Jamiyat
1 sentyabrdan ish haqi, pensiya, stipendiya va nafaqalar miqdori oshiriladi
Prezident farmoniga ko‘ra, 1 sentyabrdan byudjet tashkilotlari xodimlarining ish haqi, pensiyalar, stipendiyalar va nafaqalar miqdori 1,1 barobarga oshiriladi. Shuningdek, bazaviy hisoblash miqdori oyiga 270 ming so‘m, mehnatga haq to‘lashning eng kam miqdori esa oyiga 822 ming so‘m etib belgilandi.
Tashkent City`ga kirish bepul bo‘lishi shart — XDP
Xalq demokratik partiyasi ta’kidlashicha, Tashkent City majmuasiga pul to‘lab kirish — Konstitutsiya tamoyillariga zid va jamiyatda tabaqalashuvga olib keladi. «O‘zbekistonda moliyaviy belgilarga, shuningdek, ayrim imtiyozlarga ko‘ra tabaqalanishga yo‘l qo‘yib bo‘lmaydi. Shuning uchun Tashkent City`ga kirish bepul bo‘lishi shart», — deyiladi xabarda.
Yarim yilda 1272 nafar o‘zbekistonlik qiz xorijliklarga turmushga chiqqan
Joriy yil boshidan beri mamlakatda jami 143 555 ta nikoh qayd etildi. Shundan 1272 tasida o‘zbekistonlik qizlar xorijliklarga turmushga chiqqan. Ularning 207 nafari Rossiya, 148 nafari Qozog‘iston, 106 nafari Turkiya, 42 nafari Koreya Respublikasi, 13 nafari AQSh va boshqa mamlakatlar fuqarolari bilan oila qurgan.
“Tanlov erkinligi muammosi faqat universitetga emas, hayotning barcha sohalariga taalluqli”. Yaponiyadagi magistrant Kamilla Yenikeyeva bilan suhbat
“Xorijdagi o‘zbekistonliklar” loyihasining navbatdagi mehmoni — Yaponiyada tahsil olayotgan magistrant Kamilla Yenikeyeva. Biz undan nega Yaponiyada o‘qishni tanlaganligi, Yaponiya oliygohlarida tahsil olishning afzalliklari, universitetning ish topishdagi o‘rni, xorijdagi qiyinchiliklar va O‘zbekistondagi yoshlarga beradigan maslahatlari haqida so‘radik.
Chinozda 10 nafar «jihodchi» qo‘lga olindi — IIV
DXX va IIV tomonidan Toshkent viloyatida o‘tkazilgan tezkor tadbirda yashirin faoliyat olib borayotgan «jihodchilar» oqimi a’zolarining 10 nafari qo‘lga olindi. Ular «jihod» maqsadida Suriyaga ketmoqchi bo‘lganligi aytilmoqda.
Samarqandda muftiy Usmonxon Alimovning janozasi o‘qildi (foto)
Marhum shayx Usmonxon Alimovning janoza namozi Samarqand viloyatining Ishtixon tumanida o‘qildi. Janozaga Turkiya, Qirg‘iziston, Qozog‘iston, Pokiston va boshqa davlatlardan qorilar tashrif buyurdi — fotoreportaj.
Pastdarg‘omda 4 ta avtomobil ishtirokida YTH sodir bo‘ldi
Samarqand viloyatining Pastdarg‘om tumanida 4 ta avtomobil ishtirokida YTH sodir bo‘ldi. Bir nafar yo‘lovchi vafot etgan, ikki nafar fuqaro tan jarohati bilan shifoxonaga olib ketilgan. Holat yuzasidan dastlabki tergovoldi surishtiruv harakatlari olib borilmoqda.
Qarshida Nexia urib yuborishi oqibatida 9 oylik bola halok bo‘ldi
Qarshi shahrida Nexia piyodalar o‘tish joyidan onasi bilan o‘tayotgan, bolalar aravachasida bo‘lgan 9 oylik chaqaloqni urib yubordi. Voyaga yetmagan bola og‘ir tan jarohatlari bilan shifoxonada vafot etgan. Haydovchiga nisbatan jinoyat ishi qo‘zg‘atildi.
Tarmoqlarda afg‘on harbiylari bo‘lgan vertolyot aks etgan video paydo bo‘ldi
Tarmoqlarda O‘zbekiston huquqni muhofaza qilish organlari xodimlari va harbiylari Surxondaryoga qo‘ngan va ichida afg‘on harbiylari bo‘lgan ikkita vertolyotni ko‘zdan kechirayotgani aks etgan videoyozuv paydo bo‘ldi. «Toliblar Kobulni egalladi, biz jang maydonidan qochdik… Boshqa choramiz yo‘q edi»", — deydi afg‘on harbiylaridan biri.
«Gazeta.uz» maqolasidan so‘ng YHXBB xizmat tekshiruvi o‘tkazadi
«Gazeta.uz»ning yo‘l harakati qoidalarini buzganlik haqidagi videoyozuvlarni ko‘rib chiqishdagi muammolar to‘g‘risidagi maqolasidan so‘ng YHXBB xizmat tekshiruvi tayinlanganligini ma’lum qildi.
