Jamiyat
Turkiyalik mutaxassis Samarqand davlat arxitektura-qurilish institutiga rektor etib tayinlandi
Samarqand davlat arxitektura-qurilish institutining rektori etib Turkiyaning Yilmaz universiteti professori Chidem Janbay Turkyilmaz tayinlandi.
«ArMI-2021»: Kinolog va harbiy-tibbiy xodimlar birinchilikni qo‘lga kiritdilar
Xalqaro armiya o‘yinlari doirasida Jazoir va «Forish» poligonida bo‘lib o‘tgan bellashuvlarda o‘zbek kinolog va harbiy-tibbiy xodimlari yangi rekordlarni qayd etib, umumjamoa hisobida birinchi o‘rinlarni egalladilar.
30 avgust kuni O‘zbekistonda sodir bo‘lgan eng muhim xabarlar dayjesti
Paralimpiya o‘yinlarida o‘zbekistonlik sportchilar qo‘lga kiritayotgan medallari, Sirdaryoda 9,2 mlrd so‘mlik noqonuniy mayning-ferma faoliyatiga chek qo‘yilishi, yangi tashkil etilayotgan telekanal va institut — «Gazeta.uz»ning 30 avgustdagi eng muhim xabarlari dayjestida.
Toshkentda Butunrossiya davlat kinematografiya instituti filiali ochildi
Prezident qarori bilan Toshkentda Butunrossiya davlat kinematografiya instituti filiali ochildi. OTMda ta’lim faoliyati 2021−2022 o‘quv yilidan boshlanadi. Ta’lim kunduzgi, sirtqi shaklda hamda masofaviy tarzda yo‘lga qo‘yiladi.
Foreign Languages telekanali tashkil etilmoqda
Oilaviy telekanali negizida Foreign Languages xorijiy tillar teleradiokanali tashkil etilmoqda. Telekanal dasturlarni bir kecha-kunduzda 24 soat davomida xorijiy tillarda efirga uzatadi.
Siz mening Navoiydagi vakilim bo‘lasiz — prezident tadbirkor qizga avtomobil sovg‘a qildi
Shavkat Mirziyoyev Navoiyga tashrifi davomida viloyat yoshlari bilan suhbatda bo‘ldi. Prezident yosh tadbirkor Mirey Amanbayevaga avtomobil sovg‘a qilib, unga yoshlarni jo‘shqinlantirishini, davlat rahbarining Navoiydagi vakili bo‘lishini aytdi.
Toshkent viloyatida deputatlar va IIB xodimlari o‘rtasida tortishuv kelib chiqdi. Ikki tomon vaziyatni turlicha izohlamoqda
Toshkent viloyatida mustaqillikning 30 yilligiga bag‘ishlangan bayram tadbirida deputatlar va IIB xodimlari o‘rtasida tortishuv kelib chiqdi. Viloyat IIBB ma’lumotiga ko‘ra, mojaroga xalq vakillari tadbirga niqobsiz kelganligi sabab bo‘lgan. Deputatlar esa 50 nafarga yaqin yosh bola va ularning ota-onalari bayramga kiritilmagani, yana bir ayolga kuch ishlatilgani hamda deputatning daxlsizlik huquqi buzilganini aytishmoqda.
Hafta davomida issiq ob-havo bo‘lishi kutilmoqda
Dushanba va seshanba kunlari yoz oylaridek issiq ob-havo bo‘lishi kutilmoqda. Sentyabrning dastlabki 5 kunligida Eron hududlaridan yana issiq va quruq havo kirib kelishi boshlanadi. Havo harorati +36…+39 darajagacha ko‘tariladi.
G‘ofur Rahimov homiyligida Quyichirchiqda STEM fanlariga ixtisoslashgan maktab ochildi
Tadbirkor G‘ofur Rahimov homiyligida Quyichirchiq tumanidagi 45-maktabning eski binosi o‘rnida STEM fanlariga ixtisoslashgan ta’lim maskani bunyod etildi. 600 o‘ringa mo‘ljallangan maktab zamonaviy jihozlar va so‘nggi axborot texnologiyalari bilan jihozlangan.
Sirdaryoda 9,2 mlrd so‘mlik noqonuniy mayning-ferma faoliyatiga chek qo‘yildi
Huquqni muhofaza qilish organlari Sirdaryo viloyatida kripto-aktiv qurilmalaridan noqonuniy foydalanish holatini aniqladi. Koreya va O‘zbekiston fuqarolari bo‘lgan 3 nafar gumondor 9,2 mlrd so‘mlik 3529 dona kompyuter qurilmasidan va 265,2 mln so‘mlik elektr energiyadan qonunga zid ravishda foydalanib kelganligi aytilmoqda.
