Aerodromdagi shartli favqulodda vaziyat oqibatlarini bartaraf etish bo‘yicha mashg‘ulotlarga Toshkent aeroportining 13 ta xizmati — 117 xodim, 47 ta texnika va Tu-154 o‘quv samolyoti jalb etildi. Fotosurat.
Poytaxt hokimiyati Toshkent aeroportiga tutash hududlarni Uzbekistan Airports balansiga o‘tkazadi. Kompaniya rahbari Ra’no Jo‘rayeva avvalroq, bu aeroport vokzaloldi maydonda o‘z loyihasi va rejasini amalga oshirish uchun zarurligini ta’kidlagandi.
Uzbekistan Airports Toshkent xalqaro aeroportining uchib ketish terminalida yangi «Fast Track» xizmati ishga tushirilganini ma’lum qildi. 170 ming so‘m evaziga reysga ro‘yxatdan o‘tish, bojxona va pasport nazorati, shuningdek, parvoz oldidan tekshiruvlardan navbatsiz o‘tish mumkin.
Qarshi xalqaro aeroportida rekonstruksiya ishlari olib borilmoqda: terminalning o‘tkazuvchanlik quvvati ikki baravarga oshiriladi, yangi bagaj tasmalari hamda elektron tarozilar o‘rnatiladi, yo‘lovchilar uchun qulayliklar yaratiladi.
O‘zbekistonga ko‘chib o‘tmoqchi bo‘lgan IT-kompaniyalar uchun yaratilgan sharoitlar, sotuvga qo‘yilgan MOBIUZ va Tashkent City, 1 apreldan to‘liq ishga tushadigan Samarqand aeroporti, tugayotgan yomg‘ir mavsumi, Toshkent va Olmaota o‘rtasida yo‘lga qo‘yilgan poyezd qatnovi, 2030 yilgacha vazirlik va idoralar xizmat mashinalarini elektromobilga almashtirish taklifi va boshqalar — «Gazeta.uz» ning 24 martdagi eng muhim xabarlari dayjestida.
Toshkent xalqaro aeroportida qo‘shni davlat fuqarosi tamaqi qutilari ichiga 27,3 ming dollar va 1,8 mln rublni yashirgan holda O‘zbekistondan Istanbulga olib chiqib ketmoqchi bo‘lganida qo‘lga olindi.
Ukraina atrofidagi vaziyat keskinlashgani munosabati bilan Rossiya janubidagi 12 ta aeroport faoliyati 2 martga qadar to‘xtatildi. RF Ukraina bilan chegara hududlarining havo kengliklari fuqaro aviatsiyasi uchun yopilganini e’lon qildi.
Hukumat qaroriga asosan O‘zbekiston aeroportlarida aviaspottingga rasman ruxsat berildi. «Agar ilgari aeroportdan kilometr uzoqlikda turib ham samolyotlarni suratga olish taqiqlangan bo‘lsa, endi aeroportlar eshiklarini ochib, do‘stona munosabatda bo‘ladi», — dedi Uzbekistan Airports boshqaruv raisi Ra’no Jo‘rayeva.
O‘zbekistonga kirayotganlardan ekspress test olish tartibi joriy qilinishi navbatlar va odamlarning noroziligini yuzaga keltirdi. Sanitariya-epidemiologik osoyishtalik xizmati bir kun ichida mamlakatga tashrif buyurgan 15 mingdan ortiq kishining 151 nafarida koronavirus aniqlanganini ma’lum qildi.
O‘zbekistondagi aeroportlarda yo‘lovchilar va bagajni ro‘yxatga olishning yangi tizimi bosqichma-bosqich joriy etiladi. Birinchi bo‘lib Namangan aeroporti mazkur tizimni joriy etishni boshladi.
Samarqand aeroporti 10 dekabrdan yana mintaqaviy va xalqaro reyslarga xizmat ko‘rsatishni boshlaydi. Aeroport majmuasi qurilishi esa hanuz davom etmoqda.
7 dekabr kuni tongda Urganch va Andijon aeroportlarida yomon ob-havo natijasida samolyotlar uchish va qo‘nishni amalga oshira olmadi. «Aeroflot» aviakompaniyasining Moskvadan uchgan reysi Nukusdagi zaxira aerodromga qo‘nishga majbur bo‘ldi.
O‘zbekiston Afg‘onistonning Mozori Sharifidagi xalqaro aeroportni rekonstruksiya qilish, texnik nosozliklar va jihozlarni ta’mirlashda yordam berish uchun 30 kishidan iborat texnik guruh yubordi. Shuningdek, aeroportning 83 nafarga yaqin afg‘on texnik xodimlari O‘zbekistonda o‘qitiladi.
Farg‘ona xalqaro aeroportidan So‘x tumanidagi yangi aeroportga dastlabki sinov parvozi amalga oshirildi. Humo Air aviakompaniyasiga qarashli layner parvozi 40 daqiqani tashkil qildi.
Farg‘ona viloyati hokimi So‘x tumanida qurilish ishlari yakunlanayotgan yangi aeroportni borib ko‘rdi. 7 gektar maydonda joylashgan aerodrom loyihasi avvaliga 12 mlrd so‘mga baholangan edi, qurilish yakuni bo‘yicha budjetdan 6,8 mlrd so‘m ajratilgani aytilmoqda.
O‘zbekistonda 2016 yildan boshlab samolyotlarda suratga olish taqiqlangan. Shuningdek, yo‘lovchilarga orqa fonda samolyot bilan suratga tushishga ham taqiq mavjud. 2018 yildan boshlab mamlakatda jamoat joylarida, jumladan, Toshkent teleminorasida va metroda erkin suratga olishga ruxsat berilgan. Deputat Rasul Kusherbayev samolyot fonida rasmga tushish mumkin emasligini tanqid qildi.
Afg‘onistondan amalga oshirilgan evakuatsiya reyslariga xizmat ko‘rsatish uchun 19 avgust kuni yopilgan Toshkent-3 mahalliy reyslar aeroporti 31 avgustdan o‘z faoliyatini tiklamoqda
19 avgustdan boshlab Toshkent-3 aeroporti noma’lum muddatga yopiladi. Bu xorij fuqarolarining Afg‘onistondan evakuatsiya qilinishi bilan bog‘liq. Mahalliy aviareyslar Toshkent xalqaro aerportidan amalga oshiriladi.
Uzbekistan Airports xorijiy aviakompaniyalar uchun havo kemalariga texnik xizmat ko‘rsatish uchun asosiy yig‘im va tariflarni pasaytiradi. Ushbu qaror havo transporti orqali sayohat qilishni jamoatchilik uchun yanada qulayroq qilishi kutilmoqda.
Qoraqalpog‘istonning Mo‘ynoq shahrida yangi aeroport ishga tushirildi. Unga birinchi bo‘lib Airbus A-320 samolyotida Toshkentdan yo‘lovchi parvozi amalga oshirildi.
Qo‘shimcha imkoniyatlarga ega bulish uchun saytda ro‘yxatdan o‘ting