrd so‘mlik davlat xaridlarini tendersiz amalga oshirgan
Monopoliyaga qarshi kurash qo‘mitasi «Buxoro yo‘llardan muntazam foydalanish» unitar korxonasi 2019 yilda 31,4 mlrd va 2020 yilda 33,4 mlrd so‘mlik davlat xaridlarini auksion va tendersiz amalga oshirganligini aniqladi.
«Xalqaro nufuzga loyiq bo‘lishi shart». Mudofaa vazirligi 30 mlnlik ruchkalar haqida
Mudofaa vazirligi 30 mln so‘mlik ikkita oltin ruchka xaridi haqidagi xabarga munosabat bildirdi. Unda aytilishicha, vazirlikning kanselyariya jihozlarini yangilashga ehtiyoj paydo bo‘lgan. «Xalqaro tadbirlarda qo‘llaniladigan ashyolar xalqaro nufuzga loyiq darajada bo‘lishi shart, deya hisoblanadi», deyiladi vazirlik xabarida. Bunga qadar, vazirlik vakili anglashilmovchilik bo‘lgani va vazirlik 15 mln so‘mga tilla ruchka olishday dabdabaga o‘ch emasligini aytgandi.
Sud raislari uchun 10,1 mlrd so‘mga Kodiaq va Malibu avtomobillari xarid qilindi
Viloyat sudlari raislari uchun 26 ta Skoda Kodiaq va 3 ta Malibu avtomobillari xarid qilindi. Avtomobillar narxi 10,1 mlrd so‘mga teng deya baholanmoqda. Oliy sudning izohlashicha, oldingi xizmat avtomobillarining «yaroqlilik muddati o‘tgan, shuningdek ular ma’naviy va jismoniy jihatdan ham eskirgan».
Mudofaa vazirligi 30 mln so‘mga ikki dona tilla ruchka sotib olishni rejalashtirmoqda
Mudofaa vazirligi 30 mln so‘mga ikkita oltindan ishlangan qalam sotib olishni rejalashtirmoqda. Avval ham premium toifadagi ish yuritish materiallari sotib olingan. Bunga misol qilib, Buxoro viloyati hokimligi huzuridagi rasmiy delegatsiyalarni qabul qilish uyi va prezident administratsiyasi ma’muriy bo‘limi davlat qarorgohlari direksiyasi amalga oshirgan xaridlarni olish mumkin.
«Trest-12» tendersiz Qonunchilik palatasi binosini ta’mirlaydi
Qonunchilik palatasi binosining tashqi ko‘rinishi rekonstruksiya qilish va binoni joriy ta’mirlash uchun 16,54 mlrd so‘m ajratish reja qilingan. Pudratchi sifatida «Trest-12» (aksionerlari orasida qurilish vazirining o‘g‘li va rafiqasi borligi haqida yozgan edik) ishtirok etmoqda. Hukumat buyrug‘i bilan loyihani tendersiz amalga oshirish va parallel ravishda loyihalashtirishga ruxsat berilgan.
Madaniyat vazirligi musiqa asboblarini bozor narxidan deyarli 800 mln so‘m qimmatroqqa sotib olgan
Madaniyat vazirligi mansabdorlari tadbirkorlik sub’ektini asossiz ravishda tanlovda g‘olib sifatida ko‘rsatganligi natijasida, musiqa asboblarini haqiqiy bozor bahosidan 792,2 mln so‘mga qimmat narxda sotib olgan. Holat yuzasidan jinoyat ishi qo‘zg‘atilib, tergov harakatlari o‘tkazilmoqda.
Ichki ishlar vazirligi deyarli 48,5 mlrd so‘mga avtozaklar va boshqa transport vositalarini sotib oldi
Yil boshidan buyon IIV davlat xaridlari doirasida 48,5 mlrd so‘mga 50 ta avtozak, 16 ta tentli yuk mashinasi, 30 ta avtobus va boshqa transport vositalarini sotib oldi.
Jizzaxda hokimning qiziga tegishli kompaniyaning 2 mlrd so‘mlik loyihalarni qo‘lga kiritgani o‘rganilmoqda
Korrupsiyaga qarshi kurashish agentligi Jizzax viloyatida ta’sischilari orasida viloyat hokimining qizi ham bo‘lgan kompaniya ko‘chalarni ko‘kalamzorlashtirish bo‘yicha ikkita tanlovda g‘olib chiqqani bilan bog‘liq holatni o‘rganishini ma’lum qildi.
«Bu mening avtomobilim, degan tushuncha oddiy hol bo‘lib qolgan» — Akmal Burxonov xizmat mashinalari haqida
Korrupsiyaga qarshi kurashish agentligi rahbari Akmal Burxonov davlat xizmatchilarining xizmat mashinalaridan shaxsiy va oilaviy maqsadlarda foydalanishi odatiy holga aylanganini ta’kidladi. U hokimlar tomonidan byudjet mablag‘lari hisobidan qimmat mashinalarni sotib olish holatlari oz emas, o‘nlab yuz berganini ma’lum qildi.
Bosh prokuratura Trailblazer sotib olinganini rad etdi
Bosh prokuratura UzAuto Motors`dan Lacetti, Equinox va Trailblazer sotib olgani haqidagi xabarlarga izoh berar ekan, Trailblazer sotib olinganini rad etdi. Shuningdek, ushbu avtomobillar qanday maqsadlarda va qaysi manbalar hisobiga olinganini oshkor qildi.
Davlat tadbiri mehmonlarini ovqatlantirish uchun qariyb 1,5 mlrd so‘m sarflangan
24 yanvar kuni prezidentning parlamentga yo‘llagan murojaatnomasiga bag‘ishlangan tadbirni Xalqaro kongress markazida tashkillashtirish uchun 1,76 mlrd so‘m sarflangan. Xarajatlarning katta qismi — deyarli 1,5 mlrd so‘mi mehmonlarni ovqatlantirishga to‘g‘ri kelmoqda.
Pillachilik qo‘mitasi bir qancha avtomobil, jumladan Chevrolet Tahoe va Malibu xarid qildi
Yangi tashkil etilgan Pillachilik va qorako‘lchilikni rivojlantirish qo‘mitasi davlat xaridlari doirasida 1,5 mlrd so‘mga Chevrolet Tahoe, ikkita Malibu va Lacetti sotib oldi.
Jizzaxda tuman hokimi uchun Trailblazer xizmat mashinasi sotib olindi
Zarbdor tumani hokimligida mahalla ishlari bo‘yicha hokim o‘rinbosariga avtomobil yetishmagan. Keyin tuman rahbari birinchi o‘rinbosariga o‘zining Captiva avtomashinasini bergan va o‘z navbatida u Lacetti rusumli xizmat avtomobilini hokimning mahalla ishlari bo‘yicha o‘rinbosariga topshirgan. Hokimning o‘zi uchun esa 370 mln so‘m evaziga Trailblazer sotib olingan.
Eng ko‘p o‘qilgan xabarlar | So‘nggi yangiliklar
- UzAuto Motors Gentra, Damas va Labo uchun kontraktatsiyani ochadi
- Samarqandda o‘quvchi qizga shilqimlik qilgan o‘qituvchi 3 sutkaga qamaldi
- Haftaning ikkinchi yarmi yomg‘irli o‘tadi
- Sirdaryoda o‘quvchilari sinfda klip tomosha qilgan maktab rahbariyati ishdan olindi
- Gaz va elektr tariflarining oshishi inflyatsiyaga qanday ta’sir qiladi?
Qo‘shimcha imkoniyatlarga ega bulish uchun saytda ro‘yxatdan o‘ting