Afg‘onistonning 22 ta harbiy samolyoti va 24 ta vertolyoti O‘zbekiston chegarasini kesib o‘tgan
14−15 avgust kunlari Afg‘onistonning 22 ta harbiy samolyoti va 24 ta harbiiy vertolyoti O‘zbekiston havo hududiga kirgan va Termiz xalqaro aeroportiga majburiy qo‘ndirilgan. 15 avgustda Afg‘onistonning Embraer 314 harbiy samolyoti uni kuzatib borayotgan O‘zbekiston HHKning «MIG-29» samolyoti bilan to‘qnashib, har ikki samolyot Surxondaryo viloyati hududiga qulagan. Ularning uchuvchilari parashyut orqali yerga tushishgan.
Deputatlar Toshkent chegaralarini kengaytirishni tasdiqladilar
Qonunchilik palatasi deputatlari Toshkent shahri va viloyatining to‘rttadan tumanlari chegaralarini o‘zgartirish tasdiqladilar. Poytaxt chegaralari 7853,3 ga yer maydoni hisobiga kengayadigan bo‘ldi. Shu bilan birga, Sergeli va Bektemir tumanlaridan bir qism yer Zangiota va Yuqorichirchiq tumanlari tarkibiga o‘tadi.
Surxondaryoda Afg‘oniston harbiy samolyoti qulab tushgani tasdiqlandi
O‘zbekiston Mudofaa vazirligi Afg‘oniston havo kuchlariga tegishli samolyotning Surxondaryoda qulab tushganini tasdiqladi. «Davlat chegarasini noqonuniy kesib o‘tishga urinishning oldi olingan», — deya qayd etdi vazirlik. Surishtiruv ishlari olib borilmoqda.
Yo‘l harakati qoidalarini buzganlik haqidagi videoyozuvlarni ko‘rib chiqishda qanday muammolar bor?
Ikki yil oldin yo‘l harakati qoidalarini buzganlik haqidagi videolarni yuklash uchun sayt ishga tushirildi. U yo‘ldagi qoidabuzarliklarga qarshi kurashning samaradorligini oshirishga xizmat qilishi kerak edi. Biroq, amaliyot shuni ko‘rsatmoqdaki, DYHXX inspektorlari yaqqol qoidabuzarlikni rad etishlari, yengilroq jazo tayinlashlari yoki uni umuman «payqamasliklari» ham mumkin.
Buxoroda uy-joy qurish uchun yer olib bermoqchi bo‘lgan shaxs ushlandi
Buxoroda 10 ming dollar evaziga vakolatli tanishlari yordamida uy-joy qurish uchun yer olib berishni va’da qilgan shaxs qo‘lga tushdi. Unga nisbatan Jinoyat kodeksining firibgarlik va pora berish moddalari bilan ish ochildi.
«Bolani 6 yoshdan maktabga berishga shoshilmaslik lozim» — tibbiyot fanlari doktori
Bolani 7 yoshga yetmasdan maktabga berish qanchalik to‘g‘ri? Bunday yoshda bolaning ruhiy va jismoniy holatida qanday o‘zgarishlar kuzatiladi? Maktab yoshidagi bolada qanday ko‘nikmalarni shakllantirish kerak? Tibbiyot fanlari doktori, professor Shoanvar Shomansurov ushbu savollarga javob berdi.
Sud Jahongir Otajonovni ogohlantirish bilan kifoyalandi
Sud majlisida qo‘shiqchi Jahongir Otajonov IIB xodimlarini haqorat qilganini tan oldi va qilgan ishidan pushanmon ekanligini bildirdi. Shuni hisobga olgan holda sud uni javobgarlikdan ozod qilib, ogohlantirish bilan cheklandi.
Surxondaryoda Afg‘onistonning farqlash belgilari bo‘lgan samolyot qulab tushdi
Xabarlarga ko‘ra, Surxondaryo viloyatining Sherobod tumanida Afg‘oniston farqlash belgilari bo‘lgan samolyot qulab tushdi. Hozircha rasmiy izohlar bo‘lmadi.
Hafta davomida havo harorati ko‘tarilishi kutilmoqda
Hafta boshida respublika bo‘ylab salqin ob-havo saqlanib turadi. Chorshanba kuni Eron hududlaridan nisbatan issiq ob-havo kirib keladi. Havo harorati haftaning oxiriga kelib, kechalari +18…+20 darajagacha, kunduz kunlari +36…+38 darajagacha ko‘tariladi.
Olmaliqda 49 kishi muzqaymoqdan zaharlandi
Olmaliq shahrida 36 kishi muzqaymoqdan zaharlanib, shahar yuqumli kasalliklar shifoxonasiga yotqizilgan. Ulardan 31 nafariga ruhsat berilib, besh nafarining ahvoli o‘rtacha deb baholanmoqda. Bundan tashqari, huddi shu tashxis bilan yana 1Z nafar bemor tibbiyot birlashmasiga yotqizilgani aniqlandi. Holat yuzasidan jinoyat ishi qo‘zg‘atildi.
Eng ko‘p o‘qilgan xabarlar | So‘nggi yangiliklar
- “Bu hecham qahramonlik emas”. Toshkent xalq kutubxonasi xodimlari 1966-yilgi zilziladan so‘ng kitoblarni qanday qutqargani haqida
- Toshkent hokimi — tirbandlik, yo‘l va bekatlarning holati hamda mikromobillikka o‘tish haqida
- “Yordam berish burchimizdir” — Sankt-Peterburgdagi yong‘indan odamlarni qutqargan o‘zbekistonlik ko‘cha tozalovchisi
- O‘zbekistonda 2025-yildan bukmekerlik faoliyatiga ruxsat beriladi
Qo‘shimcha imkoniyatlarga ega bulish uchun saytda ro‘yxatdan o‘ting