«daraxtlar kesilishi» tegli maqolalar
Qashqadaryoda fuqaro 21 tup qayrag‘ochni kesib tashladi
Kitob tumanida fuqaro 21 tup qayrag‘och daraxtini noqonuniy ravishda kesib tashlagani aniqlandi. Holat bo‘yicha 180 mln 840 ming so‘m zarar belgilandi.
Toshkent “skver"iga marsiya. Guvohlar ko‘rsatmasi
Roppa-rosa 14 yil avval Toshkentning Amir Temur xiyobonida daraxtlarni kesish boshlangan edi. “Gazeta.uz” guvohlar bilan “skver qirg‘ini” haqida gaplashdi va rasmiylar buni qanday izohlaganiga doir OAVdagi chiqishlar arxivini o‘rgandi.
Toshkent viloyatidagi dendroparkda noqonuniy binolar qurilgani va qimmatbaho daraxtlar kesilgani bo‘yicha jinoyat ishi qo‘zg‘atildi
O‘zbekiston Bosh prokuraturasi Toshkent viloyatida dendroparkda 2017-yildan buyon qator obyektlar noqonuniy qurilgani va qimmatbaho daraxtlar kesilgani holati bo‘yicha jinoyat ishi qo‘zg‘atdi. O‘rmon xo‘jaligi agentligi, “Darxon” stansiyasi, Toshkent tumani hokimligi xodimlari va boshqalarga qarshi ish qo‘zg‘atilgan.
Samarqandda 9 tup qayrag‘och daraxtini kesganlarga jinoyat ishi qo‘zg‘atildi
Bulung‘ur tumanida 9 tup sog‘lom va 1 tup qurigan qayrag‘och daraxtini kesgan fuqarolarga jinoyat ishi qo‘zg‘atildi. Huquqbuzarlik oqibatida tabiatga 744,6 mln so‘m zarar yetgan.
Toshkentda 171-maktab hovlisidagi o‘nlab daraxtlar kesib tashlandi
Mirzo Ulug‘bek tumanida joylashgan 171-maktab hovlisidagi o‘nlab daraxtlar kesib tashlandi. Ekologiya vazirligi, shahar va tumanlar hokimliklari vaziyatni o‘rganmoqda. Xabar qilinishicha, daraxtlar maktab yonida joylashgan garaj xo‘jaligi vakili tomonidan kesib tashlangan.
Respublika xirurgiya markazida daraxtlar kesilgani sababli xo‘jalik mudiridan 35 mln so‘m undiriladigan bo‘ldi
Vohidov nomidagi respublika xirurgiya markazida daraxtlarga zarar yetkazilgani aniqlandi. Shu sababli xo‘jalik mudiri 3 mln 300 ming so‘m miqdorida jarimaga tortilib, undan umumiy hisobda 34,9 mln so‘m undirilishi belgilandi.
Toshkent viloyatida 60 tupga yaqin daraxt kesib tashlandi
Toshkent viloyatining Krasnogorsk qishlog‘ida bir nechta mahalla fuqarolar yig‘ini hududidagi 57 tup sog‘lom ko‘p yillik daraxt kesib ketildi. oktabr oyida tuman obodonlashtirish bo‘limi 73 ta qurib qolgan yoki qurib qolgan daraxtni kesish uchun DXAdan ruxsat so‘ragan. Quyi Chirchiqda ham 7 tup daraxt kesildi.
Yashnobodda 16 ta daraxt noqonuniy kesib tashlandi, yetkazilgan zarar 3,5 mlrd so‘mga baholanmoqda
Toshkentda Assalom Havo turar joy majmuasi qurilishi rejalashtirilgan maydonda 16 ta daraxt noqonuniy kesib tashlangan. obyekt quruvchisi sifatida Yangi Zamon Bino kompaniyasi ko‘rsatilgan, uning hammuassislaridan biri — «O‘zbekiston temir yo‘llari»dir. Yetkazilgan zarar 3,5 mlrd so‘mga baholanmoqda.
Sentabr oyida “Yangi O‘zbekiston” bog‘i ro‘parasida 500 dan ortiq daraxt yonib ketdi
7-sentabr kuni Toshkentdagi “Yangi O‘zbekiston” bog‘i ro‘parasida 500 dan ortiq mevali daraxt yonib ketdi. Prokuratura jinoiy ish ochgan.
Toshkentda 5 ming daraxt kesilish xavfi ostida — deputat
Deputat Rasul Kusherbayev tadbirkorlarga ajratilgan hududlardagi devorlar bilan o‘ralgan 5 mingta daraxt kesilish xavfi ostida ekanini ma’lum qildi. U moratoriyga rioya etilmayotgani bois hokimlarning bunday yer uchastkalarini ajratish to‘g‘risida qarorlarini bekor qilishga chaqirdi.
«Yunusoboddagi daraxtlar kesilmaydi, tamom» — Adliya vaziri
Adliya vaziri uch marta suiqasd uyushtirilgan Yunusoboddagi daraxtlar muammosi yuzasidan fikr bildirib, moratoriyga barcha amal qilishi shartligini aytdi. «Yunusoboddagi daraxtlar kesilmaydi, tamom… Siz uni qaysi maqsadda olgan bo‘lsangiz ham tegina olmaysiz. Tegsangiz siz jinoyat qilgan bo‘lasiz», — dedi Ruslanbek Davletov. Bunga Davlat ekologiya qo‘mitasi mas’ulligi, qolaversa, prokuratura organlari ham nazorat o‘rnatishi lozimligi qo‘shimcha qilindi.
