1 aprelga qadar Toshkentga qo‘shimcha 1 mingta avtobus olib kelinadi. Bu haqda O‘zbekiston prezidenti Shavkat Mirziyoyev chorshanba kuni poytaxtdagi yig‘ilishda xabar qildi. Avvalroq esa davlat rahbari bosh vazir Abdulla Aripovga 1 martga qadar shu sondagi zamonaviy avtobuslarni xarid qilish bo‘yicha topshiriq berganini ma’lum qilgan edi. Bundan tashqari, respublika hududlari uchun 1000 ta avtobus xarid qilish rejalashtirilgan.
Shahar jamoat transporti uchun ajratilgan yo‘laklarni yaratishda davom etadi — ular 25 ta ko‘chada paydo bo‘lishi kerak, dedi prezident. Yanvar oyida bo‘lib o‘tgan yig‘ilishda u Toshkentning 73 ta ko‘chasida jami «ajratilgan maydonlar» tashkil etish rejalashtirilganini aytdi.
Yil oxirigacha 233 ta chorrahada yo‘lovchilar oqimiga qarab svetoforni boshqarish tizimi joriy etiladi.
20 ta oqim yuqori ko‘chalarda (avval 10 ta ekani aytilgandi) xususiy sheriklik asosida jami 10 ming o‘rinli parkomatlar tashkil qilinadi.
Chilonzor, Yunusobod va Yashnobod tumanlaridagi shaharga olib kiruvchi 6 ta metro bekati atrofida avtoturargohlar tashkil qilinib, tayyor biznes sifatida auksionga chiqariladi.
Eslatib o‘tamiz, shu kuni prezident Qo‘yliq metropolitenining yangi uchastkasi bo‘ylab harakatlandi.
