Toshkentga Xitoyda ishlab chiqarilgan 233 ta avtobus va elektrobus keltirildi. Shundan 203 tasi Yutong elektrobus va avtobuslari, 30 tasi esa o‘ta katta sig‘imli (18 metrli) King Long avtobuslaridir.
O‘zbekiston prezidenti 1 aprelgacha Toshkentga 1000 ta avtobus olib kelinishini ma’lum qildi (avvalroq 1 martgacha ekani aytilgandi). Shuningdek, joriy yilda 25 ta ko‘chada jamoat transporti uchun ajratilgan yo‘laklar, 20 ta ko‘chada pullik to‘xtash joylari paydo bo‘ladi.
Shavkat Mirziyoyev viloyatlar hokimlariga Transport vazirligi va Transport universiteti bilan birgalikda 1 iyulga qadar barcha viloyat markazlarining Transport bosh rejasini ishlab chiqish bo‘yicha topshiriq berdi. Bunda aholi orasida alohida so‘rov o‘tkazib, ularning fikrlari olinadi.
Toshkentda «7-avtobus saroyi»ga tegishli 94-sonli yo‘nalishdagi avtobusni singan orqa oynalari skotchlangan holda yo‘lga chiqargan mexanik ishdan bo‘shatildi. Saroy bosh muhandisiga xayfsan berildi.
Jizzax shahrida avtobusni yo‘lovchilarsiz boshqargan haydovchi uxlab qolib, «zapravka»da navbat kutib turgan 7 ta mashinaga borib urildi. YTH oqibatida bir haydovchiga tibbiy yordam ko‘rsatildi.
Havo harorati ertalab -24 darajagacha pasaygani sababli Toshkent shahrida MAN rusumli gazda harakatlanuvchi 40 ta avtobus yo‘nalishlarga chiqa olmadi. Ular kamroq sig‘imli harakatlanuvchi tarkiblar bilan almashtirildi. «Toshshahartransxizmat» rahbari «Gazeta.uz» ga bunga nima sabab bo‘lganini ma’lum qildi.
Toshkentda 4 yanvar kuni MAN A22 CNG avtobuslarining navbatdagi 16 donasi foydalanish uchun topshirilgandi. Yangi avtobuslar 6 ta yo‘nalishda harakatlanish uchun qatnovga chiqarildi.
“Toshshahartransxizmat” poytaxtda 31-dekabr — Yangi yil bayrami kuni avtobuslar soat 00:00 gacha harakatlanishini ma’lum qildi. Qolaversa, 2-yanvarda yakshanba kunlari uchun tasdiqlangan jadval asosida, 3-yanvarda esa shanba kunlari uchun tasdiqlangan jadval asosida harakatlanadi.
Toshkent shahridagi 220 dan ortiq avtobuslarni joriy va kapital ta’mirlash uchun 5 mlrd so‘m ajratildi. Ma’lum bo‘lishicha, 175 ta avtobus keyingi faoliyatga yaroqsiz deb topilgan va ular hisobdan chiqariladi.
Bir yil avval poytaxt avtobuslarida tegajoqlikka qarshi kampaniya boshlangandi, bugun esa undan faqat chiptalardagi targ‘ibot qolgan, xolos. Tashkilotchilar loyiha davom etishi lozimligini, «Toshshahartransxizmat» esa takliflarga ochiqligini aytmoqda. Faqat «buning moliyaviy tarafi ham inobatga olinishi kerak».
Prezident topshirig‘iga asosan «Toshshahartransxizmat» avtobus haydovchilari 2022 yilning dekabr oyidan boshlab kamida 5−6 mln so‘m miqdorida oylik maoshi olishini ma’lum qildi.
Mirzo Ulug‘bek tumanida ikki yo‘lovchi tashuvchi avtobus ishtirokida yo‘l-transport hodisasi sodir bo‘ldi. Oqibatda ikki nafar yo‘lovchi tan jarohat oldi.
Shavkat Mirziyoyev poytaxtda jamoat transportidan foydalanadigan 1,3 mln yo‘lovchi uchun avtobuslar yetishmayotganini tanqid qildi. Prezident eng og‘ir yo‘nalishlarga qisqa muddatda qo‘shimcha avtobuslar qo‘yish hamda haydovchilarning oylik maoshlarini oshirish bo‘yicha ko‘rsatma berdi.
Poytaxtda havo sovuq, qor yog‘ib, avtomobil yo‘llarida muzlamalar hosil bo‘lgan. «Toshshahartransxizmat» AJ haydovchilardan zarur bo‘lmasa shaxsiy mashinada yurmaslikni so‘radi. Piyodalar yo‘ldan kesib o‘tayotganda ehtiyot bo‘lishi aytildi. Ayrim avtobuslarning kelish vaqti ham cho‘zilishi mumkin.
Toshkentda shanba kuni «TTZ — Mashinasozlar» ekspress-yo‘nalishi bo‘ylab harakatlanuvchi Mercedes-Benz Conecto Low Floor rusumli avtobusda yong‘in chiqdi. Ushbu yo‘nalish bo‘ylab harakatlar uch kun avval boshlangan edi. Hodisa oqibatida jarohatlanganlar yo‘q.
Samarqandning Mirzo Ulug‘bek ko‘chasida avtobus haydovchilari janjallashib qoldi. Haydovchilardan biri harakatni boshlagan avtobus yon oynasiga osilib oldi. Oqibatda u avtobus tagiga yiqilib, vafot etdi.
Toshkentdagi avtobuslarning 54% yo‘lovchilari yo‘lkirani naqd shaklda to‘lashda davom etmoqda. Metroda esa bu raqam 61%ni tashkil qilmoqda. «Gazeta.uz» nima uchun odamlar naqd pulsiz to‘lov shakliga o‘tishni istamasligi va muammoni qanday hal etish mumkinligini o‘rganishga harakat qildi.
Toshkent shahriga 2022 yil oxirigacha 190 dona MAN rusumli avtobuslar olib kelinadi. Sotib olingan avtobuslar ishlab turgan avtobuslar qatoriga kiritiladi va kam sig‘imli ISUZU larning o‘rnini egallaydi.
Qozog‘istonning Turkiston viloyatida «Toshkent — Bishkek» avtobusi yo‘ldan chiqib ketdi. 12 kishi og‘ir yaralangan.
Sirdaryoning Oqoltin tumanida Xorazm viloyati Bog‘ot tumanidagi avtomaktabga tegishli «Isuzu» avtobusining gaz balloni portladi. Dastlabki ma’lumotlarga ko‘ra, 6 kishi voqea joyida vafot etgan va 15 kishi jarohatlangan.
Qo‘shimcha imkoniyatlarga ega bulish uchun saytda ro‘yxatdan o‘ting