Ikki marta suiqasd uyushtirilgan daraxtlar bu safar betonlab ketildi
Poytaxtning Yunusobod tumanida tadbirkor qurilish uchun sotib olgan yer uchastkasida o‘sayotgan daraxtlarni tag qismidan betonlab tashladi. Bunga qadar 10 ta daraxt yarmigacha, keyinchalik ularning 4 tasi to‘liqligicha kesib ketilgandi. Daraxtlarni himoya qilishga uringan aholi va tadbirkor o‘rtasida mojaro kelib chiqdi.
Andijondagi qimmatbaho 12 tup daraxt noqonuniy kesilgan — Ekoqo‘mita
Andijon shahar perinatal markazi hududida qimmatbaho daraxt navlari ro‘yxatiga kiritilgan 12 tup Eldor qarag‘aylari noqonuniy ravishda kesilgan. Davlat ekologiya qo‘mitasi buning natijasida o‘simlik dunyosiga ko‘p miqdorda zarar yetkazilgan deb baholab, hujjatlar huquqni muhofaza qilish organlariga taqdim etilishini ma’lum qildi.
Yunusuboddagi daraxtlarga ikkinchi marta suiqasd uyushtirildi
Toshkentda niqobdagi noma’lum shaxslar dekabr oyidan buyon ikkinchi marta archa daraxtlarini kesib tashlashga urinishdi. Uchastkani auksionda sotib olgan tadbirkor daraxtlarning ko‘chirilishiga rad javobini bergan ekologlar ustidan shikoyat qildi.
Bosh prokuratura 1,89 mlrd so‘mlik jarima Ekoqo‘m hisobiga o‘tkazilmayotganiga izoh berdi
Bosh prokuratura Toshkentda kesib tashlangan daraxtlar uchun to‘langan 1,8 mlrd so‘m miqdoridagi jarima puli Ekologiya qo‘mitasiga o‘tkazib berilmayotgani bo‘yicha izoh berdi. Bunga dastlabki tergov to‘xtatib qo‘yilgani sabab qilib ko‘rsatdi. Ayni damda tergov jarayoni qayta tiklangan.
Prokuratura kesilgan daraxtzor uchun to‘langan 1,89 mlrd so‘mni Ekoqo‘mga o‘tkazmadi — deputat
2020 yil fevral oyida Toshkent shahar prokuraturasi tomonidan poytaxtning Yakkasaroy tumanidagi 81 tup daraxt kesilgani uchun quruvchidan qariyb 2 milliard so‘m undirilgan edi. Departament bu pullarni Ekologiya davlat qo‘mitasiga o‘tkazishi kerak edi, biroq haligacha o‘z hisobida saqlab kelmoqda. Bu haqda deputat Rasul Kusherbayev ma’lum qildi. Biroz vaqt o‘tgach, u o‘z postini o‘chirib tashladi.
Bo‘stonliq tumanida 56 tup daraxt kesib tashlandi
Toshkent viloyati Bo‘stonliq tumanida 56 tup daraxt noqonuniy ravishda kesilganligi aniqlandi. Ushbu hatta-harakat natijasida o‘simlik dunyosiga 288 mln 792 ming so‘m miqdorda zarar yetkazilgan. Holat yuzasidan jinoyat ishi qo‘zg‘atildi.
Balki, yetar endi?
O‘zbekiston shahar va qishloqlarini chang-to‘zonli tuman qopladi. Bunday paytda ochiq havoda bo‘lish sog‘liq uchun xatarlidir. Ayni paytda mamlakatdagi daraxtlar va yashil bog‘lar, dalalar, ko‘l va daryolar najot so‘rab iltijo qilmoqda. Agar ularning gapirishga zaboni bo‘lganida, bizga nima degan bo‘lishardi? Botir Qobilov ruknida shu haqda hikoya qilinadi.
Sirdaryoda tuman hokimi 860 dan ortiq daraxtni kesishga ruxsat berdi
Sirdaryo viloyatining Boyovut tumani hokimi Dilfuza O‘rolova bir kunning o‘zida (4 oktabr) 866 tup daraxtni kesishga oid 12 ta qarorni imzoladi. Daraxtlar zararkunandalar va iqlim ta’siri oqibatida qurib qolgani sabab qilib ko‘rsatilgan. Holat yuzasidan tuman hokimligi va Davlat ekologiya qo‘mitasi munosabat bildirdi.
«Qing‘irlikning hidi kelyapti» — Ekopartiya rahbari daraxtlarning yashirincha kesilishi haqida
Ekopartiya rahbari va prezidentlikka nomzod Narzullo Oblomurodov turli xil bahonalar bilan va aholini ogohlantirmasdan daraxtlarning kesilayotganligini tanqid qildi. U daraxtlar kesilishi yo boshqa joyga ko‘chirilishi bilan bog‘liq holatlarda jamoatchilik muhokamasini o‘tkazish amaliyotini yo‘lga qo‘yishga chaqirdi. 17 sentabr kuni Sirdaryoda «salomatlik yo‘lakchalari»ni qurish uchun 13 ta daraxt qo‘porilgan edi.
ENG KO‘P O‘QILGAN XABARLAR
- Toshkentda “Saidaziz medgorodok” laqabi bilan tanilgan Saidaziz Saidaliyev qo‘lga olindi
- O‘zbekiston terma jamoasi FIFA reytingidagi o‘rnini yaxshiladi
- Nima tayyorlaymiz: Shokoladli pishiriqlar
- Bloger Olimjon Haydarov 8 yilga ozodlikdan mahrum qilindi
- Milliy gvardiyaning Toshkent shahar bo‘yicha boshqarma boshlig‘i ishdan olindi
Qo‘shimcha imkoniyatlarga ega bulish uchun saytda ro‘yxatdan o‘ting