Rasul Kusherbayev aeroportda rasmga tushish mumkin emasligini tanqid qildi
O‘zbekistonda 2016 yildan boshlab samolyotlarda suratga olish taqiqlangan. Shuningdek, yo‘lovchilarga orqa fonda samolyot bilan suratga tushishga ham taqiq mavjud. 2018 yildan boshlab mamlakatda jamoat joylarida, jumladan, Toshkent teleminorasida va metroda erkin suratga olishga ruxsat berilgan. Deputat Rasul Kusherbayev samolyot fonida rasmga tushish mumkin emasligini tanqid qildi.
O‘zbekistonga 90 ming doza «Sputnik V» vaksinasi keltirildi
Dushanba kuni O‘zbekistonga «Sputnik V» vaksinasining 90 ming dozalik ikkinchi komponenti olib kelindi. U vaksinaning birinchi komponentini qabul qilgan fuqarolarni ikkinchi bosqichda emlashga mo‘ljallangan.
«Yangi O‘zbekiston» bog‘i orqali o‘tgan yo‘lda harakat cheklanadi
«Yangi O‘zbekiston» bog‘ida Mustaqillik bayrami nishonlanishi munosabati bilan Toshkentni Chimyon bilan bog‘lovchi yangi yo‘lda 31 avgustdan 2 sentyabrgacha transport harakati cheklanadi.
Toshkent-3 aeroporti o‘z faoliyatini qayta tiklaydi
Afg‘onistondan amalga oshirilgan evakuatsiya reyslariga xizmat ko‘rsatish uchun 19 avgust kuni yopilgan Toshkent-3 mahalliy reyslar aeroporti 31 avgustdan o‘z faoliyatini tiklamoqda
Bir guruh chiroqchiliklar prokuror bilan uchrashish uchun g‘alayon ko‘targaniga izoh berildi
Chiroqchida qo‘shni homilador ayolni zo‘rlamoqchi bo‘lganida ayol tomonidan pichoqlab o‘ldirilgan marhumning yaqinlari prokuror bilan uchrashish maqsadida to‘palon ko‘targani ma’lum qilindi. Bosh prokuratura mazkur yig‘ilish aslida IIO tomonidan aholi vakillari bilan mast holda o‘g‘lini o‘ldirgan ota bilan bog‘liq jinoyat ishini muhokama qilish uchun tashkil etilganini bildirdi.
Hafta boshida ayrim joylarda qisqa muddatli yomg‘ir yog‘ishi kutilmoqda
30 avgust kuni Toshkent shahri, Toshkent viloyati va tog‘li hududlarda qisqa muddatli yomg‘ir yog‘ishi kutilmoqda.
Devorlarda giyohvand moddalarni reklama qilgan shaxslar ushlandi
Toshkentda Mirzo Ulug‘bek va Yashnobod tumanlarida uylarning devorlariga giyohvand moddalarni reklama qilgan yozuvlarni yozgan uch fuqaro qo‘lga olindi. Tekshiruvlarda jami 62 ta yozuv aniqlandi.
«Osten» liftlari EOII sertifikatini oldi
Sertifikat yo‘lovchi va yuk-yo‘lovchi liftlarining xavfsizlik talablari nuqtai nazaridan Yevropa standarti talablariga muvofiqligini tasdiqladi.
Xitoy-o‘zbek vaksinasining III faza tadqiqotlari natijalari e’lon qilindi
Juma kuni ZF-UZ-VAC2001 vaksinasining III faza tadqiqotlari natijalarining dastlabki statistik tahlili e’lon qilindi. Unga ko‘ra, vaksina barcha shtammlar uchun umumiy 81,7% samaradorlikni namoyish etgan. Innovatsion rivojlanish vazirligi bayonotiga ko‘ra, «klinik tadqiqotlar natijasi vaksina aholiga koronavirus yuqishining oldini olishda samarali ekanini tasdiqlagan».
Minimal iste’mol xarajatlari ko‘rsatkichidan kambag‘allik chegarasi sifatida foydalaniladi
Hukumat qarori bilan 2022 yildan oilani kam ta’minlangan deb e’tirof etishda qo‘llaniladigan va jon boshiga to‘g‘ri keladigan bir oylik daromad mezoni minimal iste’mol xarajatlariga tenglashtiriladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting